呢一間東海堂係將軍澳廣場新開，眼見都幾多人買。鋪頭以抹茶牛奶雪糕為主打，有3.6牛乳雪糕筒，抹茶雪糕筒，抹茶紅豆丸子雪糕杯等，吸引唔少抹茶fans.而鋪頭另一面，有賣其他抹茶飲品，東海堂蛋糕同法式糕點。作為一個抹茶fans當然去試下個雪糕，我個人自己叫咗個$29嘅牛乳抹茶雪糕筒。收銀員好快落單，而等單嘅時間短，一分鐘到就好(可能非繁忙時間)。

顧客可以係等候區睇到雪糕製作，内鋪都幾大，不過呢間東海堂不設座位。

拎雪糕張枱亦擺放咗匙羹，紙巾，吸管等，俾客人自取。雪糕到手，都幾多，到筒底，而且雪糕唔算好快溶。雪糕嘅抹茶味足，唔係好甜個隻，同其他主打抹茶雪糕店舖比較並不過不失，慢慢食更會有一陣牛奶味，抹茶同牛奶味嘅比例平衡，唔錯！值得一試

百事吉餅店係灣仔街市附近，並唔係人流旺嘅大街。之前，有人介紹先識得去。 百事吉門口擺放曲奇餅，有二十幾款，有$48/$68，個人都試過唔同味嘅餅。

而我認為斑蘭曲奇最好 ，斑蘭曲奇鬆化，又夠味，一啖一粒。而且，平時市面少有，$48/一磅。大家可以買半磅試下，都幾多。第二，格仔曲奇都唔錯 ，雖然唔係有咩朱古力味，相反，牛油味濃。如果大家唔多鍾意綠色曲奇，呢個容易入口，都係$48/一磅。其他曲奇，例如咖啡曲奇($48)或者燕麥提子曲奇($68)都好。除咗曲奇，餅店有麵包賣。

麵包款式比大型連所店多，又有平民價，又有特色。 最平有$2個提子包/咸包，芝士腸仔包都係$4個，超值。其他包多數都比市面平，又OK! 個度有一個菠蘿油，由三個小菠蘿包组成夾三塊牛油，係肥啲，不過幾得意。

自己買咗個拿破崙蛋糕($12)，好大塊，2個人share比較好，合桃夠，啲皮又重牛油味，正。 

好失望

本來專誠黎長洲食芒果糯米滋，可惜，失望而回！搞到我上船即刻打!

入到鋪面，細細地，似d小型式家庭店鋪。位5多，不過好快就有位。

一坐落，就有個伙計（年輕女人）問：「食咩？」，答左六粒芒果糥米滋，之後再問：「糖水呢？」。佢問得好串，好似一定要配糖水甘！(雖然自己都覺得堂食要食多d，不過d態度...) 第一個 「差！」

Order 之後，個伙計問：「可不可以調位？」可是，當時根本冇一張枱夠我地坐，所以話唔可以！然後，佢好差甘講：「我要食飯！！！」 伙計姐姐，我因為唔夠位先唔調位，而且鋪頭也應為客人著想，第二個「差！」

老闆見到，話佢，佢先死死氣甘坐另一張枱。之後，佢總將d單同板大大力拍係枱面，黑唒面！ 第三個「差差差」

老實講，d芒果糯米滋係唔錯，值得嘅！不過，其他甜品、糖水就麻麻啦。

如果再去長洲，寧願試去食其他鋪了！

聽朋友講現崇山開左間放題，就去試下。食之前一星期，就book左位。

一入去就坐卡位，環境唔錯，坐落都舒服。一開始當然叫刺身，三文魚同蝦都几好味，又有帶子食。因為d刺身有冰墊底，食落就幾冰涼。

食完刺身，就轉攻炸物。炸物ok，d粉又唔多，又夠熱，炸蠔值得推介，又有牛肉粒同焗蠔都唔錯。

可惜嘅係燒物同甜品，燒物基本都比較濕身，甜品又只得軟雪糕，選擇較少。

不過，服務態度不錯，飛單情況都算接受到。

之前都食過呢間buffet,水準一般。
今次抱着一個重新嘗試嘅心態去再食，不過，水準一樣。

今次早咗15分鐘去，點知原來已有一大班等入去。其實環境唔錯，地方算大。

開始buffet了，本人較喜愛先看甜品。有朱古力噴泉，不過d朱古力味5夠濃，一般。甜品當然有蛋糕，試過幾款，綠茶味蛋糕認真冇咩味，芝士又太膩。雪糕係Hagaz-das有d保證,有六種味（紅桑子味同普通味）。

話到刺身方面，有三文魚、八爪魚、吞拿魚，不過鮮味不足，無味。

還有一般的粥粉麵飯同烤牛肉，不過真係麻麻，並不吸引！

德昌魚蛋 大不如前
一直都有食德昌，味道不錯的。
今天，到了德昌，同平時一様如此多人排隊，等了二十多分鐘。
一進到，侍應已問我想咩，我無立即回答，說等一会兒，結果，他差不多每三十秒問我一次。

叫了碗魚蛋粉，但魚蛋的口感已變了，不太彈牙，河粉質素又差了些，太散，真是大不如前。

這店是我幾年前有意無意地找到的，在深水埗某條街上，這裡有不少傳統中式老餅:合桃酥，皮蛋酥,香蕉糕等等.到了中秋時節，更有傳統月餅賣！

在這林林總總的老餅中，我最喜愛的是合桃酥，它可說是一口酥，一口一個，充滿餅香味，十分鬆化，在其他地方也找不到！
隨著時代的轉變，老餅店已剩下很少，我們也應多支持它們！

本人第一次來到澳門，早前有親友買了最香餅家的杏仁餅給我，挺好吃。所以，我特意到澳門找找這間充滿傳統風味的舊餅家。
最香餅家在夜呣街，這條街較為難找，問過幾個人才找到。整條街上，只有一所店鋪營業，就是最香。從遠處看，這間店鋪的鋪面十分古色古香，一面是製作杏仁餅，一面是售賣處，可讓我們一邊買餅，一邊觀看造餅過程。店裏有各種各樣的餅，有：著名的炭燒杏仁餅，一口粒粒杏仁餅，肉心杏仁餅等等。十個標準炭燒杏仁餅也只是$21，二十個則$41，價錢上並不太昂貴。炭燒杏仁餅味道絕對不錯，杏仁粒多，又有陣陣炭燒風味，最重要的---它十分鬆脆。
一口粒粒杏仁餅，美味可口，一口一粒，很快便吃光。