越式法包喺越南食過，通常都係喺街邊小販檔，感覺都唔係好衛生，因為啲材料放晒出嚟。 但呢一間餐廳喺灣仔，就一啲都唔同，非常之衛生乾淨。 佢舖頭入邊嘅座位唔係好多，只有大約四個位，通常啲人都係買走外賣去食，諗吓諗吓其實買佢去野餐都係一個唔錯嘅選擇。 叫咗呢一個卡式嘅選擇 有啲醃咗嘅雜菜絲紅蘿蔔、洋蔥，仲有一片片嘅扎肉，食起嚟非常之咁清新，冇咁飽肚嘅效果。而且法包烘得超級脆，配襯埋爽脆嘅蔬菜絲，就飯重嘅享受。 Philly Steak 呢個係期間限量嘅選擇，係咪睇到個樣都覺得好邪惡但係又好吸引呢？我諗男士會比較鍾意，我男朋友愛呢一個就係因為佢超鍾意芝士又鍾意食肉。 一片片醃好咗嘅牛肉片，調味惹味，富有焦香嘅燒烤味，融化咗嘅芝士配襯埋佢個法包超正！ 呢一個脆薯寶大家都一定要叫，佢每一粒薯寶都炸到好趣，外脆內軟，而且點埋佢個辣嘅蛋黃醬，有少少蒜辣香味，好合襯。

前菜粟米 個粟米烤得有少少焦香，水份蒸發咗之後，食起嚟特別香甜，配襯埋酸酸辣辣嘅辣椒油醋汁，食起嚟特別醒神開胃。 意式辣椒油泡魷魚同雜菜 用初榨橄欖油去油浸嗰啲魷，魚所以煮起嚟唔會過老，火候啱啱好，texture wise perfect，唔係好多花式既seasoning，但簡簡單單又幾好味。 個pizza個底好似有d over，食落陣陣燶味，salami有好多塊，個餅底厚薄其實都岩岩好，不過真係燶左dd，你見到佢個角都好黑就知。 其實之前都係呢一間餐廳食過啲Pizza，唔會咁過火，可能今次一時失手。

星期六日有時晏起身，通常都會同朋友去食早午餐。咁食brunch就99%係食西式，而西式中有信心之選、價錢又中等嘅，我諗到係Wooloomoloo。 佢嘅Brunch每人$248有三道菜，有一個前菜、一個湯同埋一個主食，仲包飲品添。如果你嫌唔夠喉，可以另外加錢$180任飲酒精類飲品兩小時。 Crab Cake 正，超級鮮甜，包住一絲絲嘅蟹肉，配襯埋簡單嘅沙律菜，蟹餅本身熱辣辣整起，非常之吸引。 茄子蕃茄他他 呢個賣相就非常好，但係食落就除咗清新之外，就冇乜特別。噱頭嘢多，睇起嚟好矜貴咁，但係只不過係Chope左嘅蕃茄、茄子配襯埋一條好見好美味嘅麵包片。 Filet Mignon 佢塊牛扒生熟控制得非常之好，我要七成，佢就真係七成，入邊帶微粉紅色，外邊焦焦的。配襯埋佢嗰個紅酒汁同埋一啲鮮菌類，份量唔多但係足夠，正！ 二百零蚊可以對住個維港食午餐，我覺得已經係超值。食物質素有保證，服務亦都非常之殷勤及有禮貌。

就嚟要去英國，所以就一定要盡快喺香港食盡晒唔同國家嘅美食，我深信其中一個我最會掛念嘅就係辣嘅四川/重慶菜，因為我係一名辣妹。 所以今日放咗工之後，同男朋友嚟到又一城嘅劉一手重慶麻辣火鍋食返餐勁。 跟住我哋選擇左鴛鴦鍋。 食辣就梗係要叫佢嘅招牌麻辣湯底，我哋揀咗中辣，見到佢一大塊嘅辣油慢慢咁樣溶喺湯底入邊，真係又刺激又興奮。用過匙更一撈就知道佢個湯底係有好多款唔同嘅香料攪碎製成，花椒、香葉、辣椒乾、辣椒碎等，所以食起嚟香又麻又辣。 咁就算好似我男朋友咁唔係咁食得辣，都可以選擇一啲唔辣嘅湯底。我哋就選擇左椰子雞鍋，因為食起嚟比較舒服清潤，你見到非常足料，有一嚿嚿嘅椰子肉同埋新鮮雞件。 雜錦海鮮拼盤 袋一個用層架上嘅海鮮拼盤係非常之吸引，海鮮足足差唔多有成10款，魷魚、蟹棒、生蠔、蜆、帶子、蝦、脆肉鯇片。 每一款海鮮都好新鮮，即叫即開殼。而且啲鮮蝦上枱嘅時候，佢地扎扎跳喺度掙扎，所以話食起嚟點會唔好味呢？樣樣都非常之鮮甜。 帶子大大粒厚切。 生蠔其實根本生食都得添🤣所以滾嘅時間唔使長，10 0秒已經食得。 最鍾意海蝦超級鮮甜，肉質爽口彈牙。 如果唔鍾意mock殼既朋友可以考慮叫佢呢一個明太子鮮蝦滑，非常之值得叫！ 蝦滑入邊混合左一粒粒嘅明太子，所以本身蝦肉爽口再加上明太子一粒粒咁在口中爆發，又有另一番層次嘅滋味。 食麻辣湯底又點可以少咗叫鴨血？佢唔會太吸收辣味，但係食起嚟超級滑，Sir一聲好似食豆腐咁。 最正係牛丸，彈牙有油粉同肉汁係入邊，牛味重而多汁！ 呢個蔬菜拼盤簡直好似花藝甩牙廚師將佢擺貨架好似一個小型嘅木箱盆栽咁樣油膏志偉咁樣排列亦都有好多選擇你諗唔到嘅蔬菜都可以喺邊一個盒子入邊搵到，娃娃菜、窩荀、粟米、菇類、冬菇、豆腐、生菜等。 食緊辣火鍋嘅時候，梗係要叫啲涼茶飲下。佢啲涼茶全部都唔會太甜，又會有清熱嘅效果，飲起嚟特別解辣消暑。喉嚨特別舒服，我哋就叫咗菊花蜜同埋竹蔗茅根水。 食完呢一餐大滿足，希望下次返香港嘅時候又可以再食。

喺赫德道酒吧街飲完Happy Hour之後，諗住搵嘢食…..點知街口行到尾到轉角就發現到有呢一間日本餐廳-八海山。就算唔係連鎖式嘅餐廳，佢都主打一啲空運日本貨，而且仲有好多日本清酒選擇可以飲，岩曬一大班朋友嚟。 坐低後，店員就熱心咁樣為你奉上一杯熱茶同埋前菜中華沙律。 忌廉薯蓉餅 呢個炸餅做得非常好，佢入邊嘅忌廉薯蓉磨到非常之幼，食落好Creamy。佢既外層脆脆，薄薄嘅麵包糠炸得顏色金黃，火候控制非常之準確，兩者啱啱成為強烈嘅對比，口感豐富！ 雜錦魚生拼盤 呢個拼盤好好，總共有六款嘅魚生俾你去試，夠晒豐富。包括赤身吞拿魚、海膽、大海蝦、帶子、八爪魚同埋劍魚。 全部嘅魚生片都係厚切，所以食起嚟特別重魚味同埋油脂香，所有嘅海鮮都非常之咁鮮甜同好味。 食完生嘅魚生，今日梗係試吓熱辣辣脆卜卜嘅天婦羅啦。叫咗呢一個雜錦天婦羅，都有好多唔同嘅袋材，有蘆筍、矮瓜、冬菇同埋海蝦。睇佢嘅火候控制已經掌握得爐火純青，而且佢個天婦羅夠晒薄，所以食起嚟唔會覺得油膩，反而可以食到本身食材嘅鮮味！ 牛油焗帆立貝 見唔見到佢呢一個碟上面嘅汁？就係有濃郁嘅牛油香氣再加埋帆立貝嘅海鮮甜味，簡直係一級帶子肉，厚肉已經清潔咗，所以食起嚟非常之方便。但係最好味嘅就係碟上面嘅雜菌，吸收晒呢一個汁嘅精華。 香蔥蝦肉蛋卷 其實煎蛋都幾難！要煎到好似佢咁樣金黃色，都好講求技術。仲要入邊包住左一層嘅蝦膠，所以都好花功夫，值得欣賞。 牛肉湯烏冬烏冬當然係日本貨，食落爽口彈牙、配襯埋一啲嘅海藻令個湯就更加昇華。 完左鹹點，最後都叫咗一人一球雪糕作為呢一餐嘅完美結束。

做開搞手嘅我，其實我知道同一大班朋友食飯嘅困難係有好多…….就得時間之餘，又要就每個人嘅喜好，所以今次選擇泰式西餐fusion。咁就可以省卻一個煩惱，滿足更多人嘅願望。 叫咗一個二人餐同朋友share，只係需要$398，非常之抵食！已經包咗自助沙律吧、兩個餐湯同兩個主菜加兩個飲品。 佢嘅自助沙律吧種類都幾多，有蔬菜、薯仔沙律、南瓜沙律、紅菜頭沙律？韓式醃菜、泰式木瓜沙律、鮮雜果同海鮮類等。食完一轉都飽飽地🤣 最鍾意佢嘅鮮雜菜沙律，可以自己加凱撒沙律醬，脆煙肉粒同埋麵包粒。佢個海鮮凍蝦亦都非常之好，肉質爽口彈牙。 餐湯一人一碗，可以鍾意叫乜就選擇嗰樣，所以我哋叫曬個椰子雞湯同埋泰式冬陰功去試。 泰式冬陰功酸同辣都得非常得，入邊仲有啲大蝦同埋青口等，非常之足料！ 椰子雞湯就當然椰子味較重，飲落比較清甜，對於喉嚨就較為順喉。 大家都一定要加$108可以要埋呢一個小食拼盤！入邊足足有六樣小食，非常抵食。小食包括有泰式蝦餅、單邊蜜糖雞翼、泰式春卷、巴拿馬火腿拼蜜瓜、煙三文魚米紙卷同埋泰式鳳爪。 我最鍾意佢個炸春卷，出邊炸到好似一個網狀，咬落去非常之鬆化，入邊嘅蔬菜好滑同多汁。 單骨雞翼就梗係非常之方便啦，食起嚟外皮揸 炸到好脆，配襯埋蜜糖檸檬咁樣非常之咁醒胃。 蝦餅啖啖肉，加埋泰式雞醬，傳統之作冇得輸！ 三文魚米紙卷同埋巴拿馬火腿拼蜜瓜就喺凍食，食起嚟非常之咁清新，夏天食一流。 泰式紅咖喱豬鞍加寬條麵 成塊T骨牛扒咁樣上碟，就更加吸引。慢慢加入紅咖喱汁將豬扒同埋意粉融為一體！吸收晒紅咖喱汁嘅辣同埋椰香味，嗰種香濃非常之配搭！而且豬安嘅肉質較為滑，食起嚟Juicy同埋肉質帶少少粉紅色，好相襯。佢呢度嘅意粉蛋味特別香，而且彈牙，似係自家製非常之用心 係咪估唔到食漢堡包都可以配咖喱汁呢？呢個有幾咁創新喎！ 雖然其實最後我都係拆開嚟食，但係上枱就好過癮！我哋就慢慢將黑色嘅竹炭麵包搣開細塊，點一啲咖喱汁就好似平時人哋食餐包咁樣。 嗰隻殼蟹呀其實都非常之肥美又有帶一啲糕添！ 我諗以後大家都有多一個選擇啦？呢一間餐廳位於尖沙咀，都算係中間嘅地鐵站，方便大家約人。

住將軍澳咁耐都未試過呢一間樂園魚蛋粉，今日就決定同老公試吓。 因為時間關係，趕住返屋企湊小朋友。我哋今次只可以叫外賣。 我哋冇點最出名牛三寶，反而點左好正常嘅牛腩麵同墨魚丸雲吞米線。 首先牛腩麵，份量適中，牛腩都好入味但瘦咗少少，啱晒驚肥嘅女仔食，湯底就好濃郁，有啲牛雜味！。墨魚丸好彈牙，仲食到啲墨魚粒喺入邊！ 雲吞就包住大大隻蝦，豬肉嘅組合肥瘦適中，皮薄餡靚！ 我哋仲叫佢跟咗醋同辣椒油，不過辣椒油只係得油冇渣，但辣勁十足，配埋個湯底味道一流！ 下次一定要再試吓其他小食，值得推介！

次次去赤柱都有一種出走嘅感覺，遊走赤柱大街就好似去咗歐洲咁樣。最浪漫嘅時候就係日落黃昏天空慢慢變橙黃色嘅時候，再入夜同情人手拖手行赤柱！ 旁邊係酒吧餐廳，另一邊就係藍藍無窮無盡嘅大海。悠閑自得，心曠神怡，再望住百年建築物美利樓又有另一番嘅體味，好似見證住歷史嘅變遷！ 今日選咗呢一間泰國餐廳比較特別，而且門口位就可以同時間望到海同美利樓！ 鍾意飲酒嘅朋友可以叫佢嘅生啤，唔飲酒嘅話當然要叫去泰國必要嘅椰青啦。一路飲一路望住風景，特別有度假嘅感覺，而且椰青味道超級鮮甜，飲完之後喉嚨特別舒服。 佢個餐湯係中式老火湯，煲到入晒同出晒味。係蘿蔔粟米豬骨湯，蘿蔔煲軟左，吸晒湯嘅鮮甜味。好飲到想佢可以Double份量添！ 望住呢一張相就覺得好有feel，半個鮮菠蘿嘅外殼裝盛住滿滿嘅炒飯，聽住海同海浪聲，私人工作嘅壓力瞬間都可以放低。 嘩！你睇吓佢嘅炒飯份量係好足夠，裝到滿滿就快瀉出嚟咁，兩個人都夠食！ 炒飯用黃薑炒過，係黃色嘅！中間夾住蛋絲，有隻隻大大鮮蝦，加埋肉鬆同埋泰式臘腸粒，好惹味，入邊仲加入咗新鮮嘅菠蘿粒同埋腰果，增添脆脆嘅口感，層次得以提升！ 食泰國餸就梗係要食紅咖喱啦！所以泰式紅咖喱牛肉配蔬菜！蔬菜佢有西蘭花同埋泰式茄子，煮得啱啱好，唔會過稔，保持到青綠同埋爽脆嘅口感。 佢個牛肋條已經炆到夠晒時候，所以食起嚟軟熟，而且同紅咖喱嘅味道雙輝映，牛肋條帶筋膜，特別富有牛肉嘅香味。

如果你係好耐冇黎大角咀嘅人，咁你可能會錯失咗好多正野。因為大角咀近奧運呢一頭已經發展改變咗好多，好多新落成嘅私樓。

環境非常靚，樓上住宅下面就係食肆同埋商舖。今日我哋發現呢一間日式嘅居酒屋竟然做緊酒精放題，我哋兩個酒鬼梗係要去試一試啦。
加埋一$500都唔使，3小時任飲！其實出去外邊酒吧飲，飲三四杯都已經差唔多價錢，所以非常抵飲！而且你見到佢嘅選擇非常多，有生啤、燒灼、清酒同埋果酒都可以任君選擇。

一坐低，熱心嘅店員已經為我地兩個送上一杯熱辣辣嘅雞湯！從佢奶白顏色望見，呢一個雞湯係有幾咁濃，一定係熬製左非常之耐！佢用咗大量嘅雞件、雞骨、雞肉去煲成，所以飲起嚟充滿雞嘅鮮味，仲充滿骨膠原添，擺得來你會見佢形成咗一層薄漿咁。少少油但係對於要狂飲嘅人嚟講就非常好，幫你個胃打一打底，冇咁傷身。

夏天熱辣辣我就比較鍾意飲果酒。
一定要飲嘅就係呢一款楯野川子寶芒果酒，用咗好多印度芒果汁去製成，所以飲落好似飲果汁咁樣，但係就充滿咗花香。另外一款係神開蜜柑酒，用咗蜜柑同埋柚子，酸酸甜甜特別醒胃，真係唔啱飲酒嘅都可以當果汁咁飲飲落去。最後一款要推介嘅就梗係佢嗰個自家製梅酒啦，飲落非常之清新，最啱送埋佢啲佐酒小食一齊享用。

自選配料關東煮

呢個魷魚鬚非常爽滑彈牙，就咁用呢一個蘿蔔高湯去滾熟，食起嚟鮮味無窮。

松葉蟹肉椰菜沙律
松葉蟹肉啖啖肉，食起嚟好鮮甜，配埋清新爽嘅雜菜沙律就係簡單嘅美味。
唐揚墨魚咀
墨魚咀細細粒，但份量一d都唔算少，炸得好香好脆但唔油膩，送酒飲特別開胃。

明太子雞翼
脹卜卜，你就知道佢入邊係放滿咗餡料。

咬開一啖就有鮮橙色嘅驚喜。雞翼已經釀入明太子同肉碎，入口嫩滑，質感同少少辣令味蕾滿足！

炸池魚
平時我唔係咁鍾意食魚，因為我驚佢腥，咁當然炸咗嘅魚就非常好啦，一啲腥味都冇！
尤其係呢一款一口就可以食晒成條嘅池魚。食起嚟個骨已經可以咬碎因為炸到脆卜卜，個粉都非常之薄完全唔覺有。
小食嘅質素非常高質，最緊要係酒精類可以任飲三個鐘，真係值回票價！

我呢啲中女嘅年紀，叫我講Mirror入邊有咩成員，我都唔識講有幾多個。
今日行開旺角想搵個地方同朋友傾吓計、飲番杯，見到呢一間Cafe入邊擺滿左一個男明星嘅相片又有啲花，原來準備緊7月20號慶祝生日會，所以就決定入去八卦一下。
聽返店員講原來呢度個餐廳主題係一個泰國明星叫做Tay，個樣都係靚白淨嘅小鮮肉，見佢個IG有成2,000,000個followers。呢度除咗有酒飲，有小食，亦都可以叫一啲All Day Breakfast, Pasta等，選擇都幾多㗎。

見到佢有一個推介嘅小食套餐10分抵，$188就包咗兩杯啤酒同埋共有四款小食嘅拼盤，分量十足，喺出邊啲酒吧飲兩杯啤酒都唔止呢個價錢啦。
小食拼盤入邊有蜂蜜檸檬雞翼、盤龍腸、薯條同埋炸魷魚鬚。
個雞翼好好呀，外皮炸得好脆，又淋上咗一啲蜜糖帶有少少檸檬皮同檸檬嘅香味。

魷魚鬚有啲孜然同埋味椒粉，食起嚟香口嘢味，而且魷魚肉質結實有咬勁。

班尼迪蛋早餐

佢個班尼迪蛋下邊有煙三文魚，一切開就有流心嘅效果，滑溜將所有嘢融合在一起！而且下邊仲有啲牛油果粒，食起嚟特別Creamy！

食到飽每人都係$160，到而且仲有杯啤酒，飲慢慢坐，環境又舒服。