呢間台式餐廳真係好失望嘅，食物質素差到爆。第一，佢哋嘅價錢貴到爆，同其他台式餐廳比起嚟，佢哋嘅價格真係高到難以接受。但係，價錢高唔代表質素好，我哋叫嘅魯肉飯真係冇什麼驚喜。 再者，食物嘅味道真係唔夠出色。我哋揀咗啲台灣特色菜，但佢哋嘅口感同味道都唔夠滿意。有啲菜太油膩，而啲菜就冇咩特色。佢哋嘅菜式真係令我哋好失望。 另外，服務質素亦都唔係咁好。服務生冷冰冰嘅，冇咩熱情同埋用心。佢哋完全冇提供足夠嘅關注同埋建議。我哋都感到冇被重視，整個用餐體驗更加糟糕。 總括嚟講，呢間台式餐廳質素真係差，價錢又貴，真係唔值得。我一定唔會推薦呢間餐廳俾其他人，因為喺香港仲有好多間更好嘅選擇，可以提供更好嘅食物同服務。

劣質Oliver super sandwich質素，份量少得可憐。今日去買晚餐外賣，攞到返屋企，一打開個盒，即刻覺得唔對路！成盒蜆肉三文魚意粉，摷勻成個盒，得一塊仔三文魚碎(見相)，好似人哋食剩咁，蜆肉只有兩三粒，仲要食落都有沙，要吐返出黎咁樣就$58唔包飲品結果係淨食左兜白汁意粉，真係勁過份😤 生意唔係咁做！咁嘅QC點解會生存到，廚房佬亂咁嚟，劣質餐廳出品劣質食物。呢間永遠無下次！以後只要係佢出品，永不幫襯！

呢排搵好西食成日都中伏。 上次呢到人氣最hit嘅pancake店。 第一， 唔明點解每日淨係可以賣六十份。 又係商家嘅營銷手法。 未入去已經 對佢冇乜好感。 第二， 坐低之後要等成差唔多40分鐘先有嘢食。 雖然後pancake個樣幾吸引， 味道都唔錯， 但係連加一要成$150幾蚊一份厚pancake。 講真真係貴咗啲囉。 另外， 仲規定要每人最少要消費一樣嘢。 我哋就嗌咗一個pancake。 點知$100幾蚊嘅pancake味道仲難食過麥當勞。 好似其他openrice食家咁講， 自己喺超市買d粉味道 仲好過佢。 呢度啲pancake又硬又凍， 除咗畀相機食真係唔係畀人食。 唔明點解有咁多like囉。 只可以嚟一次以後唔會有第二次。 拜拜！

晨早起身諗住一家人開開心心去飲茶，點知換黎一肚氣。好同意之前有openrice食家所講，收銀態度真係極差。埋單個陣，我好似前世殺咗佢老豆咁，個阿嬸黑口黑面，多謝都冇句之餘仲要掟張單係枱面。佢一次過俾4-5張單我，最基本都唔講聲要喺邊張簽名。佢咁嘅態度，間酒樓真係多得佢唔少，係咁幫手倒米。 講番食物質素又唔係特別好，非常普通，有少少偏貴。我地一家人飲茶平均每人約70幾蚊。不過下次如果俾一樣錢我就會去第二間，至少唔使受氣。

次次經過呢間餐廳都好多人， 所以一直都好想試 。今次平日夜晚七經過， 都有成十幾張枱， 但係諗住算啦等一次。 點知啲嘢食其實好普通。魚生只是一般日式餐廳質素。 但係價錢就最平都要接近200蚊一碗， 而且份量比普通日式魚生飯細。 如果每人一碗埋單最少200蚊起， 可能隨時300都唔止。 以咁嘅價錢喺出邊可以食到大把更好質素嘅日本料理。真係唔明點解呢度可以咁貴， 但都仲要成日有人排隊。 而且服務根本就係茶餐廳嘅質素， 要喺門口落單， 一坐低就食， 食完去門口畀錢， 但係咁都仲要收你加一。 試過一次以後都唔會再幫襯。

自己已不是第一次光顧。話說當它還在荃灣街角的小店時已經光顧。現在開了沙田分店近了屋企，雖然說不上是熟客，但每幾個月總有機會來一次。自己一直都很喜歡豆子，但最近很可能因openrice評分高，老闆開始有點鬆毛鬆翼之勢。 最近一次光顧是今年十二月的晚餐，那次和朋友點了烤雞和沙律再加甜品。烤雞雖然賣相精美，但食落實情是烤雞沒有味，肉質也很鞋，水準已大不如前。沙律點的是烤牛肉，但原來只用了拿來夾三文治的肉，朋友大感中伏！而且份量也太小，連朋友食了下午茶才來的也不夠飽。甜品也hea了，只是賣相精緻但味道十分普通。感覺有點似為呃like。 另外使我和友人都大感不滿是待應哥哥的態度惡劣。當晚明明餐廳內有十多張空枱也不安排客人入座。似有刻意令客人在門口排隊之疑。埋單時我和隔離枱的客人都被收多了錢，但待應哥卻攞出一副事不關己的態度。連一句“不好意思”也沒有。 見住一間原本好有心的食肆越做越大，但就越做越差，真的感到很可惜！

去過幾家法國餐廳，有平有貴，呢間係第一間我會番轉頭。呢度d食物有質素。最欣賞廚師對食物的了解，就算係相同ge鴨脾都有驚喜。小店座落鬧市中的一角，對住人來人往的尖沙咀街道，別有一番情調。希望店主繼續推出新菜式俾多d surprise 我哋。 加油！

看着openrice的笑哈哈滿心歡喜地來到食晚餐。週未夜晚8:30餐廳並未坐滿，不用等便可以入座。兩個人共點了兩份主菜，其中有份跟餐，當中包括有openrice食家推介的非洲雞。食物賣相很吸引，但質素和味道卻令我們二人都不敢恭維。不是說東西難食，但食物質素只及在旺角女人街一帶的廉價西餐。先說前菜，煙三文魚沙律用料十分hea，完全沒有將心思放在選材上。到主菜，非洲雞簡單說就是炸雞扒加上白汁和伴菜再焗。味道一點也沒有用心調配，感覺只是單純將兩種食物放在一起上碟。引用May姐那句: 雞有雞味，白汁有白汁味。That's it! 連上面的雞蛋還是凍的。不知是不是因為開在大商場的關係，租金實在太貴？以這樣的質素在其他西餐廳頂多是人均100多而已，但這裡卻貴了2~3倍。以此cp值絕對失望，不會再幫襯

三聖村出名食海鮮，呢度間間餐廳都只做來料加工。即是係隔離海鮮街市自己買料，再交俾食店加工，咁餐廳就收番加工費。有少部分以餸計，大部斷重量計錢，興記就是其一。入去前指定動作先到買海鮮。今餐買左蟹、大蝦、扇貝同埋蜆，埋單唔夠400以為好抵。第一味豉椒炒蜆好普通，夠在食材新鮮。接住係大蝦焗伊麵，呢個真係唔錯，個伊麵同芝士好好味。跟住係粉絲蒸扇貝，不嬲呢味都係粉絲好食過扇貝。不過食次扇貝夠大隻，食落好鮮甜。最後係焗蟹，D蟹好似洗得唔乾淨，有少少up味。唔到埋單都唔同知條數點計，自己食之前都上過黎openrice睇過知大約50蚊一斤。所以埋單前都心裡有數。點知張單一來就火都來。原來呢度係要收茶錢同加一，大排檔收茶錢同加一真係第一次見。咁就盛惠4xx!!!! 冇錯! 係4xx! 仲貴過d海鮮。真係妹仔大過主人婆，個個都o晒嘴。

星期五晚與友人行開尖東。由於友人想食日本野但自己唔熟附近，所以上openrice找到呢間餐廳。在門口見到見到有放題。因為大家都太肚餓，所以決定一試。放題張order紙有3頁(第一頁係生食類、第二頁係熟食、第三頁係甜品)，來來去去都係得幾款配搭。例如係三文魚刺身、三文魚壽司、三文魚手捲。無奈之下揀了幾款。刺身份量ok, 唔會話好細片好薄，但唔新鮮。我估雪左好耐先解凍。友人食完話三文魚完全冇味。炸物好多油好多粉。唯一可取是串燒。d燒雞腎幾香，如果用黎送酒一流。可惜冇酒。那晚全場只有大約十台，d侍應好得閒。所以收碟好快，一夾起最後一件就行埋黎收碟。總括來說以咁ge質素去其他地於食應該100蚊左右可以食到飽(當然不是放題)。果晚就每人連加一$251。真係貴得好離譜。其實食放題是志在食物選擇多，可以乜都試下。好味ge又可以再叫過，但今次就真係好失望。