剛剛路過九龍城見到有幾個人排隊買串燒，羊羣心理咪又試吓買幾串來食，交貨時個女人（不知道是否老闆）問是否拿走入袋？我話是的，她拿個紙袋出來後，我打算拿起串燒幫忙入袋，怎知她放回袋不給我，我說我要袋的，之後她便黑面說麻煩大佬吖我來幫親你，不是來看你面色和，之後咬落d肉又有雪味辣汁也蓋不到，完全唔覺有什麼好吃，在九龍城也有很多其他串燒比這間好，最少態度不是這樣對待顧客

當日帶個仔去山林道剪頭髮, 打算在附近食個午餐, 阿仔話要食牛肉飯, 於是入咗呢間日本料理, 我哋叫咗牛肉飯, 鶏泡魚干, 牡丹蝦寿司等, 轉頭侍應回覆我哋無牛肉飯, 一間日本料理居然話無牛肉飯, 真奇怪! 轉頭又有另一個侍應話做比我咃, 跟着鶏泡魚干先到, 要用好大力咬才可以咬得開, 阿仔完全食唔到, 成碟放在枱面 到牛肉飯阿仔又食咗兩啖就話好難食, 我試食咗一啖又真係得個咸字兼牛肉又un! 最後總算有個牡丹蝦叫ok, 但個寿司飯就完全唔掂, 中間夾住有d飯未煮透 決定埋單走去第二度再食, 埋單時個經理見我d野食仲係枱面便問我係咪唔啱食, 於是咪講, 希望他們日後有所改善, 點知阿經理回應鶏泡魚干係咁un, 講到我好似未曾食過咁 我只不過叫他們可以考慮入第二隻貨, 真係好心無好報! 係人都知鶏泡魚干本身係un, 但燒完之後應該係會變軟身囉! 唔係叫人食柴皮! 以後一定唔會再幫襯

一向食開隔鄰酸辣粉和魚蛋, 從未試過呢間同老闆的大蕃薯, 排隊排完酸辣粉條龍, 已經唔想再排, 但今日唔使返工於是排隊買返屋企食, 價錢唔貴同街邊阿伯賣的差不多, 但就乾淨好多起埋無黑炭黏住個蕃薯, 返到屋企食完碗酸辣粉, 再切開個蕃薯仍然熱, 咬落晤唔會乾水份適中, 好甜! 好好食!! 下次要叫埋老公兩邊一齊排隊

每次行過都見人龍, 所以從未試過這餅店, 今日居然只有2個人排隊, 服務員態度都幾有禮貌,於是入去差不多每樣都買一件返去屋企慢慢品嘗, Chocolate Truffle Cake外型好靚, 朱古力味道都濃, 最好食就係呢款, 其他都無乜特別, 以咁細件收$35 等同酒店級價錢, 但又未及帝苑質素, 講真就貴左d, 但我始終都係喜歡以前帝苑旣橙味朱古力蛋糕多, 如果呢到可以做返橙味朱古力蛋糕, 就會再幫親, 否則都無乜興趣再去d

昨日送咗個仔去補習後，行過山林道去彌敦道見到這間貼咗好多名人照片及報章訪問嘅雞蛋仔店鋪，又見到有2個人排隊等買雞蛋仔，價錢賣12大元，心想一定很美味，於是排埋一份買D嚟食，食落一D蛋味都無，仲要賣$12咁貴，是但揾擋小販都唔會差過佢，所謂名人報章推介以後都係信唔過!

今日經過弼街打算去搭車返屋企，見到呢間旦王小食店，於是買串魚蛋食下! 食落好有魚味，好似細個時食嗰種味道，唔似得其他D小食店魚蛋好似食緊麵粉咁! 跟住食埋佢地嘅招牌酸辣粉，師傅係現場即整，辣度適中，超級好味! 只可惜無位坐要企係度食或者可以外賣!