咖哩係本人嗜好之一

想當年第一次食係o係禾輋分店，賣點係最平o既$15咖哩飯。

果時覺得真係好抵食，咖哩亦好好味，食得多同個經理熟落佢重會請我同朋友食野。

我差唔多所有款都試過晒。

但冇耐個經理走左，禾輋店亦開始越做越差了。

當知道大埔會分店既時候，會開心食野又多個選擇了。

但係俾過一次又一次既機會，大埔店真係好差！

咖哩味道一如以往係唔錯的，但服務真係差得過份！

要多飯冇多過，要多汁冇多汁，要加辣冇加到！總知就咩到試過晒！

我好想講免費多飯、加辣係你提供架，你做唔到俾我就唔好提供啦！一係就改晒做要加錢！

好啦，係最近呢次幫襯發覺加價了，百物騰貴，實屬無可奈何，所幸加幅亦不大。

但，多汁要加錢！重要係唔記得加$5定$6！！！

純粹個人意見，做得咖哩鋪，咖哩汁就係靈魂，所以好多時客人會要求多汁，正因為佢地想食既就係咖哩！

So，你同我講要加錢？ok，唔需要了，我亦決定以係唔再幫襯了。