行到去阿士厘道上少少你就會見到一條長龍，唔知仲以為咩事原來係等呢間韓野野既龍黎嫁，差ｄ嚇死我以為自己已經好早黎到點知已經水蛇春咁長．．．．．
等左好耐終於到我同朋友嚕，三款前菜分別是韓式魚蛋, 辣泡菜和薯仔沙律, 單點每款$6, 要齊三款則是$14。朋友最喜歡的是魚蛋, 這種扁身的甜魚蛋很易入口，口感帶點點彈牙如魚片，辣泡菜其實亦不是非常辣, 而且白菜清甜, 個人認為幾對辦。我最喜歡這裡的紫菜卷, 一份約十件, 而且份量是一口一件, 吃得很滋味，飯和餡料的比例做得很好, 不會感到只是齋吃飯，一直覺得韓式紫菜卷是一種簡單的美味, 不如日本壽司, 配上當時得令的生魚片, 但用簡單的材料亦能做出好滋味。
這裡的紫菜卷就能帶給人這幸福感, 食味是純粹的麻油香配合爽脆的菜蔬, 唯一不足的是牛肉不是很突出。
 

今次都等左幾耐下嫁,因為個程序怪怪地,之後佢帶我地上左兩層,估唔到就係原來上面都算幾闊落,
今日有幾個人,可以叫多D野食。
首先就叫左個雲英雞,墨魚餅,窩貼鮮蝦小棠菜,好似叫左好多咁呀,不過都食得哂,
首先係雲英雞,依個都算係招牌之一，雞肉好滑仲好有彈性，雖然唔算好肥既雞，所以皮下既脂肪都算唔多,其實我自己就鍾意多D,不過味道都好好，唔錯,個碟邊仲有雞腎，切成薄片,唔錯嫁味道都，之後就好食既就係蝦多士：，雖然咬落去好多油飛出黎,，但成個都也炸得好香好好食,比出面既仲要好,之後就係墨魚餅,唔算太多粉,墨魚夠爽口,都係好香不過依個唔算油, 最後就係窩貼鮮蝦小棠菜,個窩貼炸左裡面小棠菜好搞笑既口感,賣相都好靚, 炸得夠哂脆, 都好有蝦味。
 

前個排朋友帶左我去依到,euro go go食lunch,整體都唔錯嫁,味道都好好,
首先係依個忌廉湯,佢依賣相相當之唔錯嫁,我同朋友都有一齊飲,幾正嫁,夠哂濃味,又唔會太稀,幾好,之後就係菠菜汁龍脷柳意粉,賣相真係一流,最緊要係夠哂熱,另外個菠菜汁對我黎講都係一個驚喜,而且好有新鮮感,感覺都好健康,個汁食落比較重忌廉同埋芝士味,D菠菜食落夠哂碎,唔錯,不過個汁就比較少左D,龍脷柳都夠哂大塊, 薄薄地一層皮,食落都啖啖肉,味道都幾好,意粉都做得好好,夠哂彈牙,配埋菠菜汁同埋龍脷柳,食落都幾夾幾好味道,之後依個粟米雞皇意粉個粟米汁就比較甜甜, 份量就比較少,雞肉都大塊,不過食落肉質就有少少硬,整體而言, 味道都算唔錯既, 賣相又靚,最後飲埋凍檸茶,都唔錯,起碼d 茶唔會太濃太澀,冰同埋檸檬都夠哂,幾好飲。
 

今日黎左好好食飯,雖然餐廳門好細,但原來裡面都幾寬敞嫁。

裹面既牆上都貼左好多菜式比人選擇, 但係大大細細既字實在太多, 而且仲有唔同既套餐,真係令人花多眼亂。所以都搞到我自己三心兩意, 揀左好耐先揀到一個自己都幾鍾意既麻婆豆腐飯。其實平時我好少食麻婆豆腐。因為唔係太多地做得好食, 又唔夠辣, 成日個茨都會太稠都無咩味,不過依到其實唔錯, 最欣賞係佢既肉碎同辣椒一齊爆香,因為咁樣非常惹味感覺, 不過唔係太夠辣度。不過佢個豆腐非常嫩滑,不過整體味道都唔錯不過有少少鹹,其實都唔錯喇,價錢又算係公公道道。

整體唔錯,而且飯就好多好滿,加埋個咁開胃既豆腐,可以食哂全部飯,仲有豆漿,好味道,所以都算唔錯

見OPENRICE咁多好評就同朋友黎慶生, 原來係平日消費滿$400先有得送怪獸雪糕, 不過唔緊要, 黎到都會照ORDER, 不過都有驚喜, 一黎到就有WELCOME SWEET, 話祝我地開心D, 粒糖真係有”開心D”三個字, 細問之下原來係店主搵人整, 全人手作, 檸檬味唔太甜, 幾FRESH無藥水味, 真係好有心思, 同一啲大型連鎖店無得比, 讚!
依度係做SET, 跟人數出份量, 份量真係好足, 我地一行7人可揀4款小食, 3拼盤, 3主菜, 煙三文魚玫瑰花沙律砌得靚, 沙律菜都新鮮, 上枱已經撈好意大利醋同欖油, 酸酸甜甜幾開胃, 小食以炸物為主, 最好食就係雞翼, 外脆但入面都好多汁好嫩, 唔太咸, 食得出無落味精, 食完口唔會渴, 一致想再食, 可惜一人得一隻, 主菜一致推介意大利海鮮燴飯, 依度係茄汁底, 酸甜比例一流, 一口飯一口海鮮仲有碎碎既洋蔥, 有咬口口感一流, 好好味! 整體黎講，依度真係樣樣都難得好味！
主角當然係怪獸雪糕, 雖然大家都知道係會熄燈出同好大個, 但係當突然熄燈同見到真係咁大個雪糕時, 大家都好興奮, 都係會係咁同它影相, 哈哈, 童真出灑黎! 雪糕溶左好多我地先開始食, 依度係用DRYERS 雪糕, 有我最鐘意既石板街, 下面既沙冰真係無能為力, 大飽了.

星期六係旺角行完街就當然要去醫肚食飯,朋友就叫左我黎依到,話佢都唔錯,清清地幾好嫁,午飯時間過左唔算太多人
咁就叫左個豬骨湯海鮮烏冬,木魚湯薄切豚肉烏冬同埋一個木魚湯厚切豚肉烏冬,一人叫一個,咁樣又可以SHARE咁食,唔錯既,
豬骨湯海鮮同豚肉只係相差幾蚊雞，但料就真係好多，一定係值回票價，豬骨湯底係比較淡既，不過都算幾好味道既,清清淡淡食落唔算太濃,同烏冬係一個幾好既組合,至卡依個薄切豚肉就真係好薄好薄好似透明咁,好刀功呀不過食落無咩味道，厚切既就係五花腩喇,好搞笑,不過味道都唔錯,不過佢依到所有野都係用石鍋裝住,D野食絕對會夠哂熱,至於味道方面,鍾意食濃既野就唔算太岩你喇,因為依到真係清清淡淡,不過都算唔錯既。

 

依到既感覺睇落都有少少似比較中價少少既餐廳,因為環境都幾靚下嫁,不過估唔到二百幾蚊就有咁高既質素,食落係高級餐廳咁既質素實在係驚喜,今晚佢安排左個卡位比我地兩個人,咁當然係非常滿意,今日黎呢度,估唔到既係佢海鮮選擇都幾多下,同埋朋友都鍾意,當然要叫多D,叫左依個竹蝦,螺,同埋依個帆立貝,
首先首燒左兩隻大蝦先,因為蝦比較快熟,而依個大蝦既味道都幾唔錯嫁,肉質夠哂爽口之餘,食落好有出面街市買既蝦感覺,不過都唔平嫁,點埋少少燒肉汁,甜甜地汁加埋大蝦夠哂爽口,食落真係夠哂爽甜,加埋少少汁幾香口,幾好味,之後係依個翡翠螺都算幾抵食嫁,慢慢燒,之後叉仔吉住整出黎就係,入面既汁一野吸哂入口裏面,好鮮甜,而且咩汁都唔洗放,因為佢個螺有佢自己本身既味道,只要放番少少鹽落去引番個味出黎就夠哂喇! 食落又無苦澀味同腥味,全部都唔錯
 

今次去依間有一間舊式既居酒屋,加埋裝修都幾簡單,白色既牆身,加埋普普通通既玻璃趟門。門前有個櫃,應該係比人留酒係到,加埋牆上面有D清酒既推銷,幾特別,最搞笑係中英日三語。
依間餐廳最出夠既係鰻魚飯,賣到成行成市,
睇睇餐牌,見到依個我地都好鍾意既螢光魷魚,唔洗諗,即刻就叫番一個一個。
賣相真係非常靚,醬油漬色緒好靚,味道好好,夠鹹又夠香,最好就係個魷魚夠軟而且仲有少少煙韌既口感,入口夠哂林又有少少咬口,最緊要係夠哂新鮮香,食多幾舊個鹹味有D重左DD。
之後當然要食依個鰻魚飯,真係幾好食,口感夠哂厚肉,又有咬口, 邊緣又燒得幾脆口。但燒既味道唔係好夠,不過都幾好味既,又有一陣甜香既味道,但飯做得好好晶瑩, , 雖然唔係太彈性,但有埋依個浦燒汁,加埋一齊好香,味道都好夾。
 

今日咁岩黎左依到食野,依到最好既係久唔久就出新野食，幾有新意,唔會食到悶呀,咁岩今次係咖哩飯，又唔係太貴就試下佢喇。
首先食左個煙三文魚沙律，佢係用依個蜜糖芥末醬，呢個醬都唔錯嫁，稠稠地加埋少少甜味，幾特別,不過同沙律都算襯既,佢既三文魚竟然係厚切非常好味，配埋菜一咸一個清淡,岩岩好。黎到依到必食既就一定係肉丸，十粒丸再要埋意粉都只係十九蚊，真係非常之平，佢依到既肉丸真係非常咁好味，又夠肉汁又真係有肉味喎，一啖一粒就岩岩好,非常過癮。反而咖哩飯就令我有D失望喇，蝦就應該炸左好耐,比較凍一D都唔熱,同埋睇落已經有好多油,咖哩汁就比較稀,食落味道就唔算差,不過我唔太鍾意食凍既野,飯都係凍既，不過真係一D都唔難食，味道真係唔差,如果佢係熱既話我諗都幾受歡迎

 

好耐無韓燒喇,今日黎左依到食燒野加少少小菜咁樣,幾個人食一定夠哂食。伽倻韓國餐廳
一開始就叫左個牛肋骨,依個我認為好好味,可能太耐無燒過野
牛肋骨醃得好好味,有少少甜甜地又夠哂入味,肉質方面就夠哂軟,唔會太硬,好易入口,最正既就係佢燒極都會有肉汁,當然唔係燶哂,加埋生菜一齊食,清加濃,咁樣真係好好味味。
之後就係一個綜合石鍋拌飯,依個有好多野食,又有前菜一個石鍋拌飯同埋一個蘿蔔清湯,好似一個定食咁,一個人應該岩岩好既,都唔錯,只係水準正常既野食,之後就一個甜品糯米紅豆捲,依個反而好出色,依個紅豆餡做得好鬆軟,仲要咁綿,最緊要既係唔會太甜,個糯米皮做好彈呀,好有咬口,有少少麻油既香味,真係唔錯
但睇落有少少油,不過賣相都幾靚既,好好味。