今日一行五人去試，因為試業期間，暫時只有午餐供應

味道唔錯，份量剛剛好

所有午餐都有三報前菜 - 手拍青瓜、大豆芽菜同埋菜寶

牛肉麵 (好似叫清湯牛肉麵)，湯底好香藥材味 (當歸味)，同事話食落唔重口味，而且係藥材牛肉湯湯底，係幼上海麵

五香牛肉麵，湯底好香花招八角同有少少藥材味，同事話唔辣但好香，呢個係配關廟麵

台式香腸飯，係正宗台式香腸，輕烤過，香腸味道比喺小食店賣嗰啲無咁重口味，係跟肉燥飯

台式排骨飯，炸得剛剛好，而且餐廳有椒鹽供應，係跟肉燥飯

嘢飲就有綠茶、阿姆薩茶、珍珠奶茶三款選擇 (全部有冷、熱選擇，可以自己寫走甜/小甜/小冰之類，我見佢都有跟足指示做)

我本身係排骨飯，$68 (無加一)，好味道價錢亦唔貴，唔錯!

當日叫咗兩個嘢食，一個係芥菜魚腩湯飯 ($38)，一個係雲吞河 ($28)
個芥菜魚腩湯飯湯底係用柴魚煲嘅清湯，個湯雖然清，但係個湯味都濃架
如果我估錯，個湯飯仲要係即時用柴魚湯由生米煮成湯飯，
份量都好夠，食完一個湯飯已經夠晒
對我嚟講唯一缺點係太少芥菜 (本人習慣每餐都要多菜)

個雲吞河湯底係正宗大地魚煲出嚟 (乜 上不下大 記水準)
不過缺點係，佢唔係用中蝦，而係用細蝦，如果換做中蝦會更有咬口
河粉量係一般麵檔份量 (唔係乜 上不下大咁...得一啖仔)
值得一試。

朋友喺佢地開業無耐就一家大細去咗試食，之後極力推薦要去試吓，o尋日偷懶唔煮飯，所以走去試吓

逐樣講吓先:
麵包 (配鮮牛油、黑醋) - 個麵勁新鮮，而且仲脆脆地，牛油好鮮味，我太太仲以為係芝士黎，配上黑醋我覺得好有層次感
凱撒沙律 - 菜都好新鮮、爽脆，醬汁調配得好好，真係好開胃吓
巴拿馬火腿配密瓜 - 密瓜好甜，佢用巴拿馬火腿亦唔會過咸，我將菜(唔記得叫乜名)密瓜同巴拿馬火腿捲埋一齊食...味道係一層一層出黎，再慢慢融合埋一齊，正呀
番茄黑水欖銀魚柳簿餅 - 個餅底做得好好，好脆而且夠簿(唔會有似食餅乾感覺)，成個簿餅都好好食，唯一要挑剔係銀魚柳咸咗少少囉
三文魚耳仔粉 (全名唔記得) - 一放入口...首先食到嘅係好香嘅檸檬味，之後先食到奶油味道，三文魚煮得剛剛好，無變老，呢個都好正
磨菇蓉湯 - 應該係將磨菇煮熟隔水打蓉，再加上忌廉等打埋一齊，入口就好似有一堆磨菇湧入你個口裡面，感覺超正
芒果千層 - 我本身唔鐘意食蘇皮，因為怕油淋淋感覺，不過呢個又唔油喎，佢個cream整得好好食...感覺好fresh，而且幾開胃
雲呢拿雪糕配心太軟 - 至鐘意食心太軟配雪糕，兩樣野一齊放入口，同時感受到凍同暖嘅感覺，我貪得意將裡面啲朱古力醬同雪糕撈埋...即時變硬，可見其朱古力濃度 (有啲hea嘅店舖整出黎嘅係唔得)

二人餐，8樣野，其實夠3個人食
價錢係298 + 10% 我覺得物有所值，物超所值
尤其係喺黃大仙區
附近只有鑽石山一個商場，賣hea式西餐
講真...價錢計落hea式西餐仲貴過呢間野囉

話說之前團購買左任食brunch，昨日終於就到時間去食勒

食物種類大約有30款左右啦，一行五人全部都有點來吃
總括而言樣樣都燒得好好食，食物燒到恰到好處
唔會有唔熟/生/凍嘅情況
亦唔會有過燶/熟等情況
order左嘅野亦全部上齊晒，無話拖order或者有任何甩漏
(任食/放題最常見嘅情況呢度都冇出現)

唯一可惜係無包埋野飲 (汽水$10罐)
唔係就正晒咯

特別推介係大蝦，真係用原隻大蝦燒
唔係用其他次等貨代替
牛、羊、豬雞都好嫩燒得唔錯
我平時好少會食燒雞扒，因為怕燒得過火個心會韌，不過佢又燒得好好喎...下次單點我都會叫

反而我覺得茄子就遜色左啲
可能係因為唔係原條燒，係切片啦

任食之中，無左我平時都會點黎食嘅菠蘿同粟子...可惜

埋單每人$110.00 (88團購 + $10汽水 + 10%服務費)
下次有團購我都會再買

今天第一次去食
點左兩個餐 - 煙鴨胸鹽蘇雞翼配?腸 (唔記得乜腸) & 紅酒紐西蘭牛扒(冇記錯好似係紐西蘭)配天使麵

~讚~
煙鴨胸好夠味， 比出面一般餐廳更有煙燻o既味道
鹽蘇雞皮好脆口，但我就唔多食得出佢味道
紅酒汁好夠味、入味，紅酒味會慢慢出黎
牛扒煎得好好，完全無太熟或血水出
紅米飯煮得岩岩好，唔硬亦唔軟，紅米、白米比例岩岩好
天使麵都煮得岩岩好，唔太熟又唔生
服務好，有禮貌、環境乾淨

~彈~
無問我要咩乜生果...好彩我本身唔係火龍果 (今晚得梨同火龍果揀)
梨應該切左好耐..."生銹" (影響賣相)
座位較窄...我比較大份坐得有點+_+
牛扒無問我幾多成...其實我通常食3成熟 (佢應該有成7成熟)

今餐食左113蚊
呢間野無加一

朝早9點幾單咗個輕盈早餐食
牛角包 - 好脆仲暖暖哋，唔油膩，好好味呀，有陣牛油香味 (我一向唔鐘意食牛角包/蘇皮之類)
烚蛋 - 烚得剛剛好，拎出黎時溫度剛剛好，唔會熱到拎唔到，又唔會凍咗 (蛋黃無黑邊，簡直係完美)
香腸 同 茄豆 - 呢兩樣唔多介紹啦，同一般無乜分別
奶茶 - 係正宗英式奶茶，非傳統港式奶茶 (可惜係因為我發緊燒無緣一試個咖啡)

真係無諗過會喺紅磡廣場食到啲咁好嘅野

今日同同事出去食lunch (平時都係叫外賣)
就特登去試吓呢間野

我同同事都係叫左常餐
餐肉 - 真係好有自製feel，而且無鑵頭啲咁咸咁多肥膏
蛋 - 我係食太陽蛋，蛋黃好黃，蛋黃味道都好重 (唔係街市買到嗰啲平價蛋質素)
多士 - 唔...最失敗係呢樣，如果連麵包都自製就good 晒 (其實哄得好脆，差在唔係diy)
菜湯通粉 - 呢個我就最鐘意，可能因為我鍾意 "食物原味" (我自己屋企煮飯都只會落好少調味理，而且頂多都只係落少少鹽、黃糖粉或者雞粉)

兩個常餐跟熱飲，total 116.00
講真...唔貴lor

但係必需要講嘅係，如果你係鐘意食濃味/味精，又或者接受唔到蔬菜原味就要諗諗先好去

初四晚去食三個人去食
點左:
壽司 - 三文魚、(魚立)魚、中華沙律、軟報蟹(6件)、腐皮、芝士蝦
平 (一碟兩件7~9蚊)
靚 (用料很新鮮)
正 (手握壽司飯很結實，飯是暖刺身是有點微涼，口感一流)

小菜: 牛油蒜泥炒菠菜、蒜頭帶子 (全名唔記得)
兩樣都很香蒜頭味
菠菜除了香蒜頭，還很香牛油味
帶子也很好味，整得啱啱好，唔老亦唔生
缺點係 - 菠菜份量太少....一人份而已

飯: 神風奄列炒麵飯
這個也很好味 (問題係我唔識形容)
缺點係太多油....食到一口都係油

埋單249蚊，每人平均83蚊

o尋晚同太太臨時出街食飯，行過見到先記得呢間野新開...所以去左試吓
我地點左:
燒雞肉腸 - 完全係bbq式燒腸仔 (分別係無落蜜糖)
鹽燒粟米 - 呢個幾好食，粟米新鮮而且加上適量鹽...真係好好味
番茄仔煙肉卷 - 呢個都唔錯，如果煙肉燒得乾身啲會更好
胡麻冷麵沙律 - 呢個整得好好食，份量都幾多 (女士就算lunch食都夠)
燒薯仔 - 其實係燒新鮮薯片，味道好好，不過就燒得唔夠乾身
芝士西蘭花 - 呢個就焗得麻麻地，芝士仲係收乾水
司華力腸 - 呢個都係唔特別，但係佢俾左佢嘅秘製醬伴住食，個醬都okay好食 (食家一定估得到佢秘製醬成份)
(仲有兩樣食物...但係唔記得食左乜)

total 11樣野 (另外叫左兩鑵王老吉)，埋單$165.0
唔算係平，但亦唔算貴
味道整體都唔錯

缺點可能就係唔夠多選擇 (其實已經粗糙估都有五六十樣野揀)
可能因為新開，所以侍應算係半生手
如果習慣人客一到即刻俾一杯水，就會更好 (水係要問侍應先有)
呢間野可以再去幫襯

我同太太兩個，行過見到新開 (我對上一次行過都唔覺眼開左)
咁就去試下，當時已經係12:30左右
大約等左10分鍾左加就有檯 (持應話有檯不過執唔切位喎...)

我地食左:
菠蘿叉燒包 - 好味道，菠蘿皮脆、叉燒餡夠香
麻辣燒賣 - 唔錯，不過我嫌麻辣味不足
燒賣皇 - 好味道，蝦夠鮮味
灌湯餃 - 個人覺得一般般，不過用料唔錯(真係見到好多瑤柱肉，湯都okay)，美中不足係...居然用蟹柳當蟹肉
菜苗餃 (好似係咁上下) - 菜同蝦都好鮮味，個皮仲整得好好

我見隔離檯有人叫粥叫飯食，不過...份量好似好少咁
而且，我估佢啲點心耐唔耐就轉款 (因為我去到已經無左山葵餃...等推介食物點)
呢間野真係好得 (除左價錢貴啲之外)
日後一定會再幫襯