來到朋友介紹的日式居酒屋🏮 必食火炙鹿兒島薩摩赤雞刺身，及刁鑽部位燒鳥‼️ 鹿兒島薩摩赤雞刺身 我之前都係食過一次，比較少見！ 今次有雞髀和雞胸肉，外層經過火炙，雞肉半熟呈粉紅色，口感嫩滑細膩 刁鑽部位燒鳥， 有提燈、雞尾、雞心、雞冠等， 即叫即燒，尤其喜歡雞尾及雞掌肉，表面燒得焦脆，雞尾飽滿肥美，油份豐腴！ 雞掌肉口感爽脆，有嚼勁！ 除此之外，其他日式料理及串燒都很有水準，服務超好，雪糕也是自家製，口味獨特，好鍾意今次嘅開心果咖啡雪糕及柚子蕃茄雪芭！

之前去灣仔食過，原來在銅鑼灣都開咗新分店！ 同樣主打令人難忘的傳統潮州菜，並加入矜貴食材，推出多款驚喜套餐！ 二人鮑魚海參套餐 $438/位起 厚菇焗鮑魚，或厚菇炆海參 估唔到兩個人都可以食到高級鮑魚海參！鮑魚爽滑入味，配以厚身鮮嫩的冬菇，每一啖都好滋味！至於海參就炆煮得非常軟嫩！ 滷水拼盤 潮州菜唔少得滷水啦！ 拼盤有鵝片、豬腸、豬紅、豆腐等，入味可口，豬紅爽滑、豬腸香濃有彈性！ 魚露浸花甲 花甲本身具有鮮味，而魚露的鹹香則為菜品增添了層次感，是鹹香和鮮甜的結合！ 潮式炸蝦棗 外層炸到金黃色，酥脆不膩！裡面是蝦肉爽彈鮮味，口感豐富！

最近揸車經過北角，想不到有一間咁chill 嘅咖啡店！ 座落錦屏街的一個角落，被四周的舊樓、車房等圍繞住，卻有遠離塵囂的感覺！ 店內以水泥森林作主題，沒有太多華麗裝飾，只有植物及窗上的手繪畫！ 這裡以意粉、三文治及蛋糕為主。 有北角店限定的 Vegan Pasta $108，顏色比較淡，但卻有香濃麵豉味，醬汁稠密，意粉掛汁，腐竹球好有驚喜！香辣海蝦炒意粉 $108，色彩繽紛，辣辣地好香口，意粉炒得乾身唔油膩！ 除了奶啡，仲有搞笑特飲，好似Mimi Momo $68，及GeeGee GatGat $68，前者是培茶咖啡smoothie ， Blackcino加上話梅、洛神花、山楂，味道估唔到咁夾，酸酸甜甜都幾清爽 巴斯克芝士蛋糕 $58，裡面軟滑，味道都唔錯

這座超過90年歷史，戰前唐樓樓高四層，由1932年起作為醫館，後來活化成咖啡店☕️ 我經過好幾次都擠滿客人，平日下午才有機會一嚐！ 走近這店，已聞到陣陣咖啡香😌，店內外都保存着「大和堂」的金漆招牌、百子櫃、長凳、牌匾、鐵閘等等，好感恩店主對文化嘅保育🫶🏻 話說回來，咖啡店的菜式亦見創意及心思！ Fushion 菜加入港式🇭🇰元素，好似沙嗲牛肉粗麵、素魚香茄子意粉、蕃茄薯仔魚湯汁花甲意粉等！ 我哋點咗得意配搭嘅～雞蛋仔與雞🍗，即叫即整脆卜卜港式雞蛋仔，配上酥脆嫩滑炸雞，好有驚喜！ 另外還有～大和堂聯乘李輝記漢堡包🍔，用上九龍城李輝記牛欄的安格斯牛肉製作，牛肉味香濃，加上流心蛋，及其他配料，口感豐富！ 夏天☀️可以飲杯清爽的～山楂蘋果湯力，酸酸甜甜好易入口，再來個濃郁香滑嘅～椰子蛋糕🥥，就最正🏖️

香港地標中環蘭桂坊，唔單單只有酒吧，其實高級餐廳都好多！ 這家日式料理，裝修日感強，環境空間大又舒適，晚市套餐由850起（6道菜加甜品） 選用高質食材，有龍蝦🦞、鱈場蟹、A4和牛、海膽等。 先付 一共4款，每款各有特色，最受歡迎當然是 海膽湯葉杯，海膽份量都唔少，甘甜回味，下面還有嫩滑豆香濃的腐皮，好清新的前菜 造身 時令刺身厚切豐腴，新鮮甜美，鮟鱇魚肝，口感細膩滑溜 燒物 燒鱈場蟹腳，蟹肉鮮甜飽滿多汁，帶海水鹹味 烤物 香噴噴的龍蝦北海燒，醬汁滿滿，龍蝦肉爽彈鮮甜，已切粒好方便食 強餚 主菜的慢煮A4鹿兒島和牛西冷，油脂豐滿，香味濃郁，軟嫩多汁，有入口即溶的感覺 食事～日本野菜冰見烏冬 甜品～綠茶焦糖燉蛋

呢間餐廳本身已經有好多菜式選擇，menu 多到睇唔哂🤣，隔一段時間嚟，佢又有驚喜新菜式或飲品！ 新品～洛神花冰極熊西柚白桃梳打 特別嘅閃閃星火效果✨，仲有可愛熊熊🐻加持，令人目不暇給！ 梳打口感清新，炎夏消暑解渴好方法！ 火灸雙醬韓式炸雞（秘製明太子酱，黄金皮蛋醬） 炸雞外脆內軟，肉汁豐富，配上兩款秘製惹味醬汁，明太子醬微辛，黃金皮蛋醬蛋味濃郁。 韓國雜莓奶蓋~瀑布奶油蛋糕 配雪糕 瀑布奶油蛋糕，好玩又好睇！ 蛋糕鬆軟濕潤，配上果香濃濃的雜莓奶蓋，每一啖都好幸福🥰 三味玉子串燒 玉子用竹籤串住，口感扎實，蛋味香濃帶微甜，配上芝士、明太子、紫菜肉鬆醬三款口味，醬汁滿滿，味道有層次！ 滑蛋牛肉露荀野菌稻庭烏冬 台灣竹芝麻寧鐵（熱） 芒果奶昔奶蓋雪山

這裡的氣氛超好！ 空間感大，店內有各種泰國風格擺設，加上一排開陽式窗，及門口的大鐘，好似去咗泰國咁！ 大蝦柚子沙律 $138 新鮮大蝦和搭配著清爽的柚子！ 好鬼健康！ 大蝦新鮮爽彈，柚子的酸甜提升大蝦嘅鮮甜， 加上生菜、青瓜和紅蘿蔔，增加層次感 泰式和牛炒粿條 $118 上枱香氣四溢，炒得好夠火候！ 炒寬粿條柔軟而有嚼勁，而且充分吸收香料和醬汁。 牛肉片鮮嫩有口感 泰南咖哩牛肋條配白飯 $98 咖哩汁係靈魂所在，濃郁而香辣，刺激味蕾！牛肋條係咖哩汁悶煮，完全吸收了湯汁，柔軟多汁，同白飯好搭配！ 心芒果糯米飯 $98 結合了糯米的黏性和芒果的鮮甜，加上濃郁的椰漿，味道獨特

鬆軟戚風蛋糕店，款式多多，色彩繽紛🌈 有大小蛋糕選擇，可以試多幾種口味！ 最近推出兩款🌟全新口味戚風小蛋糕，無論外型及味道都超正！ 💛三重蜂蜜檸檬戚風小蛋糕 原來用咗三種唔同蜂蜜製作！ 上面放咗蜂巢網形狀朱古力和三色堇花瓣 內餡就有蜂蜜檸檬慕絲、清新的檸檬醬及蜂蜜鮮忌廉！ 蜂蜜香甜滋味，檸檬清新酸爽，食落甜中帶酸，有清新愉悅嘅感覺！ 💚 茉莉蘋果戚風小蛋糕 集花香及果香的蛋糕！ 上面放咗可愛嘅青蘋果🍏朱古力作擺設，內餡有炒過的蘋果果肉、蘋果忌廉及慕絲！ 茉莉茶芳香撲鼻，果肉酸甜有口感，好有春天嘅氣息！ 另外還有香濃的💜大甲香芋黑糖麻糬，及香甜四溢的🩷皇牌士多啤梨戚風小蛋糕！

Sleepless 已經喺銅鑼灣搬咗入香港人後花園～西貢啦！ 今次以白色小屋形象登場，有室內及戶外座位，寵物🐶🐱🐰歡迎的😍 戶外放有木枱櫈，店內裝飾亦落足心滿，每一個角落都是打卡位！ 主打這豐富的Owl Day Breakfast $148，有鮮果乳酪糠麥、沙律、芝士腸、明太子玉子燒、大烤菇、巴馬火腿，及比利時手製窩夫🧇。 色彩繽紛，好吸引！ 明太子玉子燒味道獨特，魚子醬微辣帶鹹，加上玉子燒嘅甜味和蛋香，口感層次豐富！ 比利時手製窩夫外層酥脆，內部鬆軟，唔太甜，與其他配料好夾！ 巴克斯芝士蛋糕 $78 超級好味，推薦要試的！ 蛋糕柔軟細膩，口感綿密而濕潤。芝士味濃郁但唔會太重 立體の拉花 $68 呢度最出名就是拉花，有2D 同3D 兩款！ 我今次就揀咗3D啤啤熊 🐻 見店員好用心製作🫶🏻 啤啤熊形狀Latte ， 真係好可愛😍！ 咖啡香濃順滑 100% 厄瓜多爾特濃純黑朱古力$65 朱古力必試！ 特濃朱古力，幼滑濃郁，有微妙果香，苦中帶微酸！ 這裡有十款朱古力特飲揀，我覺得淨係嚟試唔同味都好值得！

雖然而家興少肉多菜，但我會留空間給高級肉肉！ 最近與友人去了位於airside 的高級韓式燒肉店！ 裝潢優雅，而且有排大窗，光線充足，空間寬敞！ 一級五花肉梅花肉拼盤 $428 這拼盤結合了兩種優質的豬肉部位！ 五花肉肥瘦相間，紋理豐富，脂肪與瘦肉分佈均勻。烤過後，外層帶脆，內部嫩滑油脂澎湃！ 而梅花肉就較瘦，肉質細膩，口感軟嫩鮮美！ 壺漬大牛肋骨 $388 牛肋骨好大條超震撼，牛肋骨鮮嫩，肉汁爆滿，加上醬汁，既有一定的甜味，又有微妙的酸味，這使得這道菜的味道非常獨特。 辣炒年糕 $98 口感Q彈，辣味十足，香氣撲鼻，美味又飽足 爐邊有泡菜蛋及芝士粟米，還有很多碟小菜