是日下午同朋友去清水灣玩水~
夜晚會o係鑽石山睇8:30場偽能叛變，見仲有一個鐘頭食飯時間就搵野食o下啦~~
知道朋友鍾意食上海菜，見openrice好評不小，就試o下夏麵館啦!!

七點幾等飛仔，唔駛四個字就入到去喇~

之前o係openrice已經睇o左"攻略"，就直接叫個二人套餐($195)。
熱爆燻魚、薺菜豆腐羹、菊花魚球、雪菜肉絲炒年糕、高力豆沙。
前菜原本叫虎皮素鵝，但係賣曬，得返糖醋小排骨又無o麥興趣...個哥哥就推介熱爆燻魚俾我地喇~(原來我朋友好好好鍾意食燻魚架~)

先上枱o既係菊花魚球，一上枱我朋友就同我講都唔跟次序上o既...
唔緊要~勁肚餓食先~~
汁料酸甜剛好，又唔會搶走魚味~仲好醒胃添~
蘇炸得幾脆，食落夠魚味~

之後係雪菜肉絲炒年糕，雪菜肉絲個味夠濃，年糕亦好有咬口。

接住黎係薺菜豆腐羹，薺菜味清香，豆腐細細粒好得意。飲落都好解渴、好清香。

由於要趕住去睇戲，就吹一吹單叫熱爆燻魚快o的黎，順便叫埋高力豆沙上枱。

熱爆燻魚應該係全日最好食o既一度菜!!
醬汁濃，甜甜地咸咸地、燻魚又整得好香脆~
正!!!

最後就係高力豆沙，軟綿綿好得意，蛋白味好出。
遺憾o既係，面頭撒o既係糖霜，仲要得好小.....豆沙亦唔夠甜......

趕趕地食完搭七走人，整體都係好好味 : P
要再黎食一次~

三點幾睇完戲落商場行陣，
行過幾香攪到有o的口痕就去試下喇~

tea set 都幾多選擇，
我就簡o左 芥辣蜜糖香腸 (半份) 、 蜜香葡萄乾脆香包 (半份) 配 菠蘿阿囉哈，
再加多$12要多個焗薯角。
點餐o個陣個姐姐俾我再加多樣野食，我就加杯雪糕試o下喇~

如果大家唔趕住食、要傾o下計飲o下野的話，
呢度就幾o岩你喇，皆因呢度o既上菜速度都真係幾慢...
廚房得幾丁人，做都做死佢地......唔怪得好似咩都要用微波爐咁啦...

先上枱o既係菠蘿阿囉哈，用菠蘿+芒果製成，有果味但係覺得有o的稀，水水地咁。飲落都幾解渴o既~
等o左好耐終於有野食o黎喇!! 係蜜香葡萄乾脆香包。蜜糖+葡萄乾 烘焗 英式鬆餅，英式鬆餅烘得半脆，配埋蜜糖正呀!
之後就黎埋個芥辣蜜糖香腸。蜜糖煎香腸，皮唔太脆仲有小小咽靭，可能係蜜糖o既關係啦。蜜糖香腸本身都已經好好味，點埋芥辣醬更醒胃~
跟接住上枱o既係焗薯角。上到枱都仲好熱，焗o個陣加o左o的黑椒，食落微辣、醒神。好味，勝在夠熱辣辣~
最後o既雪糕，以雙球雪糕 + 粟米脆片 + 朱古力醬組成，無特別驚喜，還可以啦。

呀! 仲有仲有，今日去食撞正商場有function，佢以開揚式設計於商場角落，所以係好鬼噪...