個日比個FRIEND捉左去八戶屋食lunch，
佢話試左八戶屋個炭燒魷魚筒，想叫我呢個魷魚怪去試。
環境都幾好坐，靜靜地好舒服，想同FRIEND坐耐少少傾下計都可以!

食物選擇夠多，揀左好耐先叫左炭燒魷魚筒、八户龍皇卷、鹽燒鯖魚、 牛油香蒜炒野菜，辛辣海鮮烏冬鍋，份量都夠我地兩個女仔食!

作為一個都頗喜歡食燒魷魚既人黎講，
佢既燒魷魚真係nice既! 夠大隻，而且夠彈牙，
唔似有時係出面食個d燒魷魚感覺係放左好耐變得好硬!值得試!八户龍皇卷都唔錯，d蝦大大隻既，比足料，
同埋一啖一個架，好體貼女仔，唔洗怕要擘大個口無食相!! 真係唔錯!鹽燒鯖魚都唔錯，清清淡淡，魚都夠滑!好好對八戶屋印象真係幾好，得閒可以入屯門encore!

本人最愛就係試新野, 今次又試, 食左個 “焦糖薑粒雞翼”, 我想講既, 佢會成為我最愛的烹調雞翼方法之一。

上台見到賣相其實就無咩特別~不過就傳來香煎的雞肉香味, 再有一陣濃濃的焦糖及微微的薑汁味~
再有一尾尾的輕煙於雞翼中心浮出來, 可見即叫即整, 新鮮!

話說本人都有D烹調知識, 知道任何糖類都不太受熱, 所以煮任何有糖成份(特別係外層) 的菜式都要好有技巧, 我一夾隻“焦糖薑粒雞翼”, 就知師傅手勢好!! 雞翼外層有一層薄薄的焦糖黏上小薑粒, 不多不少!

一啖咬下去我D口水流哂出黎, 太野味, D雞翼有雞肉汁, 焦糖又增加層次, 再配合薑味的混合, 不甜不辣, 回味無窮!!

另外, 亦叫左個 “烤肉棒生菜包” , 賣相鋪排大路, 可以接受呢個要動手用鮮菜包著熱騰騰既香烤肉棒~夠爽夠清新之餘又野味香口, 蘸埋碌林就真係PREFECT~而且烤肉棒亦調味適中, 不會淹蓋肉的味道, 烤製程度亦恰到好處, 如果多1至2枝俾人食就好喇~

仲試多個小食 “軟殼蟹米紙卷”, 呢個賣相最正, 有一層透白、薄薄既米紙包著炸好的軟殼蟹, 裹面仲有檬粉, 生菜~我就會蘸少少碌林~ 夠哂充實~!之後就叫埋個 “馬拉盞炒粉皮”, 呢個賣相OK啦, 都係咁反而味道令我留下印象, 因為佢除左有濃濃既馬拉盞味道, 呢D粉好入味之外, 佢仲有少少辣, 令碟粉生色不少~

4個人叫左以上食物都夠, 加上我地叫埋飲品, 有三色冰、珍多涼粉冰、仲有一杯貪得意而叫既滴漏咖啡。

先講講凍飲~我真心講句, 依定真係好少見D餐廳會起飲品上落本, 三色冰、珍多涼粉冰, 都俾足料, 有濃郁既椰子汁味, 無溝水~!!欣賞!!!另外, 貪得意而叫既滴漏咖啡, 竟然有意外驚喜, 大家睇睇張相, 幾攪鬼~要等佢滴..滴..滴..滴..哂到下面個小杯先飲, 夠純~呢一餐, 我會再黎食, 試埋其他野, 不過就一定會叫番焦糖薑粒雞翼架喇~!!!

前日同事約食飯，唔知邊度黎鋪邊爐癮，一行6人為方便又去左公司隔離間譚魚頭。一直都係聽講譚魚頭唔平，但又未真正試過，所以我地都係抱住試食，唔好食唔抵食唔再去既心理去左。
一去到，同個侍應講我地黎打邊爐既，佢即係勁有禮貌招呼左我地坐低。環觀一看，四周圍既裝修都幾有氣派，好舒服乾淨。打開佢個MENU，實在太多湯底選擇，價錢大概$78至$118 呢個RANGE，所以其實除番開6個人，每人都唔係好貴，再一次證明人多打邊爐好着數。O係侍應熱心既講解之下，我地卒之叫左個招牌底，鴛鴦麻蕃鍋。一上枱，大家即時既反應係”嘩”叫左一聲..因為個蕃茄湯好紅，個麻辣湯好油……..但未食都不好評論，所以我地決心等埋D料先
見佢果度寫左要配埋花鏈魚唇食會最好食，所以我地就叫左一碟。一碟魚唇有6個半邊，即係夾埋應該有3頭魚頭，$128就有都幾抵~之後我地又叫左D丸同一只類似牛柏葉既野，不過係啡啡地色既。同事話應該係牛肚，然後因為無經過漂白所以先甘既顏色。2碟丸同碟牛肚TOTAL $164 ~
到真係放野落去碌喇,先發覺原來張枱度有6個裝配料既碗，入面有勁多配料，例如花生，蔥果D。打頭陣當然要試佢個魚唇，放左落去麻辣湯底果邊碌，一拎起身..一陣香辣味即迎面而來，跟住已經香到想食到令我係甘吞口水..食第一啖..難以形容既香同麻充滿住個口，再隨之而來既係辣…令我忍唔住大聲嗌左句 “真係好好食好鮮甜”…
再黎試既就係蕃茄湯底配蔬菜，原本見到佢個湯甘紅以為佢一係落左色素一係就加左辣椒，點知一試先知原來係真材實料..係濃濃既蕃茄味~再問個侍應先知原來佢係(新疆?!)空運黎既，先知原來真係勁好野~~超好味!!!
其他個D野食都係差唔多~~~叫下肥牛, 菜~烏冬~仲有其他野~~同埋西瓜汁。
Total 每人$180~不過食到真係勁飽!! ^^, 好想快D再凍D再打邊爐!!

我今日放假,特登去將軍澳陪阿媽食飯
當然去我和媽媽的至愛^^
等埋媽咪收工就同佢去太興撐枱腳,
佢好鍾意去太興食飯, 因為鍾意個到好坐
我們叫的野食差唔多次次都一樣..哈哈..
一個燒味雙拼飯餐~多飯~飲中湯~~一個馬友咸魚蒸肉餅, 另加一杯凍0茶
媽咪鍾意飲中湯,我就鍾意飲野多D.
先黎青紅蘿蔔豬骨湯,媽咪成日話呢到D湯少味精,叫我飲多D.
飲落同其他都真係唔同D~唔會話得味精味
再黎就燒味飯,油雞薰蹄飯

佢d燒味唔會好漏~好好味,油雞同薰蹄係我同媽咪至愛^^
家下打番都想食!!
不過我地唔會食住!!
因為...要等主角.....XD
其實叫個燒味飯都係主要貪佢係餐~!
之後我們的主角出現啦!!
好快, 10MINS到就送到
登登登登~~~~~~~
馬友咸魚蒸肉餅!!!!!!!!!
好好味丫！D肉餅又唔會太林/太硬, D汁味道又岩岩好~

媽咪急不及待就整散左佢撈汁......
所以張相唔係好齊整-_____-”
又唔怪佢既, 都已經九點幾, 係肚餓D架LA..
見到D馬友都真係開胃.!!
加杯凍0 T~~~正
我同媽咪其實都唔係好大食,
所以個燒味飯的多飯就已經夠我地2個人食^^

燒味雙拼飯餐$50 我會俾4.5/5
馬友咸魚蒸肉餅$52 真係要俾5/5!!!係我食過最好味的!
凍0茶$16 4/5 正正常常LA~ ^^
TOTAL : 118
緊係....媽咪請啦..哈哈哈!
其實我仲好鍾意食過蝦醬芥蘭苗煲..不過太大煲, 要4個人食先好!!
又係勁香勁好味>V<

之前已經好想試下！
所以就同女朋友齊齊去食！
我地下午3點幾食.
好彩唔洗排隊~~~~即有位
佢叫左豬潤米~我叫左牛肉火腿米
好好味！！
不過野飲貴左d...
我地冇叫到, 行出去搵第二間買仲好~~~~

之前都已經聽人講話ruby tuesday好貴.
不過想同女朋友去試下~
已經食左下午茶唔肚餓~
所以打算叫1個主菜就夠
叫左1個牛扖加蝦~
同埋2杯飲品.
仲加左個湯
飲品ok~
但個主菜真係好難食！
d飯真係大家樂都好味過佢...
d蝦我覺得冇乜味..
d牛扖勁""un""
我地都唔鍾意食咁生的.. so 叫7成.
佢有血水出, 但好好好好un...
反而係個焗薯係最好食...唉-.-幾舊水買焗薯咩....
埋單都四百幾蚊...
到底有d咩係好食d....

不過佢個氣氛就真係幾好既. 暗暗地.
如果野食好味d就好la

叫左個蛋包炒麵食.
好好味, 不過細碟左少少,
唔係好夠飽.

小丸子係朋友俾我食既~~~
都幾好味~~~