今天大約1710係eatigo訂位，訂了1800兩位，我們二人大約1745到店舖，眼見店內大量吉位，門口帶位丫姐招呼緊客人入店內，我親耳聽到客人是walk in客，丫姐要求他們1915交枱，當丫姐招呼完回來，我就跟她講我訂了1800兩位，佢之後睇app話：已經full booking，我跟佢溝，full booking妳又帶walk in客入店內，咁我有booking就無位丫？？佢答我：咁無辦法個喎（態度極之惡劣）⋯⋯我同佢講，咁booking有咩意思丫，我講同佢講，妳E間back list啦⋯⋯佢話好吖，無任歡迎⋯⋯好老實講，請著一個倒米員工，我祝佢早日摺埋。。唔好阻住地球轉。。

坐下來跟女友睇餐牌（只用了10分鐘），但換來是等了20分鐘才有人來落單.初初叫了1女侍應落單,但轉頭無咗影.之後,叫1男侍應落單,佢直頭當你透明,明明見到我叫,但扮睇唔到直行直過.老實講,當時只得六／七張枱有客,好忙咩!我唔多覺囉!我抬頭看一看.見到2女侍應係門口吹水,1男侍應睇電視.1個吖姐係到傳菜.最後我攞起餐牌舉高手,先有個女過來落單.講真,真係好不知所謂囉!!如果女友唔係話想食喇唦,我諗（名堤）
可以拜拜嘞!!!

今晚同女友食放題.其實之前同女友來過.比較今次,我們應為值得一讚食物質素,服務態度.。 食物種類都幾多.三文魚,希靈魚,馬刀貝,鮑魚片,甜蝦,騾片,象拔蚌片.燒三文魚壽司,賴尿蝦壽司.冬陰功湯,炒四季豆.牛,雞,豬串燒.炸雞亦.咖喱蟹.雞軟骨.牛柳粒.炸香蕉.炸蝦餅.春卷.多春魚天婦羅.數之不盡吖.還有甜品.飲品就百事,橙汁,茶,三色冰,棷汁涼粉冰.食物及冰飲真的比以前好了.值得光顧.因為女友印了10元優惠卷.埋單二人連加一$286元.講真,這間係食泰及日的放題,學女友話,正去食泰國菜$286元一定唔得吖..我都認同...

今天同女友出完i phone 5後,去睇戲.跟著就去了美孚冰室吃晚飯.我們一人叫了一個小菜.（1）xo醬豆腐炆雞煲（2）菠蘿京都骨.註：包兩例湯及兩白飯.加7元凍飲.兩人埋單94元.講真味道尚可.例湯我喜歡,但女友話一般.兩個小菜也可以.炆雞煲夠味,但如果可以辣d更正.京都骨就無特別.有機會下次試吓鐵板.勁多薯條,塊扒又大.都係55-58元不等.接受嘞!!

簡直不知所謂嘅打冷.同女友一起到鄭記晚飯.（睇食評可接受）兩人叫了蠔仔餅$48.墨魚生腸$50.胡椒豬肚湯$27及魚蛋魚片河粉$22.唉!失望吖...蠔仔餅硬膠膠似鐵餅.墨魚生腸隻碟大到呢..無里味道.胡椒豬肚湯酸菜唔酸,還要混入粉腸當豬肚[妖].魚蛋粉話明潮洲,不是用潮洲魚蛋,用炸魚蛋,最後.魚蛋發到好似牛丸囉.簡直離哂大譜.無下次.PS之後還要去老麥醫肚.真老土.

1700接女友收工後,1800到灣仔德興打邊爐.因為一早訂枱,所以唔使等就入座了.地方環境夠大,有電視直播.好嘞!首先我們點了個冬陰功湯底.正吖.材料有蝦,青口,洋蔥,蔥,椰菜,番茄.[湯底係免費].還送兩隻虎蝦.跟住就點火鍋料~~手切肥牛[正.無乜肥膏].鮮帶子[可以]炸魚皮[脆]手打蝦丸[可以]台灣貢丸[正]豬粉腸[可以]豬潤[一般]蟹腿肉[差]魚蓉麵[差]豬皮[爽]切片涼瓜[苦,但好正]水餃[鮮甜]潮洲魚蛋[差]通菜[一般]牛栢葉[一般].以上某些食物當然有叫第二輪嘞!!正係手切肥牛都三碟,切片涼瓜三碟[因女友勁喜歡].飲料,計有酸梅汁.庶水,還有各式各樣汽水,但無橙汁.[飲料係任飲].混醬每位加$9元[可接受]咁嘅價錢咁嘅質素.$140一位.值得再次光顧.PS.其實還有很多湯底選擇.例如~麻辣.沙嗲及皮蛋等等[真材實料].