2次都係一家人去
最深刻係個鵝肝,←強烈推介.....另外舊面包令到個鵝肝唔\"漏\",好好

第2推介係大蝦,我第1次感到蝦頭ge好味.

其他如鰻魚,菜,蜆,炒飯,烏冬全部都可以一試

刺身方面,3文魚真的切得好好,好有水準,味道唔錯,幾鮮
就算1舊普普通通ge蟹子壽司,每粒蟹子ge feeling都同出面普通果d唔同!

飲品呢~罕有的\"力水\"有咩\"O ME+FREE\",又好飲
波子汽水和CC LEMON都唔錯
飲酒ge當然飲清酒啦~~~~

SERIVE SO GOOD,地方又正........
悶悶地又可以睇廚師即場表演

3個人叫左3樣野share~

味道:
炆栗子牛肋骨:
真係好掂,牛肋骨炆得好腍,又入味,牛魔王系列的朋友更加真係要試試,D汁真係要用黎送白飯;蘿白&紅蘿蔔&栗子雖然係配菜,但亦都係炆得好腍,並且更加索汁.
E個真係強烈推薦.
烤肉(牛,豬,雞):
很平凡,特別有前者去相比,3種肉都只清一色係用微辣,特式欠奉.肉質中等,唔建議ORDER.
海鮮石頭鍋飯:
其實幾乎同傳統的一樣,不過多左d海鮮咁,d料都幾ok下,唔方係cheap貨;飯質幾有口感,又唔會太"lim",有少少飯蕉,岩岩好~值得試~

環境:
3個人住卡位,好鬆動,又舒適~亦感覺十分乾淨~木台又夠大實夠位擺野(食)~

Service:
侍應幾有禮貌同笑容,不過有d唔識講廣東話.

自助餐~

如大家所講,真係好多款野食,基本上每樣試一款都飽左一定程度~~~
例如有冷盤,片皮鴨,凍gwe海鮮,即時整ge意粉,即時燒/整geBBQ食物及天婦羅,手卷,pancake,窩夫etc~~~真係應有盡有~~~

味道方面,基本上都冇乜邊樣唔掂,不過個西冷扒真係唔係好得,又太大片.........另外,唔知係咪自己唔好彩.........即時整左個波菜面,麻麻,但老豆ge墨魚面就好好味=.=

凍ge海鮮真係掂,好新鮮!!!過左陣就冇晒d長腳蟹同蝦喇T____T.........

手卷同刺身都唔錯,個人比較鐘意+州卷,蟹子and軟殼蟹~

SERVICE方面,其實WAITER,WAITRESS都好有禮貌,但係點我淨係俾3分?
因為有2個廚師唔係幾有禮服,有個問多聲就好似有d嬲咁-.-,仲有,另外果個就問佢關於手卷野ge就9唔搭8,一言難盡~


環境方面,好好,雪糕果頭有部TV,有有線~~~有得睇波~~~
雖然坐窗口位冇乜境,但勝在有"free感",又唔迫,裝潢都幾靚,不過燈光略暗,卻沒有洋蠟~


HSBC卡有9折~

經常在FACEBOOK UPLOAD不同佳餚的相片,引來不少同道中人留COMMENT,今日和某友人完成工作後,一齊SEARCH OPENRICE,就看中了昌發.

位置不太起眼,差不多十時才到達,但一點也不冷場.
員工好像全都是泰國人,不過溝通沒有問題.客人當中亦不乏泰國人.

先點了一個由不少食家推介的遊船河($23),果然不負所望,首先是湯底濃郁,聽聞是豬骨和雞骨煲出來的;其次是配料不錯,有泰國豬肉丸,豬膶,銀芽,通菜等等,尚算豐富;而金邊粉是幾滑及煙韌的.

友人說他非常想試冬蔭公,點了個細的($45),材料很多,但鮮味一般,整體微辣,不酸,偏咸,雖然較易入口,但好像不夠正宗吧?

糯米釀雞翼$40,驟眼看勁足料,2個人吃一人一隻不用爭,外皮很脆,糯米出乎意料地不會太硬(除了近頭的那一件),微軟的,所以吃起來十分滿足,相比下雞肉確實完全不起眼,味道未能突出,所以那泰醬還是只宜淺嘗了!

雖然只有2人,但忍不住要試試燒鰂魚$68~不過心中還是擔心會不會吃不下........上碟時,第一個感覺是:WA!很濃呀?!會不會很咸呢?因為魚面有很多鹽粒.
之後揭起魚皮,賣相已經極吸引,一吃起來簡直是一發不可收拾,肉質十分鮮甜,而近魚皮的地方,更加有燒烤香,而且並沒有因為大量鹽粒而變得太咸,推薦!!!!!!

最後以椰青作為終結(甜品?),在沒期望之下爆冷成為了我近期試過最好的榔青!椰汁當然是很鮮甜,雪凍了的,很解渴! 之後更掀起椰子肉爭奪戰!雖然相比起椰汁,椰肉不及其鮮甜.份量來說,2個人點一個椰青是可以接受.

志同道合,一起四出找好餐廳,美酒佳餚,暢談一番,實在為一大樂事! 人生有個真正朋友的當好極~飲勝!

很難得放假放好幾日,要把握機會休息一下,如果不是生活太迫人,真想每日都試試不同的食物及食肆.
吃過都3次後,確定了不能不讚.不過只限這間分店,至少我吃過觀塘的分店完全不可雙提並論.
不過3次都是下午茶時間(14:00)
今日就點了8樣東西.
1.叉瀨($12.8)
叉燒是小肥至半肥瘦,雖然不是另外碟上而影響本身的味道,不太突出,但以$12.8來說是很不錯的了.
2.燒鵝瀨($9.8)
其實有點兒講運氣,因為3次之中優劣皆見過,不過有次來了較劣的,要求更換亦不詐形而且快手,很好.(而且比叉瀨平$3)
3.蝦餃
唔洗十蚊食到出面賣廿幾蚊但同質素ge野食,大家明白了吧 ?
4.炸雲吞
確實有點後悔,諗落應該試炸春卷,又是大炸一團而只有小小的雲吞.
5.生菜
平衡一下吧~又是不足$10而買個健康.
6.燸米卷
意想不到的不行,外屠太厚,令人很失望,燸米比較鬆散而且帶酸.
7.茄子
8.雞絲伊面$32
有少許芹菜味,雞絲不會太少,醬汁是不錯,惹味之餘亦令伊麵不致太乾.

抵食方面毫無疑問是5分,在食物及服務仍能保持水準下,確實是一個飲茶的好去處,上菜呀姐D禮貌程度真係高到令我印象很深.差點沒有提到,這兒的茶葉算是不錯,以這個價錢可以歎到這個質素,不推介也不行.

雖然未曾住過這裡,不過由於間中會去淘大保齡,每次也會經過這兒.
從長輩口中已經對這裡略有聽聞,最近閱報,再次醒起清拆一事,由於22號結業當日一定極多人,就提前一日21號去食興記!!!
極度嚮往興記的豬扒,不過下午一到達時,已經發現沒有豬扒包喇!(內脆外軟+無骨)
不過還是可以叫其他豬扒食品,只是多條骨而已,就叫特餐(豬扒麵+奄列)吧!!!
雖然忙到狂了,但上菜的速度仍然蠻快.

豬扒 - 實在令人印象深刻,不太厚不太薄,沒有預先切開,但自己要咬開實屬易事,而且肉質極嫩,還保持到豬扒的味道,煎的火喉剛剛好!簡直有個感覺:"不枉我專程來訪!"
不像普通的餐廳,興記是用福麵的,平時很少吃到,很懷念的感覺~
奄列 - 確實很滑,因為唔熟ge程度係連蛋水仍存在.滑還滑,還是要注意一下健康.
熱奶茶 - 天氣問題凍得很快,滑是滑,但茶味好像淡了一點.

確實是鎮店之寶 - 豬扒特別出色,還會有機會試到嗎?

隨著越來越多競爭,輕鬆飲都搬了鋪.

$10, 700ML,有時候甚至可當成一餐.
當中,主打的 珍珠奶茶(細珠),波霸奶茶(大珠)及腸粉奶茶(條狀)為我的首選.

3者只有珍珠上的分別,不過,還是少甜少冰的好.否則,一定太甜,而且會被融冰影響到奶味.
(我很喜歡甜都尚且要少甜.......更甚者可要求比少甜更少甜)

奶茶真的很很很滑,茶味如果重點一更好.
想茶味重一點其實好冷吼 烤奶茶,不過是沒有珍珠的.

幾次來試,店員都幾有禮貌,不錯.

由於太多選擇,很多人已經變心了,老實說,我也有試過其他3-4間店鋪,但輕鬆飲的>味<力還是沒法擋.

$50 先一個快餐,相比勿記果D,貴成陪,但新鮮感及好味程度又確實不可相提並論.
牛肉芝士漢堡
肉汁豐盈,卻不會漏出來~肉質很合自己,亦不會太硬~實在係好impressive ge一個漢堡~
只係唔係好覺有一寸厚~
薯條質感似KFC薯格~咸咸趣趣的~不算有什麼特別,但總覺得叫薯條才能滿足自己的'犯罪感'
凍檸茶又唔洗額外加$
職員幾有禮貌,環境亦不過不失~

講真,雖然覺得係好美味ge一餐,但始終唔會成日食,因為唔係話太健康........(所以沙律還是十分有存在價值呢) 一分錢一分貨,如此質素,比平時俾多$20又何妨?

早幾晚來初試~見到對面2人木台的座位,和其他客人的隔離太近了~幸好我們不止2個人呢~

味道方面,真的很不錯,肉食者應該會很歡喜~不論豬,腸,魚,羊,牛都恰到好處~唔UN~鮮味十足~
不過當然亦視乎個人選擇幾成熟~建議為5-7成~

服務方面,係有禮貌,但d野慢左d wor~

其實都黎過e間野幾次了~不過e+先出post~

一般凍/熱糖水都係$6,真係抵到爛,搞到我次次都食2碗咁濟........

重點係,d甜品ge味道又真係ok wor!又唔會太少份量~所以覺得幾抵食囉!!!

D豆腐花+ any others($6) ←推介,因為d豆腐花整得幾好~~~

不過試過涼粉豆腐花,甜淡不太平均~~~

除左$6果d,其他野都試過幾款啦,大致上都不錯!
食完又唔會趕你走,d野食又勁快黎~~~

不過唔食煙ge朋友要小心揀位!