元洲街這間燒烤小食店, 是住在附近的我的深夜食堂。有時和朋友們傾談暢飲到深夜, 肚餓想食點宵夜都會來這裡, 有時零晨三、四點來也還未收檔。吃這種街邊燒烤最怕等得太耐才有得食, 但這裡平均十分鐘已可以上菜, 一路食一路加單也不是問題。

燒海鮮類有燒生蠔 ($20一隻) , 扇貝 ($20一隻), 青口($45半打), 大蜆 ($50 四隻), 大虎蝦 ($38一隻), 鮑魚仔 ($28一隻)等等, 加上葱蒜來燒, 十分惹味, 喜歡食辣的人亦可按自己喜歡選擇大、中、小辣。

呢次食左:
燒生蠔: 原隻半殼生蠔加上蒜頭, 蒜, 辣椒去燒, 十分鮮味, 燒完仲有D蠔汁0係個殼度, 勁鮮甜
燒扇貝: 也是連殼上, 味道也十分鮮甜
燒大蜆: 個人最喜歡呢個燒大蜆, 次次都會叫, 大蜆鮮味十足, 好多時食完一客都會再叫
燒大虎蝦: 虎蝦燒得一分香口, 而且虎蝦肉質都算嫩滑, 而且有膏, 一路寫呢篇食評又想再食
燒雞亦雞皮多春魚: 香口調味搭夠

至於串燒類選擇亦算多, 一般雞亦雞皮雞腎司華力腸安格司肥牛粒牛舌羊架豬仔脾以至丸類蔬菜類也不會少。值得一提原條燒茄子, 燒韮菜, 燒菠蘿這裡也有。

總括黎講, 款式選擇尚算多, 而且調味惹味, 價錢公道, 又開得夜, 係深宵食野既不錯選擇

長發既魚旦唔係一般機造出黎一餅餅方形嗰啲, 係一粒粒圓形既, 彈牙有魚味, 令人成日心思思想黎食碗, 有時我會買半磅返屋企煮麵食, 真係好好味, 我見有啲食客一碗唔夠喉會另外再叫碗淨魚旦黎食。 另外呢度既豉油撈麵都好出名好好味, 落左豬油落去撈, 超香超好味, 不過我今次一個人食唔哂所以無叫到。 食唔到多個麵都掛住嗰陣豬油味, 所以都叫左個韮菜花食, 都有落到豬油上面, 韮菜花超嫩超甜, 一啲渣都無, 我眼見個個都會叫。 環境就一般大排檔feel, 但我反而鐘意呢種地道既感覺。啲伙計好友善, 有時會同你傾幾句添, 有時食野就係想食到呢種人情味吧。

好友生日飯局打邊爐, 本身想BOOK高流灣因為一向保持水準
但今次壽星女想試新野, 山林道尾呢間豪門我地未試過, 一行四人來到一試
餐廳裝修格局都係高級日式火鍋餐廳, 每一台都係開紅酒講野細細聲
今次我地自己帶了2支紅酒, 免開瓶費

可能由於呢間係主打日式刺身火鍋, 坐低無耐就問要唔要食D咩刺身
我地今次叫左劍魚腩 ($138) 同加拿大海膽 ($2xx), 劍魚腩好鮮甜好好味, 海膽好香, 不錯.

火鍋湯底由於我們四人也嗜辣, 豪不猶豫算了麻辣湯底..XD
至於火鍋配料方面, 水準之上沒有失色

安格斯牛肉 & 牛柳粒 - 自己本身不食牛, 但問過友人他們說牛肉入口即溶, 不錯的說
黑松露帶子雲吞 - 雲吞入面的帶子爽口有陣菌香味, 我估就係黑松露既味來的吧
黑松露豬肉丸 - 很香而且豬肉丸彈牙, 非常出色
大魚頭 - 食魚最緊要係新鮮, 呢點呢度無容至疑

其他皇帝菜, 金菇, 雞腳, 凍豆腐, 大眾食品很難做得不好吧
結論是整體不俗, 環境也尚算很好, 會再來

天氣一凍就諗起香噴噴的煲仔飯, 一去到自不然就會來到呢間最多人排隊的四季
是夜係星期日的7點零晚飯黃金時間, 前面大概有20人, 人流尚算快
等了大約20分鐘就有位了

白鱔排骨煲仔飯
白鱔香但排骨略嫌鞋左D, 但飯底好香有飯焦好好味
窩蛋牛肉飯
芥菜豆腐湯, 其實都幾淡....

環境方面黎得呢度食就預了逼同埋食完即走架喇, 無咩要求
但員工係十分有效率的, 而且從不會漏單, 熟手技工
而且等飯時間又不是太耐, 應該係因為人流不斷, 佢一路已經煮緊個飯底再跟柯打加送落去

這天LUNCH TIME來到APM的FOOD COURT
經過這間豚板屋想起早幾天在東京吃的吉列豬扒飯決定緬懷一下

由於2人同行一人最好去拎位
和同行友人講好左要大燈箱推介的那個吉列黑豚扒飯就去了等位

餐來了, 看價錢是嚇了一跳
因為在FOOD COURT吃一個LUNCH SET要$91蚊
食豪D就食豪D吧...

黑豚扒是不錯, 鬆脆
但飯的份量是太少了... 飯不值多少錢吧.. 比多一點也不是問題啦

下次再來apm food court, 還是吃pepper lunch好了

朋友生日想吃中菜, 地點選在尖沙咀
想起一直想試這間米芝蓮推介食肆的八月居
地點又方便位於海港城, 一於一試

來之前參考了OPENRICE的食評知道脆脆BB豬是必點
二話不說決定來一隻
OPENRICE的食家果然沒有介紹錯, BB豬果然皮脆肉如嫩, 當真不錯

另試了以下菜式:

金菇黑豚肉 << 個汁好入味
醉乳鴿 << 將乳鴿片成一片片黎食有點怪怪
拔絲咕嚕肉 <<酸酸甜甜幾好味, 最緊要咕嚕肉夠熬夠脆
杞子雞汁浸菜苗 << 唔知點解D菜苗好似好鞋口咁
一品沙鍋飯 <<個飯有帶子蝦瑤柱用鮑汁燴過, D飯炒過有少少飯焦幾香口, 不俗
鮑汁煎豆腐 << 呢個真係唔錯, 個豆腐好滑
燕麥芝士餅 << 燕麥鋪面的芝士餅, 有淡淡的咖啡味
雜果千層酥 << 呢個算係驚喜, 四十幾蚊咁大件,而且真係做到好多層, 千層酥好脆

整體真係不俗, 而且環境舒適, 下次有機會會試埋又一城的八月花

經友人介紹來到這間位於灣仔春園街的刺身店
友人是熟客仔信得過老闆, 乾脆叫老闆發板好了

今天的油甘魚和劍魚腩非常新鮮, 有種入口即溶的感覺
另外秋刀魚剛下機, 來了一條作刺身, 配以酸汁非常美味, 一試難忘, 下次再來我也要吃這個!

再來壽司時間, 赤貝十分爽口, 海膽滿瀉又香又甘
帶子同海蝦壽司也沒有令人失望
接著來這個吞拿魚腩手卷簡直不得了, 灑上芝麻, TORO入口即溶, 可惜太飽如果唔係一定ENCORE
最後來個麵豉湯作結, 麵豉湯用了大帶子來煲, 勁鮮甜, 正!

不得不提個甜品, 柚子雪葩, 酸酸的食完一餐咁豐富的晚餐後最適合不過

總括來說是非常滿足!!! 刺身來說真係無話可說, 和我在北海道時吃的一樣新鮮
寫這食評時又心思思想再去食一次了...!

友人極力推介, 反正是夜要到中環飲野
一行2人來到這間出名的潮州菜館
事關只得兩個人晚一點又要飲野食不到太多野
事晚只叫了3個菜一試

本身想食凍蟹, 但一場黎到無理由唔試友人推介的炒辣蟹
免得日後心掛掛無食過呢度菜
一黎到, 嘩咁大碟既, 有成幾隻蟹0係入面喎, 但只係賣50蚊
抵食到無解
至於味道, 辣係好夠辣, 不過可能因為係凍左.. 所以硬係差左D野咁
炒蟹始終係熱食有鑊氣好吃點

另外叫左大眼雞同韮菜花炒蜆肉, 正常水準無失色

總括來說, 如果下一次大夥兒再來的話一定再來
因為可以試埋其他菜式

其實食大閘蟹真係最好係買返屋企自己蒸係最好味, 反正雖要技術不多
只需有火有鑊就可以, 自己蒸仲可以自己揀靚蟹, 多數不會失色

是夜一行人飯局到海都食蟹, 不知是否已到水尾
是晚的大閘蟹膏不多而且也不香不滑
最重要是, 第一隻來時蟹其實係凍左的
食大閘其實係要趁熱食, 因為凍左肉就會腥了...
第2隻來時就好了點, 因為夠熱, 但膏還是不太多今次係食SET, 一位好似$398
其他野食包括以下, 我覺得都係一般, 沒什特別

蟹粉小籠包 << 一般而已
山珍佛跳牆 << 很淡
蟹粉蒜蓉包 << 有點腥不好吃
蜜糖豆蝦球 <<正常無咩特別
江南脆皮卷 << 不好吃
蠔皇柚皮花菇 <<可以
蒜香醬油雞 << 呢個好味, 皮夠脆
原籠蒸臘味糙米飯 <<我唔鐘意食糙米飯, 點解唔用糯米飯呢/
東海壽桃包 << 正常野
薑茶湯圓 << 食完蟹點都要飲返D薑茶驅下寒

順帶一提, 這裡的服務員服務態度很差
還黑口黑面, 十叫9唔應

近排見天氣凍又係食臘味既時候, 心思思又去食佢的脆皮膶腸, 一個SET有個膶腸燒味飯再加個老火燉湯, 滿足了
膶腸係脆皮一咬開鬼咁JUICY, 我唔知佢用咩獨特方法可以蒸到佢脆皮
我試過買佢D膶腸返屋企放飯面蒸但完全做唔到脆皮效果, 唔通要用焗爐焗?
地方不大你預左都比較逼, 但店員態度親切, 一定會為佢的脆皮膶腸再成日來