難得假期入長洲 除左掃下街，呢日仲食埋海鮮先走 一出碼頭向左行過去就有好多餐廳 價錢都係大同小異，最後我地揀左第一檔 因有海景位坐 最平有任選2款小菜 ＄188，我地當日揀左3款小菜＄278，另外仲送左炒生菜同粟米羹 叫左椒鹽賴尿蝦，避風塘魷魚，薑蔥炒蟹 避風塘魷魚 份量多到兩個人食唔曬 魷魚炸粉好薄炸得香脆 肉質煙韌 好有口感 椒鹽賴尿蝦 估唔到有咁多隻，惹味可口 薑蔥炒蟹 有成2隻蟹都有肉地，慢慢食都幾好 望住個海食飯的確幾寫意

大圍冬菇亭除咗大飯堂成日幫襯之外 最近屋企人成日都會過嚟食 下午茶都幫襯過幾次 餐廳位置唔算多，晚餐時段人多一定要訂位 唔收加一服務費，價錢大眾化 絕對稱得上街坊飯堂！ 呢晚散叫咗幾樣 菠蘿拔絲咕嚕肉 咕嚕肉係梅頭肉，外皮炸到好脆 咬落外脆内軟，個汁酸酸甜甜 好送飯 沙薑川味豬手 一碟份量都唔少，豬手入味又彈牙 食落好香花椒味，最後食唔哂要打包 豉油王炒麵 雖然材料好簡單 但炒得好有鑊氣，麵條夠乾身，推薦！ 腐乳通菜 食咁多肉係要食返啲菜

牛大人絕對係我成日都會記掛住嘅任食火鍋 無論湯底，飲品，食物種類都較多同質素穩定 同上次一樣揀左澳洲極上和牛吃到飽 ＄328/一位 可以一次過食晒嚟自美國同澳洲嘅牛肉 個人最愛澳洲和牛M5牛肩卷 油花分佈均勻，肉味濃郁，好嫩好滑 最緊要係每人有兩粒澳洲M9和牛牛丸 一咬開爆多汁又彈牙，和牛味濃郁 湯底揀左阿嬤養生濃湯鍋 配上大量蔬菜幾清新，唔會好易膩 自助區食物選擇都好多 擺位整齊衛生 店員補貨都好快手 值得一讚 其他就需用Qr code 落單 例如蝦，沙白，水蓮，鴨血 小食台灣香腸、鹽酥雞 甜品可以揀雪糕或者仙草涷 食飽好滿足

同朋友黎到呢間有理念餐廳，用上本地優質食材的Fine Dining，直接由農場到餐桌的餐飲體驗 每道菜都好精緻，非常適合打卡 味道亦出眾 Oxen Tartare Lau Fau Shan Oyster Sabayon • Housemade Potato Chips 生牛肉嫩滑鮮甜，再配上流浮山蠔的醬汁 刺激味蕾 基圍蝦千層酥配蝦米蛋黃醬 賣相味道一流，最上果層係春卷皮 再加上鮮蝦同青瓜，幾特別 手工製蜆蚧醬長意粉配三黃雞翼 手工意粉，口感不錯 雞翼再配上蘑菇木耳絲，好滿足 全晚最特別一定係 烤平原三黃雞 配羊肚菌，黑皮雞樅菌及時令菇菌，本地種植二澳米 雞肉來自香港第一家環保雞場 不含激素荷爾蒙，再用多種材料的湯中浸泡一整日，絕對食得皮脆骨軟，脂肪豐滿 羊肚菌及黑皮雞樅菌又係必食之選，配搭二澳米 更加香濃 最後甜品環節，個人最喜歡雞蛋仔 維記牛奶意式雪糕搭配印度香料雞蛋仔，底部搭配花生醬，好對味

荃灣新開米線小店，個招牌大大個 好遠都見到，見好多人食 我地都特登試下 估唔到有驚喜 叫左新疆湯底，如果你同我一樣鐘意孜然味 相信呢個湯底一定岩口味 另加螺旋藻，豬軟骨，豬大腸 米線粗身，份量多入口偏腍身 配料仲會有芽菜、酸菜、韭菜、肉碎 米線湯底味道夠濃夠重口味，但又唔會太油或者太鹹，而且加入孜然令到湯底比較特別 個人幾鐘意 豬軟骨，豬大腸入味又軟淋 處理得幾好！ 朋友叫左酸辣湯底，墨魚頭，豬耳，腐皮，豬潤 朋友幾鐘意夠濃味之餘唔會過鹹，我試左佢個墨魚頭好彈牙！ 小食叫咗個涼拌皮蛋 麻辣汁的味道太輕，相對失色 相信嚟緊會有二訪，三訪落去

友人生日特意去食餐好 呢晚去咗尖沙咀食鐵板燒，師傅即席喺我哋面 前烹調，望住真係非常治癒，氣氛好似瞬間帶去咗一轉日本 晚市有散叫，亦有套餐可以選擇 我哋揀咗和牛龍蝦，鮑魚套餐二人前 內容豐盛 先有前菜三小點 有明太子沙律，日本麻醬豆腐及煙燻雞肉 每道菜都好精緻，煙燻雞肉好特別 火龍果沙律 加左麻醬同柚子汁，更加開胃 大大隻日本生蠔 上面加上魚子醬，肥美又鮮甜 全部刺身都好新鮮 油甘魚、吞拿魚厚身油分重 茶碗蒸 茶碗蒸充滿蛋香，上面有三文魚籽 底下有黑木耳，食落爽囗，層次好豐富 鮮活南非鮑魚 鮑魚味道鮮甜，口感爽口 帶有淡淡日本酒味及牛油味 而且底下更有不少海帶 配上特製醬汁就更加提升味道 澳洲龍蝦 龍蝦的調味及熟度都是剛好，原隻龍蝦拆殼起肉龍蝦膏與牛油炒製成美味的醬汁，再配上紫薯粉和精美的花朵裝飾 好看又好吃，龍蝦頭會留起用嚟煮龍蝦湯 A4鹿兒島和牛卷 採用了A4和牛，脂肪分佈平均 會先炒菇再加上大量蔥花，再以和牛捲上 更搭配烤大蒜和新鮮蔬菜，充滿了風味 香而不膩 鐵板炒飯 炒飯最為特別 第一次食到加入梅子醬的鐵板炒飯 鹹中帶酸，吃到一半仲可以 變成茶泡飯 一飯兩吃 龍蝦味噌湯 龍蝦頭就是拿來煲湯，鮮甜無比 套餐會附送雪糕，我地加錢轉左一份焦糖多士 絕對邪惡又美味，絕對為呢餐畫上完美句號

係大圍積存街附近，有一間休閑的越南餐廳 樓高2層 大大幅𤩹畫加落地玻璃，環境舒適 而且仲要係pet friendly餐廳 豬頸肉春卷撈檬 豬頸肉煎得微焦 非常香口 春卷相信是自家製的 外層酥脆 餡料滿滿 撈埋檬粉，紅蘿蔔絲，芽菜和生菜絲一齊食 酸甜又清爽 豬腩蝦肉米紙卷 米子卷煙煙韌韌，餡料夠豐富 一定要加埋個靈魂醬汁 酸酸甜甜，帶點微辣 牛肉串燒 用檳榔葉包住燒，估唔到又幾夾 椰子咖啡 沙冰口感，唔會好甜 椰子味突出，好飲 Latte 香濃夠滑溜

如果你同我一樣鐘意食異國菜 黎土瓜灣呢間地中海餐廳一齊唔會錯 餐廳地方雖然不大，但五臟俱全 記得一定要book位 鷹嘴豆泥 鷹嘴豆打到好滑，加左大量橄欖油 配埋熱辣辣鬆軟 Pita Bread一齊食，滋味無窮！ 蒜蓉檸檬烤翠肉瓜 整個配搭味道相當清新 食落酸酸甜甜十分開胃 Mankeesh Flat Bread 百里香芝麻餅 有濃郁的芝麻香味，更帶著淡淡百里香味 入口包身有點脆，又帶點煙韌 乾式熟成澳洲羊架伴火箭菜紅洋蔥沙律，薄荷青瓜醬 因為經過熟成程序，羊肉香味濃，肉質細 嫩，再配上薄荷青瓜醬增添風味 蜜棗蛋糕伴雲呢拿雪糕脆餅 蜜棗蛋糕軟糯可口 唔會太過甜膩 成件事好幸福

天氣凍最岩就係打邊爐 餐廳主力以一人火鍋為主，有幾款鍋底同飲品可以選擇，每個湯底都是鴛鴦鍋，必定會配一個 「養生菌菇鍋湯」小鍋 價錢大約都係＄150-250，豐儉由人 套餐包括湯底，一份蔬菜籃，肉，飲品 （個別飲品要補差價） 外面有自助調味料，小食，麵 甜品仲有手工冰粉，仙草，配料有芋圓，芋泥，紅豆等等 最後揀左昆布柴魚鍋，味道清香又鮮甜 小鴛鴦是由特選杏鮑菇、珍珠菇等多種菌菇切碎炒香後，再加入松露醬和菌菇醬調製而成 依家二人起就送鴨血，夠晒嫩滑另外朋友生日仲送上手打花枝丸，好抵食 尚青海陸套餐 英國特選級牛肩胛肉眼 油花都好靚，肉質緊嫩牛味濃郁 海鮮有鯛魚魚，蝦，帆立貝，蜆，魷魚 份量都唔少 蔬菜拼盤，新鮮得黎款式多 人氣牛肉套餐 美國特選級牛上蓋肉 朋友揀左豬肚湯，豬肚份量都唔少，湯底以胡椒為主，冬日飲用暖身一流 牛上蓋肉口感柔滑，肉味香濃

團年當然要食中菜，位於中環The Murray 美利酒店平台，人氣餐廳紅棉 知道出了「冬季嘗味套餐」 八道全新精緻暖胃菜餚 由邵師傳名廚坐鎮，真係聞名不如一試 前菜已相當吸引，美得讓人目不暇給 椒香蔥油酸薑阿拉斯加蟹配芥末兒菜 一試難忘 結合左椒香，蔥油，酸薑風味 絕對鮮美又開胃，另有一番滋味 每人一碗鮮螺頭甲魚清湯 甲魚肉味鮮美，湯頭清爽清甜 而且毫無腥味 甲魚有清熱養陰，健脾健胃 軟堅散結的效果，最適合秋冬飲用 黃燜一品燴 主菜以海參、魚肚、燕窩、鴿蛋和以原隻雞、乾瑤柱、金華火腿等熬製清湯，用上宮廷式的黃燜技巧烹煮，湯汁鮮甜濃稠，燕窩口感非常好 魚香蝦球帶子 集甜，酸，鹹，香於一身的濃郁醬汁 再配上厚身有口感嘅嫩滑帶子，爽口蝦球 很優秀！ 檸檬葉燴珊瑚黃花魚柳 最令我回味無窮嘅一道菜 將豆腐與蔬菜切成細絲，非常花心思 再將珊瑚黃花魚柳燴煮係檸檬葉汁中 搭配上蟹籽蝦膠同火腿 看似平凡，但絕不簡單，盡顯功架！ 咖喱香酥美國牛小排 美國牛小排輕輕油炸，帶有一層薄脆皮 牛小排充滿鮮嫩肉汁，再帶點印度香料味道的咖喱汁，濃郁又惹味，大家更特意叫碗白飯，掃清光！ 香煎臘味糯米飯拌蔬菜 秋冬食品，除了暖身首選蛇羹外 一定有臘味糯米飯 糯米飯煎到脆口，香而不油膩 糯米軟硬適中 最後更有狀元茶湯丸同雲腿酥 狀元茶非常足料，以桂圓肉、百含、蓮子等燉成溫潤清甜的養生 雲腿酥 有濃郁的火腿香味，油而不膩 仲有紅棉招牌甜品 山楂卷同芝麻卷 各有特色，山楂糕酸甜有助解膩 芝麻卷亦唔會過厚，芝麻味濃 也是絕對不能錯過！ 每一道菜式都會令大家驚艷讚賞