呢間網紅餐廳已經bookmark左一段時間， 朋友生日就帶佢黎食飯同佢chill下。 餐廳環境好休閒渡假feel, 員工著住夏威夷風情既衫。感覺自身係海灘餐廳。 餐廳仲有室外花園，可以清楚飽覽維港靚景。而室內都有全落地玻璃，美景都可以盡收眼簾。 今次擇左坐bar枱，可以欣賞員工細心整每一杯飲品。全都用心製造同好靚❤️ Padang 呢杯mock tail 好靚， 一大片西瓜放喺杯上面，飲落唔會太甜，好fresh 。 Jambi 而我呢杯飲落好特別，酸酸既檸檬味滲出清新既青瓜香， 成個感覺勁清爽， 好過癮！ Tom Yum Coconut Scallop Carpaccio,北海道帶子好鮮甜，肉質柔軟，配合左泰式冬陰功醬汁好有驚喜,感覺提升咗帶子鮮甜味道。 Cereal butter prawn 呢道菜cp值高，蝦同香脆穀物混合為主， 主要有5-6隻，仲要每隻都有手掌心大小，超厚肉虎蝦球，外脆內彈牙。超好食🤤 Thai Lobster Sauce Strozzapreti Pasta with Lobster Tail 龍蝦尾肉質彈牙，泰式龍蝦汁帶有淡淡椰奶香，扭紋意粉食落煙靭有咬口，超級掛汁，整體口感香濃惹味。 Sambal stingray 咁大個人第一次食魔鬼魚😂但係原來肉質咁滑，而魚骨係軟骨黎可以食埋，好特別，調味係東南亞風味，sambal酱咸咸辣辣，令人上癮。

朋友生日想食潮洲菜，見灣仔正潮樓多人推介，價錢適中，所以一早訂位同朋友黎慶祝。裝修都好中國風，古色古香。環境闊落座位都多，眼見仲有得包房，一大班人黎食岩哂。 滷水鵝肉 我地叫左例牌，份量都好多，鵝肉色水好靚，肉質非常嫩滑，配合秘製滷水汁，鵝肉味好甘香，下面仲有多件厚切豆腐，食落好滑，好入味。 汕頭煎壕烙 蠔餅唔會過份酥脆，所以食落感覺唔會太熱氣😛，呢道蠔既份量足料外，仲要大大粒，食落好鮮。整體口感唔會太油，但口感鬆化啖啖都食到蠔肉，配埋魚露食真係無得頂呀。必點！ 豬油炒蕃薯苗 呢個又係一碟令人起出望外既餸，豬油炒出黎既蕃薯苗好香好鮮嫩，食落非常惹味， 完全係食唔停口。 芋頭炒香飯 估唔到勁大煲，3-4個人食都夠，飯粒粒分明，芋頭份量多，每一口都食到芋頭既香味，再配小量蔥花，係好飽情況下每人都食到2大碗。 呢到食物份量真係好大碟，2人食唔哂，最後都打包😆 福果甜芋泥 呢個甜品第一次食，口感好特別，鐘意芋頭味既人必試。芋泥幼滑清香，加左豬油做，所以口感更軟糯，芋味更出更細膩。

去傲雲峰探朋友，夜晚帶左我去附近呢間西式甜品店食晚餐。餐廳風格行工業風，地方唔算大，但檯面都算寬落，好整潔，整體幾有特色。 白酒煮活蜆配蒜蓉包。 蜆大隻新鮮，汁帶有微微酒香， 帶出蜆既鮮甜。 蒜蓉好香脆，蒜蓉味加埋個汁，感覺好match , 食落好開胃。 手打西冷牛肉原隻大蘑菇漢堡配薯條 漢堡份量都幾大 ，漢堡包用牛油煎香，所以包質感好香脆，而手打牛肉鮮嫩牛肉味濃，大蘑菇又夠juicy, 加埋芝士，蕃茄同生菜同食，夠哂滋味。 配菜薯條即炸，仲要厚切，正👍🏻 提拉米蘇日式疏乎厘 疏乎厘pancake好有空氣感，食落好有蛋香味，配合冧酒咖啡汁同面頭既可可粉，香濃軟滑，果然係呢道既王牌食品😋。

媽咪生日想食中菜，帶左佢屋企附近中菜館盛記食飯。 呢間中菜館都幾出名，眼見都多遊客專程黎食佢地既馳名燒鵝。 2個人比較細食，所以今次只係叫左個鮑魚雞煲同蝦乾魚肚浸高麗菜 鮑魚雞煲 呢個超級香，好有鑊氣，熱辣辣，爆香晒啲乾蔥，蒜頭🧄。鮑魚都有幾粒， 口感好爽彈，切成一半好入味。雞件大大件又嫩滑，好惹味食唔停口。 蝦乾魚肚浸娃娃菜 呢個菜好足料，蝦乾大大粒，魚肚份量又多， 魚肚膠質豐富，口感綿滑，娃娃菜食落好清甜，配合埋蝦乾既咸香， 好美味，連個湯都可以飲埋。 最後埋單時店員會送上甜品，紅豆沙。熱辣辣，紅豆入口軟腍，清甜中帶一股陳皮香。 服務方面我又覺得唔錯， 店員見我地食雞會主動過黎幫手換碟，又有笑容。呢餐同媽媽食到好滿足

銅鑼灣希雲街有間隱世小店專食燒鳥串燒，餐廳設計昏暗型格，帶有酒吧加日式居酒屋風格。雞串燒部位好特別，內臟類、雞冠、提燈、雞腳筋、雞頸肉等咩都有，真係少少地方，五臟俱全。 荔枝梳打 + Mojito： 荔枝梳打味道清新， 唔會太甜，Mojito 好香薄荷味，酒味唔會太濃，配合串燒岩哂。 沖繩海葡萄，極高營養價值，口感爽脆，一咬開爆出鹹鮮嘅汁，口感獨特，配埋醋食用，感覺更清爽。 明太子玉子燒，明太子燒得惹味，玉子裏頭半生不熟，口感嫩滑。 北海道米豚腩肉，豚腩脂肪分佈岩岩好，燒得香味滿滿。 牛舌勁厚切，爽彈美味🤤。 免治雞肉軟骨棒，將軟骨混入免治雞肉中，啖啖嫩滑既雞肉食落又有咬口感，內裏多汁，付上溫泉蛋，食落口感更香滑美味。 米豚青蔥卷 ，香脆嘅豚肉包住一大扎香蔥，口感層次好特別，唔會膩。 紫蘇雞生蠔，雞生蠔非常嫩滑多汁，包埋紫蘇葉，味道獨特清新。 雞腳筋口感彈牙又煙un,食落新奇。 紫蘇雞皮蝦，烤得金黃香脆既雞皮包住紫蘇葉，入面再包住爽彈新鮮既蝦，感覺呢道菜式好考功夫。 鳥提燈，香港好少食到，外形非常有趣，口感都好特別，咬下瞬間爆發蛋黃香味加埋上面燒得鮮香既雞肉，呢個特別口感真係必試。 梅漬小番茄，小蕃茄已去皮，帶有酸酸嘅話梅味，酸酸甜甜好開胃又解膩。食完串燒食用岩哂👍🏻

男朋友上網睇到和道屋食物環境好高質， 仲話而家Like / Follow 和道屋專頁，Wts 或 電話訂座，會有全單88折優惠，仲送$270「三色燒牡蠣」。佢就即刻訂位黎食。 黎到餐廳樓下已經好興奮，因爲一入去就好似置身千與千尋奇境，到2樓餐廳裝潢都好有心思，就好似日本居酒屋。呢道打卡影相正呀！ 和道屋魚生太卷 滿滿既刺身,材料好豐盛，每口都食到厚切新鮮刺身， 口感鮮甜豐富, 刺身比飯多，超級滿足。 明太子雞翼 雞翼入面包住明太子餡料, 明太子味道鹹香，帶有微辣口感，雞翼皮脆肉嫩，好惹味。 蟹肉味噌甲羅燒 蟹蓋上鋪滿蟹肉，蟹膏，同蟹籽，上菜時都聞到好香好濃既蟹膏味，蟹肉嘅鮮甜，粒粒既蟹籽加埋濃郁嘅蟹膏，口感豐富，搽上香烤既麵包食， 絕配👍🏻👍🏻 日本A4和牛壽喜燒 A4和牛有6塊，望得出好靚油花細緻， 湯中有齊娃娃菜、金菇、皇帝菜、冬菇，豆腐等菜料，超級豐盛。 牛肉肉味濃郁嫩腍，香甜掛汁，再配上蛋汁或芝麻醬食用，2款食法。 而配菜吸晒壽喜燒汁既精華，整體令人回味。

平時放工經常見到呢間泰國菜滿坐或要排隊， 望落價錢好貼地，食物款式又多，所以約左男朋友放工過黎食晚餐。 我地叫左泰式生蝦刺身，有成6隻，蝦係大大隻，食落好鮮甜爽彈，加一粒小蒜，點小小泰式醬汁，酸酸辣辣，非常開胃。 菠蘿炒飯，好足料， 食材豐富，料仲多過飯👍🏻有蝦、魷魚片，蟹柳等，入口帶有微微嘅咖哩味再配上菠蘿既清甜味同肉鬆拌勻食用，口味美味豐富。 蒜香炒通菜，我地唔想食太辣，蒜炒都夠哂惹味，味夠濃，通菜口感清爽甜。 咸檸7 用左泰國減檸檬， 超解渴開胃 椰汁糕係我最愛既泰式甜品， 班蘭葉包住西米同椰汁糕 。椰香味十足，食落口感綿密， 仲要有6粒，每人食到3粒😋作結甜品一流。

同男朋友又去aia玩😆，玩完佢話想打邊爐，上網搵到灣仔有間起鍋幾吸引，所以就黎試下。 佢地環境好有懷舊香港特色，好多打卡位，仲播住70-90年代粵語歌，勁好feel! 本身想叫2人餐，但我地太夜黎所以售罄，唯有下次黎試。 湯底今次叫左椰子花膠螺片雞湯, 湯底係朝早已經開始熬製而成，所以會非常濃郁入味， 打邊爐前已飲左2大碗，飲完湯店員會幫手剪開雞同花膠，花膠質地柔軟而有嚼勁，螺片同雞肉肉質鮮嫩，材料份量都好足。雞湯帶有微微椰香，好鮮甜。禁凍既天氣飲岩哂。 另外叫左潮汕牛肉拼盤，分別有吊龍，雪花同匙仁。 雪花肉質香滑，油份感較重。 而個人最愛吊龍，牛味濃郁， 但質感都好嫩滑，只帶小許脂肪，食落唔會膩。 而匙仁都好好食，呢個部位肉質最軟腍， 但牛味無吊龍禁香。 整體潮汕牛肉真係好香好好食， 唔怪得係近排大熱！ 蔬菜緊係要叫我最愛既皇帝菜，呢道既菜全部organic , 由本地農場種植,所以食落好新鮮，特別爽甜。 而呢道既餃子同丸都係每日人手即場製作， 所以餡料十足， 叫左九層塔蝦丸同冬陰功墨魚丸。 2款味道好特別， 彈牙得黎味道好香濃， 必點！

同男朋友去北角探朋友，朋友推介滾得囍火鍋好高質， 拍得住深圳火鍋質素， 即同男朋友過黎試。 呢道環境好特別，宮廷風設計，門口仲有張龍椅同宮廷服可供拍照😝好有趣。 我地叫左喜慶椰子藏雞鍋，靚到我同男朋友忍唔住狂影相🙈， 好仙氣。之後店員會幫我地鮮開中間腐皮， 入面好足料，椰子，生雞，紅棗等配料。 先飲左個湯，勁重椰子味，超鮮甜。未打邊爐前每人飲左2大碗。 椰子味完全滲入晒落d雞到，雞肉嫩滑唔鞋口， 好正👍🏻。 極力推介 必點黃金雙拼， 鹹蛋黃炸魚皮加鹹蛋黃響鈴，鹹蛋黃炸魚皮就禁食又得放湯碌一陣食又得，2種食法都勁香脆。 響鈴足料， 勁厚勁多層， 加埋鹹蛋黃超級邪惡。 手切本地牛頸脊，色澤好靚，紋理分明，入口嫩滑牛味香濃。 宮廷餃子拼盤- 分別有5款口味，岩哂我呢d選擇困難既人。每粒都好飽滿，最愛和牛芝士味同埋菜苗帶子餃，和牛芝士牛味好重。而菜苗帶子好香，帶子彈牙，食落好清新。 豐盛雜菜拼盤- 呢個雜菜拼盤真係豐盛，菌，蓮藕，黑木耳，粟米，菜心，西洋菜，娃娃菜等等全部齊哂。吸收椰子湯既精華食落好鮮甜。 滑豆腐打邊爐必點😝 竹蔗茅根清熱去膩，打邊爐岩哂。

同男朋友去aia玩，玩完經過中環mtr附近大廈spiga 廣告牌幾吸引， 所以就上去試下。 一入到去感覺好高級，仲分左室內外區。 地方寬敞，配合微柔燈光同復古設計，環境好有情調。 前菜叫左個cold cut精選拼盤， 有成6種唔同種類既風乾火腿， 每款味道都唔同，有d咸香味濃，有d質地柔軟， 有款部位仲好特別比較硬身口感似牛肉乾， 配合橄欖，蕃茄乾同甜甜嘅洋蔥醬，真係勁有意大利風情， 岩哂一大班人配埋酒 chill住食。 Beef Tartare 呢道前菜好出色，牛肉質地柔軟，口感嫩滑，配合左黑魚子、蛋黃醬、薄荷葉、烤土司片等配料，增添豐富層次和風味。 主菜黑鱈魚肉質鮮嫩好滑， 皮煎得好香脆，配菜白菜仔放低，但炒得蒜香味好濃郁， 醬汁帶有小小紅黃椒既味道，成個感覺好fresh 慢煮牛配自家製闊條麵，呢個真係必點，牛肉面經過24小時慢煮成肉醬， 牛味香濃，口感細膩，配上自製煙煙unun 闊面， 每一口都掛滿肉醬，超正，唔夠喉😝。 最後當然食餐廳 signature tiramisu , 勁大份 ，好靚影相一流，上面係餅，敲碎後加埋底部既tiramisu一齊食，又唔會太甜，充滿層次口感，又係必叫甜品。