17112014 拍拖13週年慶祝

老公知我鍾意韓國野，早前見到朋友向面書介紹過新村話都ok，有韓國味道，所以滿心歡喜去試下。

一早打去訂位，係講英文，我同位女士講我地2個，大約8點，佢就回答話i am not so sure就收左我線，都幾冇厘頭，一於少理，收工就過去。

去到大約8：30左右，店一半係坐滿，所以唔洗等位。

安排左座位，服務員都好親切比左個menu 我地睇，有位女士(應該係老闆娘)過黎同我地落單，佢既廣東話都好流利，個人都好nice，我地揀左個烤牛肋骨肉$155，特級豬柳$145，泡菜湯$75，可樂$20，跟住就拎左好多配料，加埋我好期待既蛋。老闆娘幫我地放好d肉，開始烤，跟住就拎左一小碟沙律咁既菜，同我地講好好食，叫我地試下，仲好好咁幫我地夾向我地隻碟度，我地以為係送，點知原來係要收錢$25，我唔介意比$25，但係佢係連問都冇問，只係叫我地試下，呢度令我感覺唔太好。

食物：
特級豬柳-醃好既豬肉，冇咩特別，普通醃豬肉，份量少，味道尚可
烤牛肋骨肉-冇醃，比較薄，服務員開始時用好大火燒，好燶，不過味道都好食，有好香濃牛味
蛋-超級失望，個圈好淺，蛋汁已經唔係多，個蛋似加左好多水，冇蛋味，好似煮極都係得d水，我地都係食左少少，同向韓國度食真係差好遠
泡菜菜-附有飯一碗，好味，個湯好鮮味，有豆付，肉粒，金菇，泡菜，將飯放埋落個湯度真係好正!食到冇得剩!大致上感覺良好，不過有d失望，可能太大期望，當普通韓國燒烤既都ok。