今晚打邊爐，上網搵豆腐卜買。見呢間專經營豆品，滿心期待。食評：價錢唔貴，但今日除左豆腐外，其他都好難食。 1. 豆卜 ($10): 軟林，好食 2. 山根 ($10): 好厚身，好um。打邊爐唔岩用，我諗用黎煮齋可能好d 3. 炸魚皮($20): 又硬又um，完全過晒期。

好耐冇寫食評，但今次真係好失望....破壞左同朋友美好既1晚。 除左冰鎮芥末墨魚及滷水鵝外，其他小炒都好難食。 西蘭花炒帶子（$169）：咸 鼓椒炒蜆（$99）：咸 咸牙帶魚（$100）：因佢講明係咸，所以就算比出面其他打冷舖咸，我都ok 蠔仔粥（$100）：咸 炒豬什（$199）：咸，硬 椒鹽鮮魷（$109）：ok 芥末牛仔粒（$139）：0味道 唔明點解咁多人排隊....係咪有隱藏餐牌我唔知？

每次經過都超多人排隊，所以心思思想試。 最終排了35min左右，點了大燒肉丼套餐及中雞球咖哩套餐。 燒肉及咖哩汁都不錯，但雞球普通，又不熱。 唯一敗筆是套餐中的青菜過份地咸，要求換做沙律，但最終服務員照舊給我青菜及額外給我一碗水，說已重做一份給我(明顯份量多了，感覺是在我原來的菜中再加多點菜炒，籍此溝淡味道)，跟我說若仍覺咸，叫我可用熱水洗一下它。 第一次有餐廳給我一碗熱水要求我洗菜，此餐廳真可愛。 若朋友叫套餐，建議選擇沙律，因夠凍及配芝麻醬，安全不會輸。 而我自己，會再光顧的機會非常微。

Delifrance 限時優惠 已很多年沒吃過delifrance, 剛好現在做限時優惠，便外賣一個回公司。 我知做推廣，份量會跟正常單買有別，但也不應份量只得半啖吧?! 我知做推廣，需求會很大，但也應該設一個期限掉走過早做起的貨吧?! 份量已無話可說，法包也淋得要命，OK便利店的碎蛋三文治好食過delifrance 100倍。 大家可以不用浪費錢買delifrance的限時優惠。

是日阿媽生日，1行4人7pm去到megabox稻香本想打邊爐，點知full左，淨返小菜，於是轉去食旁邊的魚牧(以前曾經食過加拿芬分店覺唔錯)，但呢間質素好唔掂，有一大半餸菜係冇味(唔排除大時大節，佢忙所致)，唔會再幫襯。 今晚4人，食左$12xx，每人$3xx 食完飯…好快開始好口渴，直到飯後3個半鐘既呢一刻，仍然口渴。

牛骨煱 味道:唔錯，如街外的牛雜串一樣 煱料:只有牛肚牛膀牛肺，比較單調，但它們不會過份淋，不錯。 總括: 若用此湯底打邊爐的話，我覺食耐左會好滯 菜 新鮮，如稻香 蝦滑 蝦味不足，但夠爽口 大桶蠔 不錯，但只有4隻，問對方點解只有4隻，對方話因今批蠔大隻d同菜單圖片係2份量=,='明晒 補充: 茶位HKD20/位 花生HKD25/碟

公司在觀塘，通常和同事每月出糧後去試新野，剛好早前樓下派傳單，相片賣相OK，便決定去試。 12:15PM去到，剛好還有一張近廚房的桌子，我們本想坐入一些(因坐位在一份大門的位置)，但經理說其他已訂了位，那沒所謂，食物才是重點吧。 點餐後先奉上沙律、湯 等了10min左右上小食-炸蠔(同事說正常，都熱，我沒吃)、芝士年糕(即叫即炸，味道與平時吃開放題的一樣，不錯)、銀雪魚干(其實與超市賣的$7左右一包魚干一樣味，但因在此加配也不是很貴，所以可接受) 可能因客太多關係，魚生飯遲遲未到，所以我便周圍望打發時間，此時我便發現 全店面一共有4位員工，1男1女負責整食物，一位男經理，一位女待應 1. 2位負責整壽司的員工: 沒帶口罩 及 手套整食物，女的離開食物枱，返回時也沒洗手 2. 女待應: 負責樓面、處理沙律、給茶客人，非常忙碌，但不知道為何她不停咳，但她也沒戴口罩 我點了的三文魚海膽飯終於都到，結果... 飯: 普遍飯，沒味道 三文魚: 不夠凍，亦沒有三文魚味，質素一般，但肉質仍算結實 海膽: 味道不夠，質素一般 紫菜: "林"了 蛋: 只睇外表已知失敗，吃後，無話可說，失敗 總結: 以我點的飯為例，原價$128，LUNCH75折免加一，都要$96，以此質素，我覺得非常不值，APM 地庫的FOOD COURT壽司飯仍較此三文魚海謄飯優勝

早前做陳勤記團購, $99當$150用.
見有米芝蓮餐廳做團購, 所以買了8張共7人齊齊過海食飯去~
結果中伏了!超失望!

期望最大的杏汁燉白肺湯 $248
完全冇杏汁味, 同普通例湯冇分別. 相片同真實的奶白色湯底...簡直相差十萬八千里遠.

老水鵝上莊 $198
本身諗住不要半隻, 若好味的話, 便再叫多碟其他老水.
此鵝食落口軟林, 不錯. 但老水味很輕, 鵝味也沒有, 所以我們亦沒有再叫其他老水食物了.

椒鹽雙拼, 因沒有九肚魚, 故改為鮮魷拼白飯魚 $118
沒特別, 都係點醬汁食. (魷魚同白飯魚差唔多闊度)

芋茸香酥鴨 $188
好味, 但入面唔覺有鴨肉...因第一次食此菜式, 所以佢炸得唔油, 我覺唔錯.
海蜇手撕雞 $88
海蜇同雞都冇乜味, 普通啦.

金華四寶蔬 $88
正常, 可食

方魚肉碎泡粥 $108
正常, 可食

黑椒肉碎四季豆 $88
牛肉勁咸, 四季豆正常. 但超級多油

返沙香芋 $112
可以

檸檬意米水 $28
一般. 深水埗公和既好飲好多

經過此役後, 我都係幫襯返小店算.



 

早前經過見到裝修圍板寫住臭臭鍋，覺得好得意，所以上網search過知道係台灣餐廳。
今個月開業初頭做8折promot，但朋友唔得閒，所以最終禽日先試到。
晚餐$108包一鍋+一白飯，飲品唔包，約$28/杯。
叫左4個鍋，其中一個係我期待已夠既臭臭鍋。
但試食後，完全失望。因:

1) 臭臭鍋只有臭豆腐輕微有臭味，湯底飲落冇特別，普通湯底，愈食愈咸 (仲比我發現鍋中少左血米糕，之後問返佢拎)

2) 酸辣羊肉鍋，湯底飲落有輕輕酸辣味，食唔到辣既朋友都一定食到

3) 沙茶牛肉鍋…更加冇特別

4) 牛奶芝士鍋，湯底飲落牛奶味重，味道最好

總括黎講，每鍋差唔多$120(未計野飲，包加1)，未試過可以一試，但試完唔會有第二次。

團購，選了尖沙咀分店，晚上9時 - 12時 (它說是3小時)
共7位
$128+45(手績費)+30(時段額外收費) = $203/位準時入座，
刺身ok - 三文魚、螺肉、甜蝦(只有連殼的，吃起來較麻煩)、...夠凍，鮮味情度則一般。
熟食ok - 芝士波、炸物、沙律、秋刀魚...味道不錯，但蝦殼湯味道奇怪，而且非常咸。

食物款式少，
10pm未夠，已有多種食物售罄！(而且是我們追單，對方才說已售罄！)

甜品有5種選擇(其中2種是同款，只是不同味道，如圖右下角)，9:30pm已聽店員跟客說雪糕售罄，
10pm左右，另一款蛋製甜品，亦沒有了。

10:45pm未到，店員跟我們說last order！！！
11:15pm左右，店員已開始執碟做清潔，顧客亦自動結帳離開。

***總結
普遍放題的宵夜時段是9:30pm，
而石澗9pm時段收費$208，但多款食物、基本雪糕甜品都沒有及10:45pm已跟你說last order的的情況下來說...
石澗不值得再顧！！
(或建議各位不要再買它的團購)