今日一家人出街食晚飯，食完對細路話想食甜品， 咁就係屋企附近散散步順便揾下有無佢地啱食既甜品屋， 點知比個大仔一眼昅到有間成間日本料理咁既甜品屋， 我地就入去試下.　講真ｄ裝修係幾好feel, 入到去班細既馬上除鞋跳上果tatami坐, 跟住又比ｄ大大粒爆谷佢地食，搞到佢地好開心．跟住我諗住叫ｄ甜品食，佢地張menu雖然係有漢字同日文，但係我睇落真係唔係幾明，結果都係要揾個waitress介紹下．佢第一樣介紹左個泡啤啤比我ｄ細路，個仔就好開心以為自己喝啤酒，其實係青蘋果汁．再叫左個琼脂，又係有得玩，自己要張條琼脂放落個木長方形桶，然後加壓就變成一條條好似麪條咁，呢ｄ野當然比細路做啦．．．再加柚子蜜一切食，好過癮好好食，個女好鍾意．我同老公就覺得個涼果點綠茶粉同紫薯好正，又唔太甜．　不過ｄ份量就”的息”ｄ，佢地睇黎貴精不貴多．我地都未試過食甜品食左成差不多一個鐘，真係幾過癮！

昨日去西九龍中心行街, 見到間日本小食店, 叫左份燒餅同埋飯團, 個燒餅吃落口感覺好清新好好味, 同之前食過既好唔同, 成3cm厚好有口感. 另外個飯團好有日本feel, 好地道好正...價錢都好合理30幾蚊到....值得再試!!

同老爺睇完套正戲"5條大路通陰間", 決定返黎屋企附近揾野食, 講真其實我地都唔係咁鍾意去數碼港食野, 因為個商場真係太靜, 除左食野都無地方行...人唔多, 唔怪得週刋話成日有明星係度睇戲, 可能會有包場感覺!

去到奧壽司, 我地叫左燒魷魚, 咖喱吉列蝦飯, 燒牛舌同埋牛油焗帶子, 個燒牛舌真係好掂, 咬落口仲有d汁同埋燒得真係啱啱好,唔乾, 高水準之作! 至於個燒魷魚都好好味, 平日我係外面吃多數都唔夠味, 又要加七味粉或沙律醬, 但呢度就味道剛剛好, 同埋個師傅燒野應該係專業, 燒得真係一d都唔乾, 我老爺好鬼鍾意食串燒, 燒物, 見佢話正, 我都好開心! 至於另兩味都唔錯, above average...不過真係要多d主動幫人客加加茶, 咁就perfect la...

前日同老爺去左笑笑食日本野，最想讚下係sake, 笑笑牌sake，餐廳會免費無限供應梳打同冰，侍應會教我地點樣溝埋一切飲，酒同梳打既份量剛好，一晚飲左一枝，都係８０元．．．飲唔晒仲有得留酒....not bad!!!