復活節假期決定留港消費剛好有澳門朋友嚟香港玩，她要我帶佢去megabox動漫街行下，於是我私心下順便帶她來會一會熊bear bear 竟然假期不用等位，我們4人被安排坐好闊落的4人枱， 完全不會有壓迫感， 餐廳裝潢日系清新風， 每張枱都有熊啤啤坐鎮，又有獨角獸公仔， 立即少女心爆發 我們點了： 伯爵茶鮮奶咖啡$48~咖啡上面有片檸檬乾 再灑上少少伯爵茶葉做點綴，感覺好高雅 咖啡口感好creamy，伯爵茶同咖啡味互相配合，好飲 抹茶鮮奶$48~鮮奶香滑抹茶味香濃 士多啤梨梳打$48~ 好清新， 有士多啤梨味 但唔會太甜 士多啤梨mousse梳乎厘$126~ 賣相超吸引士多啤梨份量比想像中多，估唔到還有兩粒白士多啤梨 梳乎厘班戟口感軟熟味道不錯！

今日約好同閨蜜團拜，我們選擇晚上去打邊爐，在openrice 訂位有85折優惠。但有加一收費。 餐廳環境開揚，座位寬敞坐得舒適。 食具同食品都很精緻打卡一流！ 我們看完餐牌後，覺得套餐低食，但套餐選擇不多，所以我們唯有3個人叫了4人套餐$1388。初時怕份量多，但後來才發現大家想多了 4人套餐包湯底，我們揀了日本牛乳鍋，湯中間有朶花賣相非常吸睛還有1個海鮮塔，有1隻花蟹（肉質鮮甜），1 朵牛肉花，1 朵豬肉花， 2隻鮑魚，2隻青口，2隻帶子，2隻蝦和一些蜆。 但好奇怪我們叫的是四人餐，不明白點解全部都係二人份量，我們三個人都唔夠分，何況四個人食？ 套餐還包6款自選配菜， 我們點了南乳墨魚仔， 脆鯇腩，萵筍，雞髀菇，娃娃菜，韭菜餃。4杯 酸梅湯及4件桂花糕。 最後我們叫多了一個烏冬$48才剛好飽雖然食材尚算新鮮，味道不差，但略嫌4人餐份量比較少。

今日凍冰冰當然要出街食放工約了黃兔在又一城食飯。 在openrice book了這間餐廳，因見佢有9折優惠。 但又見到食評一般般，又有點卻步， 最終決定膽粗粗去試下。 幸運地被安排坐卡位，座位舒適闊落 服務也不錯，侍應態度好，每次都同我們講多謝，包括點完餐及上完菜，我估餐廳方面有睇民意，因服務有改善。只是有1位講英文的女侍應服務態度就比較差。 我們點了： 豬肉炒河 $118 ～ 份量有點少，炒河火喉唔夠，味道中規中矩。 大頭蝦海鮮冬陰功湯 $368 ～ 賣相都不錯， 有蜆（ 比想像中多），4隻青口，2隻大頭蝦，一些蝦及菇類等。 冬陰功不太辣又不會過酸， 可惜大頭蝦肉‘梅’ 蟹肉奄列$128 ～ 有好香蛋味， 奄列入面有啖啖蟹肉最好食是這個！ 泰式咖啡加珍珠$48 ～ 咖啡味好濃，但珍珠口感太淋， 煙韌感欠奉 本人覺得以這個價錢來說，食物味道同質素有待改善

今晚同靚靚表姐慶祝生日，幾日前在 openrice買了 $498的1人半自助餐券2張， 自助餐有沙律吧，海鮮吧及甜品吧，又包前菜主菜及餐飲， 價錢又包了加一服務費，感覺好低 服務好貼心，之前訂位時要求座的窗口位及寫生日祝福語都一一做到 我們share食物時，侍應看到還主動幫忙分菜，又主動幫忙影相，而且 收碟又快，大部份侍應服務態度都好好 自助餐有： 沙律吧有各款ham，沙律菜，菇類等等，每款都好好食而且沙律菜夠新鮮食落爽脆清甜 海鮮吧有凍蝦，翡翠螺(大隻啖啖肉)，長腳蟹，青口，蜆。 每款海鮮都鮮甜肥美 是日餐湯羅宋湯夠足料，味道酸酸甜甜，開胃 麵包鬆軟但又有口感，還可以配意式醋食 。 手切牛肉， 但每人只可以拎一次! 不過我不太慣食比較生的牛肉。 甜品吧有朱古力噴泉，各種水果及蛋糕。蛋糕賣相吸引味道不會一味死甜，吃完不會太膩，不錯 套餐有： 前菜二選一， 我們揀了每款一樣。 意式煙肉帶子卷 ~ 煙肉包住大粒帶子，煎得好香，煙肉味道好出，將帶子提升到另一個層次 ，好好食 意大利紅蝦他他 ~ 紅蝦細細隻但食落蝦味好香 主菜八選二， 其中有五款要另外加錢。 香辣波士頓龍蝦扁意粉(+$98) ~ 扁意粉口感煙韌軟硬適中，味道辣辣地好開胃，龍蝦肉彈牙，整體不錯 香煎蝦安格斯肉眼扒（+$128）~ 肉眼扒表面煎得好香脆， 肉質軟熟有牛味連配菜都煎得好香入味 包每人一杯餐飲 其實我們估唔到食物質素這麼好， 今晚大家都得好滿意

今日同鷄仔行下新商場，唸住睇戲前食個lunch ，見到這間鴨店lunch set有好多選擇，價錢又不太貴，於是入去試試。 原來有茶錢每人$12，另有加一收費。 我們點了商務套餐，包前菜，主菜及飯。 前菜： XO醬蘿蔔糕～炸粉好厚，完全食唔出有XO醬味，一般。 四喜烤麩～味道中規中矩。 主食： 泡椒酸菜石斑魚 ～酸菜唔夠酸，只有點辣味，魚肉唔嫰滑，好似在湯裡浸了好耐，肉質有點皺皮，整體味道到喉唔到肺。 可以不試！ 香蔥爆炒鴨件 ～賣相可以，但鴨肉令人失望，又乾又鞋，無鴨味。老鴨都不如😣不明白為何鴨店的鴨肉都會咁差 今次同鷄仔異口同聲都覺得自己中伏了可恨事前無睇食評。

今日睇完戲，雞仔帶我去打邊爐， 之前未食過這間台式火鍋店，果然有驚喜 我們好幸運被安排坐窗口卡位，坐得好闊落舒適。 並叫了二人海鮮拼盤套餐$798， 套餐包括有：（有加一收費） 鴛鴦鍋（8選2） 清涼椰子雞鍋 ～ 湯料豐富有雞肉、 粟米、椰子等。我們首先飲了啖湯，味道好清甜有椰子香味， 好有驚喜令我們停不了飲了2碗。 蕃茄牛膝骨鍋～ 有好濃郁嘅蕃茄味， 牛骨大大個越煲越出味，好正 海鮮拼盤有鮑魚（新鮮大隻）、蟶子、帶子、蝦。 肉類（3選1）我揀了美國牛肩胛肉～ 色澤均勻，肉不會太肥，好味 丸類（2選1）我揀了企鵝丸～ 企鵝造型可愛 其實是墨魚丸。 菜類（ 2選1）我揀了萵筍 主食（3選一1）我揀了冬粉 ～ 吸收了湯汁好食 另外有自助吧有好多醬料， 水果（ 香甜的西瓜及蜜瓜）、 前菜（ 爽口魚皮及海藻）、肉燥飯任食。 最後還送上芒果沙冰及蜜桃果凍，兩者都不太甜，好好味 令今晚畫上了完美句號

今日同同事在外賣平台見到這間飲品店的麻薯飲品覺得好特別，於是柴娃娃心態下一齊試下。 我們分別叫了麻薯抹茶鮮奶， 麻薯芋泥茉莉鮮奶， 麻薯焙茶鮮奶， 麻薯芝麻烏龍鮮奶。還可以揀甜度，冰量，牛乳或豆乳。 我們大部份都揀了少冰少甜。但係大家異口同声都覺得甜度仍然太甜，麻薯口感唔夠Q彈，同埋用飲管食好難啜 大家對這款飲品評價整體一般！

今日有同事發起食這間火鍋放題，原來它不衹有自助火鍋放題，也有午市定量火鍋。 午市定量火鍋包： 一次性指定肉類，有六款肉類任選一款，有豬，羊，牛等，最平$88。 每人一鍋湯底，有十款湯底任選一款，有香辣沙嗲鍋，椰子雞鍋，胡椒豬肚鍋等等。 任食自助火鍋料，有各式丸子，菜類，前菜，水果等多款選擇，食材新鮮但不包甜品。 飲品1枝，有冷泡茶，汽水等十數款選擇。 時限75分鐘，另有加一收費。 驚喜1，湯底好足料，湯味濃郁，正 驚喜2，估唔到定量餐的肉類又靚又大碟，份量對得起這價錢 最後我們都食得好飽好滿足，雖然自助火鍋放題可以食4個鐘真的好抵，但不適合我們要返工的人，所以定量餐對我們來說已經好滿足了

今日有同事在openrice買了這間餐廳的248蚊二人午餐， 初時未睇清以為有前菜+主菜+甜品。 後尾去到餐廳才發現原來是有兩款選擇，A) 前菜+主菜+ 飲品 或者 B) 主菜+甜品+飲品。 主菜七選二，另外其中有兩款要加錢。 前菜四選二， 同樣其中有兩款要加錢。 甜品四選二， 其中有一款要加錢。 飲品包指定茶及果汁，咖啡需另外加錢。 凍飲加五蚊。 另有加一收費。 我們點了有甜品那款，再加1人lunch set(包飲品)。 主菜： 和牛面頰意大利飯 ~ 味道好清淡， 和牛面頰煮得好嫰 英式威靈頓牛柳 (+$58) ~ 味道一般般，好重蒜蓉味，雖然牛柳好冧但略咸， 酥皮焗得不夠香略遜色 甜品： 特濃牛奶軟雪糕牛角包 ~ 賣相吸引牛奶軟雪糕好香滑 牛角包鬆脆。 兩者配合得天衣無縫 法式焦糖燉蛋 ~ 焦糖整得好香脆，燉蛋口感軟滑， 好好味 黑松露流心蛋意粉($78) ~ 有香濃黑松露味，意粉軟硬適中，好食 雖然有一道菜本人覺得一般 ，但甜品加了不少分

今晚雞仔帶我食泰國菜她說因為這餐廳名字而吸引她來的的確這名字實在太搞笑了這間餐廳佈置也很有心思，例如在餐廳內高掛了一些書本，木製車書架，牆壁上的大立體花等等。都很吸引人注目 我們揀了： 青檸凍的蜆 $108 ~ 這個真的好好食，醬汁味道好清新，酸酸地好開胃，好有泰國風味蜆肉飽滿鮮甜，值得推薦 冬陰公海鮮泡飯 $138 ~ 有蝦，蜆，青口。冬陰公湯不太辣，適合我口味飯吸收了冬陰公湯，好好味 椰椰麻麻燒牛扒 $228 ~ 椰椰麻麻醬味道好出衆，我同雞仔一致認為好食，同牛扒好夾牛扒燒得恰到好處，肉質可嫰 雜莓青瓜薄荷葉梳打 $48 ~ 賣相吸引有一串藍莓做點綴。飲品裡也有青瓜，薄荷葉，雜莓等材料好豐富味道酸酸甜甜又清新，好飲 今晚食得好滿足多謝雞仔的好介紹!