來電影中心就多，有時未入場都會來呢到睇下有冇好書買，一直都想試下呢到咖啡，今晚終於品嚐到喇。

我們二人八點幾散場後來到，雖然人流行多，但不失寧靜，非常好。
在Counter點好晚餐搵個好位，十分鐘後店員陸續上餐：-


❶ 火箭菜型枝竹風乾火腿沙律 Artichoke and Rocket Salad with Parma Ham ($68)
有芝士Parma Ham蕃茄乾配火箭菜好食，只略嫌沙律汁的油多了點，食到最後一口都係油，整體係抵食嘅。

❷ 牛背扒配薯條 Blade Steak with Fires ($128)
肉質肉味幾好，冇overcook，薯條夠熱脆口好好食。 ❸ 凍愛爾蘭咖啡 Iced Irish coffee ($52)
最高一層奶油好滑，威士忌味唔重 (重D就更好啦)
❹ Mak’s Brewery x Kubrick 哲學醞釀啤酒 ($64)
一個字，好飲！麥味同咖啡味兩者恰當，飲完仲想飲 Total: $312

尋晚未到7點walk in來到，當時店裡仍很多位，店員問我地飲野家食野想坐外面定裡面，我地揀左裡面，坐低無耐，先上餐包，再介紹今晚有什麼推介、Happy Hour 直到8點等等，都幾好禮貌服務唔錯。

呢晚只叫野食冇飲野喇。
① Salmon Kale Salad 三文魚藜麥羽衣甘藍沙律 ($108)
② Chicken Quesadillas 墨西哥芝士雞肉洋葱餡餅 ($68)
③ U.S. Hanger Steak (8oz) 燒美國側牛腹扒 ($198) + Thick Out French Fries 香炸粗薯條 ($38)
Total = $412

餐包：麵包好軟身，加埋黑醋橄欖油好食噃。
三文魚藜麥羽衣甘藍沙律：芝麻醬經已將沙律撈勻哂，睇落醬唔太多，其實已經好夠；估唔到三文魚份量都幾多，但因為我好怕食熟嘅三文魚腥味，呢個都有少少，不過肉質煮到好滑，我都接受到少少腥，OK嘅；其餘嘅菜好新鮮，加埋藜麥好飽肚好食。
墨西哥芝士雞肉洋葱餡餅：有3款醬 Sour cream、Salsa同牛油果醬，其實薄薄嘅玉米餅皮已經包住大量芝士洋葱雞肉，已經好夠味，濕潤到有少少膩的口感，不過係好食嘅，附上的 3款醬只係點綴一下。
燒美國側牛腹扒 (7成熟)：外層帶微微焦香，肉紋分佈平均，肉味頗濃郁，尚算唔錯。

香炸粗薯條：好脆，如果可以燶多一點點就好喇。

因為又有同事生日，所以又要上網搵食，搵到The Wave未去過，原來呢到有好多食店，睇食評唔錯就揀呢到。

我地一行4個人來到，比左最入嘅位我地，本來都驚會好嘈 (觀塘去邊食都好嘈下)，估唔到當時已爆場咁滯，都可以靜靜的傾到偈，唔錯。
呢到有樣好係Semi Lunch Buffet係個餐包哂自助沙律吧，我只食素的可以只叫A餐 ，其實已經好夠食。

① A餐：自助沙律吧+甜品餐($88)
② B餐：自助沙律吧+鮮茄汁煙火腿露荀意大利麵($98) x 3
Total = $382
自助沙律吧 都幾豐富，有凱撒沙律、車里茄、青瓜、紅腸、魚蛋、長通粉沙律、紅菜頭沙律、薯仔沙律、粟米沙律、鮮果啫喱、朱古力冬甩、德國芝士蛋糕、朱古力蛋糕、2款湯同幾款炸物，單食呢D野已經夠飽，味道都唔差，我就覺得紅菜頭沙律最好食。
《鮮茄汁煙火腿露荀意大利麵》見到隻碟咁大，中間份量好似好少咁，原來都唔少，煙火腿好食露荀鮮嫩，意大利粉硬度剛好，好食嘅。
咖啡來到唔酸濃度唔錯，都幾好飲。
總括來講，呢到真係可以再來，起碼唔嘈已經好好。

係太子想搵間Cafe hea下，遊下遊下係門外見到大大玻璃門，裡面有一排木色嘅檯櫈可以睇住沖咖啡，播住輕快音樂，雖然位子不多也差不多坐滿了，但一點也不嘈雜，環境感覺幾好。

呢到係自助嘅，打開門入到來係Bar檯直接睇Menu落單比錢一站過再搵個位坐。
我地坐係大門口隔離，坐上高櫈對住街外感覺幾好。

我地2個人點了：
① Long Black ($38)
② Signatures - Fizzy Summer ($48)
③ 古巴三文治 Cuban Sandwich ($78)
④ 溫泉蛋大啡菇藜麥沙律 Portobello Salad With Soft Boiled Egg & Quinoa/Balsmic Vinaigrette ($68) Total：$232
Long Black：咖啡豆應該幾優質，平時飲Long Black得個苦字，呢到咖啡味道都有層次呢。

Fizzy Summer：呢標Signatures包括有檸檬汁，葡萄柚糖漿，粉紅葡萄柚同蘇打水，店員叮囑要搞均飲，第一啖飲落好酸，但飲飲下又唔係，幾複雜都算唔錯嘅。

古巴三文治：裡面有滿滿嘅芝士同手撕豬肉，手撕豬肉一絲絲好正夠哂味；Ciabatta烘得好香脆有香草番茄帶點麥香，呢個好食。

溫泉蛋大啡菇藜麥沙律：估唔到沙律份量都幾大，各款沙律菜都新鮮，熱熱的烤蘑菇好食，唯沙律汁偏少。

呢晚約左朋友去大圍聚下，我地都想飲返杯又想靜D，本來揀左個好地方點知太多人有D嘈又冇酒飲，行過2個鋪位見到《風車》，打開門視察都唔錯，飲酒地方包唔會限時趕你走，一於來一試啦。
我地坐低左先醒覺係一間西班牙式Bar，有Happy Hour到2100，太好了吧！
其實係 9點前都係一間普通西餐廳，但一到9點後就較暗燈光轉哂落Bar嘅歌，更開始有人食煙了，如果想靜靜食一餐就9點前來吧，呢晚我地傾左 3個幾鐘好愉快呀。
今餐我地點了： ① 30 Mile, Cabernet Sauvignon 2015 (Australia) Happy Hour Buy 1 Get 1 Free ($60) x 3 set ② 北海道帶子刺身沙律 Hokkaido Scallop Sashimi Salad ($79) ③ 香煎鵝肝 Pan-Fried Gooseliver ($109) ④ 白酒煮蜆配蒜茸包 Clam in White Wine Sauce with Garlic Bread ($79) ⑤ 車打芝士肉醬粟米片 Nachos with Minced Beef & Cheddar Cheese ($69) ⑥ 芝士焗法國田螺 Baked Escargot in with Cheese ($69) Sub Total = $585 10% Service Charge Total = $644 welcome snack 西班牙番茄包：尚未叫野食，先來碟 welcome snack，雖然蕃茄莎莎醬味道淡，包也較淋身，但竟然有小食送上係加了點分。 30 Mile, Cabernet Sauvignon 2015：本身鍾情赤霞珠，呢隻入口有豐富黑梅子香味，唔使透氣都好飲，加上Happy Hour時段買一送一，我地最後叫左3 Set，係幾好。 北海道帶子刺身沙律：食材幾新鮮，大大粒北海道帶子切為3片，另有橄欖、沙津菜、蕃茄乾等；帶子好食，蜜桃莎莎汁都唔錯，只是略嫌沙律菜份量偏少啫。 香煎鵝肝：鵝肝好薄細件，不過煎得好香肝味都算出到嘅，可惜蒜蓉包太細條點唔到肝油食。 白酒煮蜆配蒜茸包：蜆新鮮煮得剛好，配上的蒜茸包食落變左蒜茸多士太薄太脆，而且用個Pan盛起根本點唔到白酒汁食。 車打芝士肉醬粟米片：我諗應該係自家製薄脆而唔係粟米片，係有D失望，我寧願係買現貨倒出來更好；好彩肉醬同芝士都好食。 芝士焗法國田螺：成晚最為驚喜一道菜，我地2個人都估唔到用帶子殻焗製，田螺好Juice，芝士外脆內軟好好食呀！

本來一心去食生蠔的，點知一個星期先睇到報紙話果間店有人食物中毒，我地都驚左，記得一次行LCX見到塚田農場，就決來轉陣來試下啦。 我地每次來都係晏晝見人流唔多，第一次夜晚來到，估唔到平日夜晚都幾多人，店內環境大玻璃對住維港、樓底高座位寬敞坐得舒服，最好嘅係唔會聽到隔離枱對話，店員態度都好好，只是覺得播嘅歌有時太過似落Bar feel 而已。
呢晚我地叫左： ① 美人鍋 (2人前) BIJIN NABE ($380) 追加白飯 (add rice) ($15) ② 鰻魚忌廉芝士美人卷 Eel & Vream Cheese Rice-paper Roll ($48) ③ 辣味三文魚青瓜 Spicy Salmon & Cucumber ($38) ④ 梳乎厘玉子燒 ($78) 追加 蟹肉 ($10) Japanese Omelette add Crab Meat ⑤ 美人雞尾酒 BIJIN Cocktail - 櫻 (SAKURA) ($88) ⑥ 抹茶Beer ($82)  Sub Total = $739 10% Service Charge Total = $812.9

美人雞尾酒(櫻SAKURA)：加入紫蘇葉同梅酒，紫蘇味比梅酒味更重，味道略嫌偏淡。 抹茶 Beer：本以為真的用抹茶釀製而成，原來不過是綠茶粉和啤酒的混合物，玻璃底部有大量綠茶粉末，但沒有棒作攪拌，飲落去只有普通啤酒味道，到最後食到抹茶粉先有抹茶味，當普通Beer都OK嘅，但而家唔特別喇。 辣味三文魚青瓜：大大條青瓜配三文魚，醬汁淹得好，好味又新鮮。
鰻魚忌廉芝士美人卷：本身鍾意食紙米光，呢個雖然細細條切成４件，都食到裡面各種配料味道，忌廉芝士配鰻魚味道都幾清新，另有一種醬汁都幾好，但食極都唔知原料是什麼。 梳乎厘玉子燒蟹肉：好邪惡的玉子燒呀~~ 賣相來到已經靚靚，中間切開霧煙見到蟹肉同蛋汁流出，外面微脆內裡軟綿綿的蛋好有蛋香味有少少甜，真心推介。估唔到係追加$10的蟹肉份量都唔算少噃。 美人鍋：配料主要有大雞件4舊、2款雞滑、雜菜、豆腐3樽、金菇、粟米、腐皮葱串、秋葵、黃甜椒、日本蘿蔔和青瓜等等。 先用一個鍋上用雞湯精華熬成一大粒骨膠原啫喱上電爐，經理說5分鐘等溶左會有同事來幫我地砌個鍋，時間真係較得好好，5分鐘後，店員先盛一小碗湯比我地品嚐原味後先再放料砌靚靚，砌好便說約10分鐘就可以食喇。 原味湯頭好濃郁好重雞味係正嘅，雞肉都好食，雞肉丸分有黑白芝麻同原味，2者都好食，另有3款汁料都唔錯。其他配料吸收雞湯的精華都好好食。

一年一度約中學Miss食Lunch，係觀塘揀了多間Cafe的環境都未合我心意，最後記得一次係Mega Box行海濱時發現呢間Cafe環境唔錯，所以決定來喇。 我地一行３人係兩點到達，都估唔到呢個位置星期六都幾多人，可幸的是雖然Full哂咁滯，但一啲都唔嘈。 呢個時間先到，我地都當係下午茶而已，所以只點了一個Set同麵包Share： ① Parma Ham, Cheese, Tomato & Cucumber Panini ($88) ② (Lunch Set) 慢煮雞胸伴意大利風乾煙肉燴珍珠洋薏米 ($138)     Slow-cooker Chicken Breast with Pearl Barley Risotto & Pancetta in Cream Sauce ③ (Lunch Set) Soup of the day + American coffee ($58) Sub Total = $284 10% Service Charge Total = $312 Soup of the day：係南瓜蟹肉忌廉湯，上枱裝湯的器皿已經加分，湯好濃稠好滑，蟹肉分量也不錯，好味。 慢煮雞胸伴意大利風乾煙肉燴珍珠洋薏米：本身洋薏米煮起來質地會黏稠嘅，呢個用左Risotto煮法，效果好好，汁的味道同洋薏米好夾，雞胸煮得好腍夠入味，好食。 意大利三文治：個Panini似係蕃茄味，香脆好食，除蕃茄青瓜外，估唔到裡面會有牛油果，Parma ham 鹹香，芝士少到到多覺有，整體都幾好。 American Coffee：唔錯，比外邊飲香濃。

自從十年前係凍冰冰的天氣係韓國食左碗凍湯冷麵後，自始就愛上有冰係碗內的冷麵，不過係香港好少地方會有呢種湯，不過都仍然鍾意韓式冷麵，同日本的係好唔同，其實兩地都愛食。 今次走入韓國街，就係又想食冷麵啦，揀呢間只係覺得似小店多D，就幫襯下啦。 ① 部隊泡菜湯飯 Stone Pot Kimchi Soup w/Rice ($75) ② 凍湯蕎麥冷麵 Cold Soup Noodles ($70) ③ 泡菜煎餅 Kimchi Pancake ($75) Sub Total = $220 10% Service Charge Total = $242  部隊泡菜湯飯：石頭鍋來到熱辣辣，裡面有豆腐、午餐肉、香腸、牛肉、粉絲同泡菜，好足料；白飯綿綿，將泡菜湯味濃，畢落白飯同食好滿足。
 凍湯蕎麥冷麵：蕎麥麵雖然細但好有彈性，質感Q彈好咬；湯汁估唔到幾甜喎，加少少的芥辣醬味道更開胃，另外有青瓜片、羅白片同半隻恰蛋，配料普通但感到好清爽。
 泡菜煎餅：曾經食餅漿過厚又油淋淋嘅，今次呢個比較薄身但又煎得外酥內軟，餅漿濃稀適中，泡菜料幾足而且唔油膩，幾好食。

都有好一排冇來喇，上次來係見有位先去食，今次係專程來開餐嘅，只因上次老友見有人食漢堡好吸引，所以就話下次一定一唻食喎，而我就當然有人請就唔客氣啦。


今餐我地點了：
① 現磨咖啡 Regular Coffee ($35)
② Kronenbourg Deli 1664 ($48)
③ 無花果巴馬火腿沙律 Fig & Parma Ham Salad ($88)
④ 普羅旺斯燉雜菜法式蕎麥薄烤餅 Ratatouille Crepe ($78)
⑤ 肉眼牛扒雜菜蘑菇漢堡(竹碳軟包)配薯條 Rib eye steak burger with ratatouille & Portobello mushroom (sesame bun) ($168)
Sub Total = $417
10% Service Charge Total = $459







現磨咖啡 Regular Coffee：用嘅咖啡豆唔錯，咖啡味香帶甘。

Kronenbourg Deli 1664：帶有清新果香同麥味，清爽易入口。




 無花果巴馬火腿沙律：份量唔大，無花果特甜，連咸咸的巴馬火腿同新鮮沙律菜一齊食，很醒胃。






 普羅旺斯燉雜菜法式蕎麥薄烤餅：坦白講睇個款其實有D失望嘅，Size細外配料也很少；可幸係蕎麥薄烤餅香脆，但燉雜菜味道普通。




 肉眼牛扒雜菜蘑菇漢堡配薯條：呢到嘅burger樣貌真係好吸引，呢個竹碳軟包雖然冇咩包味，但非常鬆軟，肉眼牛扒味香濃又富肉汁，中間夾雜烤雜菜同一大片厚香烤蘑菇，好味；另外鮮炸薯條幼幼少少咸多多脆，好食。

我呢個有選擇困難症嘅人，因為個tea Set有好多選擇，最終係要由佢地幫我分析先揀到食乜，每人叫一個餐Share食喇。 當我買完拎似品返埋位等待，職員再奉上各餐點，我地一見到百吉包三文治都驚訝咁細份，同餐牌上的相片有太大分別了吧～ 以$59來講真係幾肉尺，同埋唔係特別好食呢。 Tea Set： ① 烤雞蘑菇雜菜湯扁意粉(輕量) 配 錫蘭奶茶 ($41) Linguine in Mixed Vegetable Soup with Roadted Chicken & Mushroom, Ceylon Milk Tea ② 白汁碎蛋全麥包 配 海撒沙律, 即磨咖啡 ($57) Egg Mayonnaise w/ Wholemeal Bread, Caesar Salad & Coffee   ③ 火雞芝士全麥百吉包 配 海撒沙律, 即磨咖啡 ($59) Turkey & Cheese w/ Wholemeal Baguette, Caesar Salad & Coffee  Coffee Upsize ($4) Total = $161 海撒沙律：麵包粒咬落脆脆，少少煙肉碎都唔錯，生菜新鮮爽脆。  烤雞蘑菇雜菜湯扁意粉：其實都幾似罐頭湯，烤雞件肉質唔鞋口冇雪味，雜菜湯味道比較啖雜菜份量足，扁意粉麵質剛剛好。  白汁碎蛋全麥包三文治：白汁碎蛋普通，裡面沙律菜都幾新鮮，全麥包凍凍的。  火雞芝士全麥百吉包：我真係唔知原來百吉包係咁細小，好多年前食過同呢個Size真係差一倍，而且唔夠香脆；火雞片味啖唔覺係食火雞；另外有芝士蕃茄片青瓜片恰蛋片加幾片沙律菜，普通過普通，係有點失望嘅。 錫蘭奶茶：味道淡淡的。  即磨咖啡：全個Tea Time最好只有呢杯咖啡。