長假期留港 帶寵物一塊去行下商場 順便吃個午餐 睇左the mills 個商場 可以人寵坐門口得幾間 一係西餐一係一間中式點心 去呢間野因為平 一個飯68唔要set或加d錢轉加甜品+沙律或湯飲品 都唔過150蚊 假日呢期野要加一服務 係the mill 商場算平 人寵可以一齊吃 如果飯同意粉🍝質料一般 佢應該係用微波爐叮吃果再mix 因為見佢唔似有廚房炒爐果種 賣相ok 相反甜品同飲品🍸就唔錯 帶毛孩黎佢哋都有menu,一百蚊左右tea set 俾毛孩，我就無叫 因為佢唔係好吃街外餐廳野 成日怕俾人毒死 寵物展咩都唔試，除了鹿產品😏 有bb 椅子俾佢哋坐下 等佢參與一下

本身係四個禮拜之前嘅約好咗 由於有人生病，所以我哋就褪遲到而家先食 本來呢係食另一間菜式泰國野 無啦啦喺上網介紹，所以我哋改去食呢間試下 因為生日主角鐘意海鮮🦞🤣🤣🤣 估唔到佢呢度有任飲啤酒（係喜力） 唔係平時嗰啲不知名嘅啤酒 真露任飲 有無糖梳打水🥰🥰🥰🥰 重點係我哋四個人食咗四條魚一大堆鮑魚 同埋燒咗幾轉嘅蝦 海鮮新鮮，四百連加一 我應該番左本 推介嘅係佢嘅燒鱔 原來每台只係得每人一串 如果要食，就要再比$20一串 佢個味唔錯，同埋佢個爐有上下兩層 上層就比較熱 下層就慢啲 所以可以喺下層燒完再搬上上面燒返窿，佢店員中間我哋左邊同右邊側面都要燒埋佢 平時食開日本嘢嘅我嘅朋友，佢話如果呢串嘢平時日本餐廳要買$98一串 如果佢嘅燒白鱔可以做到，每人可以有三串就最好啦，因為食完真係幾肥美🤣🤣🤣🤣 由於太多品種啦，所以我哋都冇追加$20食啲任食包埋嘅嘢

呢間咁嘅茶餐廳4:30去到 問佢少少嘢好似好趕收工咁樣 問佢收幾點佢話5:30先收工 咁我都係飲杯檸茶食個下午茶九個字乜都完啦 如果唔想做就唔好開啦 咁不如你大大個牌喺度話俾人聽收幾點 我哋有六個人 佢又覺得唔做呢單生意好似唔抵 我哋嗌咗檸檬茶炸薯條同埋呢個鹹蛋黃雞翼 鹹蛋黃雞翼賣相一般，但係食落個味道真係唔錯嘅 除了服務態度 下完山，有個地方坐低食嘢環境唔錯 同埋佢嘅價錢都好相宜，$40一個下午茶餐 你問我我就唔會再嚟啦，寧願搭車出去市中心搵啲好食啲

好耐冇去食過，好彩疫情之後冇執到笠 今次去咗食午餐 喺中環嚟講，唔算太貴 今次試咗佢嘅冬陰功咖啡又驚喜 問咗店員係唔用Lai整嘅係用椰青水 本身想叫少甜，原來佢哋冬陰功係用糖水煮嘅加咗落去我覺得好夾酸酸甜甜有少少辣 咁我嗌咗佢哋嘅叉燒漢堡包再配日本雞蛋覺得好amazing重點係嗰炸薯條 我會比8/10 叫咗一個炸雞同朋友share 個炸雞好Juicy 真心好鍾意佢個環境，起碼可以同朋友傾偈同埋有得打卡 希望好食嘅店舖，唔好執笠

呢間傳統嘅雲吞麵譜之前好似攞過米芝蓮介紹 啱啱經過，所以就入去食啦 其實我睇到個價錢嚇咗一跳 因為一碗細擁要$43 大碗我好似60幾蚊我唔記得啦，因為嗰時係下午茶時間去 地方唔係好大，我諗可能坐到20-25人嘅店 但係入面嘅座位同埋用具呢，就真係古色古香 見到有YouTuber喺度拍嘢 你問我個雲吞麵係咪特別好食，我就覺得一般啦 食懷舊風味 但係佢雲吞呢食得出啲蝦呢係新鮮嗰種嚟嘅，唔係話一pat pat好腥嗰種 但係我就覺得個面就好似洗碗咗少少咁囉，可能配合返以前懷舊嘅風味 辣椒油味唔錯推介

呢間嘢係朋友食過推介嘅 本身呢就話限時90分鐘 由於我哋係食26號第二日要返工，所以冇人排隊等我哋都食咗兩個幾鐘頭 呢間嘢呢由於本人實在太麻煩啦，朋友揀嘅原因係因為中日都有得自己揀 你問我價錢係咪特別平呢？唔係我哋四條友每人食咗620幾蚊 但係呢坐咗好耐同埋都有好多位可以打卡 喺我食咗咁多嘢裏面呢 唯獨是雞蛋仔係唔推介嘅，因為係林pat pat 大夥兒食飯咩都有得揀，其實係幾好嘅 呢度食嘢啲上菜速度都啱啱好，服務態度都OK嘅 如果鍾意食蛋糕都有好多種類揀，但係我哋就冇嗌到啦 總評分我會比7分/10

11:30早餐時段唔係好多人 唔洗排隊 自己揾位 按鐘仔有人幫你落單 薑，七味粉，鼓油，餐具都係係台自由取用 衞生一般， 有紙巾提供，環境係個地下有少少油立立🙈 講番個吃食物先 由於，本身想再加多啲嘢食，但係都未食得落 於是叫咗一個最抵嘅套餐$39有碟菜有杯茶或者麵豉湯 29牛肉飯都好多飯 肉算ok 最點係可以加牛肉汁😋😋😋，加10蚊有 個菜係有心機用蒜容炒 好好味 ， 重要可以要miso soup 或菜 總評：8/10 真心糧尾之選😋😋😋 下次會選埋個壽喜燒😍

由於公司又有活動 於是第二次再幫襯呢間嘢買外賣 今次買得少，總共都係得九盒 同埋今次呢佢嘅外賣呢執得好靚仔，唔會話好似上次咁容易倒瀉 咁上一次呢我食口水雞嘅個味道都唔差，但因為嗰個汁呢比較少所以呢我嫌load唔到飯 今次我揀返嗰舊主角海南雞飯，佢三個醬俾你自己點個飯夠晒香，所以我覺得如果兩個比較之下覺得海南雞飯好味啲 雞其實就冇咩特別嘅都係冰鮮雞嗰種啦，但係都好夠滑靠個醬囉所以就你問我嘅佢保持到水準同埋外賣整得整整齊齊嘅你唔會話倒瀉晒個檸檬茶就一般啦話晒呢間嘢主打都係食雞嘅，如果你對檸檬茶有要求嘅話你都係轉錢飲汽水啦總括評分8/10 係喎，我想話呢佢個湯真係唔錯，足晒料同埋好夠味飲完又唔會話好口渴，所以呢個值得推介

見完客，好在趕得切21:15之前落單 之後有九個字時間俾你食 因為我哋係最後一台我哋好似包場咁 老闆請食飯食餐好啲嘅，咁我哋嗌咗一個雞一個飯當然係有飯啦嗌咗一碟菜一個肉骨茶一個牛腩煲四個人食 其實都唔平嘅，都食咗成千蚊再加一 除咗雞同埋飯之外，我最欣賞就係佢嗰個菜 用咗少少蝦醬鹹鹹地鐵板上好香，仲要上面耍啲銀魚仔嗰個層次係好唔同嘅 另外我最愛嘅就係海南雞飯嘅醬，再加埋嗰個油飯 另外嗰兩樣嘢我覺得就一般啦，唔係我杯茶 總括嚟講佢哋嘅服務態度係幾好嘅，雖然我哋坐耐咗10分鐘，但係佢都冇我哋講我哋走 總評分係7分，因為我得價錢係略為貴咗少少 如果我自己俾錢嘅話，我就唔會去呢間食嘅 因為我會去啲性價比高嘅餐廳

之前上網問網友見到呢間舖頭，可以帶寵物 有漢堡同埋有咖啡飲 都有一啲唔係咖啡嘅產品 性價比唔差 於是放假就帶埋毛鞋出嚟去海濱公園行一行 就去食brunch啦我哋 初頭以為係一間有室內位置嘅舖頭 其實佢主要為做外賣 門口有兩張枱可以帶埋毛孩嚟 炸雞漢堡個芒果汁同個包好夾，唔會話好heavy，個竹炭包個味有少少似餐包甜甜地 評：8/10 今次冇試到任何咖啡 試咗一杯，荔枝醋梳打感覺唔錯，但係荔枝味略嫌淡，可以叫店員再加荔枝醋。 另外嗌咗個原味窩夫開心果醬On side,個窩夫原來有少許玉桂味微甜再點埋個開心果醬好好味。 平時完全唔會揀有玉桂味嘅嘢嚟食，嗱呢個係好輕微，都俾左少少內裡軟林林無咪俾犬囡吃🧇🧇🧇🧇 佢吃完再添😅😅😅😂 個開心果醬好好味，佢傑身得來又唔係好假嗰種，有開心果碎加埋，有層次，可以再叫店員加， 評9/10。 總體感覺唔差，秋冬嚟就啱啦，因為夏天冇室內位置熱死。打卡向門面就幾好，相反另一邊就係對住城市花園平台，啲人不停咁行嚟行去隔離仲要有間超市。