今日一家五口黎左呢度食,原因知佢就黎拆,專登走黎呢度試下,

1. 清湯牛筋腩 (好正,牛筋腩整得好淋)
2.泰式墨魚餅 (好彈)
3. xo醬西蘭花炒象拔蚌 (象拔蚌好爽)
4. 生炒骨
5. 酥炸魷魚,(新鮮熱辣)
6. 豉椒炒蟶子 (隻隻都好大隻架,同埋都係個度的招牌菜黎架,好快就賣哂架

叫左幾枝啤酒

老闆都好細心架,成日都問下我地想叫咩菜,同埋黎菜的速度都好快架,佢仲叫我地下次黎時要訂位添,因為有時真係好難突然間俾到位架.

今日見荃新天地開左些舖頭,諗住入去行下,俾我地發現呢間新野

叫左個蝦乾銀魚蒸茄子 -最後先黎,但真係好熱,或者真係要蒸,起碼十五分鐘架,但係嫌油左少少

香蒜雞軟骨--冇一般 日本料理炸得咁利害,好好味

石鍋魚米薑粒炒飯 -- 第一個黎到的菜,好熱,用真魚切粒炒架,味道都ok

雙果咕嚕肉 -- 豬肉份量少左d,味道都可以送飯

侍應態度參半,某幾個會好好招呼,但係食物稍為耐左d黎,

八點幾鐘去到唔使等位,坐左卡位.叫左四款東西

雲南氣鍋雞 (細),--d肉鞋,但好入味
雲南過橋米線 -- 侍應送上桌時,先將d料落入熱湯,令材料整熟,呢個都唔錯
雞湯水餃-- 不過不失
蒸鍋貼 -- ok

打完邊爐當然要去食番D滋潤野.叫左呢度好出名的麻蓉湯丸,佢落左好重薑味的水去煮,

紅棗烏豆桑寄生-- 好多紅棗同埋唔係太甜,
榴槤甘露-- 好重榴槤味
合桃露-- OK

服務態度OK

經同事帶領下,黎到呢間舖,由於book左table兼且六點九去到,都唔係太多人,去到叫左個豬骨湯底,勁多好淋的豬骨呀

雜錦海鮮拼盤,當中有魷魚,蠔,蟹,蝦,貴妃蚌,鯇魚骨,
手切鮮牛肉,正呀,好淋身,佢係即場用人手切架,塊塊都好薄身架,
脆肉鯇,
白鱔,好脆
豬腰,好爽,
豬肺,
牛爽(類似係肥肉的東西,但好爽)
生根
手打蝦丸同墨魚丸(好彈)
生腸
菜
豬頸肉
餃

服務態度好好,

呢日同男友向沙田試呢間舖

豬軟骨湯烏冬(豬軟骨咸左些少)
雞扒撈烏冬,幾好味
黑椒炸雞軟骨(同平時我地食個d,會有黑椒味,新鮮)
叫套餐加10蚊,有兩件sushi,都算新鮮

侍應麻麻,叫佢羅兩隻碗都叫左幾次,仲要係分開黎羅俾你.可能係d後生仔,唔係咁想做卦.

向沙田食到呢d算係平的舖頭,唔係好使排

呢晚約左pooh及tigger去左火炭津津美食度食飯,由於驚多人,所以六點半我地就坐小巴入去,短短幾分鐘的車程就到了,可能未到食飯時候,所以都未算係好迫,之後我地就齊齊點左幾個小菜

蝦乾浸娃娃菜(好入味)

豉椒炒蜆(唔係好辣,岩我)

沙拉骨(男友鍾意食)

辣酒煮花螺(好辣,食左一隻咋,不過價錢都唔平架,128蚊喎)

檸檬蒸烏頭(好耐冇食過咁好味)

過七點半就滿哂了,招呼唔錯

呢日為左慶祝男友升職,uncle專登叫我地去呢度食飯,事關去年的佢的大壽都係向呢度擺架,

去到好快有位,點左五個菜

什菌龍利柳-- 都唔係好見d魚咁,有芝士舖面
翅湯菜膽蝦球-- 好淡,一d翅味都冇..
陳村鎮江骨-- 翻炸,整到d骨勁乾,唔好味d肉縮水
乳鴿-- 同樣係翻,唔好味
蛋白蠔餅-- 冇黎,d菜食哂都未黎,呢d係最快都黎得咁慢,叫取消又話幫你追下好快黎,但係追左都係等左好耐都未黎..索性取消兼埋單,佢都有送糖水同生果

但係比上次水準好差

呢日愛立信,佢父母同埋我黎到呢度打邊爐,之前都去過沙田禾輋個度試過,諗住又試下另一間

去到當然係同模式咁有天婦羅,幾件sushi,同埋一個雜錦火鍋料上左先,唔夠時再叫

不過呢度d職員個個都好唔同架,我地叫左墨魚丸幾次都未羅到黎...卒之我個次淨係叫左墨魚丸,就好快咁黎架,仲要係好多粒架,點知再第二次夾埋其他東西叫時,又得幾粒咋,我地叫左豬骨煲,都唔錯,

每人可以向十款小食入面揀一款,當中有拉面,米線,同埋串燒小食,拉面都算係小食咩...

侍應服務一般,價錢都算ok

呢日係男友生日,早幾日前都諗緊去邊度食飯,佢\\\又唔想食自助餐\\\喎,相反日本野岩佢\\\,咁我咪專向日本野度找下羅
俾我找到呢間餐\\\廳,book左七點半ordered table,去到d waitress都好好招呼架,添左好幾次水,食完d野好快會清哂.

主要係迴轉或者自己剔紙
sushi類
三文魚--十蚊兩件,都ok架
雞蛋--超大件
煙鴨胸-- ok
北寄貝--都幾厚肉
熟蝦--ok
鰻魚-- d魚都好軟熟,同埋個醬汁好正,唔似其他舖頭咁硬身,值得推介
日本水八爪-- 一般
炙帶子海膽-- 一舉兩得,可以食齊哂,不過就要35蚊兩件喎

前菜類
櫻花蝦-- 係細蝦仔,用醬汁撈埋,個味好正...

手卷類
軟殼蟹-- d紫菜淋左d,同埋蟹炸得過火,凍的.但係食到最尾部都仲有飛魚子向裡面

軍艦類
三文魚子蟹子-- 又係一款裡面可以試哂兩樣野,ok

湯類
蜆仔味噌湯--一d都唔味噌,仲好好飲,d蜆仔仲隻隻有料添架.

卷物類
鰻魚牛油果卷--唔使多講,值得推介
吉列蝦蟹子卷-- 蝦凍左些少

一品料理類
雞軟骨串-- 普通,但勝在夠熱..
免治雞串-- 好軟熟,同埋食落爽口架,好似雞軟骨咁架

用東亞信用卡,食滿300蚊可以有九折優惠,兼且有四款口味雪糕揀添,芝麻,柚子,綠茶,紅豆

雪糕類
柚子-- 酸酸地,唔錯,消化岩哂
芝麻-- OK

侍應招呼幾好,