同男朋友黎這兒食晚餐，其實有點機緣巧合，因為平時好少黎這邊
尖沙咀少有地唔使等位的餐廳，不過其實好好食，少人可能是因為地點較為偏僻．．
果日有點冷，所以沒有食刺身／壽司，叫了串燒同爐端燒：
燒鯖魚：非常正！好滑又好香！推介！
雞翼餃子：雞皮好脆，也推介！
牛利：我冇食，不過男朋友話正
金姑牛肉卷：呢個ok，不過又唔係好特別
枝豆：我好喜歡枝豆，呢間都做得好唔錯
每人仲叫了一個烏東，都好滑，而且湯底亦好鮮
老闆娘好好客，同我地傾左一陣，覺得呢間係一間有誠意，食物水準高既食店！
P.S. 佢個洗手間貼左好多有關不要飲醉酒既文章／詩，好得意

由於近公司既關係，間唔中會黎呢度食lunch，午市有多款lunch set，好多都好好食！

頭盤可以揀：鵝肝鴨胸卷／沙律／湯
我通常都會食鵝肝鴨胸卷，味道很好！鵝肝味道頗濃，而鴨胸好嫰滑！

主菜都常都係：蘑姑意粉／牛排／豬排／魚fillet
我全部都試過，最鍾意豬排，好似係配蘋果汁，豬肉好嫰滑！再加上甜甜既醬汁，好正！
牛排都ok，不過有試過不太lum的，但都好有肉味！
意粉弄得很香而且Al Dente，非常惹味！
魚fillet亦很嫰滑！

呢度d咖啡亦非常高水準，香濃！

其實呢度午市唔貴，水準卻非常高。不過黎呢度食lunch要早d訂位，因為成日都好full。另外，呢度係open kitchen，而且地方細，食完好多時會有油煙味....

PS 呢度個大廚好型仔!

我十分喜歡食咖喱, 經常都會四處搵好味的咖喱食!
今日又潮濕又熱, 都係食下咖喱先!

環境裝修老實說不太美觀, 給人感覺有點不衛生, 但好食就ok了!

叫了一個咖喱牛柳飯and 凍檸茶走甜, 是一個伯伯(我覺得係老闆)落單的!
來的時候阿姐卻說凍檸荼是少甜, 我便說我要走甜, 來錯了! 伯伯立刻過來連聲道歉, 又說自己年紀大, 可能說不清楚, 阿姐說笑地罵伯伯真的說不清楚(她都有同我道歉), 伯伯好像小朋友比人罵般伸下條舌, 你話點嬲得落啊!! 況且真係好少事而已!

咖喱飯上的時候, 伯伯放了上桌, 想了一想, 好像又覺得不滿意, 轉一轉碗同碟的位置, 擺到滿意為止, 雖然環境不美觀, 但佢都用有限的資源, 提供最好的服務給客人, 真係好有熱誠!!

咖喱飯真的很不錯! 我要了中辣, 我平時頗食得辣的, 都覺得ok! 唔會好似其他餐廳咁, 叫極加辣都唔辣! 而且又香又有點酸的, 好好食好開胃!!! 牛柳都幾林, 而且都有牛味, 非常好食!!!!

伯伯見我一個人食飯, 走過來問我夠不夠食, 食飽了嗎(因見我淨了飯, 不是不好食, 是因為太飽), 平時我唔係咁喜歡食野時比人咁問, 因為覺得煩and虛偽, 但伯伯比我感覺係非常真摰, 比我有一種有少少出於關心的感覺! 真假都冇所謂了, 至少我咁覺得就ok了!! 我走時都有同我講bye bye同下次再黎! 放心, 一定會再黎!!

p. s.: 食緊的時候, 見倒有位印度人員工好像整親了, 伯伯即刻上前慰問, 又叫他睇醫生, 如果有事記住出聲等等, 佢對員工都真係好好! 好似當佢親人咁! 連我都有點感動啊!!

一直都有留意呢間於屋企附近既韓國菜館, 亦有睇佢0係openrice既好評,
成日都想試, 但係成日都好多人排隊....
今日終於把心一橫等位, 等左15分鐘就有位了, 結果冇令我失望

兩個人叫了:
牛肉魷魚石頭窩飯 - 上桌時熱辣辣, 侍應加上麻油及辣醬後有禮地問我們要不要他幫忙攪拌, 當然好啦~ 味道非常好, 牛肉有甜的味道, 沒有被梳打粉弄過, 有咬口得來不un, 魷魚有醬汁拌隨頗惹味! 飯加上醬汁後很好吃, 加上有飯焦 (我的最愛), 要我一個人吃一窩也完全不是問題! 跟飯的湯甜甜的, 亦很好飲!

海鮮蛋餅
蛋餅煎過後仍頗鬆軟, 雖然不太多海鮮, 但亦充滿蛋香, 很美味!

由於老闆是韓國人的關係, 這裡的菜式都很正宗!

服務方面, 一對後生男女侍應(看似老闆的一對子女)很溫文有禮, 雖然沒有日本餐廳的那麼跨張, 但給人感覺很舒服。而老闆可能不懂廣東話, 很少跟客人有交流, 但不代表他無禮, 因有時看到他對客人笑得很親切! 整體給人很溫暖的家庭感覺, 好像真的去了一個韓國家庭作客(可能因為真的是由老闆一家經營的關係), 很舒適!

最重要的是, 吃到正宗又好吃的韓國菜於此處是非常便宜, 於旺區的正宗韓國料理動輒每人$100以上, 而這處每人只需$45! 抵!

呢度最出名就係咖哩豬排飯，而佢亦係我既至愛！

豬排好大塊不在話下，仲好鬆軟，又唔會好似其他店咁冇黎味道。

咖哩汁方面，我個人覺得咖哩汁好人夾人緣，有ｄ人鍾意港式，有ｄ人只愛印度式，等等．．我就覺得佢ｄ咖哩汁係我在香港食過中數一數二既，香得黎又夠辣，送飯一流！

另外馬來炒飯亦值得一試，佢係用咖哩汁炒飯，好香口。

我亦試過乾炒牛河，都幾好，不過都係鍾意咖哩豬排飯多ｄ。

除左地方細ｄ同貴左之外，真係冇咩值得彈！

好耐冇寫食評都要0係呢度讚下!

呢排因有事要經常在筲箕灣出沒, 我本人好鍾意食咖喱, 所以便來這裡一試!

點了一個set lunch, 有:

餐湯.....一般!
咖喱羊肉, 要了中辣....非常好味, 食得出有香料味, 好香!
千層餅(要加5蚊).....好正! 有油香味, 而且新鮮整, 熱辣辣, 同咖喱簡直係絕配!
奶茶....幾香, 唔錯!

如果喜歡咖喱既朋友, 我會推薦給你們, 但唔食得辣既朋友, 我建議你們不要叫太辣!

呢度d熱狗真係又平又好食!
hku附近唔係好多野食, canteen d 野又多數都唔好食, 有時都會特登過西閘果邊買熱狗食~
我最鍾意芝士腸熱狗, 又夠熱又大份! 好正架!
加埋野飲都好平, 而且老闆好nice架~

Friday night 同2個朋友食飯, 想坐得舒服一點, 來了呢度, 等了好一陣子先有位

來這裡的目的是吃pizza, 所以叫了2款, 分別是orginal bbq chicken 同milan pizza, 一個pasta 同一個hot fudge brownie

original bbq chicken : 好味道, bbq 醬很惹味, 而且批都很crispy

milan pizza : 更好味, 芝士味很香很濃, 而且有少少芝士既酥味, 我自己很鍾意

宮保雞丁pasta : 咁中西合壁, 試下係據頭野定真係正野先, 味道都幾好的, 幾香口, pasta有咬口, 食倒中間條芯, 煮得不錯, 而且不會太辣, 不過有點苦...收貨!!

hot fudge brownie : 上面有vanilla ice cream 同一pat我最憎的cream, 破壞了! 不過只吃brownie的話都ok的, 不過我吃得很甜的, 所以不能作準, 我的朋友就話有點太甜了...

侍應很有禮貌, 上每一道菜前都換一次碟, 而且經常微笑, 好!

加埋無敵大海景, 真係一間唔錯既餐廳, 抵佢咁多人排隊!

呢度既麻辣餸菜唔錯, 雖然唔係好正宗既四川菜, 但係味道好好
我通常會叫麻辣米線或者麻辣炒飯, 兩種都好好食
如果覺得唔夠辣, 可以加桌面既辣椒醬, 好辣好香!
我通常叫既麻辣大腸炒飯, d大腸好肥好香好好食呀! 推介!
而且呢度既服務唔錯, 值得讚揚!

呢度ｄ壽司不錯，魚生都幾肥美同新鮮，而且都幾多種類選擇。
特別是油甘魚同海膽，質素幾唔錯，非常新鮮！穴子卷都好好吃！
而手卷的紫菜亦很脆，不會淋pat pat。
服務亦幾好！

如果同隔幾條街的板前比，我覺得花板好過板前，無論食物質素及服務都是花板較好！
不明白為何板前為什麼仲有咁多人排隊，而呢間就唔使點排，可能是名氣的關係吧．．

位置不算難亦不算易找，其實是在細翠華隔離。