久違嘅撐枱腳 今晚近近地銅鑼灣食餐好 訂左想食好耐嘅casamigos 都係同事介紹 估唔到訂8點半都咁多人 全場爆滿 氣氛一流 先黎兩杯Sangria 放鬆一下 叫左煙三文魚做前菜 配上酸洋蔥 好醒胃 期待已久嘅西班牙薯仔蛋餅 果然好正 熱辣辣嘅蛋餅配上芝士同薯仔 口感豐富 而且夠濕潤 蛋味濃 好食到停唔到口 點少得西班牙海鮮飯 海鮮嘅量都唔少喎 有蜆 青口同埋大大隻蝦 啲飯有好多汁 唔會太乾身 都幾有咬口 重有薑味橙香橡果黑毛豬鞍架 呢個有驚喜 估唔到黑毛豬都可以咁juicy 岩岩好唔會太靭或者太乾 好好食

好耐都無同媽媽撐枱腳啦 終於忙完一輪有時間可以食好少少 訂左佢想食好耐嘅鐵板燒 係佐敦近近地 餐廳大約有20個位 唔算好大 有一半位置都係對正師父煮野食 為左唔洗煩惱我地叫左兩個omakase 分別係五道同七道 一樣都有沙律 兩款海鮮同一份肉 炒飯同甜品 分別係多左個茶碗蒸同湯 相對地 五道比較抵食 先黎煙三文魚沙律 沙律菜好新鮮 海鮮有 鮑魚 東升班 白鱔 帶子同扇貝 㨂兩款 海鮮好新鮮 入口好彈牙 特別係鮑魚同白鱔 肉方面我地都㨂左牛肉 有肉味有咬口 黑松露炒飯 粒粒分明重帶點鮮甜 好食 最後係柚子雪芭 炎炎夏日食呢個岩晒

終於搵到間韓國菜 唔洗去韓國街啦 呢間餐廳係k11附近啲小巷 都算方便 好彩有訂位 估唔到竟然入場爆滿 氣氛一流音樂超強 重有幾個oppa不停行黎行去 餐前小食都好好食 個泡菜好好食 我地叫左半份honey butter炸然 上台勁香 每一舊雞肉都沾滿蜜糖粉 脆而唔乾 好好食 重有中嘅bbq pork set 呢個oppa會幫手處理 第一次食呢款韓國香菜 well 唔係我杯茶😂 食得咁開心無理由唔飲返杯丫 最後加多個牛肉蒸餃 韓國餃子真係好好食 最正係 佢真係蒸住上 唔會坐一陣就凍晒如果涼返少少 下次可以試下係對面食 再地道啲😂

有咩開心得過happy friday食餐好 同朋友誤打誤撞搵到呢間星橋居酒屋 係嘅 地點有少少唔方便 不過真係少少姐 但服務完勝 當然食物質素都係啦 坐低先黎一杯白桃酒消暑先 好甜 叫左個豆腐沙律醒下胃先 酸酸地配上沙律菜 無疑係夏天之選 當然唔少下酒菜啦 螢光魷魚係必須的 重有雞皮餃子 呢個真係唔係周圍有得食 之後叫左店家推介嘅炙燒拖羅蓉赤身卷 拖羅蓉好香 入口即溶 我鐘意佢飯唔多 食左都唔會太頂胃 重有天婦羅盛合 即叫即炸 重有師父特登調嘅醬 完全係心思野 最後叫左個炸墨魚咀 吹住水食呢啲居酒屋真係好正

等到頸都長埋 終於俾我等到啦 堅尼地城終於有串燒食啦 當然係假期前夕去享受一下啦 望一望餐牌 價錢一啲都唔貴喎 可以話好平 㨂左蒜蓉花甲同埋蒜蓉燒帶子 海鮮野一試就知咩料啦 咁佢又真係唔差喎 花甲隻隻都厚肉 帶子又大大粒 配埋岩岩好嘅蒜蓉 正 叫左好多串燒 即叫即燒 呢樣真係超加分 雞翼燒到皮脆肉嫩 燒冬菇同脆玉瓜真係好好食 一啲都唔乾 重有少少juicy 豬頸肉同五花腩 口感一流 最正係佢啲辣粉落得岩岩好 少少惹味 最後叫左燒紐西蘭羊架 少少嘅肥膏帶埋啲羊味 🤤好滿足

好日都唔去北角 無啦啦竟然撞中間正野 雖然係橫街小巷 但係裝修一啲都唔馬虎 一入餐廳就聞到好香嘅咖啡味 值得加分 望下餐牌 樣樣野食無論前菜定主菜都好吸引 最後我地㨂左餐廳推介嘅慢煮牛肋肉醬配芝士薄膽 上枱個下有一秒呆左 會唔會太有心思 手工意粉配上軟淋嘅牛肋肉碎 口感好好 重有上面個塊芝士薄脆 簡直係重點 超香 另外叫左意式煙肉溫泉蛋明太子配意大利飯 意大利飯軟硬度岩岩好 配埋煙肉同明太子嘅咸香 重有半生熟嘅溫泉蛋 完全食唔停口 再叫左個自家制炸洋䓤圈 香脆可口 最後㨂埋是日精選 意大利油炸鬼配tiramisu 首先佢唔係配朱古力醬 而係即磨嘅expresso 同埋油炸鬼係即叫即炸 超香脆但唔會太油 而佢嘅tiramisu係無餅底嘅 但啲cream超滑 單食定點油炸鬼都係一流 而呢個甜品更加係會令我想encore 值得推介

今日同朋友去荃灣行街，經過荃新天地有d肚餓，朋友話想飲茶，見到有間叫做逸月軒酒樓，門面都幾靚，仲有好多款特式茶選擇，咁就入去嘆茶啦！ 坐落我哋叫咗我至鍾意的人蔘烏龍茶，唔係咁多酒樓有供應，味道唔錯。酒樓地方寬敞，唔會有壓迫感，點心就可以用手機或點心紙落單，都幾方便！ 先叫咗一籠二粒鮮蝦餃，大大隻鮮蝦，皮薄蝦新鮮都係特價$19，真超抵！黑毛豬叉燒腸，就肉香腸粉滑。生滾龍躉魚粥，粥底香綿加入龍躉提鮮，好味至極。乳鴨肉嫩香滑又juicy。天鵝香芋酥，外形美觀，廚師炸得鬆脆，芋泥包住肉粒係我至愛。最後朋友話要食甜品，我哋揀咗咖啡糕同紫米露 ，咖啡糕唔太甜，有香濃咖啡味，軟硬度又啱啱好，係我食過最好味的！整體這間酒樓的出品有酒店的水準！結賬唔駛三百蚊，都算抵食！

係無限ot之前 趕緊食個好啲嘅晚餐 朋友㨂左呢間the grill room 本人其實幾鐘意open kitchen嘅設計 加上員工友善嘅態度 呢間餐廳已經成為encore 之選 雖然有套餐 不過最尾我地都係散叫 頭盤叫左北海道刺身帶子沙律 係薄薄嘅帶子上面加上黑松露 重有魚子 再配上少少醋 完全帶出左鮮味 黎叫grill room無理由唔叫佢地嘅扒嘅 我地㨂左安格斯肉眼扒配黑松露薯蓉 牛扒5成熟岩岩好 帶有微微嘅炭香味 入口牛味香濃juicy 配埋薯蓉無得輸 叫左即炸嘅黑松露薯條 又係好香好好食 最尾加左燒烤汁燴羊膝配黑松露薯蓉 羊膝夠晒淋 重有香濃嘅羊味 好正 埋單見到有7折 原來係朋友經sevenrooms book枱嘅優惠 勁抵

忙完一個月 終於有時間食個飯 太耐無得飛 搵啲好野食下先 今晚約左呢間英式中菜 環境一流 坐得勁舒服 店員服務又好好 未食已經覺得好滿意 先黎叫左兩杯house wine 輕鬆下先 頭盤我地叫左餐廳推介嘅香酥鴨配薄餅 同埋蝦多士配甜酸醬 香酥鴨薄餅有驚喜 鴨肉炸左 外皮好香脆 用黎送酒簡直一流 食法同扁皮鴨相似 蝦多士又係好好食 麵包之間加左蝦膠 加上面層有大量芝麻 口感更加豐富 主食方面我地叫hidden menu 嘅焗豬扒飯 個飯即叫即焗 豬扒好厚身 但一啲都唔鞋 配上酸酸地嘅蕃茄飯 食落完全唔肥膩

忙左成個月 終於得閒食餐好西 今晚㨂左好耐無食過嘅 the captain’s house 實在有少少掛住佢個海鮮shake shake拼盤 前菜我地叫左店員推介嘅新鮮生蠔 好大隻 入口好有海水味 同埋 creamy 海鮮袋我哋㨂左combo A 原隻魷魚 青口 同埋扇貝 配上lemon butter sauce 岩晒咁熱嘅天氣 等左一陣 期待嘅海鮮包終於黎到啦 個海鮮包裡面重有埋薯仔 粟米 同腸仔 其實都好多野 個醬汁帶有少少酸 感覺無咁漏 魷魚好彈牙 同埋扇貝好大隻 真係幾好食 另外再叫多個海膽醬蟹肉冷麵 呢個真係好岩夏天食 同沾麵有啲相似 海膽醬味道好濃 不過點太多有啲咸 最尾叫左兩杯特飲 畫上完美句號