好失望！相都費事影！
為佢，專門開户口寫負評，希望不要有人再做水魚！
因為阿女生日，又撞正有「小朋友免費」優惠，決心去試下。
作為服務行業，尤其酒店，有些地方係絕對零容忍的，就係「服務態度」，但呢間酒店，絕對難以置信的差！
1.接線生很無禮貌，我打電話去問「近唔近page one那邊」，他們就無尾音的答：「下！差好遠吖嘛，我地係香港酒店，你查清楚先。」然後收線！哼，你們會俾幾錢買呢個服務質素呢？
2.我拎生蠔，想攞檸檬時無位放碟，唯有放在本來放壽司碟的位上(當然無壽司啦，個位係吉的)，但負責壽司部的侍應就同我講「喂小姐，唔可以咁放碟喎！」，呢一句「喂小姐」，又值幾多？
3.攞刺身時，會將碟刺身「碰」一聲放在枱，你會唔明自己得罪佢啲咩，仲要又唔肯定刺身可以拎走定點，完全零。交。流
係咁依，都要提一提食物質素的：
～牛肉係鞋的，同侍應的面口差不多
～蟹腳好多，冰仲多，因為「唔夠時間溶雪囉！」
～有即燒龍蝦，味道可以，前題係你願意用一半用餐時間來排隊，每次可以拎1隻咋，唔耐既，平均排25分鐘1隻咁囉！
～粥無味既，用水浸住米咁解
價錢方面：588大人，未計加一，呢期優惠小朋友11歲以下免費，原價338，但要俾加一，我的例子：4大2小，連加一就盛惠：2588大元。
講真，2千幾我覺得真心唔值，你收我3舊幾就話，5字頭我期望起碼有禮貌啦！
👿bad list forever!