11蚊6 條腸粉，我見佢隔離都有一檔賣燒買腸粉魚蛋粉果糯米雞既，果間完全冇客幫襯，但呢間由早到晚都好多人排隊，搶購腸粉，令我好好奇！唔講食齋既地方賣既腸粉特別好食？於是我決定排隊一試，排了5分鐘終於到我！！！！

結果：唔夠熱、微暖、一般滑。
醬汁亦不是怎麼出眾，普通過普通。
好難接受腸粉唔夠熱！
可能我比屋企樓下富東街市果間最好味縱壞晒了！

百思不得其解點解甘多人排隊都要食佢腸粉
早知佢甘難食，我食吉野家牛肉飯好過～

今日要去荃灣做嘢，經過荃豐呢一間大家姐，佢真係有十幾年歷史啦，有我十年前係荃灣返工開始已經見到有佢存在，當時仲未裝修，比較簡陋啲。

你一間大家姐又係出名食d平民野...例如豬油渣麵碗仔翅燒賣魚蛋腸粉糯米雞串燒炸雞翼之類，好似聽人講佢嘅串燒有秒製嘅醬汁，好似話加左椰汁，所以係荃灣嗰啲天橋行過都會聞到好大陣串燒嘅香味，我相信呢一個係佢吸引客人嘅原因囉！

老實講果班阿姐態度就唔會係非常好...我都明白嘅咁嘅價錢仲想點呀。今日我收工嘅時候order左一個魚肉翅同埋一個燒賣，魚肉翅非常好味..但由於太肚餓啦我唔記得影相，燒賣我有影相，味道都非常正撈左豉油同埋辣椒油，呢啲香港先有嘅食物根本就係香港嘅核心價值！

香港人真係好中意食米線，米線鋪開到一街都係，受歡迎的主因最緊要係個湯底，只要個湯底夠獨特同有料到，好自然就會客似雲來。

今日我就嚟咗荃灣四陂坊食呢一間唯一雲貴川風味，其實我食過呢間好多次，概括來講一間嘅特色就係張枱細，凳細，坐得唔舒服好逼，而且大部份時間啲服務員嘅態度真係好差，比較惡。

但係呢一個區嘅客人都係比較搞笑，例如怕食辣嘢嘅客人都會入去食，但係會問個服務員邊樣邊樣唔辣。



呢間嘢個湯底好特別有啲似菜湯，同埋嗰啲米線係會染有湯嘅味道，兩者混為一體。呢樣特點唔係間間都做得到，好似米線陣甘，話就話去食米線嘅專門店吧因為佢行系統同埋佢係連鎖店，所以煮出嚟嘅嘢好冇人情味。始終冇呢d 個體戶做得好！

湯底尼講，呢間會令人一試上癮，心掛掛！

同埋入嚟食嘢嘅人一定要好識得order...否則會叫左d 自己唔中意食既野！

今日我食呢個麻辣雞炸醬腩肉米線，湯底超正！
下次會再來！

中環除咗南記有得食米線之外，仲有一間橋香園啦，我有2009年開始就成日去中環出現所以我一早已經幫襯過呢一間米線，頭果幾年我都係食撈米線，直到有一次佢送出外賣送左湯米線俾我，話我突然覺得自己發覺得太遲啦！個湯底非常香甜非常惹味濃郁！自此之後無論堂食又好外賣又好我都叫湯米線！個湯簡直係呢一間舖嘅核心價值！

點知，2015年，我今年係第一次叫外賣湯米線，個湯變晒質唔再係以前果種味道，味道仲好淡就算我自己加左辣醬，都係覺得好淡！

而且個米線錄得太耐已經林晒！

唔知係咪間鋪轉左手定點已經失準！以後盡可能都唔會再幫襯呢間野！亦都唔會再介紹朋友試呢間野！

我個同事係北方人，好懷念係中國內地嗰啲北方餃子，其實北京到而家都好流行食餃子，而且個做餃子既藝術中非常之博大精深。

上次試過王府之後就試咗呢個將餃子園，佢哋都係同一條街。

呢度個個芹菜豬肉水餃超級超級新鮮！！食得出麵粉嘅味道，亦食得出人手現做嘅餃子皮，食得出嗰種廚師嘅心意！！點醋同埋落咗辣椒醬之後風味更加係完全似足北方！

個蒜泥白肉香到冇朋友！肉質鮮甜口感一流都蒜香亦都齒頰留香！

另外一讚嘅就係個阿叔服務態度都好好，呢間餃子園非常近我工作嘅地方，我真係覺得會成日落嚟食囉！！！

每次經過香港站都會聞到一浸好香嘅牛肉味，令到人哋好肚餓，今次經過香港站出閘，飯癮起就去到呢一間吉野家。因為我同我同事都未食飯所以我就幫佢買埋，行到去個counter度，我話要兩個牛肉飯餐飲百事light ，另外要加牛肉汁。

一邊開手機WhatsApp，一邊留意下個鋪面其實都幾乾淨，同埋所有員工做嘢都好快手快腳～果然好適合去中環呢個地方度生存。

一分鐘都唔使佢哋就執好晒俾我，然後我有呢一間吉野家行返公司需要十分鐘時間，返到去公司馬上開來食，都仲係好熱，牛肉好正好正好惹味，我真係覺得吉野家嘅牛肉同出面嘅真係好唔同，縱使出面都有一啲同類型嘅日式牛肉飯，感覺始終都唔夠吉野家好，吉野家牛肉嘅級數都好高級！同埋個汁亦都係出邊嘅餐廳模仿唔到。

我記得我想一次去日本旅行我都好想食日本嘅吉野家不過冇機會食！我真係好感恩呢個世界上有吉野家呢一種連鎖餐廳！

Lunch 時間，入去飲茶，水仙加滾水，蘿蔔糕好味，叉燒飯，飯比較硬，但叉燒好柔軟惹味，蒸燒買不過不失，但上菜很慢，搞到我遲晒到，埋單亦埋得好慢，我返到公司真的遲到了

中環區 27 蚊食呢碗雲吞麵，湯底美味，麵質好彈牙，雲吞又大粒餡料又足！我食食下，d 湯開始少，呀姐主動走尼問我想唔想加湯，好體貼！豆漿就一般啦，略甜。環境都幾舒服，冷氣好夠涼！

今日尼到王府，叫左個上海粗炒，啲菜好新鮮好好食，啲烏冬面亦都好彈牙！入面仲有啲經過絲條狀嘅靚牛肉！唯獨是這一份上海粗炒比較多油！唔係好適合要減肥嘅女仔。價錢都只不過係五十幾蚊！作為一個午餐來講其實都算好平！員工服務態度都唔錯有笑容，下次應該會在尼外賣自取

因為係太肚餓嘅關係所以出嚟食大食代，貪佢做可以夠多，一定唔需要等位，叫咗一個越南生牛肉可，難食都冇朋友湯底非常咸，牛肉好難咬好硬，而且非常不方便要客人自己攞筷子，俾咗錢之後又要等好耐，仲要係企喺度等，之後又要自己捧餐，唯一好處就係空間咁大，但我決定左以後都唔會返嚟幫襯！