今次叫左甜辣炸雞 $160有一隻雞, 小食, 飲品, 醃蘿蔔 仲包送 如果自取更平, 不過我懶 炸雞味道都好正宗, 送到黎仲熱辣辣又脆 辣年糕都係好傳統既味道 煙靭適中 略嫌盒蘿蔔太細盒 得三幾舊 同埋如果app都可以揀半半炸雞就好

見新開walk in入去幫襯下啦 啲主食味道一般 同鷹君間Kim’s Spoon有得fight 五小牒難得有水泡菜 但疫情期間 員工應主動提供公筷/湯匙比客人 水泡菜呢啲一人一碗會比較好 如果唔係幾難分 同埋以我所見 無論2～4人一枱伴菜份量都係咁多 只有白泡菜同芽菜係可以refill 主食方面揀左個大醬湯+烤牛肉（$92） 紫菜飯份量好足 2人食卓卓有餘😅 大醬湯味道好即食品feel 唔係韓國地道味道 同埋個烤牛肉份量⋯⋯你地自己睇啦😅 仲有烤五花肉拌飯（$92） 呢個比較正常 有炭火味 6塊厚切五花肉下又係一大兜白飯 如果同行全部係女仔 3個人都夠食😂 服務方面都唔錯既 有求必應 笑容可掬 不過員工英文唔識 韓文又唔識 附近咁多外資公司外國人做野 都冇個員工可以用英文對答 感覺好唔襯 可能岩岩新開未做培訓掛… 題外話： 見到隔離枱點左個人蔘雞湯 竟然係用烏雞整 都比較少見 呢間餐廳似fusion韓國菜 唔知係咪一個韓國廚師都冇既呢🤔 如果佢keep住咁既水準又咁貴 我都係揀附近其他韓國餐廳好過

叫左個甜辣炸雞8件（$60），即叫即炸， 酸蘿蔔要另外買（$12）份量都幾多 幾地道既味道，外脆內Juicy， 不過似雞球/雞塊多過雞件， 如果可以做有骨雞件就更好喇～ 貴啲都唔緊要～

叫左個仙子($22)，可揀原味/士多啤梨味，配一款Topping。
仲以為好抵食原來好滴骰，Size等於一個拳頭 M記雪糕都大杯過佢！
食落又無乜特別，淡淡乳酪味，而且冰感好重，質感唔滑
咁既價錢我去Tuttimelon好過

柚子拿破崙($65)
拿破崙由三層酥皮砌成，中間擠滿吉士醬，
仲有生果同蛋白餅作陪襯，剩係外觀都已經夠殺食！
酥皮超級脆😍，柚子味吉士酸酸地唔會膩
夏日炎炎食返清新啲既野，個人都爽晒！

生果白玉抹茶牛奶雪糕餡蜜($54)*季節限定

雪糕質感非常幼滑，牛奶味香濃，抹茶味回甘，兩者平衡得十分好
白玉彈牙煙韌，仲有甜甜既紅豆泥同涼粉，好Rich
反而係啲生果……好酸

星期日12點開始排左60分鐘，終於可以一嚐日本過江龍既芝士撻！
雖然已經無左買五送一優惠，但而家$20/1，$110/6，都有著數啊！
即食仲有微暖，牛油曲奇餅底勁鬆脆芝士餡味夠濃，又有啲酸酸地唔會太漏
不過無我想像中咁流心，reheat應該仲正！

唔好睇東廣場咁靜，地下都幾多好野食
環境唔錯，細細間鋪但又唔會覺得逼，坐滿裡面，走廊都仲有好多張枱
有4，5個職員但係都忙到踢晒腳，等左15分鐘終於黎個微辣蒜香蜆肉意粉跟綠茶醬多士($46)
綠茶醬多士甜甜地都有少少綠茶味但唔明顯，多士夠脆，唔錯
意粉絕對唔係微辣咁簡單唔食得辣一定要走辣，如果唔係好似我咁食到流晒鼻水
意粉味道一般，值得一讚係蜆肉份量都幾多，但係我食到殼……
鮮生薑蜜糖拿鐵($34)名乎其實既Coffee Art
淡淡薑味配滑Latte但飲到最尾好多薑渣如果可以隔左佢就最好啦～

清風街其實都幾多野食，今次揀左呢間生原創蛋包飯
門面貼滿明星合照或雜誌報導，十分顯眼
打開Menu，主打七款蛋包飯，仲有其他小食或刺身。
我叫左個秘汁饅魚蛋包飯($98)+轉流心蛋($18)，薄薄既流心蛋皮包住饅魚炒飯
不過價錢略貴，未算抵食

Set Dinner(Around $300)

Tiffany Blue 鋪面十分易認，入到去發現座位唔多，好多食客會選擇訂座。
同朋友叫左一個Set Dinner兩份分。唔好睇佢樣樣野都細細份，兩個女仔食都幾飽。
但如果情侶/家人聚會就可以揀Seafood Set Dinner($448)或有其他單點

等十分鐘首先黎一個拼盤，有香腸、洋蔥圈、沙律，味道都比較普通無乜驚喜，而且洋蔥圈外皮好硬
再黎個原隻香蒜法式麵包同忌廉南瓜湯。麵包夠香脆，湯十分濃郁，仲有麵包粒鋪面，口感豐富！
蜆肉意粉係我最欣賞既菜式，微辣既意粉令我胃口大開，蜆肉鮮嫩，有6-8隻而且無爛殼
忌廉磨菇意大利飯，食落有濃烈奶香，不過就有啲漏！
食埋個士多啤梨班㦸配雲呢拿雪糕，岩岩好！