天氣凍，最好係同朋友出去打邊爐 今日去左係佐敦既金鍋 店內都好熱鬧，我地去到已經9成滿座，幸好有預約。   點左個特色湯底… 招牌酸辣金湯 味道跟印象中既酸辣湯不一樣。 一入口有陣陣南瓜味既甜味，再來是一股酸意，之後才有辣味， 第一次食火鍋飲到咁特別既湯底，都有點點驚喜。 我地點左匙柄，落鍋10幾秒就可以撈起，肉質鮮嫩。 白鱔片+脆鲩片都好脆口，新鮮既味道。   鵝腸 + 沙白蜆睇得出洗得好乾淨，令人食得放心。吸埋湯汁味道都好夾，唔錯！ 萵荀片 – 出奇地清甜，平時食萵荀都係無咩特別無咩味，今次竟是覺得爽口清甜，而且頗解膩。 係寒冷天氣之下，食完個火鍋成個人都暖哂。 金鍋食材都好乾淨、擺盤精緻整齊、用料非常新鮮。

趁著平日沒太多人，帶女兒來了啟德郵輪碼頭平台上面間紙飛機親子餐廳，初頭睇新聞成日話啲人搭唔到的士都有啲擔心其實唔一定坐的士佢有好多巴士坐好方便的😂😂😂 入到門口都感覺到間餐廳裏面係好乾淨衛生嘅，我覺得呢一樣係一個好重要的事情，唔該擺咗幾架車仔，小朋友可以隨意玩 都被坐定女兒就已經急不及待去咗著換衫扮小公主了😂😂 果然每個少女都有個公主夢 著完公主衫影完相第一樣嘢當然直入波波池，好彩係平日嚟，唔怕整親人，佢可以瘋狂喺裏面爬嚟爬去😂😂😂 比較靜啲嘅小朋友可以坐喺度慢慢睇下故事書 反而公主開始扮下車長，路過每個角落😂😂 玩到攰啦，開始玩靜態嘅煮飯仔，小小廚師乜都煮一餐，可以有排玩 午飯時間到啦，嗌咗個黑松露炒飯，畀小朋友食 另外自己就食個小食拼盤。 輕食一下🤤🤤

今日happy friday放工約埋同事落尖沙咀食泰國菜，話說呢間新泰呢排都有好多朋友去食，一去到已經超級多人等緊位 等位期間沒事做，同架篤篤影下相先😆😆打卡不錯 餐廳裏面好大，坐滿曬人，相當熱鬧，唔怪之得咁多人在等位啦 雖然人好多，但係食物好快已經可以上枱。 生菜包豬肉食過好多次，但這裡見到餐牌上可以選擇鴨肉，好特別喎，雖然有辣椒調味，但食落去味道原來味覺上分別好大，騷騷地，好明顯的鴨肉味 椒鹽軟殼蟹，比喺出面其他泰國餐廳份量大碟很多，脆卜卜，外脆肉嫩，餸酒一流☺️ 鹽焗烏頭係我最鍾意食嘅其中一道泰國菜，肉質嫩滑，唔會好咸 好飽，最後飲咗杯菠蘿沙冰酸酸甜甜，消消滯😆😆真係必需要

今日出旺角朋友仔帶我去咗間上樓cafe，去到樓下其實門口唔係好覺眼，估唔到上到嚟又有驚喜喎，旺角嚟講呢度屬於是有質素嘅樓上cafe。 呢個電話平應該唔少人喺度打卡影相😂😂 坐低咗之後就開始有咩好食，menu上面啲餐價錢都好合理 睇完之後我哋點咗個 慢煮瑪莎曼咖哩和牛飯， 個牛腩煮到冧得嚟好彈牙，咬落去口感軟綿綿，的確畀我預計中出色 王牌芝士牛肉漢堡配意式風乾火腿 裏面係安格斯牛肉+焦糖火腿 唔怪得知食落甜甜地啦，甜甜地嘅burger都係第一次食幾得意😂，意外地味道出奇地夾喎。 食完個burger再食返個沙律清新一下味覺就冇咁溜啦！很不錯 呢杯茶聊熊仔鮮奶凍咖啡，應該係呢度主打打卡飲品，因為我見枱枱都有一杯😂😂 咁又係真係好得意嘅 草莓四季春，是士多啤梨加藍莓既沙冰，而家天氣咁熱我自己就鍾意比較喜歡飲沙冰😂降下溫 最後當然食埋甜品先夠完美， 趣脆朱古力果仁牛油千層酥配雪糕 如果鍾意食朱古力嘅朋友仔呢個真係推介，個牛油千層酥裏面仲有流心朱古力㗎，可惜我掛住食嘅影相😂 餐牌上仲有好多嘢食好吸引，下次再嚟試下其他先🤤😋

聽日放假，同男朋友出咗旺角諗住搵間放題盡情食，去到兆萬中心樓下見到好多人派宣傳單張，真係花多眼亂😂😂，最後去左神戶屋，200本嘢食酒水飲飲可以食三個鐘 我哋六點上到嚟都未有咁多人，我轉頭唔使半個鐘都坐滿曬喇 出面好熱呀攞咗罐嘢飲先解下口渴 刺身嚟啦，超正呀，已經好肚餓，急不及待😂😂 個蠔好肥美呀，海膽都一流，重點係成盤刺身都好新鮮😋 跟咗個壽喜燒，可以做火鍋放題，我見隔離枱都點咗好多火鍋配料去食😂😂不過我一心諗住上嚟食刺身所以我就冇點到啦 除咗刺身火鍋，仲有d海鮮熱食，可以點嚟食 這個牛肋肉我都覺得好推介，佢唔係好淋嗰隻口感。佢係爽口彈牙嗰款 其實menu上面真係有好多嘢食選擇㗎。不過雖然嚟食放題咁都要因應自己嘅食量點，唔可以亂咁講費食物😂😂😂😂 我真係太高估自己嘅食量啦😂😂😂講到來盡情食，到最後淨係食檯面嗰啲嘢已經超飽了，最後最多食多隻雪條就算了🤣🤣🤣🤣 另外值得一讚嘅就係呢度啲服務員好有禮貌，你會食得好開心

呢幾日天氣突然好凍下咁，萬寧今日約咗朋友食飯所以決定約埋去打邊爐。 呢間係朋友仔嘅朋友早幾日食完介紹我哋去食嘅，橫掂都係試下新嘢都冇所謂，好彩今日係星期日又畀我哋book咗枱喎。 佢有幾個套餐都唔錯，好耐冇食過象拔蚌啦，佢呢個套餐C是包埋象拔蚌先698，計過條數都幾抵食🤣🤣🤣所以最後變咗呢個c餐。 2個人食，有半隻椰子雞都好足夠，湯底一嚟到一人飲咗碗湯先，都唔錯，個湯都好濃郁。 好耐冇食過象拔蚌啦，好新鮮，絕對食得出佢上枱😆之前仲係好生猛嘅😆，每一件都爽脆清甜，超推介，呢個環境呢個價錢食到呢個質素嘅，都真係算唔錯 呢個份量嘅安格斯牛頸脊兩個人食綽綽有餘，佢哋嘅牛頸脊肉質鮮嫩，而且分量都幾大碟，推介 另外我哋點左蟶子皇同鮑魚各一，價錢實惠，海鮮嘅嘢最緊要新鮮同夾大件👍🏻👍🏻 個鵝粉腸咁都幾好食不過份量就少咗啲囉，我覺得可以再多啲，可能係貴精不貴多😆😆😆😆 最後點左個芫茜餃，雖然唔係人人鍾意食芫茜，不過鍾意食芫茜嘅人一定必須要點😂 食完個芫茜餃嘅份量剛好👍🏻👍🏻👍🏻

早兩日朋友仔試咗呢一間上樓嘅打邊爐，介紹畀我話好新鮮好好食，坐得又舒服，最緊要佢啲員工服務質素都好好，好有禮貌，你會食得好開心。 聽完之後我就約第二個朋友仔陪我上去試下 打開個menu食物價錢都好合理，不過我哋今日都係打算輕食主要係傾下偈所以決定唔嗌套餐就咁散叫 打開餐牌見到佢呢一隻西班牙攞咗金獎嘅頂級香檳啤酒好吸引喎，點咗試下又真係幾好味到最後一人都飲咗一支😂 火鍋湯底我哋揀咗冬蔭功同埋姬松茸冬瓜湯鴛鴦湯底，再點到個四寶丸同埋雲吞水餃雙拼，整體嚟講都好新鮮同彈牙，我自己就覺得個雲吞真係超好食，又鮮又多juice，這個是必需要點的🤤 這個黑毛豬豚肉片，都不錯，口感足夠 手切安格斯也是必需要點的，入口即溶脂肪均勻，食完都是很回味。👍🏻下次人多真係必需要試下佢個牛尚盛🥰 可惜今日我哋得兩個女仔只能食到咁多嘢，下次一定要約多幾個朋友仔呢試多幾樣😋👍🏻👍🏻👍🏻正

今日放工跟朋友上咗一間燒烤餐廳，佢一邊係打邊爐一邊係食燒肉嘅 行到上去佢有幾間卡拉ok房可以食住燒烤咁唱k又真係幾ok喎😆😆有機會開party真係要上嚟燒一次，有得玩又有得食好方便👍🏻😆 2人餐做緊promotion有七折好抵食，商量之後我哋四個人決定揀個二人餐再散打，另外單點的都有85折。 沙律小食都係二人餐裏面嘅前菜 煮食可以揀豚肉同埋牛肉，我哋就揀咗牛肉，不能講笑真係入口即化，新鮮又好口感 另外再有一份刺身 海鮮嘅有帶子同鮑魚，話說個鮑魚放上枱嗰陣時仲識郁㗎 由於我哋個餐係點咗牛所以另外我哋點咗個份黑毛豬同牛舌心，呢個牛舌心誠意推介👍🏻 見到餐牌上面有雞子，心諗雞子都識得好特別喎😆咪決定試一次囉 原來放上個爐到真係會爆開㗎，為咗唔好嘥d汁，我哋放咗落個錫紙兜到煮來吃😂😂呢個錫紙兜係二人餐裏面嘅蒜蓉牛油焗蠔剩下的，物盡其用😂😂 四個人埋單食咗咁多嘢除返一人先二百幾，仲飲咗六杯做特價嘅新力啤酒，超級抵！👍🏻 唔知佢幾時做完推廣，趁仲有平要再快啲約朋友上嚟食多次先🤤好味道

天氣開始凍特別想打邊爐食返啲熱嘢， 我自己就比較餵食 多數都會去啲放題度打邊爐 兩三個人嘅時候， 貪佢乜都有得食 ，唔使煩惱點餐 今次係第二次上嚟倫哥火鍋私房菜， 貪佢地方夠大， 同埋放題進食嘅時間比一般嘅放題時間長， 今日上嚟比我想像中多人 可能因為天氣凍咗 呢度比較自助 點咗個雞煲之後 佢會要求你自己每兩分鐘炒一次 大概炒四次左右就可以食啦😂 不過咁炒下炒下又幾有氣氛 嗰嚿雞 好入味呀 又嫩又香口， 我今次點嘅係中辣， 我覺得都唔會話真係好辣 都ok辣度剛剛好， 非常惹味， 如果鍾意食雞嗰啲朋友食完一轉仲可以再加雞㗎， 出面唔係間間雞煲放題可以再加雞 食完個雞煲超好咁佢就會可以畀你 重新換一個新嘅湯底用嚟打邊爐， 因為交收都幾熱氣所以我哋選擇咗個芫茜皮蛋湯底， 親親幾都唔錯， 個海鮮拼盤好足料，而且 食材都非常新鮮 這個牛肉亦是我嘅至愛， 脂肪嘅比例 均勻 入口即溶 墨魚滑 同埋蝦滑都真材實料 ， 打到起曬膠嘅咁，非常Q彈 之前嗰啲都係出 一round， 如果可唔夠喉可以 encore呢一款牛肉同 豚肉 另外2個雪櫃都有好多款 配料畀你放題任食 啤酒係要另外畀錢嘅 不過價錢都合理 鍾意飲酒嘅朋友都可以盡情飲 汽水飲品都有好多款式選擇，非常不錯😍

同好姊妹去油塘，油塘站一出就係大型商場，本身以為今日兩餐都要係商場連鎖店解決，點知好姊妹竟然帶左我去對面工廠區食海鮮。 真係過條馬路就到，非常就腳。對紅色大閘門好有氣勢，門口養住好多新鮮海鮮。 餐廳裝修好似海鮮酒家咁，地方好寬敞，仲有卡位。 有多款川鍋、海鮮、小菜俾食客選擇，價錢都好合理。 避風塘炒蟹，大大隻既肉蟹，肥美飽滿，一上菜，就聞到好香濃既香蒜辣椒味，火喉十足。 蒜泥青瓜，青瓜新鮮爽甜，蒜味都好夠。尖椒重慶皮蛋，睇賣相都好吸引，皮蛋晶凝通透，配埋尖椒酸酸辣辣好惹味。 呢2道小菜送酒一流，仲要大大碟好抵食。 蒜蓉炒油麥菜，翠翠綠綠，炒得剛剛好，油麥菜仲好爽口，而且唔會太油。