早一個星期喺太子食過泰菜（泰廚，但係雞煲打邊爐），真係唔掂， 琴日特登再食一次九龍城正宗d嘅泰菜， 因為只有泰國當地嘅泰菜，夠酸夠辣最啱我口味😊 琴日我哋打晒針，10個人食，分2台， 食咗好多嘢，啤酒飲品，每人$150多d, 我覺得只係串燒比較差啲，實肉d同埋偏甜d, 其他都好味， 尤其： 店員推个，鹽焗鰂魚，大條又肉鮮👍🏻👍🏻👍🏻 豬頸肉👍🏻👍🏻👍🏻 黃咖喱海鮮+法包👍🏻👍🏻👍🏻

呢間食左好幾次，我覺得抵食，味道也好ok. 通常自己一人去，會揀「全日早餐」，幾次店員都主動問：2件疏乎厘pancake另上？ 全日早餐$88，再加10% 服務費，好大份，通常食剩腸仔要打包。 溫馨提示：佢地有最低消費，所以不能2人share一份早餐。

食咩海鮮我地自己點，早2日話比酒家知， 全部海鮮海景酒家包辦，蝦，魚好新鮮， 奄仔蟹果日異常大隻，佢地炸生蠔,大家高度讚賞，碟上冇一滴油，好鬆化唔油膩，裡面好creamy 。 7月中食完，過幾日再去食，又係一圍12人（已有後備排隊^.^） 人數： 12位 時間：中午 （14/7） $ ： $350位 加飲品，每位$360 1. 鹽焗奄仔，每人半隻 2. 炒班球 3. 炆斑頭腩 4. 白灼海花蝦 （2斤多） 5. 蒜蓉開邊蒸龍蝦仔，每人半隻 6. 炸生蠔 7. 椒鹽鮮魷 8. 油菜 9. 炒飯 10 水果

中午套餐，經濟實惠，送赤小豆豬骨老火湯，有家的味道。 另外，九龍城呢間我覺得比較岩我胃口，中午好多款套餐，有套飯外，仲有粥品，炒飯炒粉麵.... 我相片呢款連加一，才$55 ， 那裡找？？？？？？？

食左幾次打冷, 呢間味道真不錯，價錢不貴, 比我地平時打冷的大排檔或簡單菜館, 呢度坐得好舒服呀, 係酒樓格局. 
有幾款套餐,如A套餐是浸蚬/ 炒蚬，配鵝片拼盤$198 , 炒菜也夠大碟.  
咸茶&花生好好味, 咸菜係有一次偏咸左d  , 螄蛤更一絕, 味道咸淡剛好,又新鮮. 

先做補充:年頭坐高鐵去左, 食汕頭八合里海記牛肉火鍋, 覺得汕頭牛肉火鍋,還是"福合埕"果間好食d.
今次同一幫朋友去深圳華強站呢間超人氣汕頭牛肉火鍋店食,我地是6點前去到,好彩仲剩一張大台.交通:羅湖口岸上地鐵，5個站到[華強路]站D出口(落馬洲上地鐵，會展中心轉羅寶線)，行上路面轉右行，1)穿隧道過對面馬路就是(汕頭八合里海記)，方法2)兜遠d過對面馬路，最好6點前到，因太多人食啦 , 我地order晒所有牛肉,但有2,3款賣光, 黑拍葉好唔掂, 好老好老 , 生菜皇帝菜好抵食6蚊碟,但居然冇豆腐,好彩有炸腐皮......另埋單時wechat 掃一掃關注佢地，即每人免$5醬料，茶錢，最後埋單6人食左人仔476 ( 每人80人仔),盡興又經濟,同行朋友仲外賣牛丸回香港. 

大大舊芒果, 好好口感, 芒果又甜 ,要排隊都係冇所謂 ,正到冇朋友.
我買左6粒 , 3榴槤(家人食,我食原隻榴槤唔食呢d口感榴槤,所以唔評啦),3芒果 , 見有一位c9 ,要左28粒糯米磁yummy , 通常d人買半打, 1打. 收銀後面好多位妹妹仔 ,c9 在包 , 即包即賣覺得更新鮮 . 

人越大越唔想食buffet ,食得多傷胃又辛苦 . 
今次係公司活動, 揀左呢間食九龍酒店 ,有d同事食過好幾次九龍酒店 lunch buffet, 都大讚而且價錢都唔貴呀，恆生信用卡又有折呢. 
我地 一行十人，我今日狀況差d,食唔得多添 ,食左幾隻紐西蘭生蠔 ,蝦,青口,蟹腳, 章魚蓮藕湯排骨湯 2小碗 , 居然有齊幾款芝士,正 ,小小熱菜 pizza後就飽飽啦, 食水果 & 同事們極力推崇既 , 試左同事一小件後真係唔多甜岩晒我呢d怕甜,少食甜品既人 ,我再食左4,5小件 .

食完離開酒店後,我又在地下大堂餅店,買左一個士多卑梨拿玻侖cake回家,價錢又唔貴,恆生信用卡一樣又有折.

係會特登由青衣坐車出去太子食一點心, 因為座位得50個左右關係, 故每次都要等位半個鐘至一個鐘.
近二個月覺得星馬泰,金髮外國人遊客特別多添.
鍾意佢地項點熱辣辣 , 次次去食水平keep 住 , 以下推薦幾款點心
老火湯, 尤其山斑魚螺片清保涼湯 $22盅.
炸鮮蝦腐皮卷
潮州粉果 , 出面我好少點,怕一pat野,朋友點左一次後,我覺得一點心既沙葛好多, 裡面d野唔係漿糊狀.
牛柏葉
章魚肉餅飯 ,  
燸米雞
沙薑雞腳
排骨
之前食過幾次附近既間出名既添好運,深水埗黃師傅 , 如果同一點心呢間比一比的話 , 咁"一點心"點心一定贏好多.
缺點:
一點心等位會耐d  ,唔可以吹水, 食完會摧你埋單走.

每次黎開呢頭,就會黎食水煮魚套飯 , 8/F food court 其實有兩間湘川菜 , 仲要連在一起. 兩間都食過幾次 (總之香辣吧有開門做生意, 一定食香辣吧) .

兩間比較下香辣吧更合我口味 .

有一大碗水煮魚片, 飯 , 一罐飲料 . 對我黎講, 食到鍾意既美食, $45真係物超所值啦. 

一大碗水煮魚片 , 有唔少大魚肉片, 少量豆腐, 娃娃菜, 大豆芽. 炒土豆c也食過, 酸酸的,也好好味 .

佢地仲有水煮肉片, 牛肉, 拍青瓜, 薯粉,  回鍋肉.......