3號風球 + 傾盆大雨下~
餐廳都坐無虛席~
一定係有過人之處~

好彩我一早訂左位~ 唔駛等位就入得！ 1點門外已經有唔少人排隊~

今日點左2個Set Lunch~
選擇唔少~ 意粉、扒類、Pizza 都有~ 而且跟餐有沙律同飲品~
都只係索價60幾蚊起~ 紐西蘭牛扒 (配黑松露燒汁)$98 份量都幾大~
全熟的牛扒但唔會韌~
入口重有幾分油脂香~
黑松露燒汁唔係得個名，真係有淡淡地松露味~ 肉醬意粉 $62 味道相對普通d
不過勝在夠熱夠多肉碎~ 2杯餐飲都幾吸引~
荔枝茶唔會過甜~ 幾香幾清新~
Oreo 朱古力奶~  果然係特濃！ 加埋Oreo 有咬口~ 最後點左心太軟~ 上檯好大球雪糕~ 流心十分出色！ 份量唔太大~ 幾秒就清碟~

12點到餐廳，門口職員通知由於全日Booking好滿。
如果入坐只能玩到2點。
我一行2位大人，2位BB。
BB年紀唔大，所以玩2小時都足夠。入坐後發現，全店只有2台客人。 但職員話安排唔到sofa位俾我地。
因為所有位置已經有人預約左。

我地2位BB，一個1歲幾，一個未滿1歲~
未滿1歲係免費入場。但唔會提供BB凳。
要坐就要俾入場費... 其實我覺得有少少失望。 好似任何要求都say no咁... sofa位無，BB凳要俾錢

每位大人需要消費80蚊，餐廳都有提供套餐~
80蚊包餐湯、主菜。
選擇都幾多！
我地點左一個意粉，一個Pizza
食物份量夠多~ 味道亦唔錯~ 絕對唔係交行貨~

飲品無得跟餐~ 我地另外散叫左2杯~

講下場內設施俾大家聽~
分左幾個area。其實每個面積都好細下....
波波池如果4、5個小朋友~ 已經好逼下~
超市&廚房範圍其實好靚~ 配件好齊，但廚房真係太新...
打開櫃門有好大甲醛味~

滑梯需要爬少少繩網上去
我地BB太細，自己上唔到去。
辛苦媽媽們抱黎抱去 XD
所以玩左2、3次就無玩~
如果2歲以上小朋友，應該會幾鐘意~

有一個扮靚空間，可以換公主裙~
化妝扮靚~  男仔可以扮醫生、消防員~
我地BB都係太細，未岩玩~
同樣2歲以上應該會享受。

另一邊係草地繩網區~
同樣只岩小童玩~
不過旁邊有d圖書~
好適合BB睇~ 我地食完野，一齊睇下書~ BB肯坐耐d，媽媽都可以食下野~

近門口有一個木粒池~
提供到唔同質感俾小朋友~
BB都好鐘意玩，係乾淨版沙池~

1點40分職員溫馨提示就黎夠鐘~
我望一望全場，的確越黎越旺場~
但依然係6、7成滿。  sofa位更加6、7張係未有人用~
其實餐廳安排可以彈性多少少。

埋單我有問經理，點解我地只能玩2小時，但其實餐廳又唔滿..
經理解釋2點開始係下午茶時段。由於收費較平，所以預約好滿。
所有台好快就會坐滿。
咁聽完就明白多左~ 我地都準備走~
當係門口換襪換鞋之際~
有2位客人表明無預約，想walk in玩~
門口職員話：其實預約滿左，不過你好彩岩岩有人取消左。不過只可以玩一小時，無得加鐘~

個一刻....真心反白眼~
我地俾正價，但只能玩2個鐘~
你發現有其他客取消，有位就收新客。  而唔安排我地玩多一小時。

幫襯完"里的茶"，見到原來"mee lemongrass"都係香港仔開左~
之前係銅鑼灣、葵涌都食過~ 
印象中質素都唔差~~

於是同事們又黎踏踏點~午餐選擇都幾多，而且價錢唔算貴~
跟餐已經包左前菜、飲品、甜點加十元八塊重可以將飲品升級~每人加左8蚊轉手搖飲品~
超級大杯，好抵飲！
揀左微甜，入口幾濃蕎麥味，淡淡奶味~ 炒貴刁賣相幾靚~
份量好大，夠2個女人分~
用料亦幾足，大蝦、尤魚都多~ 同事食海南雞飯更加出色~
海南雞好嫩滑~
重跟多碟油菜~ 
原本跟餐的甜品係紅豆抹茶奶凍~
抹茶味夠濃，唔係hea做甜品~  跟餐黎講算出色~ 由於老闆唔係香港，我地唔趕時間走~
再加28蚊食埋個芒果糯米飯先走
XD
擺盤係壽司咁~ 自己再加椰醬~
美中不足芒果好酸… 

香港仔一向食店選擇唔多~
所以一有新鋪開張，我地同事們必點去試下~

商場開左手搖飲品鋪~
重做緊優惠，當然即刻買番杯~

途中發生左小插曲，就係我地行左一圈都搵唔到間鋪~
原來鋪口位置屈入左少少，都幾容易睇漏眼~門口有一部自助落單機~ 不過當日未用到住~開放式設計，清潔衛生~ 而且職員好親切介紹飲品~點左火灸芝士黑糖珍珠鮮奶~ 面頭用火槍燒過~
賣相相當吸睛~
黑糖鮮奶入口順滑~ 唔會過甜~ 珍珠比較細粒，少少煙韌~
同事點左白桃烏龍奶蓋
相對清新的選擇~

星期日帶住BB出動覓食~
金田家環境光猛，台與台之間空間十足~ 今日點左柚子香辣拉麵~
麵質揀左普通，入口有咬勁~
麵質唔係太掛湯~ 所以唔會太濃味~
每一啖都帶淡淡柚子香~ 帶微辣~

叉燒份量都幾多，而且算有厚度~
再追加左糖心蛋~   係令人滿意的一碗拉麵！ 小食點左薯餅~
一客包左2款口味~
分叫：栗子紫薯、牛肉薯餅 紫薯又香又甜，比較岩我心水~
牛肉比較普通~
不過即點即炸，熱辣辣上台~ 都算有誠意~ 老公點左勁辣拉麵~
佢話調味好食，不過唔算好辣~

平日放假，自己帶住BB遠征Mega Box~ 目的有2個~ 第1就係去Playhouse放電~ 第2衝住新幹線壽司而來~~ 路線圖牆身好吸睛呢~ 門口亦擺左好多圖書~ 如果小朋友食飯坐唔停，絕對幫到手~ 點完菜後，壽司好快送到~ 職員見我帶住小朋友，好主動幫手放好壽司~ 服務真係抵讚~ 牡丹蝦真係好鮮味~ 最推介俾大家~ 帆立貝都非常肥美~ 芝士蟹籽唔係間間有得食~ 小妹一向最愛~ 脆口蟹籽加埋芝士香~ 正！ 其他壽司水準都唔錯~ 雞泡魚乾，又係每次見到都必點~ 今次有d太乾身~ 入口唔夠甜~ 有d可惜~ 2點黎到，過左飯市~ 靜靜地嘆個飯，真係享受~

自從有左小朋友，愉景新城成為我常去的地方。
相連的中染新城亦成為我開飯之選。每一間餐廳都食過了。
要數我最鐘意就係叁茶陸飯~

落地大玻璃，引入大量自然光~
然後空間感都算大，台與台之間唔算逼~
就算只係2位大人，但每次帶住BB都會分配到大圓台~
唔駛又逼又趕咁食飯，真係人生小確幸。 每次都會點上香酥雞扒飯~
即點即炸，入口香脆~  台式鹽酥雞的味道~ 就係濃口味吧~ 不過真正令我回頭的，其實係飲品。
第一次誤打誤撞飲左- 海鹽芝士奶蓋四季春茶~
濃厚帶咸的芝士奶蓋，十分邪惡~
馬上又被回甘的清茶混和~
兩者味道又出奇咁夾~

街外的芝士奶蓋飲品，對我而言都過甜~
但叁茶陸飯正正係清清地，吸引我飲完再飲~

BB差唔多半歲，開始可以同我地出街啦~
不過為左唔打擾日常作息，暫時只係中午出街~
靜靜地食個午飯，媽媽已經好心足~ XD 今日一家黎到荃灣廣場睇Lego展~
首先去莆田食個午餐~
環境舒服又寬闊~ 而且落地玻璃夠光猛~
BB 好奇睇街景，大人可以安樂食飯~ 哈哈 冰爽酒糟蟶子
非常適合夏日的前菜~
蟶子隻隻飽滿肥美~
入口有酒香，但依然食到鮮味~ 另一送蟶子菜式：鐵板鹽焗蟶子
蟶子質素係好，但唔太入味~
只係食到鮮味~ 發現台上自制辣醬~ 入口酸辣惹味~
沾上辣醬後，蟶子更有層次~ 叫左一條黃花魚
細細條2人分享岩哂~
魚肉嫩滑~  最後興化米粉~
落足料去炒~ 鐘意佢唔油膩~  食落有淡淡米香！

難得可以同老公二人世界，但只有短短二小時。 唯有揀屋企附近餐廳。 三文魚。吞拿魚他他配黑糯米 刺身入口夠清新。 配上黑糯米口感十分有層次！ 辣肉腸，青口，香蒜辣椒油意粉 簡單的菜式，但卻十分美味。 意粉夠咬口 啖啖微辣帶蒜香。 24個月乳豬 香口而唔油 2個人食，份量有點多。 如果有 醬汁沾，味道會更豐富 奶凍 好香伯爵茶味， 質地唔會過硬。 配上 花蜜， 令味道天上一份香甜！ 原先應該配上一個氫氣球作裝飾， 但製作過程出現一些小問題， 最後等咗大約十分鐘再送上氫氣球。 小店跟大方送上每人一個氫氣球。 為今晚提供一個有玩味嘅完結。

又到左產檢日子，即係又到左我獨處的好機會~
有一個多小時的午飯間~
黎到美麗華Burgeroom~
空間感十足！ 因為平日2點人流唔算多~
每位客人都可以自成一角~！ 銅鑼灣分店已經幫襯過幾次~
尖沙咀分店明顯裝修更靚~
空間更大~

點左墨西哥牛肉芝士漢堡&芝士璇風薯條 芝士璇風薯條好快就上台~
初時有d擔心~ 咁快上台會唔會唔新鮮？！
結果係我太多疑~ XD

璇風薯條又脆又熱！
加埋濃郁芝士醬真係食唔停口~
食左1/3開始有少少漏，再問店員拎茄汁~
Hehe 加左酸甜茄汁又再滋味d！ 墨西哥牛肉芝士漢堡
烘到香脆的麵包，揀上牛油~
入口都幾香牛油味~ 牛肉點上全熟，但依然有肉汁~  微辣的沙律醬都幾開胃~
唯一係墨西哥辣椒唔多辣….
平時墨西哥辣椒，通常都辣得過癮~
今次有d奇怪~~