琴日打算請朋友食飯揀一間大家既中心點聚下 最後朋友揀左喱間荃灣嘅火鍋 入去環境幾好，闊落座位都好大 四個人俾我張大圓枱我哋 環境感覺都唔錯 但服務員就冇服務囉，冇咩招呼，西口西面， 當日已經係星期一嘅晚上 全場得六張枱三個服務員， 加湯加茶order 講兩次先做 湯底好鮮甜，雞好柔嫩，冬瓜好生 嗌咗個牛肉五拼盤，打咗邊爐半個鐘都未解凍， 雪味勁重！！！ 刺身，大部份都係酸嘅！ 桶蠔係肥美但入邊仲有沙！ 極度唔建議大家 同埋我哋都唔會再嚟

孖啡我已經第二次嚟食 第一次嚟係年頭 好似星期六定日 週末做半價優惠 個陣請左staff食飯 回味無窮 今次再揀多次食😎😎 環境方便好大 卡位好闊落 可以住6人 仲有鬆動位置😙😙😙 今次係食晚餐 但都有叫到我上次好鍾意食嘅黑松露軟殼蟹意粉 黑松露 香味係有 但食洛口完全冇味 意粉煮熟得滯 純粹就係一個黑松露醬撈意粉 兩樣野各有自己味道 但就一d都唔夾🤨🤨🤨 軟殼蟹係凍既 😢 超難咬 希望可以改善下 水牛城雞翼 好似有5-6隻 剩係得辣椒仔味道 一啲酸甜味都冇 雞翼size 係偏大隻 味道真係麻麻哋 嗌咗杯嘢飲 玫瑰花茶 幾好飲 😗 心太軟正正常常 朱古力比較淡 留心效果都唔係好順滑 回頭客食返真係有d傷心 本身係好欣賞 唔知係咪廚師變咗 所以嘢食同口味完全都唔同

一直以為BTS係韓國 原來泰國都有 只不過唔係男團 係一間美食站🤫🤫🤫 九龍城不嬲出名多泰國嘢食 今日同朋友一齊去BTS 探店 環境都坐得好舒適 四四方方 入一鋪好熱鬧 Book 左位都等左5分鐘左右😊 前菜：泰式生蝦 ，泰式生菜包 小食：泰式炸蝦餅 主菜：泰王咖喱法式麵包軟殼蟹 2個月仔食真係點多左小小🤫🤫🤫 泰式生蝦 有6隻 肉質彈牙 沒有雪味👍 一口大小剛剛好 泰式生菜包 肉質比較干身 肉汁相對地冇咁多 包着生菜食就好爽口新鮮 分量比出邊嘅舖頭都多😋小驚喜 泰式炸蝦餅 必點推介❤️❤️❤️ 炸得好乾身 完全冇多餘油份 實實在在嘅蝦肉 一口咬落去 10分滿足 泰王咖喱法式麵包軟殼蟹 法式麵包挺身又硬身 分量仲大過個頭😂 加呢一個泰式咖喱融入麵包 加埋大大件軟殼蟹 絕配🥰🥰 整體來講CP值好高 份量都好大 如果唔係食量驚人嘅女仔 建議點兩至三碟野食就夠😇😇

久違的約會 好開心今日同男朋友拍拖 今晚帶左我去尖沙咀 諾士佛台 原來都有唔少餐廳😬 一樣以為係得酒吧🤭😂 上左諾士佛台 1號8樓既Oasis 一入去空間感好大 好舒服 完全冇壓迫感❤️ 用餐分兩個區 1.黑色型格酒吧style ，燈光偏暗，有情調 2.以白色為主 ，最為搶眼就係兩組以鳥籠設計座位 女神打卡靚位😬 今晚點左個 set dinner 頭盤揀左Oyster St Martin 比較清淡D Irish Rock 海水味鹹味重 Mont Blanc  最FATFAT 好鮮好甜 龍蝦湯 係上左碟先 碟內有龍蝦同炒過煙肉 湯就係你面前針咁落去碟到 好有驚喜 100%濃郁 味道鮮美 食過反尋味 Sirloin質素高 點左5成 非常Juicy 口感適中 略有筋膜 彈牙可口 甜品Homemade Cream Brûlée 藍莓配紅桑子配焦糖布甸就好嫩滑好襯 賣相一流 好焦脆 CP值高 回頭指數 90%

今日拍拖去望海 第二次嚟堅尼地城 無意中見到喱間咖哩店 八掛去睇睇 價錢唔貴 又冇乜人 決定去試試😂 入面有中文menu waitress 好nice Order 要用英文 全部都係外國人 同埋男朋友 加埋share 一個curry chicken masala 加芝士薄餅 加印度飯 芝士薄餅有四塊 入面爆芝士 皮薄餡靚 熱辣辣 配上咖喱汁 一流❤️ 雞份量都唔小 有4-5件 個飯份量睇望好少 但容量都好深😎 有驚喜 前菜送左一個小食 個青醬汁係凍上 超好食 微辣加酸酸味道 配三角形餅乾 👍👍👍 青檸梳打水 青檸味比茶記個d好重 夠凍好正❤️ $20服務費 埋單$220 食得開心又好味🤙🏻 推薦

太耐冇行街 打算係將軍澳區街下 同男朋友係門市拎完飛 等7-8張枱 就上左去TKO Spot 買體育用品間鋪行一個圈 就到我地 全自助式高速線壽司 價錢親民 我地兩個咁大食 當然當放題咁點😂 有我最中意晚小柱壽司😍 一個人食左3碟 好鮮美 加埋沙律醬 爽脆紫菜 💯分 另加 海膽手卷 都有3款 3款都試哂 海膽味道唔算濃郁 口感幼滑而略帶黏稠 咁既價錢 真係低食👍👍👍 推薦炸軟殼蟹 大大件 外身炸得乾脆 入面仲好柔嫩 有海水 好好食 必點❤️ 食完$100仲有小遊戲玩 好奇地問職員禮物係咩 佢地講係飲品 食左$5xx 既我地都冇一次贏😂 壽司夠鮮味 CP值高 推！！！

第一次嚟 因為見openrice 寫 2人餐半價 🤣🤣🤣 比個post吸引左去食 地點方便就腳 即日約左位朋友試試2人餐 環境好好又闊落 😊坐得舒適 $598 半價😌 前菜揀左salad of the day 係煙燻三文魚雜菜沙拉 三文魚total 4片 每人都分到2片👍 如果沙律多d黑醋就好😆 餐湯好似係忌廉碎洋蔥西蘭花😂（唔太記得） 味道不錯👌 出色係烤蒜蓉包 熱辣辣👍🏻 Mentaiko carbonara 意粉熟度剛剛好 蟹籽同多mix 得好好 十分cream 牛排揀左5成熟 有點過熟 但肉汁流出 正😌 推薦特飲 玫瑰荔枝 朋友話呃like一流 又好飲

今日day off 帶左爸爸試台灣野 爸爸最中意台灣野😂 成年冇飛台灣都知佢掛住啦🥺🥺😘 見寶琳有間台灣野 帶佢試牛肉麵 （佢最愛😆🙌🏻 同埋細佬 一行三人Lunch 鋪面四正 大約坐到30-40人 叫左個 半筋半肉牛肉麵 配凍珍珠奶茶 配炸丸 係食家都知 去台灣一定要買半筋半肉牛肉麵 分量適中 牛腩麵比較軟身 湯底唔算濃度 炸丸 好滋味 炸得好好 唔油膩 台式滷肉飯 配凍烏龍茶 跟花枝丸 滷肉汁加油 撈飯真係好滋味 花枝丸普普通通😌 牛肉麵配凍珍珠奶茶 跟鍋貼 珍珠奶茶好彈牙 比較重奶味 CP值唔錯 可以再嚟😆😆

日本野一直都深受香港人喜愛，其中壽司更係食日本菜必食既美食 新蒲崗就有平食 日本野 聽員工講每日新鮮空運到餐廳😎 好似好正 都會不時會推出新餐單以保持顧客的新鮮感 價錢親民 $40up 有個魚生飯 Happy Friday night 同朋友一齊點左新鮮角切魚生飯海膽 食材超新鮮 食料又多 唔係講笑 超好食大大份價錢 share一齊食岩哂 蟹籽沙律 夏日清爽開胃之選 大量的蟹籽加青瓜 極大份量 3-4人 一齊食都仲得 😂 😂 😂 和味反卷壽司都幾新鮮 味道好新穎 打卡一流！ 店鋪還有即做手卷、自選魚生飯等，都好抵食 可以容納30人左右

喱間餐廳平時返工經過都唔覺眼佢既存在 直到同事們今日帶我去食lunch 先知喱間隱世陽光餐記 行樓梯上去 工廈地方 同時可以坐 40-50人 地方幾大 寬敞闊落👍🏻👍🏻 menu選擇唔太多 眼見附近食客都係叫 炒公仔麵 份量都唔細😆 同事叫左個雞排撈出前一丁配香蔥醬油 喱碟重點係香蔥醬油😛 配料好 跟一隻好雞排 外酥脆肉多汁 簡單既食物 已經非常好食😍 我估就係喱間店必點之一 推薦👍🏻👍🏻👍🏻👍🏻 另外叫左雞排加煎蛋配意粉 番茄汁 雞排同朋友叫個碟係同款 只係轉左意粉加番茄汁 份量巨大 😂 好底食😎