屯門區小店 3個後生仔開炸雞脾專門店 小店位於市中心附近 新墟過橋就搵到 馬會行過去5分鐘就到 30蚊炸雞脾 等了10分鐘 味道1流 雞肉滑 有汁 雞肉剛剛熟無血 外脆內軟 多款味道粉自己加料 我試了海台味 不辛辣 好食 中間有竹籤穿透 可以食得乾淨 因為我食飽才去外賣雞脾 無空間食其他野了 可惜...... 後生仔開既小店 鼓勵大家去支持 還需要名人加特 必大紅大紫 大受歡迎 套餐餐牌 有飯有餸架 要營運一盤生意好難 後生勝在有幹勁 計好數 受歡迎就要開吓1間分店

新城市廣場現在係大時代既中心 ，找午餐吃都特別多位，The salted pig 裝潢有趣，有很多豬仔佈置，吸引。 午餐價錢昂貴，兩人食2個午餐收費370元，好嘞!食咩先? 頭盤:餐湯或沙律 我地叫左 50%熟肉眼扒配薯條及雜菜，扒是新鮮豬肉，味道不錯，可惜既因為煮既方式是網燒，燒過左火位，80%熟就差不多。 豬四寶飯，有葡式乳豬，燒豬排，雞蛋，肉腸，樣樣都好吃，主力即係主打，份量好夠 成件事都係吃肉，貴到似金既豬肉 味道唔錯 click住既係貴囉！ ps 1400 得2枱客 😁

百福麵家 新場新裝修 沒有自由行既香港 享受了自由自在的空間 ，一群商場職員努力坐在一角開會，清潔姐姐也無聊的找事幹中。 眾多餐廳雲集的foodcourt 同行食了百福麵家 一家標榜澳門來的麵家 外形是一家日本拉麵鋪 匯豐卡過100蚊 九折 雙丸米 米粉份量足夠 彈牙 牛丸墨魚丸都好吃 湯底唔口渴 豬手撈麵加湯 麵果然係強項 同行說好吃彈牙份量多 豬手份量夠 黏黏地牙有肉有皮 整體比一般鋪頭水準高 加埋無咩人 食得高興 希望未來都冇咩人 食得再爽d

旺角放題打邊爐店數量如天上繁星，一鍋豐又真係唔錯。 3個餐 食暴貴既1個 埋單29x元1人 ，咁有咩食哩? 首先，任飲啤酒紅酒 酒桶就fit竹，我滴酒不沾 浪費了。 海鮮，超美味，鮑魚，蠔，蝦，扇貝等等，雖然只來1次 ，無添食，但鮮味迫人。 另外，仲有1碟象拔蚌，鮮鮮鮮。 牛都好質素 ，牛肉粒更美味，還有好好味花膠 湯底好多款 ，我地食椰子雞煲，唔錯。 29x元 呢口價打邊爐有少少貴 ，但食物水準高 ，衛生乾淨，服務ok。唯一就是牛肉，黎左2次3次之後，變左美國肥爆牛 ，呢個差d嘞! 評語:性價比高 有下次。

新濠天地 松花江水餃 地道北方美食 煎餃 冷麵 服務員超積極工作 3次問我們下單未 有d急 我太慢 韭菜煎餃子 味道及用料都足夠， 我比較喜歡脆口味的餃子，所以我覺得煎得唔夠香口 高麗牛肉冷麵 十分有水準的冷麵 湯的酸甜度調較良好 用料足夠 有牛肉 泡菜 咸蛋 豆角 麵是幼麵 yummy 小菇燉雞粗粉絲 用料好夠 大大碟 北方味道厚 死勒 食得太多杯麵 唔啱口味添 下次食多碗麵 抱住個4歲仔 坐下 食下麵 都好ok 建議食多幾碗麵 建議點難食都唔好去左鄰右李 你明的啦!

1家4口去澳門輕鬆玩3日2夜 酒店附近找吃 下了一場微雨 將我們送入Cafe Voyoga Meun set 是平價之選 我地4個人下了3個主菜 晚餐加24元有啤酒或特飲 我選了Mocha 朱古力味重 唔錯呀 每個晚餐跟海鮮湯 有蝦，帶子及扇貝 湯底是龍蝦湯 味道濃郁 凱撒沙律 料足及食材新鮮 黑松露海鮮意大利飯 黑松露味重 濕濕地 海鮮配料多 我很喜歡 M5和牛 雖然係細塊d但堅好吃 我大兒吃了2口 大讚牛扒口感似啫喱 龍蝦番茄炒意大利麵 番茄味濃厚 炒得夠熱 小朋友將意大利麵清了 龍蝦肉細少 但好吃 溶啱朱古力棉花糖配法式餅 好熱 棉花糖入口即溶 長長朱古力加半溶既棉花糖 很好食 可能是平日晚上 2030我們已經是最後一台客人 食物質素相當高 價錢ok 3個餐550蚊左右 份量係細d 但食得精彩 想平d有是日精選 下次去澳門可以試試

這是最好的時候 也是最壞的時代 這是最美味的食物 也是最邪惡的食物 三多炸脾 超級出名 新界西朋友有得食喇! 先講隻炸雞脾 用竹籤串炸雞脾 免除食到成手油 炸雞脾用麵包糠一齊炸 雞脾汁封鎖在內 一口咬一口汁 非常有趣 飯配有薑蔥 加雞蛋 食完好飽肚 邪到爆炸 講下環境先 星期四中午 勁多人等位 水洩不通 空氣唔算好流通 冷氣不足 有少少油煙味 ”咁人多係咁 咁人多都可以唔係咁既“ 新鴻基要諗諗點搞好個場 野食幾好都無用

去澳門玩2日 竟然人流唔多 少左d普通話人 真係要多謝Trum Trum ，睇openrice 搵晚餐食，想食正靚葡國菜，答案係新口岸葡菜。 羊扒好食 熟度剛好 沒有紅絲同時間唔靭 熱度又夠 我阿仔食左2件。 沙甸魚出名多細骨，廚師把握煮既時間，又唔會太腥，又唔會難食 馬介休炒球，反而冇咩驚喜 ，魚加粉炸熟上枱 呢個包真係好好食，溫度剛剛好，又唔太硬 加 橄欖油及醋，真係好好食 馬介休炒飯，份量同總足又頒 服務良好 主動加茶執碟 服務良好 抵讚2===

良朋狗友聚餐 放題燒肉最啱 德興之前食過 旺角區內算係穩穩陣陣既一間，冇伏味。 有吸油紙墊底 食到一半叫換 侍應快手快腳 吸煙筒夠強 食飽身上無咩味道 肉好新鮮 order5分鐘就到 牛羊雞豬好味 燒一陣就食得 食唔停 $255.5 一人埋單 任飲任食燒肉 抵食架! 加錢食埋海鮮剌生 呢期熱 又無咩餵口 冇加錢 燒肉最梗要既 油煙味 肉新鮮 侍應服務 任飲汽水啤酒哈根大c雪糕 全部做齊 匯豐卡9折 比現金面書打卡po相 9折 再減50蚊 反送中既日子 坐唔滿既餐廳 祝福唔好執

當一個社區配套仍然欠佳，任何食肆進駐都成為必賺的生意，抱住呢份心態做食肆，食物又點會好食架! 講食物質素先，好多人講葡點是美心開既分枝等於味道差。呢個思想既謬誤，我用一餐晚餐驗證。 忌廉雞扒煙肉意粉 上枱時相當之熱辣辣， 有香草做配料，起碼有意粉屋既水平，絕對是即炒即食，我喜愛芝士味，侍應遞上芝士粉，絕配! 晚餐係呢個區收53蚊算中上價。晚餐以外近乎沒有選擇，原因只有1個，人手短缺。 星期六晚市算人多，2個阿姐又收錢又執台又送餐 ，有1位阿姐仲呻辛苦有不公，打算辭職，廚房2個人做晒水吧同廚師，所以我食到呢個水平算幸福。ps 葡點個名會令你想食葡國雞飯，之前食過有少少伏，大家執生嘞!