媽咪本身好中意睇JAMIE OLIVER煮野，中意佢好隨意唔造作，我都因為咁跟住睇佢煮野成為左一名小粉絲，每次路過都見到有人排隊，今次因為有朋自遠方來，就訂定位，不過都要等個十來分鐘先被安排入座，證明生意好好啊

店內裝潢氣氛都好好，真係好岩一大合班聚會，不過我就兩個人，如果傾計聊天就顯得少少嘈吵左，但整體都好舒服的環境，員工真係要俾個讚佢地，每樣食物問佢都會解答到你點整有咩東西，好專業(呵呵唔知仲以為個大廚出左來解答我地難題)，菜式名無記低哈哈，不過賣相絕對係JAMIE既作風，睇得聞得當然好好食啦。

深水埗出名多野食，食完晚飯，梗係要搵甜品作個完美的總結啦，甜入心其實我試過其他分店，印象只係一般般，但本人對椰咩椰乜實在好中意，甜入心算係做得幾多花臣的，路過就俾多次機會佢吧！

入到先知原來佢係總店，員工都好熱心介紹(可能當時無咩客)因為剛剛有新既款式推出，咁我地都叫左個西瓜中豆花來試下，有驚喜呀，紅色豆花，質感好似JELLY，如果勁熱入來食一碗凍西瓜豆花，真係好爽呀 不過$49 真係貴左少少囉我就覺得！

坊間大部份甜品店的椰皇都係用蛋白燉，這裡係用椰水整成的JELLY，可能迎合夏天吧，味道都好好，整體來講，今次總店令我對甜入手加回不少分數，有心的甜品店呀，會不停推出新野，仲請左我地試佢既新產品，叫我們俾意見，加油，支持有HEART的食店。

首先要講下用餐時間得75分鐘...真係有點趕急了( 雖然上菜時間算很快 ), 而且很準時就會來催促交檯, 這點建議如果是朋友聚餐就要考慮一下囉！不過如要等位就會快左，都是好安排O既。

最近星星在某台播出，令到大家對炸雞又一陣瘋狂，見每一檯都有叫，但..本人覺得SCHOOL FOOD不是炸雞專門店，見餐牌其他食物更吸引，所以放棄左食炸雞，反而更有驚喜，今次人少無機會叫太多款式，下次一定會再來嚐試其他的款式！