正為著今年生日買咩蛋糕煩惱
這幾天經過蛋糕店都格外留神
而最吸引我的莫過於這期聖安娜所推出的五層脆脆蛋糕（真實名字我忘記了）$48蛋糕設計雖然簡單，但卻隱藏了一份優雅感覺外層並不是普通忌廉，而是慕絲，口感不錯而且不粗糙
第一層是香芋味（紫色），口感比其他層粗糙
第二層是蛋白味（白色）
第三層是朱古力脆脆，真係好脆口架，而且為蛋糕增加多一層口感
第四層是草莓味（粉紅色），味道不算太濃
第五層是綠茶味（綠色），味道比較濃
第六層是海綿蛋糕，好有蛋香味
總括黎講都算又平又正

呢排見到好多朋友都係社交網站po呢四隻公仔
睇到我眼甘甘
忍唔住去買返set
登...登...登...登
就係佢地啦今次美心同迪士尼攜手合作推出呢四款迪士尼公仔甜品
分別有米奇，勞蘇，三眼仔同唐老鴨米奇- 上層係朱古力慕絲，下層係香蕉慕絲，口感不夠幼滑，味道亦唔夾好奇怪，係四個入面最唔好食勞蘇- 上層係奶凍，下層下士多啤梨雜果啫喱，奶凍不會過甜，啫喱就像羅拔臣牌的一樣三眼仔- 上層係意大利芝士慕絲，下層有沾上咖啡水的蛋糕，慕絲尚算幼滑，蛋糕咖啡味不錯，係四個入面最好食唐老鴨- 是楊枝甘露布甸，這個我沒有嚐試，但食者表示味道麻麻雖然每個要$32，好像有點貴，但若果係迪士尼入面賣呢個價又貴唔貴呢？！而且每個都可以循環再用又可作儲物用途尚算不錯

天時暑熱，食完飯都幾想食返件甜品
所以今日行過東海堂決定執返幾件餅嘆下今次一共執左八件餅
竹炭蛋糕：我個人不太喜歡，因為蛋糕囗感有啲奇怪，入口沙沙聲，好似有砂糖粒咁既感覺，而且竹炭嘅味道唔係咁討好
黑森林：面頭有啲朱古力粉，下面係香濃朱古力慕絲，中間有提子啫喱味道不會太甜，下面係朱古力蛋糕
草莓撻：上面嘅忌廉好香濃奶味，之後有幾粒草莓好多汁好香甜，中間嘅忌廉吉士醬，好滑好香，下面就係曲奇撻皮，好鬆脆
雜果撻：上面有幾款生果（包括：密瓜、草莓、桃及菠蘿），每粒生果都好甜，下面同草莓撻一樣係吉士醬同曲奇撻皮
綠茶紅豆：綠茶蛋糕有少少綠茶味，但不算好濃，面頭鋪左層薄忌廉同綠茶粉，中間嘅紅豆忌廉冇咁重奶味，紅豆唔會好硬身，混合忌廉嘅口感不錯
芒果山丘：芒果味濃郁，口感幼滑，中間有層海綿蛋糕
曲奇妙趣：oreo餅碎慕絲，慕絲中有oreo碎，口感多一層層次，底下有朱古力蛋糕
意大利芝士凍餅：意大利芝士慕絲有淡淡芝士味，不會過膩，面頭有可可粉，中間有層海綿蛋糕

一向好少去大快活食早餐
因為屋企附近嘅商場都冇
所以要食就要去遠啲
今日黎到大快活食早餐
去到10點幾都滿曬場
早餐款式都唔少
我揀左吉列豬扒+炒滑蛋+香辣肉醬上海麵 配多士及熱檸水吉列豬扒好大塊好似塊面咁大，炸得香脆而且唔會乾身，上面有一片檸檬，可以比人自行選擇擠啲上面解膩
炒蛋可以再滑身啲，好似過左少少火
香辣肉醬上海麵，肉醬裏面有肉碎、冬菇、乾蔥，味道帶有辣，若果可以炒得更香，帶出乾蔥味會更好
多士就冇咩特別，同其他快餐店差不多

妹妹揀左吉列魚柳+煎熟蛋+雪菜肉絲米 配多士及熱檸水吉列魚柳炸得香脆，裏面嘅魚肉好嫩滑juicy，上面同豬扒一樣有塊檸檬解膩
我叫的是煎熟蛋，而單也是這樣打的，但奇怪的是在等餐時我認為這不是熟蛋於是問了一下櫃面呀姐，佢話係熟蛋，所以我信了，但返到位妹妹一拮開，啲蛋黃瀉左出黎，究竟煎熟蛋是蛋黃生的嗎？
雪菜米味道也不錯，不過太重麻油味道

經過今次我覺得大快活是一間有誠意的快餐
因為佢地好注意客人口味，多士可以揀牛油、士多啤梨果醬、煉奶
而咖哩亦可揀加辣
多士可以飛邊
奶茶可以茶走

都市人平時工作忙碌，好多時都早出晚歸
所以難得放假當然想訓晏少少架啦
今日去到翠河已經12點幾
但餐牌上仲有早餐食
而且早餐款式仲有成七款到
於是叫左一款三餸麵加蒜蓉牛油多士加飲品（$27）今次揀左煙肉、沙爹牛肉、五香肉丁公仔麵
煙肉有一片是予先煎香的
沙爹牛肉好入味，不過硬左少少
五香肉丁味道都ok
蒜蓉牛油多士好香，充滿牛油味

屋企附近的Chubby chummy近日推出了新食品
就係雪糕窩夫
出面cafe閒閒地食件窩夫都要$30起啦～
呢到雪糕窩夫只係$16-$20，真係好吸引
所以一於買兩件返去同屋企人分享
今次揀左草莓藍苺乳酪味同芒果乳酪味草莓藍苺乳酪雪糕窩夫（$16）
外層窩夫是朱古力味，不會好乾好硬
雖然朱古力味唔多覺眼，但都好味
而且配上草莓乳酪雪糕及藍苺乳酪雪糕
兩隻味道都帶酸味，因為有乳酪嘛
但不會過酸，反而會另甜品冇咁漏芒果乳酪雪糕窩夫（$16）
外層窩夫是原味，但相比起上圖的窩夫卻遜色不少
因為口質較乾身同硬
可能係存放較耐的關係
因為這些甜品並唔係即制，而係預先整好放係雪櫃
而餡料芒果味不夠濃郁下次再試其他味先

是日6：00便肚餓了
決定到久違的新樂園吃粉麵
今次一如以往食牛腩河（$27）牛腩肉質好腍，而且不會痴牙
但味道卻冇以前咁入味
因此湯底的濃郁度也大減
河粉質地滑身
配上紅醋及辣椒油加回不少分
但相比起以前真係差一大截

以前細細個果陣成日都會幫襯呢間食店
因為佢啲車仔麵同煎釀三寶又平又好味
但以加住嘅地方同佢相隔太遠啦，所以好少機會食
今次有機會了下我心願
店鋪其實好細
堂食只有五至六個位，所以想堂食有啲難
一麵三餸嘅車仔麵$22
揀左雞翼尖，豬腸，牛腩，米粉
雞翼尖滷得入味，有五隻到
豬腸有起碼八件，但內裹雜質好似冇以前清得咁乾淨
牛腩有五小件到，肉質都腍，但連住好多硬嘅筋咁
米粉吸晒湯好入味煎釀三寶$8/4件
我揀曬魚蛋
係真真正正用稜魚肉做既魚蛋
外面好香脆，裹面好彈牙，不會有腥味

又係賴賴閒嘅夜晚
決定叫外賣
今次叫左一飯一麵
乾燒伊麵（$40)
伊麵夠入味，而且味道不會過鹹
有草菇、韭黃
但乾燒伊麵嘅價錢就貴左啲蒜蓉雞扒飯（$38）
蒜蓉汁嘅蒜蓉味可以再濃啲
有兩大塊煎香左嘅雞扒,肉質不會過鞋口同乾
兩顆西蘭花
今時今日咁嘅份量先$38確實唔係容易揾

東海堂做左限時優惠一段頗長時間
每逢星期一至五12：00-2：00（希望冇記錯時間）就可以以優惠價$35購買該期蛋糕
仲記得最初既promotion只係$28一個，但冇計啦～通脹嘛
以我所知曾經出過既蛋糕有意大利芝士蛋糕、木糠蛋糕、黑森林蛋糕、白朱古力蛋糕、柚子蛋糕 咁上下
今期做緊木糠蛋糕，決定買一個返去做飯後甜品蛋糕一共有五層
第一層有啲好似蛋糕咁既碎碎，食落口感冇餅乾咁乾身
第二同四層係忌廉，忌廉質地尚算香滑，有濃郁既奶味，亦不會甜到漏
第三同五層係海綿蛋糕，蛋糕質地尚算鬆軟，不會鞋口
確實没有因為優惠而hea做個蛋糕呀
呢啲蛋糕買黎做下午茶、宵夜同見面禮也不錯