今次到澳門一天遊,可說是即興的新年節目, 由於家人初一那天才打算初三到澳門一遊,
所以上午才急不待上網看看還有沒有船票, 幸好還有十多個空位,
不過........起程的時間是早上8:15....回程是晚上10:45...............
雖然很早, 但這些日子還給我們買到船票, 真夠運氣呢 (自我安慰中.......哈哈)

起程的前一天, 家人已經一早上網搜尋吃那一家的葡國餐廳,
但因為那家餐廳很遲才開門, 所以最後便選擇吃木偶
不過, 其實它們是11:45 pm才開, 但openrice 提供的資料是11:00pm便開門,
所有累得我們企在門外好等了15分鐘

幸好,
沒有令我失望, 等了15分鐘還是值得的,
店內的裝橫很優雅, 地方寬落, 而且陽光穿越玻璃入內, 令人用餐時感覺更寫意更舒服。
而我最愛的可說是木偶卡通, 很可愛, 好像置身在迪士尼當中 首先來的是牛尾湯:的確用料十足, 很夠味, 而且味道比起在香港喝的有少許不同, 還不錯

之後來的是薯蓉馬介休 (必吃) :第一次吃, 味道和貌相不錯, 馬介休與著蓉混在一起味道原來是很夾, 一試便愛上了,
不過吃了兩粒已經覺得很漏, 還是少吃多滋味 哈哈

然後來了炭燒沙甸魚:煎得很香口, 魚皮亦燒得很香脆, 而且沒有魚腥味,
$20一條還不算貴, 可以一試

最後是吉列豬扒配薯條:這個很有驚喜,
送上來的時候還是熱騰騰出煙的,
豬扒很脆, 硬度適中, 不過應該不是使用新鮮豬扒, 因為吃到有少許雪藏味
而厚切薯條則很好吃

一直都希望試試SMILE出品的YOGURT, 但奈何每次都不經過三間分店,
直至前幾天和男朋友相約去銅鑼灣影CARE BEAR, 順道去了希慎, 終於~~~終於~~來一試

我們在門外望著櫥窗猶疑了一會, 最後買了'Very Healthy Mix' (HK$49) 這款, 因為望上去全是水果, 好像感覺較健康~~~
等了不到3分鐘, YOGURT已經為我們準備好, 我第一時間的指定動作當然是拍照啦'Very Healthy Mix'其實是由士多啤梨丶乳酪丶麥蘆卡蜜糖丶穀麥脆粒丶乳酪鮮果沙律配上熱情果香蕉醬組成。

YOGURT上面淋上的麥蘆卡蜜糖, 份量太多, 味道又有少許濃, 覺得很膩, 可能沖水飲比較合適。而且, 最底層的乳酪鮮果沙律是由番石榴加沙律所組成, 味道有點奇怪, 吃一口已經有不想吃下去
但值得一讚的是原味乳酪很幼滑,很有奶味, 而且士多啤梨不酸不甜, 味道剛剛好

雖然它的賣相很好,
但可惜味道不太討好(個人意見)。

不過要五十元一杯來說,的確有點貴, 下次有機會都是會和男朋友/朋友SHARE一杯, 自己一個一定不會買來吃。
We love to see you smile

男朋友說看完小儀金剛介紹這間RAMEN CHAMPION之後就嚷著要去試一下,
剛巧他星期二放假, 而且我在尖沙咀上班, 只相差一個港鐵站而已, 所以就決心去試試

首先,
我們大約六時多就到達,
人流還不算多, 有很多位子, 環境方面都不錯, 有數個不同風格的區域給客人選擇 (很親切呢~!)
圍著FOOD COURT行了一圈後,
我決定試超男 Bario這家的「人氣 No.1」豬骨濃湯半熟蛋拉麵 點了後, 店員會給你一個類似「CALL機」的物體, 當你聽到「咇咇聲」就提醒你你點的食物已經為你準備好, 可以去拿了看到第一個反應是: 很大碗 ~~~~~~~~~~~~~~~~~~~~~
芽菜很多, 沒有誇張, 麵身是粗身的那隻, 和平時吃的不同, 不過依然是很有咬口和彈牙。
而湯方面則較為濃, 吃到最後覺得有少許鹹, 最好就到收銀附近的茶水間拿一杯熱茶一同品嚐。
同時, 數塊叉燒也大大塊, 不肥不瘦, 而且很入味, 對我來說剛剛好
不過半熟蛋就較為失望, 不知為什麼沒什麼味道的, 很淡口

總括來說, 還不錯, 有機會會再來, 嚐嚐其他

早前朋友仔經BEECRAZY用震撼價HK$88 團購「Dreyer's 怪獸雪糕」set coupon, 已包含一大杯怪獸雪糕&一款小食。其實上星期已經打算去, 不過已經full-booking, 所以就推遲到今個星期先有得食。

認真的, 生存了二十多年都未曾見過這樣巨大的雪糕, 真的要見識見識一下 「怪獸雪糕」一放上台, 女店員就說幫我們用即影即有影相, 然後會貼在店內作宣傳之用, 真的很細心呢
好了, 回正題, 「怪獸雪糕」的賣點其實是它選用的是品牌Dreyer's雪糕 (是我愛的XDDD) 頂層由六球雪糕 & 朱古力醬組成, 中層的是忌廉加少許士多啤梨和藍莓粒, 而最下層是'芒果士多啤梨冰', 的確很有很有~~~~~~~份量的說。

我們五個人五分鐘內已經把雪糕消失得無影無蹤, 遺下的是一大堆沙冰, 不是不好吃, 而是太實, 太凍, 實在受不了~~~~~~~雖然coupon說是「二至四人」份量, 不過我相信「六至八人」都足夠

其實「怪獸雪糕」的正價是HK$188 , 如果不是因為團購, 我想我和朋友都不會去嘗試呢 而且cafe座位不太多, 所以有興趣到訪的最好提早兩天預約呢~~

個幾月前先打完一篇食評話唔會再黎,
但今日放假同屋企人去太古行街, 行行下老豆話想high tea,
諗住比多次機會呢間店, 所以就介紹左佢地黎呢間食, 但估唔到今次又幾ok喎

由於今日星期日, 所以等左大約10分鐘先有位, 係等位其間我地已經諗曬食d咩
所以一坐低我就點左 抹茶紅豆蛋糕 (單叫 HK$29, 套餐: HK $46 附上奶茶/咖啡)味道不太濃不太膩, 有淡淡的抹茶清香, 適合不太喜歡重口味的人, 抹茶和紅豆永遠都是最佳拍檔, 簡直係雙重享受 (絕配!!!!!!!) 而最上層淺色部分的忌廉是相當的好吃, 是意料之外的好!!!!!~ 讚~~~~~~
食完蛋糕飲埋杯凍檸水已經好飽, 飽到連今晚餐飯都可以唔使食~~ 哈哈

由於上星期發生左d不愉快事情, 所以Délifrance特意送上一盒macarons作補償, 不過今次"又"再中伏了!
遠睇都還可以接受, 但一近睇, 我的天啊~~~~~係冷櫃拎左出黎10分鐘表面已經開始溶, 一拎上手係軟林林 一petpet高質素o既macaron其實係外脆內軟, 但呢間d macarons簡直係天壤之別, 仲標榜係法國製造

雖然d poster同真實會有好大分別, 但今次我真係不能接受!!! 係我心目中, Délifrance一向是高質素的,
不過經過這兩次, 真的很失望, 下次不會再來。

一向都好鐘意去Italian Tomato度食野,
呢個星期已經第二次黎呢間分店,
雖然環境較開揚, 不過坐得好舒服, 絕對係傾計談心o既好地方
今日天氣又熱又焗, 令人透不過氣, 行街又行到好攰好口渴, 所以同朋友決定點「宇治抹茶沙冰」去消消暑。

宇治抹茶沙冰(HK$28)貌相不錯, 大大杯都只係$28, 好抵, 又解到渴
上層係用噴嘴噴出來o既忌廉, 香而滑, 好重奶味, 100個讚 (今次仲唔肥死)
抹茶味慢慢由口滲出黎, 有少許苦澀味, 不過是可以接受到的那一隻,
整體黎講算唔錯, 意料之外好飲, 下次一定會再黎 呵呵

一向都鐘意食Macaron, 不過一粒要$15, 好貴呀, 因為的確好難整, 我自己試過兩次都失敗
不過今日媽咪生日 起碼半年先食一次 貴就貴啦~~~~~~
一共買左盒裝12粒 (HKD$180), 可以自由配搭味道, 最鐘意粉紅同熒光綠色, 好靚呀返到屋企同媽咪daddy已經急不及待拎出黎食, 唔使五分鐘已經比我地食曬 哈哈哈
而我鐘意o既係Rose, Jasmine味, 好清香, 有淡淡o既花香味, 又唔會太濃, 100個讚其他味都不錯, 最傷心o既係我地返到屋企先發現我地原來無買到Pistachio味 有d唔開心tim
食完幾個都覺得唔夠候, 好想再食
期待下次去試試法式焦糖燉蛋

一年前買過一盒返屋企比daddy mommy做情人節禮物 (不過我都唔記得買左咩味lu),
而一年後o既今天又可以試到呢間d mochi
咁岩有位姊妹之前係yahoo團購左d coupon, 仲話想今日同我地一齊分享, 所以份外興奮！！！

我地一共換左六粒 (五種味道)等左大約十分鐘到先拎出黎食, 如果唔係會硬到石頭咁, 嘻嘻
用枝吉完拎上手, 我地三個第一個反應係: 嘩~~~好重呀~~重到連枝都彎埋
果然係好有份量。
而我就試左兩種口味:
（一）櫻花($12) －不錯, 有清淡花香, 不膩, 加上軟軟o既糯米冰皮, 好似食緊冰皮月餅咁

（二）抹茶($11) －淡淡o既日式抹茶香, 一點苦味都無, 相信呢隻味道應該最大路。

聽好姊妹講另外o個三隻口味都唔錯,
食完兩粒大舊之後,
好飽好濟, 連晚飯都唔想食

每次去megabox, 都比ikea o既美食吸引到, 因為真係非常之抵食
今日同男朋友大約7:00pm左右去到, 諗住平日一定唔會多人,
點知人山人海, 排隊打左幾個圈, 不過收銀都還算快

我地點左好幾樣野食:
（一）小龍蝦拼盤($39)(70分)
小龍蝦好咸, 又勁大陣海水味, 食左兩隻之後就放棄。反而小蝦有驚喜, 甜而爽口,對比小龍蝦之下好好多。
煙三文魚一向都鐘意食, 有覺好味
煙三文魚下面係芝士加一塊餅乾, 塊餅乾好「燕麥」味, 又有d乾, 咬左一啖就無食（二）瑞典肉丸配意粉($19/ 10粒)(90分)
無論黎呢度食午餐/下午茶/晚餐, 都一定會食肉丸, 好彈牙好好味！
配埋d醬汁食簡直一流, 食完之後可以話係100%滿足！正！（三）炸雞翼($22/ 8隻)(75分)
可能太多人o既關係, 今次無之前o個幾次咁好味,
一黎唔夠熱, 兩黎有少許乾身
不過就勝在有濃濃o既香草味, 我至愛！！（四）肉桂汁菠蘿火腿排配薯菜($29)(80分)
第一次食火腿排, 夾埋菠蘿係上面, 原來都幾好味喎
不過d薯條就好硬, 應該係因為放得太耐
好彩之前無叫一碟黎食, 唔係一定有排咬（五）有機菠菜芝士餡餅($19/ 兩塊)(85分)
餡餅外皮好軟, 熱度剛好, 而且帶有少牛油味 好香, 很不錯,
是素食者的最佳選擇。 而且我地仲叫左枝裝橙汁($10)同汽水($7)
又可以不停添飲, 都只係$7, 飲左好多杯啊~~~~