等左十分鐘左右有位，背對住蹓冰場，環境認真一流！同朋友傾偈嘅好地方！
我地叫咗：
蟹肉花生醬沙律！份量幾大碟，蟹肉好多！好重手，花生醬味道其實幾特別！！食三份一開始膩！
肉眼扒（10安士）--配煎蕃茄、長條西蘭花及薯條！仲有一碗蛋黃醬另外上！牛扒我要五成熟！上碟牛扒中間仲有一點紅，好好，牛味重！唔點醬食都得！配菜做得幾出色！尤其煎蕃茄！外面略焦，裡面juicy多汁！粗身薯條本身有味！所以無點茄汁！咁樣可以食到薯味！西蘭花形狀同平時見唔同，整體ＯＫ！
食完呢２樣有Ｄ飽，但無理由唔食埋甜品既，雜莓撻，呢款撻隔住廚窗見師傅整！味道當然good!忌廉好滑！唔會過甜！雜莓新鮮酸甜！配埋脆口撻底！完美！整體黎講真係唔錯，朋友問起九龍塘有咩好食我一定推薦呢到，如果等位時間可以短Ｄ就更加ＰＥＲＦＥＣＴ！今次我地都係好好彩等１０分鐘就有了。
 

假日鬆一鬆不亦樂乎! 工作如此繁忙, 放假真係想咩都唔做, 休息一下!! 上次朋友介紹依間TEA house 話食物同環境都相當唔錯, 所以今日放假就來試一試!! 果然沒有失望, 朋友之間又多一個落腳點了!

首先這裡是自助的, 我們要先找坐位, 然後到收銀處點餐付款再拿一個號碼牌回坐位, 侍應稍後便會送上飲品和食物, 座位分梳化位和卡位, 米白色為主, 梳化位比較矮, 但坐下去感覺都很舒適, 而且空間感都幾大, 而且不設時限, 真是一個朋友相聚優閑的好地方, 今次我們點了一款PIZZA 一客意粉 SHARE! 本來還想食完主菜追加點品, 因為這裡的窩夫甜品很吸引, 不過兩個主食比想像中大, 所以最後真的吃不下甜點, 唯有下次再來吧!

芝士磨菇PIZZA, 皮很簿而且焗得很脆很香口, 好似食薯片咁, 上面芝士很多很香綿綿的, 口感不錯, 磨菇也很新鮮沒有苦澀味, 清清地是一個不錯的配搭!! 白汁香腸煙肉意粉, 白汁很重忌簾味而且炒得不錯, 每一條意粉都有白汁, 而且有濃濃的煙肉味, 啱灑鐘意惹味的我!! 飲品方面都很特別, 點了一個柚子梳打, 上面配了一個雪糕, 感覺有點像黑牛, 朋友點了一個珍珠奶茶也說奶茶很滑, 不錯, 整體感覺不錯, 一定會再來!! YEAH YEAH!! 

今年我們的1023ers(我們是同月同日生的) 團拜活動選擇了在這間CAFE進行, 因我們1023ers 創辦了五年了, 而我們第一次會面時就是選擇了在Cafe進行, 因可一路認識大家之如又能在玩樂各式各樣GAME來歡笑共渡, 所以今年團拜就專登揀返CAFE來進行!! 而依間樂園CAFE真係好有心思同細心, 所以我們1023ers 商討過後, 決定專誠在 Openrice 來讚揚他們的心思同服務, 我地未來的日子裡, 也會選擇在此店做event 的! Yeah yeah!我們當晚約了晚上七時開始, 我們商量後選擇了餐牌內的C餐因為最後會上這裡出名的怪獸雪糕! 而我們當晚合共9人, 所以可選沙律一款, 小食四款, 拼盤三款, 主菜三款, 整體上所有食物水準都不錯, 每碟份量都好大, 所以成班都食得很滿足, 個泰式魚餅味道幾特別, 辣辣地, 但蟹鉗就比較粉, 所以一般, 而主菜方面, 個芝士海鮮焗飯就很不錯, 個芝士白汁很香濃, 我們所有人都很喜歡, 另外個意大利海鮮燴飯有很濃的蕃茄香草味, 仲食到有洋蔥粒在內, 很有口感! 我們食完飯後就開始玩pictionary, 因我們1023ers第一週年就是玩這個遊戲, 所以很懷念同特別有意義!玩完這個GAME後大家都不知再玩什麼好的時候, 在場的一位員工就主動介紹我們玩另外一個game叫"狼人", 仲同我們一起玩添, 玩完game後就上該店最出名的怪獸雪糕作飯後甜品, 當上此怪獸雪糕在枱面時, 我們所有人都起哄了, 因為攪手book枱時問可否加一個1023ers 既牌上個怪獸雪糕上面, 結果該店員工真的很有心思地整了個1023ers紙牌上去, 此刻令我們真的很驚喜很開心,同有意義得多了! 所以我們1023ers謹在此衷心多謝你們細心和心思!!

人人的都讚的招牌雞煲，沒理由不試。等侯時間是比較耐，但保証即場新鮮炮製出來，也不是壞事。雞煲睇個樣都幾得，裡頭除了雞肉，還有點年糕，而且口感是煙韌不錯的；雞件質感亦對辦，雖沒有太多鮮味，不過有著濃烈的麻辣味道去補救，也吃得出是放了點冰糖，味道回甜，都是可以。
常說吃川菜不一定是要全辣的，所以吃了幾味辣菜，也來一客不辣的火腿津白。火腿咸中帶香，津白也是清甜，不辣的菜，也有水準
接住來的是水煮魚，也是揀中辣。用上的是桂花魚，最正常不過。魚肉雖稱不上很滑，但保留了一點魚味，加上刺激的麻辣，對辦的。墊底的是豆芽和幼身的紅薯粉，吸收了湯底的精華，更辣更爽，是不可錯過的。完這餐，總的說，麻味是令人印象深刻。吃得爽，也罕有地飲番杯啤酒。

認真，食雞煲，邊個會唔識一品？我一早黎到就已經見到有人開始等位了，真係好誇張，平均起碼至少要等成個鐘，如果唔係你真係唔洗指意入到去食-,-
首先先讚下D裝修先，係出面睇，一D都唔似火鍋店，因為好得意，有卡位喎，而且D卡位重好大張喎，大肚腩都坐得落！地方好光猛，好簡潔，又唔迫，D顏色又靚，紫色架！
跟位帶我地入位果位姐姐又好心機咁介紹D飲野比我地，佢地既"足料"竹蔗水同酸梅湯真係幾好飲，唔太甜。當我地唔知叫乜食之際，大家就周圍望下其他table既人食繄乜啦，奇景囉，張張table 都係食繄雞煲，而傍邊就有好打邊爐既食物。叫左隻雞煲先囉！我就怕食太辣既野，所以叫左半隻微辣既。
店員姐姐都話，先食個雞煲先，然後先叫火鍋料。
個雞煲黎到，一打開個煲蓋，香到不得了，但D顏色就好似差D咁，原來要用慢火慢慢慶住黎食先會越食越好味的！初初我都覺得辣既程度都可以接受，但會越食越辣架！食到差唔多就開始點其他野食啦，我地就用番呢煲雞煲既汁加清湯做火鍋既湯底啦！火鍋點少得 "牛肉"呢! 整體黎講，本人就非常滿意啦！大家一定要去試下等睇下最快可以等幾耐就得。ＫＥＫＥ
 

我跟家人叫了一個日本鴨鍋物，天婦羅冷烏冬 ，由於我地張枱放唔到我地叫既食物，店員好主動同我地安排另一張大小小既枱給我地，這點係代表佢地好細心留意到客人所需，當食物到佢地既一位日本經理走過來為我地個鴨鍋放材料，這位日本的很尊業，放那一種食物的先後都要分別，還告知我地食物放了湯幾耐食是最好最鮮味的，而每次鍋需要加水既時候，加的竟是湯不是滾水，最重要是清湯，湯也是日本來的，真的希望他們能保持這個水準，真的物超所值。 一份柯打只有兩隻天婦羅海老及一小段天婦羅青豆, 可能天婦羅在這道菜式中只扮演著伴菜的角色。主角冷烏冬果然是主角, 烏冬本身有彈性卻十分柔韌之如, 更是滑溜無比, 配合冷麵醬汁, 吃每一口也是"雪雪聲"滑入口呀!

食宵夜，去到沙角諗住食下小菜炒野，點知見佢打邊爐人山人海，咪試下ｌｏｒ．
嘩，入到去先知不得了：久違了的自助火鍋，仲有脂肪多過瘦肉既超肥肥牛！係正到不得了啊！
美中不足係我個豬骨鍋係清湯加兩件豬骨就算ｌｏｒ．不過我個人對湯底要求不高．同埋蘸料只有辣豉油同普通豉油，如果有埋ｄ椒絲之類既配料就完交啦。
不過唔緊要，咁既價錢可以食得又free又開心，抵返晒！雪花肥牛都OK啦
海鮮有蠔、狗肚魚、青口、肉蟹、蝦同賴尿蝦等(賴尿蝦仲跳跳下)
丸類好多但唔突出另外蔬菜都有的款都OK
服務態度要讚, D 阿姐阿叔好好人, 見我們有個蛋糕,主動問洗唔洗放入雪櫃.... 問D阿叔攞碟食蛋糕, 佢仲比我們洗淨的碟食蛋糕耶添！！！
 

平安夜一行六人來此慶祝, Order了兩個爐, 一個火鍋, 一個燒烤. 點了芫茜皮蛋作湯底, 火鍋料計有鱘龍魚片,野生竹笙,五花腩, 鮮羊片及唐生菜等. 正如MM所言, 鱘龍魚片確是清甜爽脆, 怕腥的朋友亦不妨一試.野生竹笙比平時食開的略為粗身爽口, 五花腩切成薄薄一片, 肥廋分布得宜賣相討好, 食落口感軟滑. 羊片亦是薄薄的一片, 味道鮮甜唔羶.
燒烤料方面計有大蜆, 鱔圈,鮮帶子及九孔鮑. 原來燒蜆同放湯的食味好不同, 大蜆經燒過後居然有種似蜜糖的甜味, 勁正勁好味! 鱔圈是另一傑作, 肥瘦適中, 入口甘香豐腴, 正!!! 鮮帶子都是水準之作. 。燒蜆- 味道鮮美,肉質爽口,無沙,正!但因太多,我們試試放落湯,可能給湯衝淡了,沒有燒的好味!燒帶子- 帶子殼要燒到差不多粉碎,帶子才剛剛好,好鮮味,正!唐生菜- 吸收了湯的香味,菜又新鮮,好好味!

食物---
食野最緊要安全, 所以叫d大路野
一品鍋: 好足料, 眼見的, 有豬骨, 雞腳, 粉腸, 豬手(好多骨髎原), 咸菜, 粟米, 番茄…牛柳粒:係安格斯牛柳粒,入口即溶, 口感厚實,一D都唔"鞋", 鞋口即係虐待自己個口,佢唔鞋, 抵讚。肥牛好薄同埋新鮮！其實如果厚, 我不如食牛扒,使乜打邊爐..而薄,正正係要碌一碌即食得個陣效果, 所以, fit！美國大桶蠔: 好大隻, 唔錯~鈴: 好有豆香, 入口唔會成口油, 呢個真係抵讚！！服務方面好唔錯，佢地會自動波加水，
食全餐都未試過乾塘, 全程夠水碌, 比起好多唔識自動波要人叫先醒水, 呢間真係典範又會幫你撇油！！！食牛一定好多油, 食到咁上下, 成個湯底都變左啡啡黑黑咁, 但呢一間野, 夠膽搵人來幫你撇油, 將d牛油撇走晒, 食慾都返晒來。

 

我鍾意食辣，都覺意食雞，呢兩年香港正藉潮流中嘅重慶雞煲，雞煲落單後要再等三四個字，原因係即叫即煮即上枱，
果然係剛剛爆香而唔係一早煮好，咬落仲好有彈性亦都無雪味，半隻雞好足料 , 脾翼都有添仲有半個雞頭。我地叫左少辣，食落只有少少麻味而不辣，岩晒我。
不過個雞醬真係幾唔錯，好濃香又唔會過咸，雞都幾入味。
精華所在係 d 洋蔥同莞茜，煲到淋晒索晒 d 湯汁，正！！！！
火鍋配料方面 , 選擇都幾多 , 大部份都合格 :
肥牛一碟靚一碟太肥，薄切快熟，味道都唔係太差，白魚旦 : 好香魚味 ，好彈牙，睇到佢發大，就知道裏面唔係實卜卜o既粉。魚片頭 : 個面唔係炸得好勁比魚旦更有口感，無咁淋身。豬潤 : 輕輕淥下都好入味 , 但都食到佢o既甜味 , 而且好夠粉，雞柳 : 好嫩滑 , 有皮都唔會好肥。整體成餐都唔錯。ＮＩＣＥ！！！！