豬頸肉好un…真心un…老實講去咁多間泰國餐廳， 今次呢間真係最un…真係麻麻⋯ 啲串燒，豬肉牛肉都正常；雞肉，好大問題， 好硬…硬到咬都要好出力⋯ 沙律、生菜包都屬於叫正常。 黃店還黃店，食物水準真係下降左。 豬頸肉好難會整到唔好食的… 就算去一間好普通嘅餐廳，唔係專做泰國菜嘅， 豬頸肉正常都唔會咁un… 然後，到服務態度，有個疑似泰國人侍應，禮貌好好，畀個👍🏿佢！ 但有個短頭髮呀姐，態度認真一般。 對唔住，冇下次⋯

前晚前一行六人（本身有七位，有一個臨時病左冇食神），離開將軍澳，去土瓜灣呢間小炒餐廳食飯，我最鍾意支持本土炮，個種懷舊風味響連鎖集團或外國餐廳係食唔到的。 果晚超級爆滿，等左陣先有張大枱畀我地坐，我地嗌住啤酒飲住先等上菜。黎到呢度又令我諗返以前十二三年前中學去食大排檔個境況，好慨嘆香港本地風味呢類非物質文化，真係隨歲月消逝的... 野唔講咁多，睇相起筷！ 蒜蓉蒸扇貝 ⭐️⭐️⭐️⭐️⭐️ 好新鮮！扇貝超大隻！同埋個蒜蓉汁好好味！送飯一流，蒸既時間岩岩好，扇貝唔會乾！掂！ 香蒜蒸海蝦 ⭐️⭐️⭐️⭐️⭐️ 蝦都係正常大細個d，但係食得出肉新鮮爽口唔會霉，蒜蓉汁太好味！搞到食晒d蝦，我都係度齋拎蒜蓉汁撈飯！ 椒鹽三鮮 ⭐️⭐️⭐️⭐️⭐️ 呢道又係冇得頂，九肚魚、鮮魷、白飯魚，份量好多！炸粉薄，九肚魚夠肥美，鮮魷夠彈牙又唔難咬，白飯魚度度都差不多，但呢度一次過畀你食晒三樣！椒鹽配合得好好，唔會太咸，又夠味！正！ 田雞煲 ⭐️⭐️⭐️⭐️ 個人對田雞興趣不大，所以冇點食，剩係食左幾條洋蔥，但同行朋友話田雞肥美入味，可以一戰！ 魚腩煲 ⭐️⭐️⭐️⭐️⭐️ 我一咬落去，魚腩炸到脆，好好咬牙。初頭以為係脆骨腩，原來係普通魚腩，咁又係，點會咁平食到脆骨腩，份量滿溢！魚腩真係要講十次，好香好脆！ 涼瓜炒滑蛋 ⭐️⭐️⭐️⭐️⭐️ 涼瓜唔會好苦，正常一碟菜啦，嗌黎中和下下火的。 椒絲腐乳通菜 ⭐️⭐️⭐️⭐️⭐️ 總括黎講，d送真係好夠火候同鑊氣，廚房應記一功，本土炮有本土炮好處，地方唔好介意，已經算乾淨，招呼一流，服務態度好好，係響小炒店難得一見的。食小炒店除左食送之外，風土人情都係其中一環品嚐的地方。呢度，有！

看完電影後，兩個人去西貢吃晚飯，想不到要吃什麼，又不願意吃海鮮（雖然味道好，但真吃太多遍了）。走著走著肚子餓了，看到泰友會，很近海濱，裝潢滿有特色，朋友亦有推薦過，於是嘗試一下。 生蝦刺身 - 蝦味道很鮮，但醬汁蠻辣的，辣味很香也挺持久，過癮！ 燒魔鬼魚 - 服務員說不是每天都有，對於怕骨頭的人（像我）來說，這道魚肯定是眾神的福音。魚燒的恰到好處，啖啖肉，油香完全散發出來，沒有多餘調味，可以說是我吃過最好吃的燒魔鬼魚 冬蔭功 - 湯一到來，馬上聞到椰香，椰香很重我很喜歡椰奶，所以好感馬上呈現。但對於沒椰奶偏好的，下單前我覺得要說說。湯酸辣度剛好，不會太辣，很開胃，配料也很充足，服務員說特意多送一隻蝦給我們，很會做人啊！稍嫌一點，是沒有爐具在燒湯，在夏天沒關係，如果冬天的話生怕湯很快會涼。 豬頸肉配飯 - 個人對豬頸肉有情意結，在每次吃泰國菜都必點一下。肉燒的不錯，但我太喜燒吃豬頸肉，而且也覺得每家泰國餐廳弄的也差不多，所以沒特別大感覺。反而，是個醬汁，十分惹味！簡直是亮點！配上豬頸肉或者其他菜，也非常配。驚喜！飯呢，算吧，下次不用加配飯了，太撐了。 香茅雞中翼 - 這個應該不難做，但感覺到調味很到位，香茅味足，不會太搶 燒鱔 - 服務員說是招牌菜，於是小試牛刀，點了兩串。鱔肉質很有彈性，可圈可點。反而又是醬汁，太喜歡了！真的十分惹味！ 燒大俠 通菜 泰國象啤和女士之選手工啤酒 - 特別一提，香港泰國餐廳一般沒有手工啤酒，這裡的港產手工啤酒很有特色，味道也會很令女生著迷的。 總括來說，這家相信是一家本地經營的泰國菜餐廳，從裝潢、服務員到食物，都感覺到很用心打理，菜式也很好吃。回家量一下，好像重了一公斤。往後肯定會再光顧，支持本土產業！另外，如果是一男一女的話，建議坐外面，看著海邊吃飯，和燈光配合下，很浪漫！

小弟對食冇乜要求, 隨便食乜都會滿足, 但今晚呢餐確實令我罕有地覺得好反感, 要上黎發表一下!!

背景:
由於係零晨時份, 附近除左麥當當同呢間茶餐廳之外, 就冇餐廳開; 而之前未食過呢間, 見人又唔多, 所以, 抱住一試既心態入去, 隨隨便便食D野就走

點餐:
嗌左個海南文昌雞飯, $43, 送例湯, 問伙計哥哥, 可唔可以要雞胸, 佢話冇得揀。
冇問題, 咁夜都有得揀我會好欣賞佢地, 反正都只係打算求其食D野返屋企訓覺

上餐:
先黎一碗湯, 哇, 飲左兩啖, 咸到你味蕾醒覺!! 入面其實見到既只有一塊豬骨同埋幾粒南北杏, 令人思疑你洗唔洗落咁重味精!! 同埋人都唔多, 你水都唔拎杯黎...
不過算, 冇所謂, 最多陣間齋啃唔飲湯...
當個海南雞飯黎到, 我就真係視覺上都已經飽左!! 你有冇搞錯... 真係咁樣都可以拎出黎嗎??? 我差D以為係上手食剩你加返D薑蓉就拎返出黎!!! 實在太恐怖!!!
雖然其實食落去又唔係話真係真係咁差勁, 都係熟既雞囉, 但係你可唔可以斬得好少少呢? D雞中左化骨綿掌咁又碎又甩皮甩骨咁... 真係望到都飽架喎!!! 我相信大家望到D相(只係拎過舊青瓜放響飯度, D雞上台就已經係咁)自有公論。
最後, 我唔講太多, 只係重申, 我對食真係冇乜要求, 但係呢餐令我覺得, 好似一山還有一山低, 佢比我更冇要求!!!

結論:
以後唔會再黎呢間茶餐廳, 我寧願食杯麵!!!