是日費用:149
用膳時間:7:00pm-9:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.今日一坐低,又係水都未有…唉!要叫先有…撞岩泰國潑水節,佢有一set新菜色…同埋有小禮物送。。
講返食先, 我地嗌左個清菜鐵煲飯,比想像中差…啲飯太冧,啲菜就烚完上碟咁…冇味!唉~(女朋友:所以嗌左個辣椒醬…叫做有啲味…)
跟住嗌左個炒意粉, 有驚喜喎……又有香葉既味,又有清新…啲耦餅都好脆。。。值得推介一試！
2.兩個main course 都ok嘅。。正常價,份量都屬多。個炒意粉都好多。
3.今日去,個環境都唔算乾淨因為佢地抹枱真係好hea..(女朋友:我個位仲有粒飯,連汁,勁dirty!!!!)
4.又係唔夠人手,落單等左勁耐。不過啲staff都好nice...希望下次再去會有改善。最好有多啲素食款式揀啦。
 

尚宮餐廳
佐敦上海街152號地下
是日費用:70
用膳時間:9:00pm-10:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.呢間其實唔係我地第一次去。講下今次食左啲咩先。。我地嗌左個咖哩雞(女朋友:唉,要我食肉嗌雜菜咪好囉。)啲咖哩汁好好味,有啲辣！(女朋友:啲雞炸到好脆。。。同埋索晒啲咖哩汁,正！)
另外嗌左個泡飯系列,轉米線。早知唔要米線,因為佢係浸過湯再另上,啲米線已經唔好食。。。好彩有飯,,,都係湯飯好。佢啲魚湯好鮮甜,冇乜味精。有兩送揀,不過都煩,都係肉多。最後嗌個咸蛋,炸枝
竹。啲咸蛋做蛋花湯,真係好正！
以上兩味都直得推介！！！
仲有例湯,不過咸到乜咁,飲左兩啖就冇飲啦。
2.七十蚊兩個人食個晚餐,有中高水平嘅茶記質素,抵啦。。仲要唔多人食,唔洗排隊。食飯可以多飯或少飯,其實佢本身個份量都多。自己可以衡量下洗唔少飯。
3.個環境都好乾淨,好光猛。同銀龍比，地方比銀龍好坐。。不過地方就細啲。。。我見其實都唔多人去食。openrice都係得一個食評,所以趁未加價,人少少去食,平民價！支持！
4.啲人都好nice,上菜嘅速度就好似快餐咁濟！不過啲姐姐就好似婆仔咁一冇野做就喪吹水，仲好大聲。。。哈哈！
 

是日費用:56
用膳時間:1:00pm-2:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.今日嗌左個B餐,終於係搵到多一間會預設素食嘅餐。有好多料,食左個削搖清湯。個麵好硬身,好闊嘅麵,認真麻麻。另外一個係炸醬撈麵,個麵係手攪麵。又一餐有驚喜！個汁真係幾好味。青瓜絲好清新,啲麵都係偏硬。。。
2.其實又唔係好貴嘅,廿幾三十蚊,大大碗,如果唔係削搖麵應該都好飽肚！認真講個炸醬好抵食！冇諗過佢咁大碟。
3.環境黎講,初初個鋪頭冇乜人都ok 嘅。不過一到lunchtime 就超多人,企晒係到等,傾偈個陣口水橫飛。。。真係Welcome To Facebook 囉！真係走都走唔切！(女朋友:其實佢地唔係應該係出面排隊架咩.v.啲姐姐又由得佢企係枱附近等)
4.個撈麵本身係嗌米線,但點知上錯手攪麵。咁我地都問下姐姐,佢係咁sa 冧。(女朋友:佢係完全冇意慾幫我轉返囉,係咁話你介唔介意,又話手攪麵都好好食。我都唔想煩到姐姐,始終佢地唔係煮個個,又冇打錯單,所以都還好啦。)

女朋友手記
尖沙咀加連威老道嘉蘭圍22號地下
是日費用:60-80
用膳時間:1:00pm-2:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.今次係第二次食。我地同行三個人,我嗌左個普通拉麵加咖哩飯;第二碗係叉燒拉麵加叉燒炒飯;第三碗係招牌牛油拉麵加多春魚。
如果你唔同佢講要濃湯的話,佢所有麵都係俾淡湯。所以我個普通拉麵要左濃湯,第一啖都真係好正,好夠味,不過食到底就覺得好鹹。叉燒好夠冧,好好食！個咖哩飯都好正！啲汁送飯一流,甘甘地;薯仔又燜得好冧,成個餐都好夠飽。
跟住有叉燒拉麵,其實都係多兩三塊叉燒。淡湯啲麵質好似軟過濃湯。跟餐個叉燒炒飯就麻麻。。。好乾,又冇味,好似食炒白飯咁,少少失望。
最後一碗招牌牛油拉麵,啲牛油融落個湯到勁正！淡湯加牛油之後,個湯味道變得滑啲,比淡湯香濃,又唔會鹹過濃湯！所以認真招牌拉麵！！！！另外上燒多春魚,滴啲檸檬汁,好食。又好脆,最要係啲春真係好多,骨又軟，好啖啖肉feel...(但我覺得好似扼殺左好多小生命/_\)
2.普通拉麵跟餐送一個小食,就58+1%service changer ;多款啲嘅拉麵就$68+1%,包一個小食同汽水。
3.地方細細,但睇個bar枱個位真係好日本feel,可以見到有師傅煮拉麵。lunchtime 去就都多人排隊,不過都好快有位,around 10幾分鐘就入得去。樓
面都乾淨,整體感覺良好。
4.由入到到落order 到上菜,都係得幾個姐姐做,都算好快手。不過落order到上菜就慢左少少,今次等左廿分鐘先有第一碗麵黎,支可樂要等到食完碗麵先到(其實好明顯佢地係忙到唔記得姐。。。)服務態度良好。

青衣城3樓302(KFC隔離)
是日費用:$273
用膳時間:6:00pm-8:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.自食素之後,開始留意無肉餐單。上次經過I Thai 睇到佢推出一份素食餐單,真係好開心。所以今次真係去食,嗌左越式素菜粉皮，其實就唔係咁好食,主要係個皮太粗。嗌左個蜜糖豆,都係普普通通(女朋友:我好少食何蘭豆,不過佢炒埋啲什菇真係好好食。)再上多個炒金邊粉,好好食。係個角落有乾椒粉同炸蒜,可以俾你撈埋黎食。(女朋友:好
彩男朋友撥走啲辣椒粉,因為都真係幾辣下。。。)之後有素菜米紙卷,好清新,有驚喜呀！(女朋友:我抽架！唔洗錢送架,呢個又可以解辣,因為我唔小心食到乾椒粉。。啲生菜脆卜卜。好正！)仲有一道 鐵板蛋包什菜, 我感覺好似好多油咁,個蛋皮又太熟,同埋佢有菜芯係到好似怪怪地,因為熱到的菜黃晒...(女朋友:佢個鐵板真係好熱,佢落咁多油可能因為唔想啲芽菜燶姐,so far啲芽菜都好好食)
2. 埋單都係$273,有咁多野食我覺得都可以接受…同埋有類近既地方係價錢方面都屬於中間…都可以考慮再去食既!
3.(女朋友:佢個到一人多就麻煩,好鬼迫…肥少少都撞到人,我地差唔多食完個陣,有3個大陸人拖住架bb 車坐係2人位個d位,個小朋友訓死左咁,佢地又要格硬坐,係咁撞到我男朋友…後尾等卡位個張走
左就即刻畀佢啦,,,佢個到你問我乾唔乾淨…er…有蚊囉,青衣城有蚊我覺得都幾大鑊...另外,其實佢個環境我覺得幾有情調,好relex~)
4.我地入去個陣已經唔係full, 但重點係有人企係門口帶位, 女朋友話等有人先入去,咁我地就係出面睇下食咩,都等左一陣先有人帶位…(女朋友:坐低左又係一陣先有人斟水同畀menu, 個經理又好慢咁,成班人做野好似慢半拍,定係其實我地太趕呢?有d都好nice,上次我地經過,有個位係門口嘅叔叔派張外賣紙俾我地,佢都好熱情咁介紹左幾款素俾我地,我覺得好warm …大致上都係咁啦…)

女朋友生日飯與同事手記
是日費用:276
用膳時間:1:00pm-2:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.女同事嗌左個龍俐柳薯菜,佢個魚好滑,好好食。。。薯菜唔只配薯角同菜,仲有煎餃子！好食(為左寫食評我出賣左自己個胃食左好多薯仔同兩舊煎餃T_T佢話減肥食唔到咁多。。 )咁又係,佢個魚柳有兩塊,都好大塊。。
我就嗌左個BBQ baby ribs ...好好食！個BBQ
sauce好正。個ribs又燒得好香,啲肉又嫩！可惜得四舊。
大佬嗌左個西冷,七成熟,不過上碟個陣仲出血,真係唔知點食,不過佢話上似食四成都係咁血冧冧(OMG!啲咬呀？)西冷我真係唔識食,不過塊扒都有兩大塊！
唔記得左個前菜,係上菜之前有一條長餅,好硬,不過牙痕好好咬。我地三個都係嗌沙律食,佢個煙三文魚幾好食,同埋砌到好似花花咁好靚*v*同埋啲沙律菜配沙律醋都好正,開胃！
餐飲我嗌左咖啡,可惜真係麻麻地。
2.我覺得都幾抵食,七十幾到百零蚊有個咁好嘅質素。出糧一次半次OK啦(因為唔係我pay:田,大佬同經理請)
3.一入去就覺得好正,佢本身係BAR嘅裝修,所以我
一坐低張梳化櫈,真係所有壓力冇晒。個環境都好舒服,以黑色做主題,燈光用好溫暖嘅tone,隻眼就好放鬆。走個陣好似訓醒咁
4.我地一入去就有個人帶位,好快手咁上menu 同水,不過上菜慢啲,可能因為係即整。全部都係男侍應,都好nice同溫柔/v\講笑姐。。。

銀咖哩(熊貓酒店分店)
是日消費: $66
用膳時間:1:00pm
1.原本諗住去荃灣食糖水, 不過太早去糖水街未開門…所以去左食銀咖哩…
由於我已經唔食肉, 所以得幾個可以揀-芝士野菌蛋包飯,女朋友就嗌左個吉列海鮮薯餅飯.
芝士野菌蛋包飯個蛋皮岩岩好,又夠薄,不過啲菇就好似少左d…比起個薯餅飯的汁..我覺得個佢個汁濃d同好味d...
(女朋友:但我鐘意個男朋友個咖哩汁多啲, 冇咁重味….甜甜地…個海鮮薯餅都好好食, 岩岩炸起好脆, 不過唔覺有海鮮味…最多都係咬到幾粒既章魚粒…)
仲有嗌左個薯角, 啲薯仔好軟, 好食…不過就少左啲…(女朋友:佢啲茄汁超少,唔夠食…我係茄汁怪)
另外有杯百事…飲開可樂既人都佢百事係好甜…不過呢杯真係異常咁甜, 好難飲….成杯糖水咁…
2.其實我就覺得ok既…廿十幾蚊有個飯(唔包野飲!)佢啲飯冇溝米, 都係全部珍珠米…啲咖哩又好食…(比起同價咖哩黎講)
3.個度有一隻好討厭既蚊係我地眼前游走, 可想而知個到幾乾淨…仲有我地發現熊貓酒店已經畀蝗蟲攻陷左,隔離左右都係蟲…(女朋友:好彩都係差唔多食完先多人), 唔算乾淨,抺完枱又係有粒米係到…唉
4.D WAITER 都好NICE, 不同好少人,所以見到佢地都做到踢晒腳..

元洲街天悅廣場地下(油站對面)
是日費用:104
用膳時間:8:00pm-9:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.我地嗌左個雜菜咖哩同魚香茄子。個咖哩好辣,好醒胃！送飯一流！(女朋友:平時食開半碗仔飯。。。今日食晒一大碗飯！可惜咖哩冇薯仔:'(得西蘭花,西芹,菜仔,羅白,菜芯…好多菜*v*)
仲有個魚香茄子,啲茄子好新鮮,不過我嫌佢啲肉碎太多,可能我食素嘅關係啦。。。(女朋友:所以咪得我食唒啲肉囉,不過又真係多得誇張。同埋我食
到佢真係有一粒粒嘅咸魚,好香~我鐘意用呢個送飯！咖哩汁真係太辣)
佢有一大碗例湯。幾好飲！唔係好多味精。ok接受到！(女朋友:食一啖咖哩,一啖湯,個湯嘅感覺好鮮甜:|)
2.用百零蚊食一個晚餐,其實真係好抵！大大碟送,大大碗湯,大大碗飯。(女朋友:不過好攪笑,可能人地見我係女仔,我碗飯少過男朋友個碗。)食到捧住個肚出去！正。呢個價絕對唔係食飯咁簡單,仲要係食香港地道嘅人情味。
3.其實佢個到好乾淨,裝修簡單,地方又大,約一班波友打完波黎食飯吹水真係好ok.(女朋友:雖然我一開始真係唔太想入去,因為compare 隔離個間,門面好舊好似好污糟,不過因為師奶心態,男朋友仔話呢邊平啲,所以入左去。不過又係有驚喜:＞)
4.一入去坐低,我地就坐低睇有咩食,我女朋友無啦啦好似小朋友咁舉手,個呀叔都笑左出黎,仲話諗住唔阻我地。(女朋友:咩喎~我想知錦江豆腐同八珍豆腐有咩分別嘛！個叔叔都好nice咁答我,原來錦江係辣嘅！)我地發現一路都冇單俾我地,去到埋單個陣仲攪笑,我女朋友問佢啱啱數,個呀姐仲笑笑口話:你話啱咪啱囉。。(女朋友:大家記得唔好呃人！入去食飯真係俾佢地嘅感覺融化左。。。好有屋企人嘅感覺)

是日費用:102/3位
用膳時間:1:00pm-2:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.春卷:應該係新鮮炸好,超脆同好熱。
牛肉球:認真講,冇肉味,咬落去都唔似係食緊肉丸。不過啲山竹好滑。
蘿蔔糕:普普通通,唔算粉,但煎得唔夠脆。
咸魚肉餅飯:啲飯軟硬適中,舊咸魚都好好食,肉餅都大,夠送飯食。
另外,佢啲辣椒醬唔係好辣,不過好好食,唔太鹹,岩
想食辣但又唔食得辣嘅人。
但喼汁就偏酸,擺多幾分鐘酸到喊。
2.$3一個茶位,係尖咀黎講都平。不過點心都偏貴,感覺上唔抵食(不過冇加一,同酒樓價差唔多架啦)食飯個啲就抵啲，湯飯都係$38...蒸飯$27。。呢啲就夠飽肚。
3.個場都唔係好大間,但啲位就迫到喊,尤其大家食飯時間,好難讓位俾人行。地方都算乾淨,始終都係新開張幾日。不過茶就要問先有,$3茶錢唔值。出面等位嘅範圍,有凳仔同煙灰缸,一出去就煙攻。唉。
4.可能新開張關係,隔離又摺左茶記,大家迫晒入去個到食。啲姐姐都唔話得,會問返客人上齊未。錯單都會好nice咁同你cancel order...

是日費用:115
用膳時間:7:00pm-8:00pm
如果你係一個懶睇癈話嘅人,可以依照你注重嘅數字睇文。1.講食 2.講錢 3.講環境 4.講服務
1.先上例湯:粉葛赤小豆紅蘿蔔湯。幾好飲,冇乜味精,都好夠料。
跟著我食個粉絲粗支齋煲,好大煲,又多粉絲,有雲耳,有腐竹,薯仔,芽菜,茄子,紹菜等等。(女朋友:如果我自己一個人食,冇飯都食得飽,同埋啲薯仔超冧,個煲熱到啫啫聲好得意)
跟住上馬來西亞咖哩雜菜煎蛋,啲菜比想像中多款,有西蘭花,薯仔,洋蔥,燈籠椒(女朋友:我嫌個咖哩汁
唔夠creamy,不過都好香椰奶味,好食！)
仲有杯奶茶,好地道香港奶茶feel,夠澀,但又唔會冇晒奶嘅香滑，奶茶都係熱嘅好飲。
2.其實個到可以揀素嘅款唔多,係menu 到見到碩果僅存嘅齋煲,一定要食啦。大大煲都係$65仲送湯(轉熱飲加$2)...咖哩飯都好大兜,$50送熱飲。好飽。
3.樓面都好乾淨,個地方又大,道路都好闊,唔算特別多人,起碼唔洗排隊。不過個到係牛頭角下邨,真係做嘅只係街坊生意,好彩對面有地鐵站同巴士站,唔想係大商場食都可以行遠少少黎食。(女朋友:女仔好注重個廁所,行入去個廁所條走廊好跣,又濕,出面係巷仔,啲叔叔係出面食煙,感覺好污糟\口/,個廁所好細,夠轉身。)
4.女朋友:一坐低就有一大碗水俾你洗碗洗餐具,上菜落菜都快,啲姐姐都好nice,係坐cashier個女人冇笑容好似惡啲。。上菜個叔叔都有提我地個煲好熱,仲幫我地擺返中間。整體感覺啲人嘅服務態度唔錯。