石門太多選擇，但本人較鍾情小店，經過見佢新開業不久，便姑且一試.... 點了安格斯漢堡並加$38跟餐，個意大利雜菜湯有咬口，有紅蘿蔔粒粒又有紅腰豆，味道夠晒蕃茄加雜菜，絕不欺場個安格斯漢堡配了少少沙律及一堆薯條，估唔到堆粗薯條都係驚喜之一，外香脆內軟，唔係炸到勁硬身果d.... 最後個安格斯漢堡，個麵包係有處理過既，而塊安格斯牛亦份量十足，口感juicy..... 最後，此小店只接受cash...payme...ga ja

經常幫襯，50蚊左右一個健康飽肚lunch總勝於茶餐廳多油多鹽午飯~ 熱食既有食過糙米飯及三文魚柯素米，份量大大碗夠飽肚；亦試過菠菜西蘭花湯，但較杰身；亦有試紅蘿蔔薑湯，有薑味但唔會太辣； 各樣飽佢都可以幫你翻叮，個酵母飽很大份，很足料，有煙三文魚，夾埋蛋，生菜，蕃茄，青瓜仲有個薄荷乳酪醬，很開胃野味♡仲有試過磨菇蛋鬆餅，不過有d實咗d；而每次必定點紅椰菜絲只撈橄欖油，蘋果醋少少pepper.. 很清新又帶點微酸，很開胃。

優閒既內街，有間白色小店，室內牆身掃上泥水灰加簡單裝潢，非常chill 咖啡點了seasonal blend + white coffee + milk foam 要 firm 啱我口味，微微花香，唔酸唔過燶苦 toast 揀咗3個toppings, 先揀raisin & walnut 配上scrambled eggs, mushroom, tomato with mozzarella cheese, 貪心少少加20蚊埋 side dishes salad 個home made包唔硬又唔會太淋身，配提子乾and 微細nuts，好好食，個炒蛋很滑身，唔會出水，挺身得黎又唔硬mushroom 很多，配個汁後d菇亦很香，d蕃茄仔有酸味帶甜，完全唔會有生蕃茄仔既味個side dishes salad 今日係南瓜仲有d鮮粟米，個醬汁好好味 最後忍唔住叫多個lemon tart, 很fresh!!!

自從係荃灣食過後真係好難忘，終於係九龍東藍田開分店了，真係要再encore，大大隻熱狗，足醬料，又即叫即整，可以配套餐，lunch食絕對夠飽， 今次只叫了個最簡單的一款，就是原味芝士及小吃洋蔥圈，而唯一要彈既係，見到佢有部分食材購自佳寶...

連續三間小店，其中一間可能有賣廣告所以要拎飛排隊而且得60分鐘用餐，最後跟友人商量後便到nonsense♡ 職員態度友善有禮，環境舒適，室內溫度剛好不過冷或唔夠冷氣 食物質素方面大驚喜，兩個人用了三小時食了四份餐♡♡♡ 先黎份量十足原隻炸軟殼蟹拉絲芝士焗飯，入面仲有南瓜粒驚喜 另一份係all day breakfast，個大啡菇很juicy♡個香草麵包勁野味 最後3pm時間到便嗌甜品啦～ 個柚子芝士餅很香口清新唔會漏，配法式焦糖布甸，布甸很滑，甜度易入口舒服 仲有個金莎口感既朱古力味雪糕，配新鮮生果既waffle，仲有靚靚棉花糖伴碟

上菜慢，服務態度差劣，食物質素無咩可言。刺身唔太新鮮，很一般，生蝦個頭有點霉及發黑。 話明主打烤牛，所以我地一行6人喪點牛，但上菜慢之餘，份量唔係我地點既量，屁如寫12粒牛粒，黎8粒、12塊牛舌，黎10塊牛粒亦多筋。飲品限每人兩罐，選擇少，得可樂7喜綠茶及烏龍茶。亦冇甜品。個綱燒到燶及著火，原來要畀18蚊才會換，加埋一即20蚊，從未去過要畀錢換網。 最後，8點正粗暴催交枱，我地問餘下生食物點算，個女人二話不說即收碟，我地全枱人呆晒。再問有冇甜品，話要係Facebook like佢地就有。結果一肚氣8點05分走。

經過荃灣廣場後面條街發現好多野食，經過見到一間門面裝修不錯既西餐廳，再望望lunch餐牌，就吸引咗入去喇…… 嗌咗厚切黑毛豬意粉……整個set包了熱騰騰又鬆軟似乎係自家製既梅包，仲有夠溶既南瓜湯，主菜黑毛豬意粉驚嚇，超級厚切肥美多肉，個意粉有我喜歡既creamy意粉，配埋一堆火箭菜及烤菠蘿超正，未完……仲有好味既blueberry cheese cake 同埋餐飲無得頂，飽到爆炸，好味到必定會encore!!!!

工作關係係荃灣發現有韓coffee shop...實在太好，呢一間環境幾愜意唔錯，客人方面兩次黎都遇上日本人及韓國人，感覺自己好似係韓國咁♡ 侍應待客盡心亦有禮♡ 呢次點了cafe latte及芝士蕃茄牛肉意粉, 咖啡很有咖啡豆既香，而個意粉勁多車打芝士而且牛肉粒絕對唔hea，粒粒真材實料，有牛肉味既牛肉，激讚

係尖沙咀食過數次，終於係美孚有開分店lu.....見老闆很落力很賣力，睇得出用心經營 是次點了響噹噹既黃金蛋，外層炸得金黃唔會過燶，亦唔會炸到油淋淋，個粒魚蛋仲彈牙加千島醬或甜酸醬都很匹配♡ 再試埋個牛魔王，咬落去似有打出黎果d牛肉，非常紮實，平時我很怕街邊所謂既湯底，但呢個牛魔王湯底我飲咗之後又冇頸渴wor，當然我又唔敢講佢100%冇味精，但總之飲完唔頸渴，而且我朋友有MSG敏感，佢都冇事 以食物質素及老闆賣力，我覺得值得推介及支持下

新來這區上班，得同事介紹下黎探索這家小店... 店舖細細，裝潢骨子細膩有心思，簡單白色牆身配上木質傢俱，而店外仲有個掃上白色充滿外國feel既balcony，讓人閒坐飲咖啡吹個水，環境實在愜意。 食物方面，簡單而配搭有心思；大致上個lunch menu很合我口味，有意粉有沙律選擇。 是次點了安格斯牛柳粒沙律WoW 份量非常驚喜首先，牛柳粒很有牛味，亦保持肉汁，淋身冇筋，再配合佢地調既source，非常出眾 然後個菜喇，很新鮮爽口，一碟入面有好多不同款既菜，羽衣金蘭、火箭、沙律菜，仲大大堆，真係未試過食沙律都食飽我ga有菜有肉冇澱粉質，真係好啱OL愛健美既人。 到咖啡方面，很啱我口味，有咖啡香，唔苦唔過燶或過濃，飲落口係舒服的。