無意中經過加拿芬道，唔知幾時開始變成韓國街，一個人突然想飲咖啡，經過一間小店便去試試。
打開menu,不只有咖啡，仲有好多好吸引甜品
雖然好細間小店，但唔會坐得太逼，忍不住點了紅豆綠茶木糠布丁批＆即磨咖啡。
甜品配搭非常好，咖啡卻附上凍奶，要求要加熱奶，味道非常好。
客人大部分是女仔，係一個唔錯既聚腳點。

因為有半價卡優惠，同家人一行6人食Ruby Tuesday
其實如果無半價卡，價錢略貴！
食物比大半年前黎好食左
Appetizer sampler 點了chicken wings, mozarella cheese, onion ring & potato skin. 不失水準
clam 意粉夠多汁多蜆肉。 chicken fajitas 雞肉鐵板上，非常香及夠入味。但好彩醒起落Order 前問下，原來wrap 只有4片, 所以要額外叫多份wrap 要HKD30 有4片. 
海鮮飯味道唔錯， 魚有2大塊，醬汁適中，配上飯就啱啱好。
Baby back ribs 選擇左2隻味- honey barbecue & classic barbecue sauce 都好好味,比較喜歡honey barbecue 甜甜地。肉質好"林"容易切開。
上菜比較慢，服務員一般，但一位應該係manager 服務比較有禮。

同好友慶祝生日，兩個女仔食afternoon tea buffet 最好，可邊食邊傾計
Conrad lobby lounge weekend tea buffet 抵食， HKD228+10%仲有HSBC credit card 30% off.
食物都OK，選擇不算太多，但可零靜嘆一個下午茶係一個不錯的地方。而且以金鐘酒店來講，算價錢比較合理。
咸點有mini burger, hot dog & Sandwhich, 蘇皮盒極力推介
甜點有幾款蛋糕＆雪糕都非常出色，還有pancake, 可以叫chef放雪糕做雪糕pancake
包一杯飲品，價錢算抵食。

午飯人小小去飲茶，可考慮潮江春。今次試左4人套餐HKD588加一。
可選兩款點心，一煲例湯，一碟雞再加兩款菜式
-XO醬蘿蔔糕賣相特別，好醒胃。
-鵝肉保持水準
-雞就畧太瘦
-節瓜例湯清潤
-煎𧐢餅，𧐢仔超大隻，煎得不太油
-紅棗糕甜品非常出色，唔係太甜

環境優雅，適合上班一族午飯傾計。

下次可以再試！

傳統推點心車酒樓越來越少，但每星期飲茶蝦餃燒賣又有D悶..
今日點D特別既點心雲耳白切肉值得一試，雲耳拌有小小醋，好醒神開胃
白灼肥牛加爽口牛栢頁
如果4至6人可叫桂圓豆腐花，一木桶可分大約6人份量，其實幾抵食
但呢間皇宮最失敗係洗手間唔乾淨...

三五知己喺香港一般約出黎食飯飲野，特別星期五就要預早訂位。
朋友提意Elements幾間餐廳，點知呢間一訂就有位，就試下新野啦！
大家到步後先知原來我地黎過樓下飲野
今次先發現原來有樓上雅座！落地玻璃環境優美！
Menu好似好少選擇，隨意點幾道餸，有意外驚喜.
Fish & chips, fish 炸得有D油，但薯條炸得好好，而且係最愛的粗薯條。
帶子味道ok,但分量太細...
shrimp linguini 味道賣相都好好
Crab cake 亦不錯。
羊架非常出色,4個人一人一件，好juicy. 肥瘦適中，值得推介！
之前睇Openrice知道Citibank card 有discount. 所以折實后HKD1360。每人3百幾價錢可以接受。