食物價錢不貴，但味道過咸，勉強可以接受！裝修非常好，坐得舒服，但服務九流，令你唔會再想去！ 訂了六位，訂位時侍應說給間私人房，但沒有説明有最低消費，點菜時經理只推介潮州翅，環保原因無接受推介，只點一般潮州菜，經理也沒有提點未夠最低消費，到埋單時才說所點菜式不夠最低消費？會有這種服務嗎？不是錢的問題，只是差三百元，但經理黑面堅持同事有講清楚，我們已說你就收夠最低消費吧，最後又只收實際order價錢，話個同事無返工唔可以當面對質，咁又代表什麼意思⋯⋯

舊同學春節敍舊晚飯要係中環，蓮香樓很有名而openrice又有咁多笑臉所以想試一下，點知⋯
五個人點咗六個菜：鬼馬牛肉、鴨片蒸豆腐、荷伴芹x(忘記正確嘅名）、菜膽雞、炒芥蘭、招牌醬烤骨。頭三個係懷舊菜，味道差不多-都係好淡冇味，個雞係＂鞋＂而冇味，我哋覺得冇理由咁差，以為因為我哋唔識點菜，於是多叫一個好多人要嘅烤骨，嚿骨好似煲完湯豬肉然後再淋d汁上去，唔掂唔好食。地方好嘈好迫，完全聽唔到對面講咩（坐在同一張六人枱）。服務好好普通。訂咗位都要等廿分鐘，仲搞錯個名，聽電話嗰阿姐勁無禮貌。唯一價錢好平，唔洗五百蚊。我哋全部都覺得唔好食一定唔會再嚟，唔明點解咁多人等位同埋旁邊啲人食得咁知味，唔通係我哋嘅問題？

年初二差不多所有餐廳都關門，只有屋企附近嘅加記開門，ok就試啦！六點鐘已經坐了一半人，兩個人叫咗瑤柱琵琶豆腐，腐乳蒸肉青，上湯杞子皇帝菜。琵琶豆腐太多粉唔得，腐乳用嚟蒸肉都唔係好夾，菜應該無事，但上湯好似個餈咁太＂傑＂，仲好咸。整體都係普通，但過年唔洗等位，又唔係貴，都算係咁啦。

一早起身所有餐廳都未開門，唯有食大快活！蕃茄火腿通粉應該冇事，點知超難食，已經唔係好好胃口，見到買相已知唔掂，食落蕃茄汁冇味，通粉又＂鞋＂，食咗冇一半就放棄。老公話佢碗餐肉醬面都好難食，不過要去打波又冇嘢食冇計。