辛苦搵黎自在吃~間唔中都會豪食一餐,今天心血來潮想食小南國 見門口冇人等位,滿♥歡喜想擦餐勁既!

友人問知客小姐:有冇套餐menu? 她說:冇(不耐煩扔鉛筆) 我地再睇, 友人忍不住再問:有冇套餐? 她堅持說:冇(今次扔擦膠) 我們說明明次次食都有!點解而家冇左d一人餐二人餐?(注意:第三次發問,全程没有正眼看我倆) 她才說:只有商務(斯斯然從櫃桶拿出menu) 我地異口同聲:就係想要呢個餐!

當我們正考慮是否用餐之際,兩個外國人步出餐廳,知客小姐立時面帶笑容露齒而笑迎上去,笑住揮手送客說再見! 哦!明白哂!原來只招待上賓,我們平民拎環保袋就遭人白眼!這啖氣實在嚥不下!最後當然轉身就走!小黃魚再好吃也無法挽回食客的心.

事實上我們已光顧多次,裏面既經理每次都態度親切介紹菜式,侍應食品全部合格,今次劣評純粹畀知客小姐而已!

男友生日第二激,天氣太熱又行左成日小教堂,晚上決定到冷氣地方用饍!我鍾情泰菜,但要男友首肯..最後如願..Cafe Siam 可能時間尚早,不用等位即可入座,坐餐廳外的小桌子,旁邊坐着外國人,仲有巨形天幕,多悠閒的氣氛喔!

先來一人一個解喝巨星*特大椰青♥滿水滿足!椰肉都給我挖光光 酒煮青口入味,但没什驚喜!炒通菜惹味微辣開胃!與賣相相反!鐵膽菠蘿炒飯,底部菠蘿起肉超甜又多汁,實屬開胃之選!

每次經過呢間餐廳都覺得好靚,知道係泰菜更是非常期待,今日終於可以一嚐好滋味!優雅

今日叫左個Lunch Set Menu 冬蔭公牛肉湯河清新怡人,酸辣開胃,忍唔住飲哂! 小食拼盤(Salad/Satay/Laksa/炸魚餅/芥末糯米卷?)款款精美,味道不俗!略嫌份量少但勝在選擇多! 開邊綠豆沙？椰漿少甜就好!

仲有餐飲-Lime soda,ok la!

男友生日第一激,做定功課,船屋係首選!

坐公車去媽閣廟,一下車就是船屋門口,門口寫午市休三點,那時剛好兩點,没有訂位博一博,一推木門,另有一番風味..那擺設..那枱布..蠻懷旧的!男侍應生先叫我們等等,執好枱才豎起拇指示意我們入座,讚!

坐下極速點餐先來炸馬介休球,葡國特產唔係唔試呀
本身喜歡炸物&薯蓉,但味道偏淡,馬介休味不濃,未見突出.再來橄欖蒜香炒蜆
一大窩,粒粒蜆肉連殼,鮮甜不油腻,男友不好海鮮竟連湯飲埋,可想而之葡國炒飯?忘了名字
味道不錯夠惹味,蝦何其多,重點係填飽肚子!

飲品冇影!啤酒夠啤(Super Bock)!汽水夠汽(熱情果)!正呀!一定會再黎!