日前係chaophraya新店店員推介下得知老店新推出「泰式船河」，星期一一放飯就去試下咩料。 首先唔好講味道住，幫襯左後面街新店咁耐每次午市都成碼食50幾60蚊，但今次午市船河意然係28蚊 2 8 蚊🤤🤤， 香濃不膩既湯底，同豬皮配合岩岩好唔會比湯汁浸到啲「港豬」皮鹹晒，而面底爽口湯水足唔會結做一餅，肉丸同一啲泰式香料配料都好貼近曼谷既味道，涼涼地既天氣飲兩淡湯真係一身都暖晒， 不過堂堂六尺猛男，呢碗野真係唔夠飽再加份豬皮18蚊🌝🌝🌝最終都係40幾埋單，但咁樣份量就岩岩好，食完再去飲碗涼茶🤤 總結，下次都會再食，但都係鐘意去新店多D因為始終個環境好hea啲，但都推薦試下個船河唔大食既朋友呢個真係激抵選擇。

夜露死苦
日本拉麵近年遍地開花，而係一眾麵店中＜豚王＞已經係一個都市傳說，
當年中環分店日限賣百餘碗，就算明星到場亦沒情講，排隊！
引得一班狗仔隊全天侯準備拍巨星排拉麵，試問飲食業有邊幾位做到，
Butao Ramen走死走命 全港制霸！！！！
雖然今日元祖店已經消失，豚王拉麵亦從神級拉面化身平民店，
傳說正式落幕，但連鎖式分店的確讓更多人可以接觸，
當然利潤都一定更豐厚。

ps:未食過元祖店既你地永遠都係食緊80分個20分就問下身邊當年排過隊既朋友仔啦

1

1

今次專程為了＜生薑王＞而去，細佬無薑不歡，個種辛味不單止刺激味蕾，
更加係打開你身體皮膚所有毛孔血液加速體溫上升，
特別係寒冷天氣下驅寒暧胃個 一份感覺係 ＜幸福＞，愛羅武勇！！！！
而今次推出生薑王又點可以放過。餐牌無需多諗生薑王＄85 加 溏心日本蛋 ＄17加 豚之厚切角煮＄38，
限定王系列唔需要填紙仔只要講要咩肉，腩肉或肩肉，
腩肉油脂較香而且更軟熟到任何麵店會叫，但有一次同行友人點了肩肉，
試食過一小塊與腩肉同樣軟熟而且完全沒油膩口感女生首選，
但細佬愛油脂 腩肉丫唔該！！生薑王＄85 ＊＊＊
生薑王用粗麵比一般細麵有咬口，爽度一般，
而湯低方面一貫做法先將中間秘制周蓉唔係 應該係薑蓉伴入湯低，
一股清香薑味隨即擁上鼻腔，不過卻沒想像中濃烈 ，是較溫和的味道，
與豚肉湯幾夾，加上幾片爽口薑片，令平時濃郁既豚湯多左一份清新感，
味蕾之間不斷交替腩肉油香薑既清新。o-i-shi ！！！！！！
食完再追加一份最愛既硬細麵＄15，大滿足！！豚之厚切角煮＄38＊＊＊
係加厚左既腩肉加幾件竽絲同蔥花，肉口感好豐厚，一啖可以回味好耐，
不過其實類似菜式好多唔同餐廳都有而且味道亦好平均，芝麻＄free ＊＊＊＊
次次都要加，拎近少少都已經有香味總結味道環境不俗，但個人認為沙田分店氣氛更熱鬧，員工亦比較專業，
會持續光顧。 ありがとう a ri ga tou ！！

捕獲野生驚喜泰菜

是日DAY OFF一心去九龍城行番轉食個泰LUNCH。
發現近幾年九龍城轉變真係好大 除左泰菜之外仲有好多其他選擇中日韓cafe咩都有，
已經唔係細個同家人去九龍城食飯個種小泰國 令人身處異地既感覺，
多國菜既加入令到成個小區多左一份活力，加上無地鐵站，
少了一份市區既煩雜，更加冇普通話同大行李箱，
絕地係開飯好地點。

講番正題其實本身係九龍都有食開既餐廳，
今次行過比呢間餐廳裝修吸引，
向來九龍城泰菜都有一種破舊/懷舊感覺無可否認有一份小店親切感，
但呢間chaophraya一入去幾米高樓低就比人一種好舒服清新休閒感覺，
門口種左好多植物仲有免費單張拎不過有部份都幾殘，
如果要擺我諗放整齊同update d會更好。12：00 － 3：00？店員全是年輕人，感覺好醒神，而且衣著都講究，相信應該幾個都係老闆黎，
好主動服務 可能去既時間係平日全場得我一個，
一揮手就即刻有人過黎介紹，
睇一睇餐牌價錢比出面貴，不過睇番周圍環境都值回票價，其實比起同區泰菜係貴左應該有2－30％青木瓜可以話係泰菜必食餐前食開胃又幫助消化
味道方面酸味好夠配料都好足，爽口青木瓜酸酸辣辣，
食完食慾大增。呢一杯顏色好特別黎既時候係藍色（deep blue）慢慢變紫色主角黎啦！ 泰式撈面汁低食得出係自制汁唔係好似出面營多撈面咁成口味精，
加上少少生芽菜花生碎油膩感立即迎刃而解口感都好豐富，美中不足份量唔係好夠食應該都有兩舊面左右
加上比個沙律食開左個胃口 都係要掃街食多少少。
而脆肉本身期望不大因為食過間間鋪都係咁上下而且餐牌中可選肉類都唔多，
但係今次令我對脆肉重新定義 呢一塊係360度都係脆應該係炸多左一次，雖然幾油，
但真係好惹味！！！！！！！！！！！！
自問呢個叫法真係唔錯幾中和

總結味道環境都好好，價錢就貴人少少，可以再試晚市。

門口招牌，第一眼就知道店主好注重形象，
logo和所用字體都明顯落唔少心思。當日3點左右到達，下午茶餐牌中的所有雞肉和部份產品已售罄，
但環看周圍只有三四桌客人，無奈只可以在幾款食物中選擇 ，
最後選擇了夏威夷pizza，菠蘿油，煙肉蛋大豬仔包，
由於下午茶沒有跟飲品散叫了一份水果茶和忌廉鮮奶。忌廉鮮奶水果茶菠蘿油，凍油 室溫包，美中不足包唔熱夏威夷pizza，用新鮮材料，拉到芝士煙肉蛋大豬仔包

總共消費＄150 左右
環境唔錯，有台灣cafe感覺，十分休閒，假日hea時間首選。

希望下次試到晚餐。