事緣朋友突然好想食雞煲, 早一日打電話去訂位, 聽電話個阿姐一聽到係2位就叫我walk in佢話2位冇得訂枱。

佢地派籌係計人頭, 2-3位係A籌, 4-7位係B籌, 如此類推。我7點半左右去拎籌拎到A41號,但派枱到派到A15, 我拎A41籌。因為我都想食雞煲, 明知等得耐照等。

但等到8點40分開始覺得唔對路, 因為我有聽到派枱, 但A籌都只係派左2張, 但大廳好明顯少左好多人, 覺得唔對路, 但尊重派籌精神, 照等。

等到9點幾, 差唔多2個鐘, A籌完全冇郁過, 我終於忍無可忍走去張枱想問阿姐幾時派A枱, 阿姐行開左, 我見到9點鐘以後有booking, 全部都係2至3個, 而個阿姐亦都開始派枱俾訂左枱的, 先發現原來即使2位都可以訂枱。

我問阿姐點解人地2個都訂到枱但唔俾我訂, 佢只係話人地係訂9點後呀麻。我話如果訂到枱你就唔好叫人walk in 啦。而且係電話明明就話2位冇得訂枱喎, 唔係話7點後9點前冇得訂枱喎, 即係烚我冇錄音姐。

我問阿姐點解A籌完全冇郁過, 佢竟然答人地係大枱呀麻。咁岩佢又派大枱, 我即時問佢你剛剛派即籌幾點到。佢冇答。然後再派下一張大枱。佢不斷派枱我不斷問佢之前派個籌幾點到。佢終於答係8點4x分, 足足係我到埗時間既一個鐘之後, 佢地等少我地一個鐘, 就係因為佢地多人。咁即係話少人佢就唔派枱啦。

我明人地做生意係做大好過做細, 冇諗過完全當A籌透明,由佢地等到唔耐煩而自動消失唔通呢d就係做生意策略?明趕細枱?細枱唔可以變大枱?入10位係咪可以改為入5個2位呀?咁起碼叫公平d呀。

直到我係門口嘈到要投訴, 佢先至狂派A籌。數字由A21跳到A41講緊係5分鐘之內既事(當然中間好多唔等走左)。

(btw 其實我冇諗過係度打評語。只不過我問阿姐可唔可以投訴, 佢話可上openrice寫, 咁我唯有聽話啦)