諗住它搬咗新鋪來試吓。。舊鋪就成日去。 先講嘢食, 前菜冇料到。 比三樣, 三款都好似係買番來, 完全唔似自家整(薯仔絲, 泡菜,海帶絲) 叫咗3樣嘢: 1) 豆腐湯正常入面啲海鮮係新鮮的! 2) 鐵板牛肉配飯都係正常 3) 煎海鮮餅就唔得啦, 用急凍海鮮粒,個餅漿就好似飲茶食個個煎薄撐一模一樣。總之呢個菜就唔叫都擺。。重要$128, 嚇死人!! 食韓菜就係要睇佢前菜有幾出色。。要比分的話佢的前菜值3分(因為有3碟,哈) 嘢食唔係難食的, 不過想食好食正宗的這間就再不用考慮了。

入到個場, 環境好舊。感覺好港式西餐feel! 因為第一次食, 所以先叫一客。 本身想食牛, 但係行到入去坐底之後見隔離左右的食物水準麻麻,所以就叫咗羊架(諗住衰極有限)。 點不之上枱的4"小"件羊架我們二人只能夠食兩件(一件的大少差不多等於半個女士的 拳頭。。不過如果係靚貨我覺得size完全唔係問題), 但係件嘢好鹹, 真係無法把它吃光!! 只可以話, 件嘢冇羊味(其實冇羊味的羊架都幾困難) 但係真係冇羊味。 叫5成熟, 但係來的就差不多全熟。 話比個服務員聽啲羊偏鹹, 佢同我們講其實好多客人都投訴過同一個問題。。。(我呆咗。。。 心諗既然係咁佢哋都繼續賣?!) 我們用咗上網apps所以有半價。。 成為240蚊。。如果要我用正價四百幾食呢碟嘢。。。。我就一定say no...

剛與老公食完，真心…非常之唔好食，價錢更一點都唔平宜!! 地方ok , 食物就 強差人意。

士多啤利個個 (所謂signature dish)，係好睇但係個餅冇蛋香，口感好實。個cream就好似美心cream..冇新鮮cream的香味，要比分的話佢只有十分，而呢十分就係賣相。

再試埋佢個朱古力銅鑼燒有香蕉做陪襯。。重點係件香蕉係我成餐嘢覺得最好味的。 上面佢加咗層糖衣，香脆之如又好睇。

不過兩件咁嘅嘢要比18x...真係唔會再食囉!!!

其實呢間嘢我已經食過無數次。。不過幾乎每次食哂先諗起要同它影相。。。所以遲遲都冇幫它寫食評。簡單啲講佢們係pizza的進化版， 香脆的麵包加自選配料。 勝在即叫即製，又係單人份量(叫親pizza 最少要三條友先食得哂，又貴所以呢間嘢係我最新的蒲點).... 但係等候就需時，無計啦，鬼叫佢地又真係咁好食咩！！ 言歸正傳，是次點了個 １) 野蠻女友 (粟米，泡菜，豬腩片) 呢個小小辣，無想像中咁辣。泡菜好香冇d"拿”味。。。粟米就好甜好正，豬腩片我就覺得肥左d。。。但係整體口感同味道真係好掂。。而家諗起都再想食 ２)墨西哥總統 (點解改啲名全部都咁攪笑嘅) 入面有辣牛肉醬，粟米，甜辣椒 這個都是本小姐的大愛， 個人覺得呢個比泡菜個一個辣少少。 但係我覺得對於一向愛辣的我。。就可以再辣啲。(所以我有時會加多份jalapeno 配料落去。。咁就食得過癮啲) 點解我鐘意呢個？ 因為佢們嘅肉醬好小係出面食到(第一次去食的時候問過佢們的服務員，得知佢們原來用咗 chilli concarne sauce 整，個吓真係好心到暈咗，估唔到係香港都食得返呢個味。。。記得係英國住的那段日子每星期最少都要食一次這個醬) 。。。 **佢們啲粟米真是好好味架。。講明唔係罐頭粟米，一個字正。。唔係，應該係正正正…哈哈 ３) 紫薯*期間限定 (雖然唔係同一日食，我邊度有咁大食啫,但係都評論埋啦) 呢個係佢們近排大熱，我見早幾日佢們一早就賣斷市所以一見佢有貨即試。 呢個似甜品多啲，紫薯加芝士，甜甜鹹鹹，拉出來嘅絲無敵地靚，好香紫薯味。會再encore！！ 其實本小姐好小幫人寫食評，不過真心覺得佢們好食，所以想支持吓。重點係佢們啲芝士真係好香好有奶味同出面食個啲快餐連鎖店比，真是唔駛比。。。哈哈！加油呀，希望你們快啲開多幾間分店，比更多街坊食啦。

住係呢頭，剛剛weekend 一心來睇吓個自由市集…真是多人到不得了…不過真係好多手作嘢賣。。。anyway 講返呢間餅店先，其實我都係行吓行吓發現咗佢……勁開心。。估唔到係荔枝角呢區都會有啲咁高級的餅店。。終於唔駛再揸半個鐘過港島/九龍城買啦或者買東x堂的爛鬼蛋糕！哈哈不過未來的體重真是不堪設想…… >.<不過都唔理得咁多。。甜品本身就係女人的恩物………… 現場即點咗個咖啡味的拿破倫。。。唔太甜，啲咖啡餡料好香好滑，最主要係好少係出面買到咖啡味。。。 跟住實在比佢個大蛋糕吸住咗。。即時就落咗訂…啱啱星期三就有朋友生日。。咁靚的蛋糕更是要同班好姊妹share吓啦。 於是就訂左佢們個個新款的開心果蛋糕 …今晚食咗。。真係幾唔錯，中間有啲紅梅味的餡料酸酸地，出面就用nuts包邊…超靚仔…個人就覺得奶味重咗啲…不過開心果味就真係好“真” ～ 我見佢們重有cream brulee，檸檬之類的tart..都好想試。。哈哈,佢們已成為我下一個目標。。好其待呀！下次再有得閒試咗再同大家報告呀～ 呀，有一點意見的就係。。好可惜佢們唔做送貨。。攪到我同班friend食飯都專登要走返去個度攞先再出返去。。。

星期三，訂咗七點半唔駛等位。 1) 服務唔錯，會自動清走食完嘢嘅碟。 待應好願意幫我們成班人合照。 又冇時間限制我們成班人都坐到十一點半先走。 2) 環境一般，就是食小炒的格局。冷氣開頭有點細，後來伙記開返大就ok啦！ 3) 食物…都係小炒的例牌嘢。 我們叫咗炸豆腐，呢個皮薄，豆腐滑，豆腐味再重少少就完美啦！ 椒鹽魷魚， 這個就正正常常冇咩驚喜。 叫咗個炒飯都唔記得叫咩名啦，上面有啲炸咗嘅白飯魚仔，火腿肉粒…炒工唔錯的，但係個人覺得硬咗啲，同埋冇咩特色。上湯煮雜菇反而唔錯，唔會太老同埋好看蒜香味。 大蝦依面，就真係好唔得，一來面好少，我們六個人每人最多食到一啖面。 啲大蝦發到我咬咗一啖就頂唔順啦！ 總體來講，小炒佢們算唔多油和味精。 味道可以，你話超凡又唔係，但是價性比來講佢算係咁上下…六個人叫八道菜都是八百多。。又唔會趕你走，服務又可以…所以一大班朋友食吓飯傾吓計係唔錯的選擇…起碼唔駛成日食雞煲先啦！

其實呢間嘢我都三個月到來一次。見都有咁上下冇來諗住入來食吓啦，過去個大半年都知佢們冇再出蛋牛治架啦，所以臨行入去前己經同個朋友講好，等一陣叫個牛治，再加份蛋治。。。我相信好多人係過去呢段時間好多都好似我咁做過，因為咁先可以食到佢們最出名的蛋加鮮牛肉三文治。

長話短說坐低就第一時間再問吓落單呀姨係咪冇。。好驚喜地佢竟然話有，咁更係第一時間叫啦。重有我們兩個還叫了一碗牛腩麵和炸雲吞…都係佢們最有名個幾款。

再言歸正傳，蛋牛治真心講告，差咗，牛肉質感冇已前咁正，冇牛肉味，份量少咗。已前食覺得佢的蛋同牛係多到爆，現在只覺得佢蛋份量還在但是牛就只得三兩片。。唔係好有嘩個種感覺。炸雲吞都冇咩同之前大出入，水準保持到，不過不失。

牛腩麵我冇食，但係我個朋友就話啲都幾彈牙唔錯!

個日無意中經過, 一向愛食Crepe 的我...即時叫咗份橙味crepes 同老公分享。。老公覺得太甜，我就覺得還可以。。佢都係放啲橙jam (marmalade)係入面再加舊雪方蛋糕的物體係中間(放係隻普通紙碟上面, 再比隻交义你坐係度食),味道唔係特別,得個甜字又冇香味,。。所以有啲失望。。。環境就唔錯嘅。。係條小街度。。。即叫即做。。價格係中/上環區係咁上下啦($6x一件,唔太記得exact amount)。。不過唔會專登再走返去食!

叫左個焙茶糯米糍紅豆雪糕，都幾貴要44蚊 d雪糕就好快溶，溶左之後又好水…所以一d都唔夠奶味。紅豆同啲糯米糍就好一般，糯米糍好麵粉味，紅豆好普通…紅豆完全都唔覺得係食緊日本貨( 雖然佢冇寫明係日本製造或者任入日本貨,但係佢的風格話比我聽佢係想走個種路線)。。所以唔覺得咁細柸雪糕要比咁貴的價錢。。呢啲價錢和水準係旺角重有好多選擇!!

今晚一行十六人去左添好運食點心 六點鐘就到啦所以都唔洗點等位 平時之前試過去深水埗去中環分店如果係繁忙時間最少都要等一個鐘所以今日真係好好彩 叫左好多點心因為我地太多人，差唔多成張清單都俾我地試哂。 港最好食既竟係佢地既招牌叉燒包啦 因為我諗佢地都係值卡新鮮焗所以真係外脆內軟 不過如果你唔係好鍾意食甜野就未必啱你啦，因為我覺得佢偏甜所以糖尿病患者又或是唔係鍾意太甜既人都唔會特別鍾意食 另一最愛就係馬拉糕都係啦因為佢即叫即蒸出來熱辣辣，又唔太甜我就比較喜歡! 我個人呢就唔食豬膶嘅，但係如果您鍾意食豬膶的話呢個王唔知咩豬膶腸粉就一定要試。好多人叫，我哥哥啊我d親戚全部都好鍾意食，話佢個腸粉夠滑，潤腸味好出。 你間嘢點心都係走大眾化的價錢所以都唔算特別貴，但係如果你係想搵d精緻d，環境坐得舒服d，有景睇的餐廳，呢度就一定唔啱你。