今日走左去宜家家居食tea.
叫左:炸雞翼,肉丸意粉,芝士沙樂美腸釀雞,煙三文魚
炸雞翼$13:有4隻,比之前食過嘅又亁又嚡又冇味.
肉丸意粉$19:有10粒連意粉,肉丸好淋又夠味,加上士多啤梨醬更美味必食之選,意粉就可有可無,完全唔得.
芝士沙樂美腸釀雞$33:最差之最,硬過石頭又冇味,雞肉嚡到似沙紙.
煙三文魚$33:份量都可以,三文魚新鮮鹹香有油香,可惜有魚骨,最重要又加左價,原本$29.
整體:又加價,食品質素又下降.

今天下午要到尖沙咀做野,簡簡單單走入此店食飯.
叫左:特濃豚骨沾麵,櫻蝦油拉麵,追加芝士撈飯
特濃豚骨沾麵$78:湯味好濃,重豚骨味,糖心蛋做得剛剛好,好滑蛋味重,义燒份量剛好,唔肥肉味香濃似食鐵板豚肉.D蔥好香,筍幾淋又美味,黑木耳好爽口,麵質有小小硬,但都可以嘅.
追加芝士撈飯$20:沾麵獨有追加,記得個沾麵汁唔好食曬,會用來撈芝士飯,芝士好香又令個飯好滑,濕濕地幾好味.
櫻蝦油拉麵$88:必試之選,櫻蝦鹹香味重,有小小似蝦醬味,好正.拉麵係幼麵同個湯好夾.食到湯都飲乾.
下次一定會再來幫襯.

個水蟹粥好正,水蟹好新鮮,魚蓉粥底好好味!
份量有4細碗,足2人食.$68價錢合理呀!
之前在第二間食過分分中要過百元一碗都有!
花雕雞撈麵,好正,愛補身人仕適合,個麵好有酒香,個汁味道有小小似食蟹黃一樣.味道唔錯.
但缺點是D雞好骨,冇咩肉.不過可以一試!

义蛋治價錢不變,但义燒減少,好細,义燒唔夠香.不過蛋好香好有雞蛋味,仍可一試.
沙翁味道保持,但又是變細左,味道甜左小小.叫左一杯熱奶茶,真失望,冇茶味,似奶水.
服務質素一般,比錢時出到收銀處都冇人理,個阿叔只顧同D買麵包嘅女士吹水.

以往來食都好滿足,價錢吸引不在講,食物質素更吸引.
但今次到來真令人失望,表面賣相唔錯,
一入口就想死,個包好硬,完全唔脆,豬排又冇味,肉質好實,接近咬唔開.
價錢加左,的質素下降.

好久沒冇寫食評了,終於冇法忍受下一定要寫出這編食評.
叫左:古法糯米雞, 賣相一般,比起大家X細隻好多, 有一件冬菇外, 其他只有雞肉, 味道太咸.
            酥皮焗义燒包, 賣相好差, 完全同以前差得遠, 打開個包就傳出好重豬肉腥味, 味道只食到好咸嘅醬味.
           煎臘味蘿蔔糕, 賣相冇咩特別, 用筷子一夾完全散開, 味道食唔到有臘味味, 溝粉多過蘿蔔肉, 得個油字.
           黃沙豬潤腸, 又細皮又粗嚡, 同以前差好遠, 無端端加左芹菜, 都唔知為咩? 豬潤又小又細, 味道完全唔合格.
           麵醬牛肉釀茄子, 賣相大家睇都睇到啦, 味道得個油字, 唔怕血壓高就怪, 牛肉又薄又係食到一口粉.
本人真係唔知米芝蓮係咩?信者?

第一次到來,食物質素都可以,但服務態度太差.
叫左:午餐蒸排骨飯,特餐义燒通粉,煎蛋,蒜茸包,涷奶茶,熱檸茶
蒸排骨飯:好有家庭Feel,排骨好多,肉質夠淋又夠入味,個汁好正餸飯一流.
义燒通粉:义燒味都幾香唔嚡,通粉幾淋幾好味,湯底好味,唔錯.
煎蛋+蒜茸包:煎蛋太過火乾左D,蒜茸包比較硬味道普通.
涷奶茶:茶味香滑幾好飲.
熱檸茶:冇咩特別.
可能太好生意,所以服務態度太差,價錢都唔平囉!

食物質素都可以,但服務態度太差,又不斷加價.
叫左:木耳蒸雞飯,瑞士雞翼撈公仔麵,煎蛋,牛油多士.
木耳蒸雞飯:蒸雞幾滑,份量都可以,餸飯幾好味.
瑞士雞翼撈公仔麵:雞翼好細隻又唔夠味,瑞士汁同超市買到冇咩分別,好一般.
煎蛋:普通.
牛油多士:多士太淋唔脆,唔新鮮.
整體:服務態度太差,價錢都唔平囉!

睇食評好似幾好,真真失望.
叫左:豆漿,生煎飽,鍋貼
豆漿:好驚呀,已開嘅凍豆漿,豆味淡唔夠滑.
生煎飽:又油又厚皮,肉質味太濃用太多醃料去做好鹹.食完肥幾磅.
鍋貼:又係油到好驚呀!除油味同麵粉味外咩都食唔出.
整體:價錢貴,環境差,衛生更差.等蒸食品四圍放.

叫左:皮蛋瘦肉粥,白粥,炸兩,炒米粉
皮蛋瘦肉粥:粥底唔夠綿皮蛋味道幾香,瘦肉鹹香好夠味.
白粥:粥底唔綿,煲得唔夠火候.
炸兩:個腸粉皮味道幾好又薄皮,可惜油炸鬼好硬令整體味道唔得.
炒米粉:用料太小又淡味,味道完全唔得.
整體:完全失敗,冇祈望.