Lunch Time時間有限， 諗住去呢啲茶記快食個Lunch啦， 叫左碗魚片頭米線，諗住呢啲快出同埋唔會點難食，點知都係伏！ 首先落單， 等左15分鐘都未出到碗米線俾我🙄 催左次單，姐姐啲態度唔多好：整梗啦！ 起碼等左20分鐘先有得食⋯ 仲有咁大間野係冇冷氣的 未食前覺得有啲熱 食梗果時就不得了，係咁流汗😑 地下又污糟，有水積、牙簽、食物殘渣⋯ 果架放用過既碗碟車又周圍推 係你隔離身後推後推去 至於碗米線，唔好食的！ 湯底極淡，要加胡椒粉吊味 總言言之，冇下次🙄

朝早十點幾落左單，叫12:30送到， 間野話ok 點知12:50都未見人，催左次， 聲稱話1點會到 好啦，到左1:07都仲未有 打去問，個呀姐態度都唔多好仲cut埋線 前後遲左成40分鐘先送到 啲野食已經只是微暖⋯ 其實送唔切可以早啲單聲！ 返工時間食飯有限， 如果遲咁多送黎真係唔揀佢啦！ 早啲出聲送唔到， 我地落樓狗沖買個飯解決左佢先起碼 下下話「盡量送黎，出左門口」 叫咁多間，呢間遲得離譜， 仲要唔好意思都冇句，冇下次啦！

好耐都冇食過Ruby Tuesday 喇!!

今次因為有coupon, 於是同屋企人一齊黎食餐好既!

屋企人第一次食呢間, 都覺得d野好好食。

加上有預早book位, 所以唔洗等就可以入座。

我地點既餐都好快上菜, 仲要熱喇喇的~        煙三文魚：小女本身不喜歡吃生，但煙三文魚算是半熟，所以ｏｋ。

加上ｄ三文魚唔腥，而且又算厚切，所以食都幾大份下！    薯容：好香既薯仔味，仲有好香既牛油味。薯容軟度岩岩好，伴菜也很新鮮。

媽媽超喜歡食呢個～所以之後再叫左一碟！墨西哥烤薄餅：薄餅真係晒晒薄～有少少脆口，裡面的餡料夠多，夾埋薄餅一齊食好match!

餡料有雞肉，芝士和蕃茄等等，用料又夠新鮮燒排骨雞翼拼盤：燒排骨係Ruby Tuesday必食之一，除了有好味既醬汁選擇之外，

佢既肉烤得剛好，肉質夠腍易入口！肉既口感好之餘，肉地夠新鮮無雪味。

因為我地六個人食，有少少唔夠分，之後再order多份燒排骨！大滿足
至於雞翼，不算太特別，都燒得好入味，雞肉不會有血水。肉醬意粉：同出面食到既有少少唔同，呢間既肉醬意粉係超好味啊

首先肉醬汁好夠，食到最後都仲有汁剩，唔會覺得淡口。

其次係蕃茄汁不會酸（小女不喜歡吃太酸既茄汁或蕃茄湯）而有好香既蕃茄味道，

所以感覺同一般外面吃到的不同～這個好岩口味！下次會再叫呢個食。雞肉Parama Ham意大利幼面：反而呢個面淡味左d，要靠Parama Ham入口吊味

雞肉肉質夠滑，整體都ｏｋ的，不過下次可以試下第二樣意粉～朧利柳海鮮飯：朧利柳香煎得唔錯，夠多魚肉，不會只有脆皮，仲有白汁配襯；

唯獨個飯真係麻麻地，飯比較硬同埋無乜味道。但配菜同樣新鮮既，有食晒ｄ西蘭花～迷利露比三重奏漢堡：有３種唔同既迷利漢堡，分別係牛肉、豬肉同雞肉。

三隻漢堡食得出唔同味道，同埋似係手打漢堡黎，肉質比較腍，好易入口。

牛肉漢堡肉味會比較出同埋香口，豬肉和雞肉就比較淡味ｄ，但都一樣好好食！
另外薯條炸得好夠香脆，放耐左食都唔會淋。而已薯肉夠多，薯條份數又多，食到好飽呀XD去到尾聲其實好飽，但妹妹依然叫左份甜品一齊試下。

馬卡龍甜得黎唔會好溜，唔錯！

雪糕是普通的雲尼拿味，至於CHEESE CAKE好香芝士味，清清地唔太甜，岩晒飯後甜品。而我就口痕痕，叫左一杯特飲試下。檸檬特飲，都好大杯下！

味道比想像中太酸了，唔太岩我xp"　如果喜歡酸味味的朋友，這個可以試下啊！

今次用coupon埋單有折，所以叫左好多野食！食到好飽好滿足。

屋企人都好滿意呢一餐，下次會再黎食過既！

Curry Bee　是一間非香港或日本人開的「港式日本拉面」店

拉面價錢算是中上，雖然質素好像每次都有點出入，但味道卻不太差，間唔中都想再去食過。

之前同姨媽lunch既時候黎過食，覺得唔錯，

於是今次約埋係附近返工既表妹一齊食。
1點前都幾多人, 等左一陣先有3人位。

落左order冇耐,好快就有得食, 而且拉面仲好夠熱滕滕的!

今次幾款拉面既味道同之前黎食既好唔同, 但都覺得唔錯的。

味增豚骨拉面：味增湯底：今次味增味道冇咁濃味 ，湯底變得淡味左ｄ，不過都飲到有豚骨湯底既味道。
拉面：依舊沒變，都係冇乜籍水味既粗身拉面，面質仲有少少彈牙，不過太過淋。
叉燒：半肥半瘦，瘦肉的地方也不會很硬，算易入口的。

雞湯拉面雞湯底：今次雞湯湯底一樣是比較淡味，而且冇咁油，但我地都覺得雞湯冇咁油同淡味更好味，所以感覺比上次好食左！
蛋和野菜：雞湯拉面比其他多了半隻唐心蛋同菜。唐心蛋都有Ｄ甜味，唔錯；野菜炒得都夠入味同埋夠淋！

午市set：烏冬及滑蛋豬扒飯，連甜品和飲品烏冬：湯底是清湯，不過有唔少海帶味，所以都不錯。烏冬幼滑，口感都唔錯。
滑蛋豬扒飯：相比起烏冬，滑蛋豬扒飯更勝一籌。滑蛋夠滑，如果蛋再多少少就好了～

豬扒剛炸起好香脆，而且肉質夠腍，好食啊至於飯原來都幾多下，有甜燒汁送飯，食到最尾不會覺得只有白飯咁dry。
PS : 咪睇落烏冬同豬扒飯好似好細碗咁，但食落其實都好多下，好夠飽！飯有一半都吃不完～

至於甜品是細舊既牛奶布丁，比較甜了點，但牛奶味好夠香濃的！

雖然今次味道同上次食既又唔同左，

可能師傅唔同左，改左做法；但味道依接可以接受，覺得唔錯！

下次我地都會再黎食過拉面，或者午餐set都幾抵食呀！

以前係上環返工，同一班同事出去食或者外賣，都好少黎呢Ｄ細間快餐廳食。

告別上環工作多年，咁岩呢次黎上環搵朋友，係佢公司附近就見到呢一間咁平既快餐食店。

可能門面同睇落都有Ｄ殘殘舊舊，又不太起眼，所有以前沒為意，

今次行過見到佢LUNCH Set好平，比起附近一帶既平十幾蚊，於是就膽粗粗黎試下啦。

店內位置唔大，檯都係幾張，有點兒迫。同埋男性和工人比較多～

係收銀處落完單，好快就有得食！

粟米肉粒飯，中湯 $26粟米肉粒飯：忌廉（白汁）粟米汁是我的最愛～呢間仲要幾多汁下，好creamy！至於肉粒都夠滑，個人黎講覺得好味！
中湯：剛剛好，夠濃味的，味道同大x樂果ｄ味精湯差唔多，不過呢個價錢預左，一分錢一分貨，

而且味精湯我從不討厭，多味道就可以了！

的確係夠平同抵食，份量又夠多！

不過我見炒飯好似麻麻地，有客人食剩好多；相反碟頭飯呢ｄ既就賣相好睇ｄ，多人食ｄ

唔想lunch日日食咁貴，都可以考慮黎呢間試下啊！怕迫既可以外賣。

以前係金鍾尾間返工，附迎冇咩野食，一係就好貴

有次同事帶我很遠少少，黎呢間鮮果汁店，原來呢到有粉面套餐！

兩送公仔面或米粉，$28連埋野飲（仲可以簡果汁架），真係堅抵！

平得黎仲要好食架

之後轉左工,已經好少黎呢頭,有差唔多兩年了。

咁岩今日lunch時間會黎一黎金鍾灣仔附近, 便想起要過黎食返個米粉先返公司

附近好多食肆都結業了, 幸好呢間果汁店仲係到!

而且多左張長檯仔比客人坐係到食, 感覺比之前用摺檯好好多。

腸仔蛋米粉+西瓜汁(中杯) $28本身是煎蛋,可要求改炒蛋，然後有腸仔或火腿等簡一樣。

如果不要腸仔蛋，還有魚蛋燒賣米粉餐。連一杯細飲品或新鮮果汁一共只係$26，中杯$28，大杯$31。

如果唔要米粉，亦有出前一丁選擇。

腸仔炒蛋：腸仔有煎過的,唔係就咁水煮。炒蛋炒得好香滑

軟綿綿的~好似舊式茶記既炒蛋三文治文面舊又大又滑既炒咁! 小女每次食親都一定會轉炒蛋呀。
米粉：唔會太硬同粗身，又唔會太過淋。小女本身對米粉麻麻地，但呢間既米粉就好喜歡吃，又加埋可能係同個湯底好夾啦！
湯底：呢間既湯底真係同出面食到既好唔同。外面茶記或者小食店，多數都係雞粉湯底，白白淡淡的。

而呢間一是味道濃濃的，感覺有點像豬骨湯底！加埋米粉和炒滑蛋，真係好好味啊～
西瓜汁：小女要了中杯西瓜汁，而西瓜汁是新鮮即渣的，而且冇落糖水。

因為杯果杯不是很甜，外面好多果汁店都加左糖水調味，但呢間冇，只是飲到幾清新既西瓜味XP

最後食完碗粉面，店員呀姐仲主動黎收好碗和餐具，

而且對每位客人，每論坐低食定外賣，都有講一句「多謝晒」。

同埋坐低食既話，就不會用外賣碗和筷子上，而是用家用餐具，估不到咁細間舖仔都唔用即棄餐具，好環保啊！

希望這間小店長做長有，有機會小女還要再回來吃腸蛋米啊

銅鑼灣有唔粉面店, 無論是車仔面還是魚蛋粉面, 都要三十蚊左右。

要食得好食既更加唔止呢個價錢。

有時路過見到呢間"肥仔記", 單送$28, 雙送$34, 呢區黎講算是合理

於是搵日就黎試下好唔好食啦~

今次叫外賣拎返屋企試, 可以分開湯另上, 一樣都係收返$34
至於食物既素質就普通啦, 沒什麼特別

唯有湯底估唔到係用雲吞面湯底, 以為係一般魚蛋粉湯底。

黃金魚片頭+魚肉春卷米線黃金魚片頭：很普通，一般街市買到既最普通果隻，而且有雪藏味。見佢寫"黃金"還以有炸過，有少少伏呢～
：魚肉春卷：春卷還可以，幾香魚肉味又唔會腥，當然都係冇炸過既，但味道不錯可以一試。
：湯底＆米線：湯底意外用了雲吞面既湯底，個湯少少淡淡的不會太濃重味精味。比較岩食得冇咁重口味既人

米線就比較易淋ｄ，有些少發脹，不過都ｏｋ的，比較岩喜歡吃淋身冇咁彈口米線既朋友。

若果對粉面要求不高，普通吃的話呢間都唔錯，價錢叫做合理。

好耐冇同表姐食過飯，約埋表妹，呀姨一齊晚飯聚聚。

表姐簡左黎試左呢間「屋喔」，話新開想試下，而旺角果間我一直想去都未去過
就決定左黎銅鑼灣試下喇。

我地４個人，叫左三份晚餐同一份海鮮飯（西班牙龍蝦鑊仔燉飯）。

每論係套餐定散叫，份量都相當之足，好大份唔怕食唔飽！

最後飽住肚都要想試埋甜品呢！

晚市套餐有一款小菜配白飯、前菜小食和魚湯煮菜及一杯飲品。

先黎左餐前小食和飲品先：奶茶：淡淡的奶香，幾滑，感覺都幾台灣風味。加上唔會太甜，咁大杯又好夠飲！魚湯煮菜：魚湯也是淡淡的，但也嚐到魚湯味。菜煮得夠淋，而且幾新鮮！
小食我們要了不同款式的試試：（全部都有加香茜，如果走茜要早講聲啊）唐心蛋：蛋白好滑，中間唐心夠甜味！整個蛋都好野味呀
麻辣牛柳：麻辣味都幾重，岩晒食辣既人。麻辣味重得黎又唔會遮蓋左牛柳既牛肉味道。

牛柳粒好夠腍，好易入口！
雞翼：反而雞翼冇咩特別，普通，醬汁既味道不夠入味。不過雞肉沒有血水，同埋留意返係凍食啊。

小菜方面我們選了魚香茄子和糖醋魚塊。魚香茄子：茄子煮得剛好，連皮都夠淋可以食埋！個醬汁好多，而且好好味，夠送一碗飯啊！

至於ｄ肉唔似得平時食既肉碎，係一條條細條的，幾有新意！而且又係好好味，沒有肥肉而肉又夠腍。糖醋魚塊：首先有唔少配菜，菠蘿、瓜、小蕃茄，加埋ｄ糖醋汁甜甜的不錯吃。

魚塊炸得剛好，不會太過多炸粉，咬落香脆得黎仲啖啖魚肉魚肉又不會腥式感到有雪藏味，好喜歡啊！
最後就係表姐點的西班牙龍蝦鑊仔燉飯：味道夠唔夠西班牙小女就不清楚了，好少食西班牙菜。但賣相個味道睇落係吸引既！

龍蝦一大隻，味道都幾鮮！而且開左穀好方便吃ｄ龍蝦肉。

墨魚圈好彈牙，好香既墨魚圈味；蝦應該也是鮮蝦來的，不似雪藏貨。

我地食到好飽，好飽。。。但又心思思想試埋個甜品，睇下味道如何！窩夫：窩夫剛做起，食落好夠脆，就算放耐左食落都仲係幾脆。加埋Ｄ朱古力醬一流！旁邊既蜜糖唔洗用都夠好食呀！

雪糕有兩款味，都放左一段時間先開始會溶～雲尼拿點少少蜜糖一齊食唔錯啊

今次食左一餐滿足既晚餐，搞到Lunch都會想黎食～

味道好，份量足而且價錢又合理，店內環境又舒服（係店員態度就麻麻地）

下次試埋其他菜式，有得encore呀

荃灣一向出名多野食, 平又好貴又有, 都好多選擇。

有時候花多眼亂, 都唔知試邊間好。

最近小女要keep住睇中醫, 由荃豐中心一直行, 都見到唔少食店(細舖仔)

當日睇完醫生, 同男朋友近近地去左荃昌中心呢間拉面店試下。

因為見價錢平, 又可以食到日本野, 就抱住一試既心態入去, 發現間野都唔錯!

於是我地前後黎左兩次呢間野食日本野

第一次我地食既時候, 叫左餃子拉面和豬軟骨拉面，連野飲都係$46

由於佢所有野都係即叫即做，所以都等得比較耐。餃子：外皮好香脆，剛剛好唔會燶，肉餡都幾多，幾好味！唯獨佢最後先上，拉面都食得7788了。豬軟骨：豬肉幾夠腍，味道好夠，軟骨都好夠軟唔會覺得硬。有ｄ肉汁落左落個湯底都唔錯啊！
拉面：這個價錢既拉面，都估到唔會似得80幾蚊既日本拉面，然而呢隻拉面都唔錯！

起碼冇咩簡水味，又有d彈牙，而且份量都幾多，男朋友食完都話好飽。
湯底：雖然是淡淡的豬骨湯底，但意外地喜歡。湯底清清地又飲到豬骨味，唔會覺得好溜，湯又可以飲得晒（雖然都是味精調味，唔好飲咁多好ｄ.　XD)

第二次吃的時候，有諗過想試下食滑蛋飯，不過最後都係簡返拉面，想食多次先
今次我地叫左炸蝦和照燒雞扒拉面：炸蝦：今次個炸物反而第一件就上～唔洗好似上次餃子咁等咁耐。即炸好夠脆，熱喇喇的，又不會太多炸粉！

蝦肉又夠彈牙，蝦肉又多，真係好好味啊！照燒雞扒：雞扒反而冇咩特別，好普通。雞肉味好淡，冇咩味。唯獨雞皮有少少脆同燒烤味。
至於拉面，同之前食既味道一樣，保持到水準既。

我見店內仲有其他小食，價錢唔算貴，都幾吸引！

可惜我地要戎口唔食得。。。好返有機會會試下佢Ｄ小食呀！

覺得佢食物質素同價錢都好合理，覺得抵食過味x拉面...

下次黎覆診，我地會黎試埋個滑蛋飯，不過唔知會唔會又被炸蝦和拉面吸引左呢XD"

新一年的開始，開開心心過了幾日假期，

假期既最後一日，咁岩知道Ａｅｏｎ又做特價，於是又同男朋友黎行下街執下平貨，

順便黎埋大門食午餐，試下呢間既日本拉面如何。

餐廳場內都幾大下，位置都算闊落。

當時下午三點左右，人流不多。而自助水吧（飲品）和沙律吧放置在店內入少少既位置先見到。（要額外加錢）

一睇memu，主菜都唔少款。除了日式拉面之外，還有混了西式的菜式如意粉，紐倫堡腸仔等等，更有韓式的。。。

店內推介是油面，不過我們看了看食法好似唔太岩口味，

於是今次還是叫了湯拉面試一下味道如何，另外仲加左飲品吧（任飲）。

另外仲有幾款調味料提供，加左去Ｄ湯底到很入味。而生蒜可以在飲品吧那邊自取。

特製大門拉面：湯底：一碗拉面湯底好重要，而我問店員係咩湯底時，佢話係豬骨。不過除左像到有豬骨味之外，仲有鰹魚味。

個湯底都唔錯，幾入味，而已都幾夠熱。唯一不足是真係好油，如果可以清返ｄ會好ｄ

（小女吃油點沒問題的ＸＤ,不過不是人人都受到這麼油）

試完本身個湯底，建議加點拉面糊椒粉試試，相當好味啊～每間拉面有這個粉，小女是一定會加的～

拉面：用的是粗面質（而且係好粗身），所以面不會很淋，面質帶有少少彈牙。

份量也相當多，加上個湯底溜溜地，所以一定食得飽

同埋我地叫左份小食，所以最後我地都剩左1/3面食唔晒啊。
叉燒：只有一塊，不過就相當厚。可是肥肉多了點，中間瘦肉也有點"孩"口。
蛋：中間有少少唐心，不過冇唐心果種甜，而且蛋熟了點～
荀：有好多甜甜既荀，煮得好夠淋，好好味啊。

鬼門拉面（激辛味）這是男朋友點的鬼門拉面，他超喜歡吃辣，所以一黎就點了這個。

湯底：真係好～～夠辣！小女本身吃不到辣，就咁試左一條拉面已經辣左幾分鐘了。

男朋友吃到辣，他說真係好重辣味。不過佢話有少少over左，太過辣變左大冇左本身拉面湯底既豬骨味。

同埋都覺得湯底太過油了。
肉片：佢話都幾好食，夠腍。但就只得肉片，沒有蛋或者荀做配業，變左感覺唔豐富，唔夠滿足啵XD

紐倫堡腸：用鐵板上能保溫，上時都仲係熱熱地的，都可以。

不過紐倫堡腸仔不像日式店食到既，似係一般西廳店吃到的，同埋比較咸左D。

不過對於喜歡吃腸仔既人黎講冇咩所謂，都覺得唔錯XD

至於個飲品吧同沙律吧，都比較細少，看到沙律菜既款式唔多。

飲品都是汽水和熱咖啡和熱朱古力。

雖然感覺不像吃正宗日本料理，不過店裡說材料都是日產地直送，都應該有保證既。

至於價錢都算平，勝左份量夠大份，想平吃拉面可以考慮下啊。