今天下午請了半天假和女兒入長洲慢活。入長洲當然主題就是吃，什麼都想試一下，我們試了幾家餐廳，為求一個下午試多幾間網上推介的餐廳，我們兩個人就叫了一個餐。 這家餐廳本應不是在我們選擇之列，路經被餐廳的整潔度吸引，後來發現，呢個價錢，不但性價比高，食物質素都非常掂！ 我們點了一個下午茶餐，紅豆冰多紅豆但不會過甜，米線份量適中，豬扒都很新鮮，炸紫薯網卷熱騰騰的，不會很油膩也不會很甜，非常美味！下次再有長洲必定會再幫襯！ 這間小店用電話掃描QR code就可以自助下單的，但職員的服務態度也非常好。值得推薦的一家食店！

咁啱要陪亞女出旺角，又咁啱喺新假期見到介紹呢間餐廳，見到啲食物相幾吸引，環境相看上去好似好舒適衛生，枱與枱之間距離都尚算寬闊。於是趁經過就去咗試。 我地叫左兩份假日套餐，煙三文魚凱撒沙律配溫泉蛋和招牌和牛漢堡。 兩份餐的食物質素都相當好，特別是凱撒沙律，生菜的新鮮度，像由田園剛剛摘下來的鬆脆，煙三文魚和溫泉蛋都相當新鮮，沙律混合起來也相當好吃！餐湯是忌廉蘑菇湯，都非常美味！餐湯的溫度夠熱，又唔會覺得太杰。 和牛漢堡都不錯，除了薯不夠脆要扣少少分之外，整體都滿意😊 餐飲點了熱香橙檸檬烏龍茶和凍香茅檸檬特飲，兩杯特飲都各有特色而且很好喝。 總括來說，這家餐廳值得推介，我一定會再幫襯，因為還沒有吃過它的甜品呢😋

同事推介這間餐廳，說view 靚環境好，食物份量大大碟，價錢合理，推介絕對要試，於是我約埋朋友，趁著要清假期，一星期前已經在openrice book 定outdoor，因為個view 絕對係一大賣點！ 按照我同事的打咭照牛扒又大又厚，帶子意大利飯，帶子大大粒。最後我和朋友唔想食帶子，就叫了一份牛扒一份鱈魚。 我同事和我幫襯的時間只係相差一個月，同一個餐牌已經調整左，西冷牛扒由$248，加到$288。這個都不是問題，但食物份量都一齊調整😫，件扒薄到不得了，叫五成熟結果變咗well done！味道真係好一般。鱈魚偏淡，份量真係細到得返半隻手掌，我同朋友最後都食吾飽，我叫杯latte，稀到難飲到仲衰過我屋企自己沖😢 咁嘅價錢，真係可以有好多選擇囉！ 好彩book咗坐室外view，如果唔係真係損失慘重！性價比真係勁低，絕對冇下次！

今日有新同事上班，難得限聚令放寬，梗係book一圍歡迎一下新同事啦，呢間酒樓嗰間仲幫襯，因為近公司通常都係同同事飯聚，價錢大眾化，食物不過不失啦，優點係近公司！ 估唔到今次，10分鐘之內，出現咗兩隻小強係枱😫😫😫真係嚇到咩食慾都冇晒，職員嗱嗱聲打死左兩隻小強，為表示歉意，送咗一碟桂花糕賠罪。其實大家都嚇到冇咩食慾，送咩都冇用喇，我影咗其中一隻，另一隻短時間俾職員滅絕左，有圖有真相！

我見到網上宣傳特登嚟試吓，超級失望！ 嚟之前當然望吓食評先啦！抱著一定不會太差的期望，結果換來絕大的失望 我ordered 左最經典嘅The Texan、同埋The Surf N' Turf，再加多個$15嘅薯條 等左半個鐘食物終於嚟喇，趕住返工嘅你一定唔好試，否則以為食漢堡好快，結果害你遲大到。 兩個漢堡經催促下，終於嚟到面前，賣相就一般啦，一食之下，味道非常奇怪，可能個醬汁裏面有芝士，唔係一般嘅芝士，酸叔味相當重，同啲牛肉完全唔夾，遮蓋晒牛肉本身嘅味道。於是我分開來食，嘗一嘗本身牛肉嘅味道，分開嘗，牛肉還叫合格，雖然漢堡扒煎得很乾。整體來說，一個沒有肉汁的漢堡扒+不配搭的醬料味，完全吾掂！ 另外一個海陸空漢堡就正常好多，還算合格。 最後上的是薯條，究然係最出色的，心靈上的一點填補。 但整體來說，這一餐無論環境、服務、嘢食都吾好😔總括來說一定不會再幫襯，亦不會推介大家去幫襯。