同五個朋友一起慶祝去食飯,7點門口已經幾十人等位,真係巴閉﹗
雖然book左7點,要等15mins先入到去,坐底了order餸
沒幾耐d餸就黎啦
豉椒炒聖子王:聖子肉質爽甜.汁辣辣地.送飯仲好.但不過可能係例牌關係份量較少..
椒鹽椒尿蝦: 5隻好香好好食, 確實拍得住鯉魚門
椒絲腐乳通菜: 通菜新鮮幼嫩,可惜腐乳醬落得偏少.唔多夠味
例湯:粉葛褒豬錚真材實料有少少味精
不過對於一個好耐沒食煮家飯既人黎講,已經好滿足了~
5個飯,啤酒3支,送糖水茶錢再加一埋單$850,人人都讚不絕口
唔錯,好滿足呀~

此店子地方企理乾淨, 夠光猛
雖然上年紀待應比較多，不過個個都相當醒目又有禮貌，笑容可掬
下星期再黎,因為有人請^^

上次去呢度食晚飯, 六時多到了..
環境唔錯,不用等位和有卡位坐!
叫左個海南雞飯, 叫左杯凍檸茶
雞肉質都幾滑,又有雞味,係隻雞肥咗D囉
至於雞油飯,係有雞油味唔係太油,不夠香,只是一般而已
值得一讚是醬汁(薑蓉和辣椒醬)味道很好
凍檸茶太多冰（下次試吓叫少冰）
服務,環境,普普通通.三十餘元一客套餐已連飲品.不能太苛求

今日一個人．．經過呢間，費時再行就入去食個tea...
至於環境都算大,坐位都算多
特別之處係個電視真係幾大~~~
食物選擇咁多！
但最後我只叫了個下午茶餐-- 沙爹肉包+咖啡
個包烘過加埋沙爹牛一齊食又幾好味，
杯咖啡都唔錯，都幾香！！
睇住個大電視, 不經不覺半小時就過去
總括食物的味道是OK,環境舒適,服務良好

今日自已單拖去榮華，去到時已經好旺場…好彩老闆都可以立即彈個位比我！唔使我大熱天時等死我，哈哈！



我比較對味道有要求，所以好喜歡食一D較濃味的食物。正正觀塘無邊幾間可以夠膽做到這濃鬱的味道…所以幾鐘意過去食野。



可以因為係家庭式生意吧！所以感覺比較親切。



講到環境，舊式上海鋪模樣。P.s: 如果大家有留意的話，舊式上海鋪的外牆是紅磚色，而地板就是像榮華那樣；以我所知香港餘下不多了…



平時食回鍋肉多，今次到試食酸辣粉；之前食過某間知店的酸辣粉，但係好麻麻…本著敢死隊的精神，就去食啦！



叫左過中辣。



出到黎，聞落都feel到好辣~~!!但係好香~湯底黑黑地，飲落甘甘地、酸酸地、辣辣辣！



雖然辣，但係好開胃！



最後，食到噤上下，員工都自動幫你添茶，唔錯！

跟同事談起，她說銅鑼灣西苑的點心最出名呢度點心的水準真的很高, 價錢雖貴
但確實物有所值! 想食好野有想平D 咁就要早D啦!
中午十二點半前結脹離坐, 大, 中, 小, 頂點都係當小點~ 正!
我一行三人, 點的都是最普通既點心,
如燒賣, 腐皮卷, 鴛鴦臘腸卷, 芋容飽, 糯米飯, 全部都好好食,
服務及環境不錯.十二點半前結脹離坐價錢相當超值
但星期日想飲茶又不用等位的，這裏還是不錯的。
而且全是平凡中見不平凡! 期待下一次來這飲茶~

呢日同公司d同事專登走過黎中環鏞記酒家食飯.我地叫左:
皮旦酸疆-糖心皮旦,正到暈
蝦餃 - d蝦夠新鮮, 味道唔錯
燒賣 - 成隻鮮蝦響面, 幾吸引!
叉燒 - 勁多蜜汁, 熱辣辣好好味
燒鵝 - 又係熱辣辣, 個皮仲脆架,正如傳聞中的好吃 正!
油菜 - d茶好似烚得太淋
煲老火湯-老雞、瘦肉燉上半天.清清地, 好好味!!
服務算唔錯,伙計無擺款.但稱不上好好
呢度d食物好似話冇味精的, 而且用料都好新鮮, 三人來的話亦須三百元，
雖然價錢較貴，但食物質素確係好
辛苦搵來也要吃好一點吧一分錢一分貨絕對合理!笑談一番後，又約定下回飯局

同三個朋友黎食，係我話黎既，我去過兩次九點後特價時段小菜七折抵
唔駛等位.環境不俗但比較嘈都幾大.算係好坐食物方面.. 我地點了:
雞絲粉皮- 好香麻醬味，粉皮又好滑，我就幾喜歡，可惜雞絲就少了點
蟹粉小籠包- 蟹粉味香濃，肉質很好很juicy只可惜個皮比較厚了點
砂碢雲吞.有雲吞，有雞，有菜.湯亦非常入味，好味道
賽旁蟹－炒得都算滑，唔係太多油好食
擔擔麵麻醬多味好香唔錯
我哋係想搵撻地方係可以食完再坐耐啲傾吓.我們傾足3個鐘傾得開心
一共order 五碟菜連三支汽水一支啤酒埋單覺得好平
每人唔洗$60我們以為埋錯單.我哋比咗20蚊貼士
價錢唔貴，佢三免.(免茶免芥免加一)幾抵.味道都唔錯，可以一試，
此店的環境八十年代上海菜館典型裝修.好靚, 清潔, 也光猛
位置地點旺角區實在是朋友聚頭的理想地點.大家都交通方便.不錯呢

唯一要挑剔既人手不足,坐左好耐先有人理會沒有什麼服務
但值得一讚門口那位帶位小姐(reception)但忘記了名，
有問必答又清楚.服務態度很熱誠今時今日咁嘅服務態度係晤得架