香噴噴串燒 X 芝味丁丁
By ✪ Miss H’s ®eview ✪

星期五晚約了朋友食late dinner，平時有時經過呢度比啲香味同人龍吸引，決定今日試試佢－到達storefront時係10點，裹面竟然人唔多 （平時都多人！），原來10:20入座有85折！於是我哋行開睇啲嘢，10:25番到嚟，己經滿座了 -_- 竟然係咁！！明明只係下一張，但都等咗20分鐘先有得入去，因為始終入面唔大，雖然住喺香港應該慣咗等，但20分鐘不斷聞到陣陣串燒嘅香味，真係腳仔軟晒

環境服務 6.5/10
裹面唔大，桌同桌之間係迫，仍有啲煙油味，不過睇得出已經盡量抽走油煙，始終舖仔唔大，串燒亦散發大量油煙，冇計啦... 唯有期望加大間舖多啲位大啲個廚房   味道 8/10
未上菜聞到的串燒味已經超期待！估唔到係芝丁嚟先喎..以下係部分叫咗嘅食物...
總括係好食，但有某D嫌唔太夠味，可能我本身重口味，同埋枱上調味料麻麻地...

安安秘製三重芝士撈丁 $44 
9.5/10  － 從未如此高分！聲稱係blue cheese, parmesan 同cheddar秘製而成，果然十分'芝味'，好濃郁cheese，3種芝士嘅特色互相配合，texture smell同taste都天衣無縫，呢個我激讚！老闆亦唔姑行，放足芝士醬，份量剛好唔會太heavy. 


惹味蒜蓉生燒茄子 $38/份
8.5/10唔知點解燒原隻茄子永遠都咁好食！熱辣辣咁逐條絲出嚟，夾埋蒜香同椒粒，好鮮好辣咀好夠口癮 但係得攞唔到1.5分在於我覺得唔夠味，可能本身食得濃味，如果重味啲岩我食啲... 就算我加咗桌上面嘅味都好似格格不入....

燒清香翠玉瓜 $13/份
9/10本身唔打算叫，見隔離位個碟好厚切好靚仔又平，於是叫咗－好彩，唔係就走寶喇！首先超級厚切啦，勁juicy，唔臭青味，好新鮮瓜味，加少少grill味，原來好夾！食落好健康添，不過我仍然覺得可以重口味啲.... 

沙茶醬魷魚仔 $39/客
7.5/10呢味都好食，用料新鮮，沙茶醬唔太入味可惜，但當溝住嚟食都十分唔錯。墨魚仔好爽口！

串燒叉燒肋排粒 $19/串
8.5/10肋排粒嘅脂肪同肉同骨比例好好，叉燒醬好入味，連肉帶fats一齊食真係賞心樂事.... 好食呀！

甜密脆脆燒－棉花糖夾餅 $13/客
8/10另一個招牌菜，marshmallows燒到外脆內綿，甜甜地黏黏地，加埋爽脆少少烘過嘅餅好食，但上面嘅朱古力醬冇味嘅？

麻吉年糕燒 ＄18/串
7.5/10唔太知咩嚟（見識少），個名幾正所以叫咗lol 有啲魚蛋feel做exterior，內面係小妹最喜愛最軟綿綿又chewy嘅年糕，份量岩岩好，可以好似mozzarella 咁拉好長好好玩又好煙un. 表面燒得幾香幾脆，本身舊嘢夠味。

川式麻辣燒扇貝 $45/4隻
5/10個人較鍾意食辣所以叫咗呢個，不過個麻辣唔太出色，啡色戈舊醬好杰身好甜，疑似蠔油，令整個口感，辣味有，但唔算麻，亦唔香，吊唔出扇貝味呀 有點失望！

皇牌燒牛舌 $34/串
6.5/10同行戈位話好食，但我覺得唔夠juicy唔太香...乾身囉但調味粉係OK嘅..
 
燒超美味一口甜薯 $22/串
7/10好味，因為本身呢隻甜薯好味，佢只係燒燒下...個分係比原材料的...


價格 8/10
unit price唔算貴，材料新鮮，所以都值，尤其係宵夜時段有折扣...抵！但如果幾個大食麻甩佬食可能都會貴d lol 好彩我地唔算大食! 以下係部分價目表。 Conclusion: 燒烤味真係好香，材料靚，唯獨係店較細迫夾，同埋有煙，桌上任加的調味料都可改善，因為有人鍾意食濃味啲（我）。丫重要－辣味可以做得好啲，四川啲嗎？

再嚟嗎？
嚟呀！依家諗起都好掛住陣BBQ味！下次我帶樽salt去先..

好味斑蘭蛋糕vs奇特葱scone

By ✪ Miss H’s ®eview ✪

一天平日嘅afternoon tea，選擇咗cedele，因為一直都聽過唔錯，普通一間cafe可以食吓嘢傾吓計，location又方便－都係大概咁樣啦，因為始終上環好多食肆好細間冇乜空間坐咁耐。

環境服務 6.5/10
正如方才所講，幾chill，唔嘈，裝修幾modern，落地玻璃令到connaught road central嘅景色䀆入眼簾，亦有充份日光透入嚟，本來幾好，但衰咗一樣本人好討厭嘅嘢.... 有flies.... 起碼撥咗2隻...雖然可能係weather問題，但希望呢方面留意下因為可以disgust到食客...

味道 7/10

all day brekky 7.5／10
最鍾意係個scrambled eggs，好滑好香有少少蛋汁混合埋一齊，熟度岩岩好，雖然夠滑但亦唔會冇晒蛋味 ！腸仔煎得香，不過唔算juicy，將貨就價吧！bacon幾脆同埋份量OK，雖然個人唔鍾意太燶。mushroom細細粒，但好好咬口，好新鮮有爽脆感，配合少少汁，好食呀

tea set for one 5/10
呢個麻麻哋... Sandwich普通味，入面幾夠料只不過用料唔太新鮮... 
scone..一開始講笑話啲綠色點點係葱，諗住應該係斑蘭／綠茶，點知原來真係葱... 葱味scone我真係第一次食.........我從來覺得scone應該好buttery, served with cream and jam.... 呢味嘢顛覆咗我嘅concept! 食落去咸咸地，葱味，有啲覺得自己食緊葱油餅... scone本身冇乜味亦唔香，令成舊嘢比葱主導晒.... 口感亦唔多好... 只食咗1／2啖，其實不如整番隻正常buttery scone啦！
隔離係自選cupcake可以喺出面揀－mocha/cookies cupcake...cake底尚可，上面的cream普通，整體嚟講好食過前兩樣嘢....
斑蘭蛋糕 8/10
失禮晒，查實本次係我首次食斑蘭蛋糕，平時見佢青BB好似wasabi咁嘅色，驚好大陣草味所以一直miss咗呢樣原來咁好味嘅嘢！呢件蛋糕做得好細緻，有好多層，cream同cake夾得好好，口感好幼滑唔膩，斑蘭味好香（一啲都唔grassy架原來！）夾雜嘅甜味都好香！
Mocha  7/10
唔錯，個咖啡OK，有啲香味；個look都present得唔錯.. 價格 7/10
正路cafe價，都坐得OK...不過唔recommend叫個set, 唔抵又唔好食，相反啲蛋糕好味亦抵！
Conclusion:
幾舒服嘅cafe, 如果杜絕蚊蟲做得好啲，tea set做得好啲，會upgrade! 

再嚟嗎？
會！可能嚟外賣個斑蘭蛋糕，或試其他蛋糕 但tea set咪搞我了。

飄流到港肉燥飯－平平無奇

By ✪ Miss H’s ®eview ✪
有日行過見到個牌面幾有特色，喺周圍林立嘅茶餐廳中有啲唔同，於是喺storefront睇－原來係做台灣肉燥飯，仲聲稱係從台灣本店開設呢間香港分店，好似幾original咁－冇所謂吧就試試佢。

環境服務 6.5/10
望落去幾新淨，座位舒服，亦牆上海報有啲店舖起源史同台灣飲食文化，都幾有台灣feel嘅... 同時有個open kitchen仔比我哋睇到有d waitors執緊肉燥同配料，不過真係嘅kitchen即係包括爐同火就係廚房入面嘅。 
味道 5.5/10
本住係台灣authentic風味嘅心態，可能有啲expect多... 因為end up發現唔似台灣肉燥不特止，仲未平時香港食嘅都不及... 不過佢寫住"台南肉燥"，可能在台北台中食慣，會有唔同啦；即使如此我覺得呢種冇咁好食...

台南肉燥豆腐飯 比起平時嘅肉燥，最大分別佢有好大pat汁, 有啲thick同稠... 個口感老實講唔太岩胃口，令到個飯好濕，但汁醬本身冇乜味，少少甜甜地咸咸地，冇肉香味，亦係因為呢啲汁somehow蓋咗啲肉燥香味，點講呢...有種好奇怪感覺, 好似淋熄咗肉燥戈團火咁...  啲豆腐冇乜豆香，唔太滑...

奶蓋綠茶一句講晒－冇貢茶咁好飲。個奶蓋欠丁點酸味同唔夠企身唔夠滑身....綠茶都唔香茶味，淡。

仙草綠茶仙草OK，幾滑幾好味，但同樣問題奶茶唔得，佢個茶底唔掂...

價格 6.5/10
Featured假日lunch set $39一個，其他飯都係$39/49，加$5有台式飲品，平嘅，只不過我覺得佢嘅肉燥唔好食，飲品都好普通.... 抵唔抵就見仁見智。Conclusion: 平平無奇，肉燥同飲品可改善。但支持小店，比OK評分。

再嚟嗎？
未必...啲肉燥同飲品有更好味嘅選擇，不過我諗佢嘅鹽酥雞幾好食，好多人叫..

Gimmicky同interesting 但味道普通

By ✪ Miss H’s ®eview ✪

Next Station長守openrice 排行榜位置，又見唔少media coverage，於是吸引咗我拉咗一行四人去試下，不過大家好似覺得頗為普通.... 唔..唔通呢啲名氣都只stem from PR功力...? 

環境服務 6/10環境冇乜特別，甜品店一間，冇乜特別裝修－如果花少少心思整個靚少少同有番個theme我諗成個dining experience會可以got lifted. 門口望落去唔大，但入面仲有啲枱同位，所以我哋4人都唔洗等位。服務普普通通啦.... 幾個後生仔，又冇乜介紹menu上嘅嘢..

價格 6.5/10
大概$50-65一個甜品，中上價錢，唔知算唔算貴，因為冇得點 '比較' － 呢度嘅甜品出面罕有啲。不過如果對比我心中覺得好食嘅甜品（雖然係serve較typical嘅甜品)，我諗佢算貴咗少少，反正份量唔算多。

味道 6.5/10

Test Tube 3/10Next station嘅招牌菜，但枱上四人都唔太喜歡。
係幾有gimmick但味道麻麻同有啲mismatch... wasabi青瓜刨冰，唔太食得出wasabi... 個味太清（主要係青瓜味加啲糖水）於是大家食咗一兩啖都冇乜興趣... 如果加啲醬spice up 會好啲.. 
中間係Earl Gray奶凍加espresso －普通咖啡奶凍味，唔點impress到大家... 朋友話啲質感好怪.... 
右係Wine jelly, lime mousse, 薄荷啫喱 － 冇乜特別味咁；除咗有人話太酸，我反而唔覺酸，但冇乜香味只係甜同酬味....
賣相唔太visually interesting, technically speaking亦有啲難spoon the dessert up and eat.... 
所以得罪了呢個唔太suit our tastes..

暖朱古力泡沫 6.5/10個人嚟講OK，暖暖地加埋入面有啲Cream、crisp，以及strawberry ice cream同brownies，好多層次同味道－interesting嘅，但唔filling亦唔多... 食過其他類似嘅甜品, 人地好似大杯啲, 多唔同口感味道嘅饀架...

芒果pancakes 6.5/10
幾長，夠芒果肉，唔算多cream (thanks god!!) ，入面放咗啲朱古力脆脆，增強口感，仲有雪糕同少少crisp喺隔離，呢個大家都OK滿意。
綠茶心太軟配綠茶雪糕 8/10大家最滿意嘅一個甜品。朱古力心太軟食得多，但綠茶都做到，原來好好味！好香綠茶味但又唔會苦gip，sauce流到出嚟，而且好濃好甜好rich! 仲可以加埋紅豆食，好夾呀 個cake本身都鬆軟同香。不過個綠茶雪糕行咗啲，唔太夠味...

Conclusion: 本身有啲期待，因為all over media...但味道冇想像中咁得意，令我有啲disappointed係Test Tube! 但仍然係一個飯後甜品地方之選

再嚟嗎？
附近有好多options... 我覺得去其他都差唔多，不過呢個綠茶心太軟可能會係再嚟嘅原因！

Sunday蠔食海鮮semi buffet

By ✪ Miss H’s ®eview ✪

我本身喜歡食生蠔同raw seafood，但香港嘅蠔好似唔多新鮮，亦唔太抵，去過唔少酒店buffet生蠔都係唔太新鮮，款唔多，同埋侍應一拎出嚟全世界走去搶，搶剩啲灰灰黑黑嘅options.... 睇食評見呢度啲食物相唔錯，亦主打raw seafood，於是趁今日特別日子去試下。

Langham Hotel雖然唔算香港數一數二名牌hotel，旗下餐廳亦唔係朋友之間會提起嘅resto之選、非雜誌網上瘋狂追捧之選，但真心覺得係值得推介嘅hidden gem    

環境服務 7/10
廳堂OK闊，以酒紅色為主嘅設計，有sofa座，枱與枱之間有距離，坐得好舒服；當日只坐咗1半，寧靜同relaxing係我對呢度嘅impression，可以比我哋傾吓計感受吓氣氛；同埋food supply唔會過少，唔會儈多粥少，食客係咁搶－係我最驚食自助餐一大原因！
呢個環境好岩情侶嚟 
但奇怪係服務我覺得麻麻.... 又唔係冇禮貌但好似唔多理我哋，橙汁冇晒都要自己斟.... 

味道 7.5/10 (8.5 for buffet food; 3 for main courses)

Bread 7/10先上面包，本身唔打算食，但試咗一啖之後忍唔住食咗一塊，個皮好脆（似係烘咗banguette嘅脆感）但完全唔硬，唔會整親咀仔，面包好林好鬆軟。

Wild mushroom soup 7/10好creamy，mushroom is well and freshly blended. Good aroma.

HIGHLIGHTS of the day - Fresh seafood 8/10
海鮮放晒喺冰鎮度，感覺好鮮同埋好乾淨，放得整齊，亦唔會食淨好少－揀淨庶咁.... 只係夾緊嘅時候已經覺得好食加咗分！

Oysters x 3 kinds Big fan of oyster的我見到已經流晒口水8分係以香港嘅蠔嘅質素嚟打分，真係算唔錯，仲要任食！
有三種蠔，左 NZ 中Holland 右 US；一眼望落去，目測後已覺得幾fresh幾靚仔，好豐滿好白好waterful。專揀最肥美嘅嚟食！我諗總共食咗1打半  好抵呀！
3隻食落去都fresh，本身食慣澳洲蠔所以較喜歡oceania嘅蠔，左面NZ呢隻較岩口味，入口好smooth好爽，少少fruity feel. easy to eat 食多幾隻都no problem!
Holland係最大隻，海水咸味較重，啲skirt位冇咁實肉，因size夠大關係，我都好like.
US呢隻幾creamy，不過個人覺得少少苦！

Lobsters Bostonian - 當然少唔得lobsters 劏開晒一半比冰鎮住比我哋揀！每隻都係bright橙色，令身的！
有啲超多膏，有啲少啲－任我揀 咁梗係食多膏  加tabasco中和海水味，超夾，啲肉好爽脆，一絲絲的味道超好！吞了2隻－其實好飽肚

除咗呢兩樣之外，seafood corner仲有螺、長腳蟹、蝦、青口，都新鮮的


Cheese platter 3/10
本身愛硬cheese，呢度幾種我都唔鍾意；個人口味可能，但我覺得strong得濟同唔香。


Salami & Ham 5/10
standard嘢啦，幾乾淨
鴨肝多士 5/10
由於冇乜人拎，放到有啲涼，相信新鮮整起好食啲。有啲油不過意料中事，個鴨肝熟度OK但唔夠香，多士太油太脆冇面包味－雖然如此我都係食咗足足5件 
Nuggets and chips 8/10數下一樣最鍾意係nuggets and chips (竟然！）；炸得岩岩好，唔太油，好岩味道，好食過mcdonalds好多，唔...好似唔應該咁樣比...

自助餐area仲有其他如煙三文魚、eggplants、suckling pig （全體任你夾！）、salad bar、焗蠔....


Main course.....
有7 樣嘢揀，we seemed to have made wrong decisions...

Stone Grill Sirloin 2/10
圖中可見，啲tissues嘅 density太高，冇乜脂肪喺肉入面中和，所以即使叫了medium rare，啲肉都超實－連切都有難度 -_-... 而且成舊肉冇牛味的，底面都唔見得有grill味，失望！可以source啲靚少少嘅牛... 依家好似將舊冇靈魂嘅肉放入口，𡁻成分鐘  或者可以練V面...Roast Spring Chicken 4/10
普通燒雞，但啲皮唔脆又好濕，皮上嘅汁又唔特別好味... 亦唔似汁煮slow cook嘅texture....啲肉雪得多，我諗食材麻麻，但至少都好食過sirloin... 同埋我幾愛chicken peas！食物價格 7/10$588 任食以上海鮮同hot food, 加一個main同一杯嘢飲； 又唔限時又唔迫、冇人同你搶嘢食，亦靜靜地，其實都reasonable  尤其當諗起食咗好多oysters lobsters... 哎呀講起依家又想食了....
Remarks: 我哋用咗openrice 25% off coupon － $1000埋單 兩個人 

Conclusion: 可以喪食蠔同lobsters（新鮮），dining experience一流，愛seafood嘅人好岩；只係main course真係唔多得，唔一定係廚師問題，我哋都覺得係食材揀得唔靚.... 

再嚟嗎？
蠔癮發作時一定嚟，雖然都唔算話好平，比起其他自助餐，hot food選擇都唔多，但oysters lobsters夠加晒分；但一定唔會再叫呢兩個main courses!!! 

茶檔驚喜平民雞翼

By ✪ Miss H’s ®eview ✪ 

本身甚少食茶餐廳，因為怕啲嘢油同多汁，好易食得好飽滯，我腸胃麻麻地...加上有時環境唔太乾淨。不過今日心情唔太好，午飯時間，冇idea食乜，周圍行行吓去到上環市政大樓，求求其其入咗呢間茶餐廳。
望望餐牌，燴飯/意粉/米粉拼任揀嘅餸—扒/雞翼/腸蛋/餐蛋etc... 係一啲平時唔食嘅嘢，今日explore吓give it a go!

原本imagine雞翼會係2/3舊縮晒水煎燶晒乾晒嘅翼仔， 之但係行過見到有顧客食緊雞翼，竟然係大大隻全翼，仲幾金黃色同啲汁幾靚，好啦雞翼先生您win..

味道 8/10

雞翼豉油汁意粉 $26雞翼真係幾大隻，首先一定好味過大部分茶記同連鎖快餐店，唔會炸到啲肉實同燶晒，唔厚粉唔係deep fried ；新鮮整起，個醃料個味調到岩岩好，唔覺超強味精，sides係脆脆地，入面肉嫩Juicy同啲油mix埋好正。
反而有啲失望係個汁，色水靚，但係好似冇乜味，連老抽味都冇乜！有啲好奇咩構成咁深色，不過如果佢咸少少，多啲豉油豆香味、老水或瑞士汁，可以提升全個意粉—可惜依家只係提升到.........個look..lol 好在意粉質感ok, 唔痴唔硬唔過軟。

賣相比我想像嘅茶餐廳食物image好，講真如果佢改下個靚碟，改個靚名，加個國家名，例如「馳名秘制（瑞士）汁雞翼意粉」，絕對上到名牌餐廳的枱，賣貴2-3倍。

茶 $0老闆超忙落柯打同遞餸，分身都不暇，但仍然中途好體貼地：「比杯茶您丫呀妹」，其實大部分人有叫嘢飲，佢都留意到我冇；雖然當時已食到一半，覺得好窩心呀，起碼佢唔嫌棄只做得我$26大元生意咁少！

環境服務 6.5/10
市政大樓嘅茶檔環境都係咁啦，圓枱同人搭枱，窄窄地，呀姐大大聲咁，坐一陣食個飽飯咁都冇問題嘅，都係貪佢快同平姐！不過由於上述提及嘅一杯溫暖嘅茶，加咗分！

價格 8.5/10哇唔好玩啦，$26一個（改名後）「馳名秘制汁雞翼意粉」，大大碟，簡直超值啦—一杯咖啡都唔洗嘅錢，上環午市，即叫即做，what else are u looking for?

Conclusion: 本身真係冇乜期待，只諗住求其搵啲食物stuff吓個肚就算，但竟然比到驚喜我呀！令我有啲對茶餐廳改觀，唔係淨係serve d炸到燶晒細細舊肉大大pat落飯面，good discovery!

再嚟嗎？
好，可能遲啲先，因為始終今日食完有啲覺得好頂肚少少滯，但會再嚟，因為好好味—但下次會試雞扒，睇落好大塊好靚好多人叫！

PMQ悠閒3-courses好時光

By ✪ Miss H’s ®eview ✪

工作喺PMQ附近，久仰Aberdeen street social 大名，於是今日lunch拜訪一下。

環境位置 7/10
甫踏進餐堂覺得好relaxing同時有啲西式懷舊嘅vibe，餐堂有唔少classic黑皮傢具，亦有吊扇同吊燈增添感覺。我都幾喜歡呢種悉心設計，唔一定要金碧輝煌，反而咁樣friendly好似令您好想過個lazy afternoon咁   lazy岩晒我。Service都幾好，waitresses好有禮貌。

Lunch set可以揀2 or 3 courses。

味道 7.5/10Octopus, ink, aioli, shimiji (other choices: pumpkin soup & asparagus)
作為八爪魚big fan，毫不猶豫就選擇呢個，啲八爪魚食落好夠脆有咬口，唔似一啲餐廳會serve d過稔冇口感的八爪魚粒，啲香料味同少量橄欖油調得好香，可以提升到鮮味。個賣相亦好靚，粉紅色外表彷彿話我知應該醃咗一段時間，同碟上其他食材好夾，無論賣相定味道。黑色的墨汁脆脆，有蝦片咁脆，超開心－一碟salad點都要有啲crispy嘢中和吓開心吓。其他菜都好新鮮，配個醋汁，good!24 hours lamb, potato
完全唔食羊的我今日竟然揀咗lamb，可能因為其他main choices (sea bass & risotto) 我興趣不太....
呢個羊髀外層稍煎過所以特別香同索晒汁，而入面啲肉好軟好稔，紋理好靚，因為係慢煮，煮得medium rare岩岩好，切嘅時候有少少血水，好有羊味—其實都有啲羶味，不過呢樣嘢好主觀，我係少少味都食得出，但佢比較之下又唔算好羶。個汁有啲蜜甜味，好醒胃亦蓋到少少羊羶。雖然最後我停咗手，但仍然好滿足—全因為佢嘅side，話說我係個potato精，超愛食薯製品；今次佢係一層層薄切薯片疊埋一齊，煎好兩邊，只係咁就已經超好食，外脆內軟，好濃薯味，雖然有啲油但咁先做到咁香！難題係食嘅時候究竟打橫定打直拮落去呢？Granny Smith: Caramelised apple “lasagna”, black honey ice cream, hazelnuts
甜品時間，揀咗是為著好奇，apple點整到lasagna？答案就係5分鐘後揭曉咗—係兩小舊層層疊嘅超薄切蘋果片，食之前我研究咗好耐，究竟刀功要幾勁先切到咁薄呢？究竟有幾多層？蘋果片仍然keep到蘋果嘅甜味同鎖到好多天然蘋果汁，加上層層之間嘅cinnamon，會食得好開懷因為佢比起其他甜品light好多，冇dairy products材料，食多幾舊都得。不過咁light未必個個鍾意，對我嚟講都ok，反而我較鍾意旁邊好crunchy嘅hazelnuts。甜品rebut
食完apple lasagna以為要走，點知店員仲拎埋complimentary treats過嚟，一望入面嘅sweet treats，心已被俘虜！最鍾意dark chocolate ganache 同peanut butter ganache，入面好軟入口即溶。love this little sweet surprise! 

食物價格 7/10
2 course 238
3 course 288

係呢頭食set lunch多數$180-200埋單所以佢算高於average，不過佢有自己嘅unique selling point，食物精緻同賣相均有設計，又有最後的甜品送，廳堂亦都係特別，有佢嘅價值。

Conclusion: 有地理優勢，可以比嚟PMQ嘅人食個悠閒下午茶/午餐，整個dining experience 好舒服。


再嚟嗎？
唔錯，lunch可以再嚟，但希望餐牌如果可以occasionally 改吓，咁就可以keep住嚟，因為我都係唔太ok羊羶味，如果有新main，我會想試；甜品都係，有啲新嘢會好motivate我再嚟！

放低Afternoon Tea陰影

By ✪ Miss H’s ®eview ✪

母親節嚟咗食下午茶，平時去開IFC le salon飲coffee，唔知原來海港城都有分店：）都係上網search afternoon tea先知，於是即刻拖媽咪去。門口都係紅紅黑黑，帶啲神秘西方嘅感覺，去到等咗15分鐘到就有位，好彩唔洗兩老等太耐，不過分唔到窗口位，如果下次輪到就好啦，可以望出去harbor.

題外話 (點解題為放低afternoon tea陰影？）: 我足足成3年冇食過afternoon tea，因為曾經有不快經歷 .....就係喺澳洲被迫3日內食咗5餐afternoon tea （因為當時要趕afternoon tea專題稿），唔到你唔信，自此我對人人覺得好好味嘅afternoon tea有了phobia lol.... 不過都係時候放下「心結」了，重新上路食tea!!! 

環境位置 7/10
喜歡呢個color combo，好係佢既signature，一睇就知係robuchon系列，入面都幾乾淨，好chic modern的感覺，枱之間距離唔算多，勉強啦始終舖租貴，明既！如果獲分窗口位，應該高啲分：）服務冇乜，中規中矩。

味道 7/10

overview of the tea set $ 470

0

overview of the tea set $ 470

上層 – scones
兩種味道嘅scone，本人係scone的 super fans，所以全個set最期待呢四舊仔嘢；質感ok鬆軟，個面有足夠的密度同硬度，咬落去唔會鬆散晒，不過味道上爭啲啲，唔夠buttery唔夠香，同埋可以fluffy 少少！芝麻味唔太出，鍾意原味多啲。啲jam同clotted cream幾好味。

upper tier

0

upper tier

中層 – savories
Mini croissants: 唔特別新鮮，唔太香，似係入貨，冇驚喜。
Foie gras and mango jelly with ginger: 反而幾吸引到我，個鵝干凍都做到有個唔少嘅香味，加埋mango中和膩感同咸味，連埋個底同魚籽，整個味覺好well mixed and rich.
Salmon tartare burger仔: 中規中矩，啲tartare幾香，三文魚唔多，但成個份量岩岩好，比您留番空間食下層。
仲有Eggplant roll on olive focaccia 同 Cherry tomato stuffed with tuna mousse and avruga caviar，普普通通味。

savories in the middle

0

savories in the middle

savories in the middle

0

savories in the middle

下層 – pastries
比較之下覺得下層比較正，不過pieces by pieces有啲參次。
Mango and Passion fruit chocolate ball: 賣相好得意，朱古力波波—底下係一塊牛油餅，啲朱古力波入面係passion fruit purée，係好常見嘅夾心朱古力配搭，外面濃香滑嘅朱古力皮加refreshing清甜嘅purée，味覺甜而不膩，上面仲有啲醬多重口感。精緻嘅除咗呢個之外，macaron apple with caramel sauce都好eye catching，一開始見綠色仲以為係開心果－入面caramel好甜絲絲，又有少少thick嘅質感，加埋有啲咬口的macaron底，再帶啲清甜蘋果味，同樣唔膩而且好夾，最緊要唔好awfully sweet囉個macaron!
chocolate brownie本身打算放棄嘅, 只因太飽，同佢嘅賣相比較冇咁突出，但後尾試咗一口，雖然冇乜朱古力味講真，但發覺上面好nutty & cripsy，襯托出下面舊普普通通嘅brownie。有驚喜！
Raspberry mousse 正常味，subtle甜甜地咁加埋soft蛋糕地，都ok。仲有，Coconut mousse with exotique sauce略嫌太creamy，雖然有啲sauce中和但個人麻麻地...好多cream..
之後orange with almond chocolate dip同madeleine，同望落去expect嘅一樣味…..
Hot chocolate
佢嘅質地望落去一啲都唔thick，但味道就係thick 2倍嘅drink chocolate味—我故意叫之前問係咪溶朱古力沖，因為如果只用朱古力粉加奶一定冇呢個效果！好香滑濃郁，未食任何嘢前飲真係好enjoyable，當朱古力味喺口腔徘徊同攻佔味蕾時簡直有少少幸福嘅感覺∼喺香港唔易搵到咁好味嘅hot chocolate! 但問題係當食到甜品一半時，開始會heavy... But this has nothing to do with the drink itself! 因為真係好好飲，下次只飲嘢一定叫，如果tea set，可能都係latte岩啲，不過呢個真係值得一試！ 價格 6.5/10
Afternoon tea set 界別中，呢個價$470 for two中間啦，景又未到高層餐廳咁靚，環境亦冇酒店咁空曠同別緻，如果食物好食啲我會覺得抵。 Conclusion：個人嚟講覺得嘢食亦唔係特別impressive，有幾舊做得幾細緻，如下層的朱古力波同apple macaron，但我心中嘅main - scone未合心水，savory嗰啲亦有改善空間。曾在澳洲食過好好味嘅buttery fluffy scone，亦有和牛sandwich，有啲仲有a series of macarons 同ganache，唔知會唔會參考呢？

再嚟嗎？
一定......係過嚟飲佢杯濃郁朱古力，但afternoon tea....香港嚟講我還在discovery stage，想試埋其他先決定會否再嚟！但暫時嚟講想去酒店tea先...

Thirsty for Dirty

By ✪ Miss H’s ®eview ✪

呢間coffee shop新新地，上年開檔時喺ladder street派傳單，話咖啡好正宗好靚，我當日仲試飲咗一細shot，飲咗人一啖嘢，今日我終於過嚟光顧喇

環境位置 7/10
位於成街放滿古董嘅摩羅街，好估您唔到咁有間cafe，個contrast幾得意，好似有啲藝術感feel，橫跨古代同現代、視覺味覺嗅覺嘅不同刺激，成個combo有啲怪但搞笑得嚟好似又幾特別。就因為外面咁interesting，於是試下佢啦—決定坐出面，感受吓摩羅街嘅古董風味。order時影咗少少裏面，其實都幾cozy  味道 7.5/10 

Dirty $40
本身冇idea飲咩好，諗住都係latte/flat white，望吓coffee list，見到一項叫dirty嘅嘢，佢又唔屬於hot又唔係ice，好好奇於是我叫咗，即使佢唔可以跟tea set。侍應姐姐話呢種飲品係Melbourne傳入嚟—吓？點解我之前住果邊時冇聽聞過既！（Very oddly, 事後我google 'dirty coffee' 都冇revelant result...)

做法係－底下~50%係凍鮮奶，上面double shot espresso，於是形成marble狀，連埋好靚嘅花花透明杯，成杯嘢好精品呀！ 我平時少飲double shot，都怕難入口。第一啖飲，出奇地唔苦，只覺得陣咖啡香味由口腔通去食道，由鼻通上埋去腦，好醒神呀！啲豆真係炒得好香又唔酸唔苦，至於佢嘅溫度都好得意，因為果兩shot嘢熱，但下面係凍奶，really interesting contrast！下次我都要再飲呀 Strawberry waffle with caramel sauce $75
食呢類型waffle with sauce 好似喺香港hit咗排，喺我眼中其實都係一舊waffle加水果同汁，係being presented in a nicer and prettier way... Visually佢係幾靚幾整齊，好對稱幾唯美，雪糕、士多啤梨、cream同caramel 係just fit個餅底，加多咗啲分—哈哈！味道okay，熱烘烘脆卜卜嘅waffle配以上嘅配料，頗夾—不過由於唔夠caramel，所以食唔出，下次如果可以慷慨啲就好，雖然我bake開嘢都知caramel syrup係幾貴。
題外話－岩岩睇番之前其他食家2014年post同一個waffle嘅相，老闆應該improve過個look & presentation，依家好美觀，知道老闆有不斷改善嘅心－加晒分啦！ 價格 6.5/10
standard cafe price.. 冇乜特別啦.. 如果叫tea set 會抵啲。

Conclusion： 價錢OK，環境係幾特別，但對於經常來往呢度附近cafe 嘅我，會鍾意上面一兩條街嘅環境，relaxing啲清幽啲，古董街始終欠缺少少lazy afternoon feel，但係呢，我係會再嚟嘅，thanks to Dirty 講講吓依家想落去飲番杯添.....

隊個部隊鍋做午餐

By ✪ Miss H’s ®eview ✪ 

星期五，同事講笑想食火鍋做午餐，我呢個邊爐fans被佢撩起條引，於是搵到呢間韓韓館，決定隊番個部隊鍋先—其實午餐食鍋，聽落去真係好似lavish咗少少，時間嚟講... 但原來都唔少人同我哋一樣咁lavish lol
由於店舖都唔算大，而且食鍋要咁上下時間，就算我哋12:10到，前面得兩group人等緊，我哋都等咗近半小時—可能大部分人都岩岩入座啦。

環境服務 6/10
由於間嘢都新新地，啲裝潢都新淨，外觀上就普通啦，冇乜特別感覺。侍應後後生生，冇乜特別稱呼。味道 6.5/10
Complimentary前菜 ＄0
有驚喜！泡菜味道好refreshing，爽口又唔係太濃味但夠入口（好驚果啲一大pat冷冰冰極濃醬pat上去），酸度just good；啲芽菜同綠色菜有啲麻油味，都係好爽好開胃呀！真係超鍾意！牛肉卷 ＄48
味道有啲普通，入面嘅牛肉唔太出味，仲有喺饀有：蛋、紅蘿蔔、酸瓜、青瓜同啲甜甜地嘅汁。最好味反而係啲飯，幾chewy，同日本壽司酸啲凍啲林啲嘅飯係a good contrast.韓式豚肉鍋 ＄138
一拎出嚟－哇！好滿呀！
用咗近15分鐘先滾，比想像中耐，不過it's Friday, no stress at all!
湯底稍甜咗啲，可以savory啲，一行三人都覺得唔辣，叫佢加辣汁，之後啲味濃番少少，但係啲汁偏甜，我哋鍾意酸同辣啲啲。

豚肉幾多塊，但雪到啲肉冇乜味，啲fats都冇味；唔可以浸太耐因為會老，但岩岩熟啲肉就唔入味，所以點整都唔太好吃其實...
年糕幾chewy，但煲咗成個鐘先岩岩林，仍然唔入味..
大量椰菜，本身係一樣我唔fancy嘅嘢。呢度啲椰菜好厚好硬，mainly菜頭，仲難林過年糕 - can u imagine that -_-" 我食過幾塊都硬過石頭

仲有其他餸，冬菇、火腿扒、午餐肉、烏冬、腸、韮菜、翠玉瓜、金菇、紅蘿蔔。幾多嘢幾開心！韓式湯最岩公仔麵！所以追加咗泡面$15，煮到入晒味，有少少杰，正！食物價格 7/10
坐咗成粒鐘有多，有成個鍋比您，12樣餸，亦有幾好味嘅前菜，水仲任斟，中環嚟講真係幾好價！3個人咁食，每人＄90炸！！！（我哋roughly work out過平均一日午市每枱最多做到2-3枱，唔知得唔得make the ends meet呢）
Conclusion: 味道雖然唔係fantastic，因為甜得濟唔夠辣同椰菜太硬，但overall都唔錯，坐得耐價格抵同有得食鍋好開心lol。不過下次要早啲到secure張枱。